Sabri Fejzullahu feston ditëlindjen, urimi më i ëmbël vije nga bashkëshortja

Legjenda e muzikës shqipe, Sabri Fejzullahu, ditën e sotme feston ditëlindjen.

Ai mbush plotë 78 vjet jete, shkruan “Kosovarja”.

Nuk ka munguar as urimi nga bashkëshortja, Nera e cila kishte zgjedhur fjalët më të ngrohta “Lal, gëzuar ditëlindjen dashuria ime, ti je forca, drita dhe gëzimi im. Çdo vit pranë teje është dhuratë e shtrenjtë, dhe sot falë jetën qe më dhe ty. Uroj shëndet, qetësi dhe ditë të mbushura me dashuri. Të dua me shumë se fjalët mund ta thonë”.

Fejzullahu i takon gjeneratës së vjetër të këngëtarëve i cili ka arritur që edhe në kohën e re të zë vendin e vet në muzikën argëtuese të Kosovës, por edhe më gjerë.

“Pis, laper, idiot”, përplasje e ashpër, Panduri ndërpret emisionin

“Pis, laper”, përplasje e ashpër, Panduri ndërpret emisionin

VIDEO:

Gjyqi ndaj Thaçit, reagon edhe reperi Noizy

Reperi Noizy përmes një postimi në rrjetin social ”Instagram”, ka shprehur mbështetjen e tij për ish-krerët e UÇK-së në Hagë.

Ai ka ripostuar videon të cilën e ka ndarë Kryeministri i Shqipërisë, Edi Rama, shkruan IndeksOnline.

Në atë video shihet dëshmitar James Rubin, duke dëshmuar me shqetësim se pavarësisht që është vetëm i akuzuar dhe vetofroi të paraqitej në gjykatë, ish-presidenti Hashim Thaçi po mbahet i burgosur për pesë vite për shkak të ndërhyrjes së politikës në sundim të ligjit.

Duket se edhe Noizy ka mendimin e njejtë me kryeministrin Rama, i cili ka thënë se ky procesë gjyqësor është shtangës dhe ka njollosur drejtësisë ndërkombëtare.

Burri i Albulena Haxhiut vazhdon me cinizëm pas dëshmisë së Rubin: Ka pasur apo nuk ka pasur Shtab të Përgjithshëm të UÇK?

Alban Krasniqi, bashkëshorti i Albulena Haxhiut, i cili është edhe anëtar nga radhët e LVV-së në KQZ, ka vazhduar me shkrimet e tij cinike pas përmbylljes së ditës së dytë të dëshmisë së James Rubin, ish-ndihmëssekretarit të Departamentit amerikan të Shtetit në rastin e ish-krerëve të UÇK’së në Hagë.

Krasniqi me anë të një shkrimi në ‘Facebook’ ka thënë se ka një pyetjet për bashkëluftëtarët dhe OVL-UÇK’në, shkruan Insajderi.

“Një pyetje për bashkëluftëtarët por edhe për OVL të UÇK-së Ka pasur apo nuk ka pasur SHTAB TË PËRGJITHSHËM TË UÇK-së?“, thotë Krasniqi.

Krasniqi u lajmërua edhe dje, duke thënë se bazuar në dëshminë e Rubin, rezulton se kreu i UÇK’së ishte Agim Çeku e jo Hashim Thaçi.

“James Rubin, duke treguar përvojën e tij, dëshmoi që lufta e UÇK-së ishte e drejtë, por shpërfaqi edhe disa të vërteta ndryshe nga ato që i janë servirur publikut për 25 vite: 1. Hashim Thaçi tash po del që nuk paska qenë komandant apo udhëheqës i UÇK-së, por Agim Ceku. Andaj, të ia njohim këtë rol dhe vlerë general Çekut, të cilën ia kanë mohuar në luftë edhe pas luftës. 2. Delegacioni ynë në Rambuje, në krye me Thaçin, paskan qenë të gatshëm të pranojnë një marrëveshje ku nuk përmendet pavarësia, por që fatmirësisht ka pasur presion nga komandantët dhe luftëtarët e UÇK-së në terren për të mos pranuar një zgjidhje që nuk e përmban brenda dokumentit pavarësinë në perspektivë. 3. Është pranuar marrja e përgjegjësisë për çfardo krimi që mund të bëhet pas përfundimit të luftës në emër të saj”, shkroi dje Krasniqi në Facebook.

Dyshohet që u suspendua pasi u tall me Dimal Bashën, reagon polici Hoti: Vazhdojmë përpara…

Polici Sami Hoti  bashkë me 3 kolegët e tij dyshohet se është suspenduar për shkak të një komentimi në një grup privat në rrjetet sociale, ku thuhet se është tallur me deputetin e VV-së, Dimal Basha.

Pas përhapjes së lajmit për suspendimin e tij, Hoti ka reaguar përmes një postimi në ”FACEBOOK”, ku shkruan:

”Vazhdojmë përpara … të tjerët mundë të mi numrojnë sukseset …Krenarë për të kaluarën dhe të tashmën. E ardhmja do të jetë e ndritshme për mua dhe popullin e vendin tim!”

Kajtazi: Në Indi lopët janë të shenjta, në Kosovë Dimalin dhe dimalet i kemi të shenjtë

Analisti Vehbi Kajtazi ka komentuar suspendimin e 4 policëve.

Kajtazi tha se ”në Indi lopët janë të shenjta, në Kosovë Dimalin dhe dimalet i kemi të shenjta

Postimi i plotë pa ndërhyrje: 

Ne Indi lopet jane te shenjta. Ne Kosove Dimalin dhe dimalet i kemi te shenjte. Te shenjte se regjimi kriminal i Albin Kurtit i sheh te tille. Ky regjim ka suspenduar kater police te njesive speciale vetem pse kane talle trapin me Dimalin – Dimalin qe shkruan se UÇK eshte organizate kriminale e trafikimit te droges”,

Raportimet se janë suspenduar 4 për shkak se bën shaka me Dimal Bashën, IPK: Nuk rekomanduam suspendim për këtë rast

Katër policë të njësisë speciale raportohet se janë suspenduar nga Policia e Kosovës.

Sipas raportimeve arsyeja e suspendimit të katër zyrtarëve policor është bërë për shkak se ata në një grup të mbyllur në viber kanë bërë shaka me kryetarin e Kuvendit të Kosovës, Dimal Basha.

Lidhur me këtë, Gazeta Express ka kontaktuar me Inspektoratin Policor të Kosovës, derisa të njëjtit thonë se nuk kanë rekomanduar suspendim për këtë rast.

Pas raportimeve se policët janë suspenduar ka pasur reagime të shumta nga akterë politikë dhe nëpër rrjete sociale.

Zëdhënësi i VV-së ia bën “like” fotografisë së Hashim Thaçit me djalin e tij, Endritin

Endrit Thaçi, djali i ish-presidentit Hashim Thaçi, ka postuar një storie në Instagram një deklaratë të ish-zëvendës sekretari i Shtetit, James Rubin.

E duket se ky reagim i djalit të ish-persidentit Thaçi i pëlqeu zëdhënsit të VV-së, Arlind Maxhukës.

Ai e pëlqu lajmin në një media vendore.

FOTO:

Arrestohen katër zyrtarë policorë

Inspektorati Policor i Kosovës (IPK), përmes hetuesve të Departamentit të Hetimeve, ka arrestuar sot katër zyrtarë policorë me dyshimin se kanë kryer veprën penale “manipulim me prova”, raporton Gazeta Sinjali.

Sipas hetimeve fillestare, dyshohet se më 13 shtator 2025, zyrtarët nuk kanë proceduar një rast penal në lidhje me “Shkaktimin e rrezikut të përgjithshëm” dhe kanë fshehur, si dhe manipuluar provat e gjetura në vendin e ngjarjes.

Të dyshuarve u është caktuar masa e ndalimit për 48 orë me vendim të Prokurorisë Themelore në Mitrovicë.

“Si pjesë e procedurave administrative IPK i ka rekomanduar Policisë së Kosovës – Drejtorisë Rajonale të Policisë Mitrovicë Jug  edhe suspendimin për  katër të dyshuarit të cilët kanë qenë me detyrë në Stacionin Policor në Mitrovicën e Jugut.

Hetuesit e IPK-së  në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.”, thuhet në njoftim.

Flet, polici i njesisë speciale që u suspendua për shkak të dyshimit se u tall me Dimal Bashën

Katër policë të njësisë speciale raportohet se janë suspenduar nga Policia e Kosovës.

Sami Hoti, Sedat Ramadani, Albert Kuqi, Artan Krasniqi janë policët e suspenduar.

Sami Hoti. në një prononcim për Indeksonline ka konfirmuar se tashmë ai është suspenduar nga Policia e Kosovës.

Sipas raportimeve arsyeja e suspendimit të katër zyrtarëve policor është bërë për shkak se ata kanë krijuar një grup të mbyllur mes kolegësh dhe kanë bërë shaka me kryetarin e Kuvendit të Kosovës, Dimal Basha.

Mirëpo kjo është mohuar nga ana e Sami Hotit.

”Askush nuk është tallur me askënd dhe këto do të vertetohen më vonë” është shprehur Hoti.

Policia ende nuk ka dalë me njoftim zyrtar lidhur me këtë rast