Ish-politikanja e njohur pagëzohet në Kishën e Llapushnikut

Ish-politikanja dhe intelektualja, Luljeta Pula, është pagëzuar në Kishën e Llapushnikut.

Për pagëzimin e saj ka njoftuar Basri Beka nga organizata “Shqiptaria”

“Pagëzimi i saj, i kryer përfundimisht në Kishën e Llapushnikut, nuk ishte thjesht një kthim shpirtëror, por një rikthim në rrënjët e saj dhe të kombit të vet. Ishte një akt i ndërgjegjshëm për të thënë se shqiptarët nuk janë produkt i nënshtrimit osman e arab, por trashëgimtarë të një kulture, feje dhe civilizimi që i lidh thellë me Evropën”, ka shkruar Beka.

Ai ka publikuar edhe fotografi nga ceremonia.

Befason Mendim Rugova, tregon dy rekordet që shënoi bora e hershme e tetorit në Kosovë

Sipas meteorologut Mendim Rugova, reshjet e datës 3 janar janë ndër më të hershmet që janë shënuar ndonjëherë në këtë periudhë të vitit.

Rugova ka deklaruar se reshjet e borës në Prishtinë kanë thyer rekord, si për nga data e hershme, ashtu edhe për nga sasia e borës së rënë.

Deri më tani, sipas tij data më e hershme kur është shënuar një shtresë dëbore ka qenë 7 tetori i vitit 2017, kur ishin regjistruar rreth 1 centimetër borë.

Postimi i plotë:

Në Prishtinë shënohet data më e hershme e tetorit me shtresë dëbore

3.10.2025 – Me një shtresë prej 10cm borë, data e 3 tetorit është më e hershmja përgjatë muajit tetor në Prishtinë ku reshjet e dëborës formojnë një shtresë. Deri më tani 7 tetori i 2017-ës ishte dita më e hershme që bie borë në Prishtinë dhe formon shtresë, dhe atë vetëm prej 1cm.

Kjo shtresë e sotme prej 10cm, është më e larta, pra rekorde për muajin tetor. Më 1997 e 2003 kishte pasur shtresa dëbore, por vetëm prej 4cm, dhe atë krejt nga fundi i tetorit, më 28 tetor 1997, dhe 27 tetor 2003. Patjetër që shkaku i topografisë së Prishtinës, trashësia e borës mund të ndryshojë, meqenëse në pjesë më të ulëta, shtresa mund të jetë më e ulët.

Pse ra borë kaq herët në Kosovë, meteorologu i njohur shpjegon fenomenin

Të enjten Kosova u zbardh nga reshjet e para të borës.

Meteorologu Besim Aliu se Instituti Hidrometeorologjik i Kosovës  nuk kishte regjistruar paraprakisht se do të kishte reshje bore, megjithëse sipas tij, këto fenomene ndodhin kur vera është shumë e nxehtë.

“Duke shikuar statistikat e Institutit Hidrometeorologjik, rreth reshjeve të borës këtë fillim tetori instituti nuk ka pasur shënime, pra nuk i kemi pasur të regjistruara. Por këto fenomene ndodhin kur vera është shumë e nxehtë”, tha Aliu.

“Mbrëmë, temperatura më e ulët është cilësuar 0 gradë Celsius, dhe këto kanë krijuar të kemi reshje bore në viset e ulëta në shumë vende të Kosovës, për shkak se bora kërkon vetëm të ketë kushte”, u shpreh ai.

U gjet i varur në një tabelë në Bruksel, kush është 28-vjeçari, Bekim Halilaj?

Bekim Halilaj një 28-vjeçar shqiptar është gjetur i varur në një tabelë në qendër të Brukselit, dy ditë më parë.

Halilaj ishte dënuar më parë me rreth 22 vite burg në Mbretërinë e Bashkuar. Ai ishte kapur së bashku me tre shokët e tij duke trafikuar kokainë me vlerë mbi 4 milionë paund në qytetin e Southampton.

Më herët autoritetet goditën grupin kriminal, ku të përfshirë ishin shtetasit Nuri Mucmataj, Fitim Halilaj dhe Tamas Hela.

Goditja e grupit kriminal dhe arrestimi i katër shqiptarëve:

Policia britanike ndaloi një furgon tip ‘Astra’ më 21 prill 2017 në Southampton, ku gjeti kokainë me vlerë 140 mijë paund, 30 mijë paund para të gatshme, si dhe dy anëtarë të bandës, Tamas Hela dhe Fitim Halilaj.

Mjeti ishte modifikuar me ndarje të fshehta për të transportuar drogën dhe paratë pa u zbuluar.

Pas ndalimit, policia kreu bastisje në Carrington House, në zonën Westwood Road, ku arrestoi Bekim Halilajn dhe sekuestroi kokainë me vlerë 10 mijë paund.

Ndërkohë, Nuri Mucmataj u arrestua në një tjetër bastisje në Rrugën Ted Bates, në zonën Bargate.

Hetimet zbuluan se banda sillte drogën nga Essex dhe e shpërndante në rrugët e Southampton.

Sipas gjykatës, kokaina ishte e cilësisë së lartë, me pastërti deri në 91%. “Ky ishte një operacion metropolitan droge”, tha gjykatësi Robin Rowland, duke theksuar se baza e përgatitjes së drogës ishte banesa në Carrington House.

Policia britanike konfirmoi se të gjithë ishin në vend ilegalisht dhe përdornin identitete të rreme për të qëndruar në Angli dhe për të fshehur aktivitetin e tyre kriminal.

Dënimet:

Nuri Mucmataj, 26 vjeç – 8 vjet e 6 muaj burg

Bekim Halilaj, 21 vjeç – 7 vjet burg

Fitim Halilaj, 27 vjeç – 4 vjet e 6 muaj burg

Tamas Hela, 24 vjeç – 4 vjet e 6 muaj burg

Nëse e njihni këtë person njoftone policinë

Policia e Prishtinës kërkon ndihmë nga qytetarët në identifikimin dhe ofrimin e informatave për personin e shfaqur në fotografi.

I dyshuari kërkohet për vepren penale “Vjedhje”, transmeton Klankosova.tv.

“Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: info@kosovopolice.com”, shkruhet në postimin e Policisë në Facebook.

Paralajmëron NATO: Të gjithë në rrezik, Moska mund të godasë edhe Romën

Ne të gjithë jemi në rrezik, raketat më të avancuara ruse mund të godasin Romën, Amsterdamin ose Londrën me shpejtësi pesë herë më te lartë sa ajo e zërit, tha sot sekretari i përgjithshëm i NATO-s, Mark Rutte për “Tg1”.

“Kjo do të thotë se të gjithë jemi në krahun lindor”, shtoi ai.

“Presidenti rus, Vladimir Putin është tashmë kundërshtari ynë kryesor, kërcënimi kryesor në planin afatgjatë”, theksoi Rutte. Sekretari i Përgjithshëm iu bashkua sot takimit të Komunitetit Politik Evropian (EPC), në Kopenhagë.

Ai mori pjesë në seancën plenare, si dhe në një diskutim në tryezën e rrumbullakët me udhëheqësit evropianë dhe presidentin e Ukrainës, Volodymyr Zelensky, mbi sigurinë dhe qëndrueshmërinë.

Ai theksoi rreziqet urgjente nga Rusia, Kina, Koreja e Veriut dhe Irani, duke vënë në dukje përpjekjet e tyre për të minuar dhe për të shkatërruar rendin e bazuar në rregulla.

Ai kërkoi mbështetje më të madhe për Ukrainën dhe rritje të prodhimit të mbrojtjes për të kundërshtuar rreziqet e përshkallëzimit dhe për të penguar agresionin rus.

Rutte zhvilloi gjithashtu disa takime dypalëshe gjatë qëndrimit në EPC me aleatët, si dhe partnerët, përfshirë presidenten e Moldavisë, Maia Sandu, dhe presidentin e Ukrainës, Zelensky.

Incident në Veri – një serb sulmon Policinë e Kosovës

Një person është arrestuar në Leposaviq , ku dyshohet se ka sulmuar zyrtarët policorë gjatë kryerjes së detyrës.

Një nga policët e përfshirë në incident ka marrë trajtim mjekësor për lëndime të lehta. I dyshuari, shtetas i Serbisë, është dërguar në mbajtje me vendim të prokurorit, ndërsa rasti po vazhdon të hetohet, thuhet në raportin e policisë.

“PKK Jarinjë, Leposaviq / 02.10.2025 – 04:55. Është arrestuar i dyshuari mashkull shtetas i Serbisë pasi që ai ka sulmuar zyrtarët policorë. Një zyrtar policor ka pranuar trajtim mjekësor, ndërsa i dyshuari me vendim të prokurorit është dërguar në mbajtje”, thuhet në raport.

Reshje bore e shiu, temperaturat deri në 5°C sot në vend

Sot parashikohet mot i vranët, me reshje shiu dhe bore, të cilat gjatë orëve të para të 24-orëshit pritet të jenë më intensive. Reshjet e borës do të përqendrohen kryesisht në Rrafshin e Kosovës, ku pritet të krijojnë shtresa edhe në zonat e ulëta, me së paku 5–15 cm, njofton MeteoKosova.

Në Rrafshin e Dukagjinit do të dominojnë reshjet e shiut, megjithatë tani ka gjasa më të mëdha që edhe në këtë pjesë të përzihen ose të shndërrohen në borë.

Gjatë ditës, reshjet do të humbasin gradualisht intensitetin në mbarë vendin.

Era do të fryjë kryesisht nga drejtimi i veriut, e cila herë pas here pritet të jetë e fuqishme, me shpejtësi prej 15-45 km/h.

Temperaturat minimale do të lëvizin prej -1 deri në 2°C, ndërsa ato maksimale prej 2 deri në 5°C.