Një aksident trafiku me pasoja tragjike ndodhi pak para orës 19:00 të së hënës në rrugën Stahlstrasse, në St. Gallen të Zvicrës. Një 44-vjeçar gjerman, duke drejtuar furgonin e tij të bardhë Mercedes drejt Zürcher Strasse, në zonën e Feldbachstrasse, përplasi një fëmijë 4-vjeçar, shtetas austriak, në një zonë banimi me kufizim shpejtësie prej 30 km/orë, shkruan Blick.
Fëmija, i identifikuar si Dardan*, pësoi lëndime të rënda. Policia dhe kalimtarët ia dhanë ndihmën e parë në vendngjarje deri në mbërritjen e ambulancës, por pavarësisht përpjekjeve të mjekëve, ai vdiq dy orë më vonë në Spitalin e Fëmijëve.
Dëshmitarët përshkruajnë skenat dramatike. Një banore e zonës tha për mediat: “Dëgjova britma për ndihmë. Kur dola jashtë, pashë djalin e lënduar rëndë, ndërsa e ëma bërtiste me dëshpërim. Ishte një tragjedi e vërtetë”.
Një tjetër banor, Xhevdet V.**, tregoi se ka ndihmuar në përpjekjen për ta mbajtur fëmijën në jetë: “Babai e mbante në krahë. E shtriva përtokë, ia vendosa bluzën time nën kokë dhe filluam menjëherë reanimacionin, por fatkeqësisht gjithçka ishte e kotë”.
Blendi V.** (22) konfirmoi se shoferi reagoi menjëherë duke telefonuar shërbimet emergjente dhe duke ofruar ndihmë. “Shoferi dhe gruaja e tij ishin në shok të plotë”, tha ai.
Policia e St. Gallen ka nisur hetimet dhe po kërkon dëshmitarë që mund ta kenë parë momentin e përplasjes. Ngjarja ka tronditur rëndë komunitetin lokal, ku banorët shprehin shqetësime për sigurinë e rrugës dhe kërkojnë ulje të kufirit të shpejtësisë.
Një vrasje e rëndë që ka tronditur Lipjanin është zbardhur pas hetimeve intensive të Policisë dhe Prokurorisë.
Më 3 gusht, në një arë misri në fshatin Baicë, u gjet i groposur trupi i një burri rreth moshës 50-60 vjeç, i cili më pas u identifikua si Enver Bajraktari, rreth 55-vjeçar.
Trupi, sipas Institutit të Mjekësisë Ligjore, ishte i freskët në momentin e gjetjes.
Pas punës operative, sot (12 gusht) është arrestuar Top Kolshi, rreth 33-vjeçar, i dyshuar për këtë krim. Arrestimi u krye në shtëpinë e tij në Baicë, ku gjatë kontrollit policia gjeti dhe sekuestroi dy telefona, një pushkë gjuetie, 50 gëzhoja dhe prova të tjera që mund të lidhen me vrasjen.
Sinjali mëson se toka ku u gjet trupi ishte pronë e një personi tjetër, por Kolshi e kishte punuar dhe mbjellë me misër, aty edhe ku e kreu krimin.
Grupi që po e kërkonte Bajraktarin ndoqi gjurmët, të cilat treguan se trupi ishte tërhequr me forcë drejt një gropë të improvizuar në një arë të mbjellë me misër disa metra nën sipërfaqe, ku ishin vendosur edhe disa dërrasa për ta kamufluar vendin e varrimit.
“Kanë hi me vëzhgu, ata vëzhguesit e kamerave e kanë gjet tani që lëvizja e fundit u kanë të kjo shtëpia këtu. Në bazë të aty janë ardh kanë lyp qetu. Ata djemtë që kanë ardh, tu lyp nëpër arë përmes shtagës, tani aty e kanë pa që ka zvarritje”, deklaroi një familjar i viktimës.
I dyshuari është intervistuar në prani të avokatit dhe Prokurorit të Shtetit, ndërsa me vendim të prokurorit është dërguar në qendrën e mbajtjes për 48 orë.
Hetimet po vazhdojnë për të zbardhur motivin dhe rrethanat e krimit.
Bedri Matoshi, vëllai i viktimës së mbrëmshme në Hajvali, M.Matoshit, në një deklaratë për Nacionalen, ka rrëfyer se si ndodhi ngjarja.
Ai thotë se ‘vrasja e vëllait të tij, ndodhi 20 minuta pasi ishin parkuar para oborrit të shtëpisë’.
Thotë se Policia e Kosovës, i ka pamjet nga kamerat e sigurisë:
“Në momentin e ngjarjes, kemi ardhë si zakonisht prej punës. Edhe, kemi lyp me bë kthim të udhëkryqi në fjalë, ku dorasi ka qenë i parkuar. Kemi kërkuar t’na lirojë rrugën, në mënyrë njerëzore”, rrëfen vëllai i viktimës.
Ai thotë se dorasi, liroi rrugën pa ‘asnjë fjalë’.
“E ka liru rrugën, nuk kemi pasë asnjë fyerje apo ofendim mes vete. Ai ka vazhduar rrugën e vetë dhe ne jemi parkuar para oborrit tonë”, rrëfen Matoshi.
Ndërkohë, sipas tij, dorasi erdhi pas 20 minutash para shtëpisë së tyre, ku po pinin kafe në ‘terasën e shtëpisë’.
“Pas 20 minutave përafërsisht, na jemi kanë në terasë tuj pi kafe me familje, ka ardhë, u ndalë para dyerve, na ka thirrë, kena dalë edhe na u ka shprehë: nuk mundeni me ma ndalë rrugën ju.
E ka sjell kerrin deri në këtë pjesën këtu…
Tuj bisedu me të, e ka nxjerr revolen dha ka gjuajtë në drejtim të vëllait”, thotë ai.
Matoshi thotë se ‘shtëpia e tyre është nën vëzhgim të kamerave dhe se pamjet janë tani në Policinë e Kosovës’.
“Shpia është nën vëzhgim të kamerave, policia i ka marrë imazhet. Besoj që policia i ka tani të gjitha informatat e sakta”, thotë ai.
I pyetur, se a kishin probleme e fqinjin në fjalë më herët, ai thotë se ‘këtë fqinj as nuk e njihnin’.
“Realisht, na as nuk e njohim që e kemi fqinj. Se shkojmë në mëngjes në punë, kthehemi në mbrëmje, nuk kemi kohë t’i njohim as fqinjët.
Përndryshe, me fqinjët nuk kemi pasë kurrë asnjë telash, kurrëfarë raporti nuk kemi pasë kurrë, as nuk jemi njoftë si fqinj”, thotë ai.
Enis Shkodra, djali i Mefail Shkodrës, njeriut që gjendet në arrati bashkë me dy djemtë tjerë, Engjëll Shkodrën dhe Edonis Shkodrën, pas vrasjes së trefishtë në Gjilan – ishte shoqëruar në Polici.
Lirije Kovani, avokatja e Enis Shkodrës, djalit të Mefail Shkodrës, ka treguar ekskluzivisht për Nacionalen, se si u lirua sot Enis Shkodra pas ndalimit 48 orësh.
Ajo rrëfen se si ishte njoftuar Enis Shkodra për rastin që ndodhi të dielën në Gjilan dhe se si alibia e tij ishte, se në ato momente, ai ndodhej në një nga restorantet e Gjilanit, në një aheng, siç thotë avokatja “duke ushtruar profesionin e tij si kameraman’.
“Shprehi ngushëllimet për familjarët e viktimave, për rastin tragjik të së dielës. Fillimisht të sqaroj për opinionin publik, që kam qenë mbrojtëse e njërit prej anëtarëve të familjes së ngushtë.
I njëjti ka alibi se në kohën kur ka ndodhur rasti, i njëjti ka qenë duke bërë video-xhirime në një aheng familjar në një nga restorantet e komunës së Gjilanit.
Ai është njoftuar nga nëna e tij për rastin që ka ndodhur dhe me të arritur në vendin e ngjarjes i njëjti i dëgjon njerëzit që flasin për rastin dhe për një moment, zyrtarët policorë e pyesin se kush është, i njëjti tregon se kush është dhe e marrin, e fusin në veturë zyrtare.
Me vendim të prokurorit, i njëjti intervistohet nën dyshimet për involvim në veprën penale, por më pas dëshmohet se i njëjti nuk ka qenë i involvuar në veprën penale”, thotë ajo.
Një person ka humbur jetën në një aksident në rrugën Komoran–Carralevë.
Rastin për Insajderin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo shtoi se në këtë aksident ka qenë i përfshirë një automjet në lëvizje, ngasësi i të cilit për shkaqe akoma të panjohura ka humbur kontrollin dhe ka goditur disa automjete të parkuara.
“Sot rreth orës 12:00 kemi pranuar informatën se në rrugën Komoran -Carralevë, ka ndodhur një aksident trafiku me pasoja fatale. Në këtë aksident ka qenë i përfshirë një automjet në lëvizje, ngasësi i të cilit për shkaqe akoma të panjohura ka humbë kontrollin dhe ka goditur disa automjete të parkuara. Si pasojë e aksidentit ngasësi i automjetit ka humbur jetën. Me rastin po merret njësiti i trafikut rajonal”, tha ajo.
Aktori kosovar Fatmir Spahiu i njohur me emrin artistik si ‘Bufi’, u shpreh në një status se është për vendosjen e një ore policore deri në demilitarizimin e plotë të qytetarëve.
Ai thekson se do të kishte subvencionuar poligonet e qitjes si shtet dhe kritikon personat që kanë varësi nga armët, duke i cilësuar si një problem serioz që kërkon ndërhyrje të fortë, shkruan Indeksonline.
Spahiu nënvizon se arma i ka hije vetëm ushtarit dhe policit gjatë orarit të punës.
“Une jam per nje ore policore deri ne demilitarizim total te qytetarve!
Kurse poligonet e qitjes, i kisha subvencionu si shtet. Kush ka varshmeri prej armeve, qe tre asi magazina, shkuni gurte ne veshke prej rafallit edhe finito deri ne sherimin e plote nga ky ves i perzime me nje krenari artificiale.
Shume arme pa leje neper persona qe rrezikohen vetem nga paranoja.
Arma i ka hije ushtarit dhe policit, gjate orarit te punes!”, shkroi ai./Indeksonline/
Policia e Kosovës, ka publikuar fotografitë e dy personave, femra, duke kërkuar ndihmë nga qytetarët për identifikimin e tyre. Nga policia bëhet e ditur se të dyshuarat kërkohen për vjedhje.
Po ashtu nga PK-ja është bërë e ditur se kërkesa është bërë me autorizim nga prokuroria kompetente.
‘‘Kërkesë për bashkëpunim – identifikim i personave të dyshuar
Njësiti i Hetimeve të stacionit policor Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personave që shihen në fotografi.
Personat e dyshuar kërkohen për përfshirje në veprën “Vjedhje”.
Të nderuar, për çdo informatë që mund të çojë në identifikimin e tyre, ju lusim të kontaktoni policinë në numrin e telefonit: 192 ose përmes emailit: info@kosovopolice.com.”, thuhet në njoftim.
Një mosmarrëveshje e çastit për parkim ka përfunduar tragjikisht mbrëmjen e 11 gushtit në Hajvali të Prishtinës, ku një burrë u vra me armë zjarri. Reth orës 21:40, Policia është njoftuar për të shtëna në rrugën “Minatori”.
Insajderi kishte raportuar se pas një konflikti për parkim, i dyshuari Xhemajl Nuhiu ka marrë një armë zjarri dhe e ka qëlluar në kokë Muhamet Matoshin.
Tashmë edhe policia ka shpallur në kërkim të dyshuarin duke publikuar edhe foton.
“Njësiti i hetimeve të përgjitshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në lokalizimin dhe arrestimin e personit të dyshuar për veprën vrasje që ka ndodhë mbrëmë në Hajvali.
Personi i dyshuar XHEMAIL (BAJRAM) NUHIU ndodhet në arrati, andaj për çdo informatë që mund të çojë në identifikimin e vendodhjes së tij, na kontaktoni direkt në”, thuhet në njoftim.
