31 tetori – kufi që “s’bën të kalohet” pa qeveri të re

Gjykata Kushtetuese ka shtyrë për të paktën 25 ditë nisjen e procedurave për formimin e Qeverisë së re, duke zgjatur bllokadën institucionale. Njohësit paralajmërojnë pasoja të rënda ekonomike, politike e ndërkombëtare në rast se Qeveria nuk formohet deri më 31 tetor, për ta proceduar buxhetin e vitit të ardhshëm në Kuvend

Masa e përkohshme e Gjykatës Kushtetuese e ka shtyrë edhe për së paku 25 ditë nisjen e procedurave për formimin e Qeverisë së re të Kosovës.

E mungesa e institucioneve të reja vlerësohet se ka shkaktuar dëme të mëdha ekonomike e politike në vend.

Naim Jakaj, hulumtues i Institutit të Kosovës për Drejtësi, thotë se nëse bllokada vazhdon dhe Qeveria nuk formohet deri më 31 tetor për ta proceduar buxhetin e vitit 2026 në Kuvend, do të ketë pasoja financiare të theksuara.

“Pasojat fillimisht do të jenë financiare, buxhetore të brendshme, në ndërkohë ato të jashtme ato që mund të bëhemi pjesë e përjashtimit të marrjes së fondeve nga plani i rritjes për shkak që ne nuk po mbërrijmë që ta konstituojmë një Kuvend, rrjedhimisht t’i miratojmë ato marrëveshje ndërkombëtare sepse edhe për miratimin e atyre marrëveshjeve ndërkombëtare duhet me pas qeveri, nuk mundet Kuvendi vetë të hyjë një obligimi sepse nuk mundet më pastaj t’i ekzekutojë ato detyrime të cilat i merr përsipër t’i kryejë”, ka thënë Jakaj.

E sipas analistit Shkodran Ramadani, përveç pasojave ekonomike e atyre ndërkombëtare, mungesa e kompromisit për formimin e institucioneve të reja për kohë kaq të gjatë do të shkaktojë dëm edhe në aspektin politik në Kosovë.

“Dëmi më i madh do të jetë politik, për shkak që do të krijohet një kulturë e re e politikë-bërjes ku kompromisi do të jetë gjithnjë e më pak i pranishëm në skenën politike dhe ku çdo gjë, çdo mosmarrëveshje duket që do të adresohet apo delegohet tek Gjykata Kushtetuese, e cila do të përfshihet gjithnjë e më shumë në çështjet politike që partitë politike do të duhej t’i zgjidhnin vetë”, ka thënë Ramadani.

Ramadani thotë se Kushtetuesja do të përdoret për vonesa edhe pas përfundimit të masës së përkohshme, pasi shprehet se nuk sheh vullnet te partia fituese – Vetëvendosje, që ta bëjë Qeverinë.

“Kjo është recetë për vonesa, recetë për bllokada të reja, recetë për ngërçe të reja të cilat do të gëlltisin gjithnjë e më shumë kapacitetin e Kosovës për të shënuar progres”, është shprehur ai.

Më 30 shtator do të përfundojë masa e përkohshme e Gjykatës, e cila është nxjerrë sipas detyrës zyrtare, por edhe duke u bazuar në kërkesën e deponuar në Kushtetuese, një javë më parë nga Lista Serbe.

Në kërkesën e saj, Lista Serbe kërkon që Gjykata ta urdhërojë kryeparlamentarin Dimal Basha që të përsërisë votimin e zgjedhjes së nënkryetarëve nga komunitetet dhe këtë ta bëjë në pako.

“Vetëvendosje ka bashkëpunuar me Listën serbe, e dëshmuar nga përgjimet”

Nënkryetarja e Partisë Demokratike të Kosovës (PDK) dhe deputetja e Kuvendit, Vlora Çitaku, në emisionin “Real Talk me Maxhunin”, tha se Qeveria i ka pasur të gjithë mekanizmat në dispozicion për ta shpallur Listën Serbe organizatë terroriste, nëse ka vlerësuar se ajo është e tillë.

“Nuk e kanë bërë këtë dhe janë duke e luftuar politikisht, por jo ligjërisht. Kjo është një betejë politike që më së shumti i konvenon Listës Serbe dhe e forcon atë. Ky nuk është mendim i imi, por këtë e thonë akterët politikë që janë kundërshtarë të Listës Serbe. Vetë Nenad Rashiq deklaroi hapur se kjo betejë po ndikon në fuqizimin dhe faktorizimin e Listës Serbe. Në fund të fundit, janë qytetarët serbë që jetojnë në Kosovë ata që i zgjedhin përfaqësuesit e tyre, sepse jetojmë në demokraci”.

“PDK, kur ka bashkëqeverisur, ka pasur brenda qeverisë Nenad Rashiqin, pastaj edhe përfaqësues të tjerë. Nuk i zgjedhim ne, nuk votojmë ne. Është absurde të mendohet se me veprime politike do të mund të ndikojmë se si votojnë dhe përzgjedhin qytetarët serbë. Mund t’i kem preferencat e mia, por kjo nuk do të thotë asgjë në fund të ditës”, tha Çitaku.

Ajo theksoi se tash e pesë vite Vetëvendosje ka bashkëpunuar me Listën Serbe dhe këtë e dëshmojnë përgjimet që janë publikuar në media.

“Është parë kush ka bashkëpunuar fshehurazi me Listën Serbe tash e pesë vite. Kanë dalë përgjimet, bisedat, ka pasur pazare të ulëta në dëm të veteranëve kur është bërë përjashtimi i tyre nga paga minimale. Ka pasur përpjekje të dështuara për të zgjedhur anëtarë të Gjykatës Kushtetuese pikërisht në koordinim me Listën Serbe. Kam përshtypjen se këta njerëz jetojnë në një univers paralel dhe kanë shpërfillje totale ndaj realitetit kosovar”, tha Çitaku.

Ky është i dyshuari për vrasjen në Llapashticë të Podujevës

Një person ka mbetur i vrarë pas të shtënave me armë zjarri në Llapashticë të Podujevës.

Policia ka bërë të ditur se ngjarja ka ndodhur rreth orës 19:30. Vdekjen e viktimës mashkull e ka konstatuar ekipi mjekësor në vendngjarje.

Policia ka thënë se hetuesit policorë kanë nisur hetimet, por nuk kanë bërë të ditur për identifikimin apo arrestimin e të dyshuarit.

Merret vesh se i dyshuari për rastin është Arbër Havolli, 31 vjeçar.

Rasti ka ndodhur tek shkolla e fshatit. Siç kanë deklaruar dëshmitarët, viktima është nga fshati Barilevë.

Mësohet se viktima është qëlluar me disa plumba brenda një veture të tipit Opel, në të cilën ndodhej bashkë me autorin në momentin e ngjarjes.

“Viktima i shkoi të dyshuarit në shtëpi”-Zbulohen detaje të reja nga vrąsja e rëndë në Podujevë

Një ngjarje e rëndë tronditi mbrëmjen e sotme fshatin Llapashticë të Podujevës, ku një burrë mbeti i vdekur pas të shtënave me armë zjarri. Vrasja dyshohet të ketë ndodhur brenda një veture, ndërsa i dyshuari, sipas burimeve të Insajderit, është Arbër Havolli.

Viktima është qëlluar me disa plumba brenda një veture të tipit Opel, ku gjendej së bashku me të dyshuarin në momentin e ngjarjes.

Insajderi, mëson se viktima është A. Spahiu, banor i fshatit Gllamnik të Podujevës. Burimet tregojnë se Spahiu kishte shkuar në shtëpinë e të dyshuarit Havolli, pak para se të ndodhte tragjedia

E rëndë: Djali përpiqet t’a vras babain me thikë

Një prokuror publik nga Prokuroria Themelore Publike në Shkup të Maqedonisë së Veriut paraqiti një kërkesë për të filluar procedurë përgatitore kundër një 17-vjeçari të dyshuar për tentativë vrasjeje.

Sipas informacioneve nga Prokuroria Publike, i mituri ka kryer dhunë në familje ndaj babait të tij në shtëpinë e tij në rrugën “Hristijan Todorovski Karposh” në Shkup.

Ndërsa babai ishte në dhomën e gjumit, djali i është afruar nga prapa dhe i ka shkaktuar dhjetë plagë me thikë me një objekt të mprehtë, shkruan Alsatm, transmeton Sinjali.

Nëna, e cila ishte aty pranë, arriti ta shtynte djalin e saj larg dhe menjëherë thirri ndihmën e shpejtë mjekësore. Babai u transportua në Qendrën Klinike Nënë Tereza, ku ndodhet në gjendje të rëndë për jetën pas një ndërhyrjeje kirurgjikale.

Prokuroria kërkoi gjithashtu një urdhër ndalimi për të miturin.

10 plumba u shkrepën në drejtim të viktimës, detaje tronditëse nga vrașja në Podujevë

E dhimbshme: Vdes i riu, Kreshnik Mehmeti

Ka vdekur në moshë të re, Kreshnik Mehmeti, njoftojnë familjarët e tii.

Kreshniku i ishte nënshtruar një operimi në kokë, në fund të gushtit, rreth 10 ditë më parë.

Ai vdiq sot, ndërsa familja lajmëron se së shpejti do të njoftojë për ceremoninë e varrimit

Detaje nga vrasja në Podujevë, viktima u godit me disa plumba në veturë

Mësohet se në Llapashticë të Epërme të Podujevës është vrarë një person.

Sipas burimeve të KosovaPress, personi, identiteti i të cilit nuk dihet, është goditur me disa plumba në veturë.

Policia e Kosovës dhe ekipet mjekësore kanë dalë në vendin e ngjarjes, ku edhe kanë konfirmuar rastin.

LAJM I FUNDIT: Dyshohet për vrasje në Podujevë

Mësohet se në Llapashticë të Epërme të Podujevës është vrarë një person.

Sipas burimeve të KosovaPress, personi, identiteti i të cilit nuk dihet, është goditur me disa plumba në veturë

Policia e Kosovës dhe ekipet mjekësore kanë dalë në vendin e ngjarjes.

Ende nuk dihen motivet e kësaj ngjarjeje tragjike.

Kivanç Tatlitug humb personin e zemrës, nuk i mban dot lotët

Aktori i njohur turk, Kıvanç Tatlıtuğ, është parë i përlotur teksa përcolli për herë të fundit mikun e tij të ngushtë, Halit Yukay.

Në pamjet e shpërndara nga mediat turke, Tatlıtuğ nuk ka mundur t’i mbajë lotët gjatë ceremonisë mortore, duke treguar dhimbjen e madhe për humbjen e një personi që kishte vend të veçantë në jetën e tij.

Halit Yukay ishte i njohur në rrethin e aktorit dhe prej vitesh ndanin një miqësi të fortë. Vdekja e tij e papritur ka lënë pas një boshllëk të madh, jo vetëm për familjen, por edhe për shokët dhe kolegët.

Fansat e Kıvanç Tatlıtuğ kanë shpërndarë dhjetëra mesazhe ngushëllimi në rrjete sociale, duke i uruar forcë aktorit në këtë moment të vështirë.

Halit Yukay, themeluesi i njohur i Mazu Yachts, humbi jetën tragjikisht pas një aksidenti në det. Ai u shpall i zhdukur më 4 gusht, kur u nis nga Yalova për në Mykonos me jahtin e tij “Graywolf”.

Dita pas nisjes, jahti i tij u gjet i copëtuar dhe në gjendje të përmbytur pranë Ishullit Marmara, duke ngritur menjëherë dyshimet se kishte ndodhur një aksident i rëndë.

Pas një kërkimi intensiv prej 19 ditësh, trupës së tij iu gjet gjurmë në shtratin e detit, në një thellësi prej 68 metrash. Identifikimi i tij u bë fillimisht nga ora që mbante në dorë dhe më pas u konfirmua me zbatim të ekspertizës mjeko-ligjore.

Hetimet zyrtare nxorën në pah se aksidenti mund të jetë shkaktuar nga përplasja me anijen mallëngarkuese “Arel 7”. Autoritetet zbuluan shenja përplasjeje në pjesën e buferit të anijes, që nuk kishin qenë aty më parë, dhe kapiteni u mor nën hetim për shkak të dyshimit për vrasje nga pakujdesia.