Gara për Asamblenë e Pejës, numërohen mbi 70 % të votave – këta janë kandidatët që po prijnë nga LDK, VV dhe partitë e tjera

Në Komunën e Pejës, procesi i numërimit të votave për zgjedhjet lokale është ende duke vazhduar ndërsa sipas të dhënave më të fundit të publikuara nga Komisioni Qendror i Zgjedhjeve, janë procesuar 101 nga gjithsej 140 vendvotime, që përfaqësojnë 72,14 % të tërësisë së votave.

Bazuar në rezultatet e përditësuara të KQZ-së, në garën për kryetar të Pejës, i pari radhitet Gazmend Muhaxheri i LDK-së me 45,79%, e i cili pasohet nga Taulant Kelmendi i VV-së, me 28.51% të votave të grumbulluara.

Nga vendvotimet e proceduara të QKN-së në Pejë, Lidhja Demokratike e Kosovës, prin edhe në garën për Kuvendin Komunal.

Pesë më të votuarit e LDK-së në garën për asamblenë komunale janë: Gazmend Muhaxheri me 11,349 Vota, Rexhep Kurtbogaj me 915 Vota, Agron Nikçi me 607 Vota, Petrit Loci me 603 vota dhe Naser Gega me 577 vota.

Nga VV-ja listën me vota e kryeson bartësi i saj, Berat Ganiqi me 6,209 Vota, Mubera Belegu me 367 vota, Besnik Zeqiraj me 343 vota, Bujar Agusholli me 337 vota dhe Valbona Taraku me 319 vota.

Në listën e AAK-së më i votuari është bartësi i saj Arbër Grabovci me 5,919 Vota, pasuar nga Naim Bytyqi, Shaban Ramaj, Labinot Panxha dhe Hidajete Krasniqi.

Nga PDK-ja më i votuari është Arta Nallbani me 2,955 vota, pasuar nga Edonjeta Berisha, Leotrim Murtezaj, Fatime Shala dhe Bashkim Podrimqaku.

Këta janë pesë kandidatët me të votuar për asamble nga VV, LDK dhe PDK në Fushë Kosovë

Ka përfunduar numërimi i të gjitha votave për Asamble Komunale të Fushë Kosovë.

Bazuar në këto rezultate preliminare, është bërë edhe renditja e 5 kandidatëve me të votuar për Asamblenë Komunale nga tri subjektet kryesore politike në këtë komunë: Lëvizja Vetëvendosje, LDK dhe PDK, raporton IndeksOnline.

Lëvizja Vetëvendosje: Shpend Beqiri me 6 mijë e 719 vota, i ndjekur nga Festim Pllana me 535 vota, Durim Hajra me 527 vota Daut Krasniqi me 453 vota dhe Kushtrim Mirena me 412 vota.

Lidhja Demokratike e Kosovës: Mirlind Krasniqi me 5 miëj e 755 vota, i ndekur nga Afrim Dumani me 549 vta, Laurat Gojnovci me 495 vota, Jetmir Berisha 306 votad he Burim Berisha me 289 vota.

Partia Demokratike e Kosovës: Rrahim Tërnava me 3 mijë e 957 vota, Valon Murseli me 425 vota, Ermal Dumani me 297 vota, Aida Alimi 290 vota dhe Dardane Sogojeva Shala 241 vota. /IndeksOnline/

Verifikimi i votave në Mitrovicë të Jugut: Procesohen mbi 88%, ky është rezultati deri tash

Procesi i verifikimit të votave në Komunën e Mitrovicës së Jugut është ende në zhvillim.

Sipas të dhënave të publikuara në faqen zyrtare të Komisionit Qendror të Zgjedhjeve (KQZ), deri më tani janë verifikuar 88,57 për qind e votave.

Bazuar në rezultatet e deritashme, Arian Tahiri nga Partia Demokratike e Kosovës (PDK) kryeson me 49.32% të votave të numëruara, apo 13,506 Vota, ndërsa Faton Peci nga Lëvizja Vetëvendosje (VV) ndodhet pas tij me 46.43%, apo 12,715 Vota.

Procesi i verifikimit pritet të vazhdojë deri në përfundimin e plotë të numërimit të të gjitha votave.