Parlamenti Evropian miratoi një rezolutë edhe më të ashpër për Serbinë

Parlamenti Evropian ka miratuar një rezolutë për Serbinë, në të cilën theksohet polarizimi dhe represioni në rritje në vend, një vit pas shembjes së strehës në Stacionin Hekurudhor të Novi Sadit.

Serbia gjithashtu ftohet të harmonizohet me politikat e BE-së në luftën kundër ndërhyrjeve të huaja dhe fushatave të dezinformimit.

Teksti nënvizon se, edhe një vit pas tragjedisë në Novi Sad, hetimet nuk janë përfunduar dhe bën thirrje për “zbatim të plotë dhe transparent të procedurave ligjore pas hetimeve të organeve kompetente, në mënyrë që përgjegjësit të dalin para drejtësisë, në përputhje me sundimin e ligjit”.

Në dokument theksohet gjithashtu se ndikimi i Kinës në Serbi është rritur ndjeshëm gjatë viteve të fundit përmes investimeve të mëdha infrastrukturore, duke ngritur shqetësime për transparencën, përputhshmërinë me standardet e BE-së dhe respektimin e rregullave mjedisore.

Rezoluta kujton se shembja e strehës shkaktoi protesta të paprecedenta në mbarë vendin, të udhëhequra nga studentët, të cilët kërkonin drejtësi, përgjegjësi institucionale, transparencë, zgjedhje të parakohshme dhe të ndershme, respektim të lirive qytetare, ndarje të pushteteve, liri të medias, fund të korrupsionit sistematik, si dhe më shumë investime në arsim.

Rezoluta shton se autoritetet serbe kanë përdorur dhunë ndaj kundërshtarëve politikë dhe forcë të tepruar kundër protestuesve në të gjithë vendin, duke vlerësuar se represioni është përshkallëzuar që nga fillimi i vitit.
Sipas burimeve të pavarura, protestuesit më 15 mars u sulmuan me armë akustike, gjë që ka ngritur shqetësime serioze për proporcionalitetin dhe ligjshmërinë e përdorimit të forcës.

Në dokument thuhet se që nga gushti dhuna është intensifikuar edhe më tej, dhe se agjencitë e sigurisë kanë regjistruar në mënyrë të paligjshme dhe transmetuar biseda private, të cilat janë përdorur për të akuzuar studentët dhe aktivistët për vepra kundër rendit kushtetues dhe sigurisë së Serbisë. Po ashtu, përmendet se njësia elitare ushtarake “Kobre” është dislokuar në terren dhe në një rast ka përdorur municion të vërtetë. /Zëri

Deputeti i Kuvendit të Kosovës konfirmon se do të votojë PËR Qeverinë Kurti3

Deputeti i pavarur nga komuniteti Ashkali, Artan Asllani, ka konfirmuar se do ta votojë pro Qeverisë Kurti 3.

Ai për GazetaBlic theksoi se vendit i nevojitet stabilitet dhe vazhdimësi në qeverisje, prandaj mbështet formimin e qeverisë së re

“Po, do të votoj pro Qeverisë Kurti 3, sepse besoj se vendit i duhet stabilitet dhe vazhdimësi në qeverisje”, tha Asllani.

Ndryshe, më 11 tetor, Presidentja e Kosovës, Vjosa Osmani, e ka mandatuar liderin e Lëvizjes Vetëvendosje (LVV), Albin Kurti, që të formojë Qeverinë e re të vendit, tetë muaj pas mbajtjes së zgjedhjeve të përgjithshme.

Pavarësisht se kanë mbetur vetëm edhe pesë ditë afat për ta paraqitur përbërjen e re të Qeverisë, deri më tani nga LVV nuk është ndërmarrë asnjë hap konkret.

Nuk është raportuar për ndonjë takim apo negociatë me subjektet e tjera politike që do të mundësonte ndërtimin e një koalicioni qeverisës.

Kjo, pasi LVV-së i nevojiten të paktën 61 vota në Kuvend për të formuar Qeverinë, ndërsa në zgjedhjet e 9 shkurtit, kjo parti ka siguruar 48 ulëse.

Supremja pranon ankesën, kjo komunë mund të shkojë në rivotim

Gjykata Supreme ka bërë të ditur se ka pranuar si të bazuar ankesën e Aleancës për Ardhmërinë e Kosovës (AAK), me seli në Junik, duke e prishur vendimin e mëparshëm të Panelit Zgjedhor për Ankesa dhe Parashtresa (PZAP), me numër ZL.Anr.217/2025, të datës 15 tetor 2025.

Me këtë vendim, çështja i kthehet PZAP-së për rivendosje, thuhet në njoftimin e Gjykatës.

“Gjykata Supreme e Kosovës, nuk e ka pranuar si të drejtë dhe të ligjshëm qëndrimin e PZAP, lidhur me hedhjen poshtë si të palejuar të ankesës të parashtruar nga subjekti politik Aleanca për Ardhmërinë e Kosovës (AAK), me seli në Junik, duke konsideruar se ankesa është dashtë të trajtohet në bazë të meritave dhe jo të hedhet poshtë si e palejuar.Ndaj, Kolegji i Gjykatës Supreme, përmes aktgjykimit AA.nr.92/2025 ka kërkuar nga PZAP që në rivendosje, t’i evitojë shkeljet e evidentuara ligjore dhe të vendos në mënyrë meritore lidhur me ankesën e subjektit politik AAK”, thuhet në vendim.

PZAP-ja e pati hedhur si të palejuar ankesën e AAK-së, e cila kishte kërkuar shpalljen si të paligjshme të zgjedhjeve komunale në Junik dhe organizimin e rivotimit, duke pretenduar se shkeljet e evidentuara në procesin zgjedhor kishin ndikuar në rezultatin përfundimtar.

Publikohen pamjet: Momenti tensioni para parlamentit serb, të shtëna armësh, dhe zjarri që përfshiu…

Një person është lënduar pasi një i dyshuar shtiu me armë në drejtim të tij, në Beograd.

Rasti ndodhi pranë parlamentit, në kryeqytetin serb.

Sipas RT-së, sulmuesi e plagosi 57-vjeçarin në ije dhe më pas ia vuri flakën tendës ku po qëndronin përkrahësit e presidentit Aleksandar Vuçiq.

Përmes një reagimi të shpejtë të policisë dhe sipas urdhrit të Prokurorisë së Lartë në Beograd, u arrestua një person, Vladan A., 70-vjeçar.

Pamjet KËTU!!

Kaos para parlamentit të Serbisë, të shtëna dhe zjarr – Vuçiq paralajmëron adresim të jashtëzakonshëm

Një incident i rëndë ka ndodhur të mërkurën para ndërtesës së Parlamentit në Beograd, ku u raportuan të shtëna me armë zjarri në një kamp tendash pro-qeveritare. Sipas pamjeve të publikuara në mediat serbe, disa tenda shpërthyen në flakë pas të shtënave.

Sipas raportimeve, një person ka mbetur i plagosur, ndërsa pamjet filmike tregojnë ndërhyrjen e policisë dhe një burrë që del nga një prej tendave të përfshira nga zjarri.

Deputetja e opozitës, Marinika Tepiq, nga Partia e Lirisë dhe Drejtësisë, deklaroi në platformën X (ish-Twitter):

“Dikush qëlloi me armë zjarri dhe më pas u vuri flakën tendave

Agjencia e lajmeve FoNet raportoi se policia i kishte njoftuar shërbimet e emergjencës për një shpërthim të një bombole gazi, gjithashtu përpara Parlamentit.

Në vendngjarje, forcat e rendit gjetën një burrë me plagë nga armë zjarri.

Autoritetet serbe ende nuk kanë dhënë një version zyrtar mbi shkakun e incidentit apo identitetin e të plagosurit.Mediat serbe raportuan se oficerët e policisë që ndërhynë në vendngjarje dyshohet se i bërtitën sulmuesit të lëshonte armën.

Një burrë u gjet në vendngjarje me një plagë të shkaktuar nga arma e zjarrit.

Siç është njoftuar nga Zyra e Presidentit serb, Vuçiq do të mbajë një fjalim të jashtëzakonshëm për publikun në orën 13:00 në Pallatin e Serbisë.

Nga një aktivitet ku ishte, Vuçiq e cilësoi aktin si “terrorist”.

“Po flas si i pari dhe kërkoj ndjesë që do të më duhet të largohem nga ky takim i mrekullueshëm. Arsyeja është akti terrorist që ndodhi para Parlamentit serb, kështu që do të duhet të merrem me gjëra të tjera”, tha Presidenti i Serbisë. /Reporteri.net/

Zvicra me tifozë në Kosovë, ky do të jetë çmimi i biletave

Kombëtarja e Kosovës do ta mbyllë kampanjën kualifikuese të Botërorit 2026 në muajin nëntor me sfidën ndaj Zvicrës.

E në ndeshjen që do të zhvillohet në stadiumin “Fadil Vokrri” në Prishtinë më 18 nëntor, “Helvetikët” do të vijnë me tifozët e tyre.

Federata Zvicerane e Futbollit ka dhënë detaje sa u përket tifozëve të tyre që do të zbarkojnë në Kosovë në pjesën e dytë të muajit të ardhshëm.

Sipas saj, për sektorin e tifozëve zviceranë do të shiten biletat me çmim prej 10 eurosh, ndërsa një tifoz mund të pajiset me katër bileta maksimumi.

Ndonëse nuk ka nisur ende shitja e biletave, një gjë e tillë do të bëhet online.

Zvicra e mposhti Kosovën me rezultat të thellë, 4:0 në ndeshjen e parë, ndërsa ajo e kthimit pritet të jetë mjaft e rëndësishme, sidomos për Dardanët, të cilët po e ndjekin pozitën e dytë, që çon në “play-off”, por s’janë pa gjasa as për pozitën e parë, ku do ta kishin konkurrent direkt pikërisht Zvicrën.

Numërohen votat me kusht në Fushë Kosovë, a po i ‘shpëton’ balotazhit VV-ja?

Komisioni Qendror i Zgjedhjeve (KQZ) ka përfunduar numërimin e votave me kusht në Komunën e Fushë-Kosovës.

Në këtë qytet, votat me kusht e renditin të parin Valon Prebrezen e VV-së me 45 vota, ndërsa Besnik Osmanin e LDK-së me 22 vota.

Edhe Komuna e Fushë-Kosovës, është njëra ndër 18 komunat që do të përballet në balotazh.

OVL e UÇK-së paralajmëron protestën e radhës për ish-drejtuesit e UÇK-së, në një nga kryeqendrat evropiane

Organizatat e Veteranëve të Luftës do të vazhdojnë me organizimin e protestave në mbështetje të ish-drejtuesve të UÇK-së që po gjykohen tash e pesë vjet në Hagë.

Nënkryetari i OVL të UÇK-së, Gazmend Syla, ka thënë për IndeksOnlinen se nga mesi i muajit nëntor do të organizohet protesta e radhës.

Ai ka thënë se data e saktë ende nuk është vendosur, por ajo që dihet është se protesta do të mbahet në një nga kryeqendrat evropiane.

Syla thotë se protestat nuk do të ndalen deri në shpalljen e aktgjykimit për Hashim Thaçin, Kadri Veselin, Jakup Krasniqin dhe Rexhep Selimin.

Ai ka falënderuar qytetarët që po i përgjigjen pozitivisht protestave.

Protesta e fundit u mbajt javën e kaluar në Tiranë, paraprakisht protesta janë zhvilluar dy herë në Prishtinë dhe dy herë në Hagë.

Kujtojmë se më 4 nëntor bëhen 5 vjet kur ish-drejtuesit e institucioneve të Kosovës u arrestuan dhe u dërguan në paraburgim në Hagë.

Në pranverën e hershme është paralajmëruar shpallja e aktgjykimit për Thaçin, Veselin, Krasniqin e Selimin.

E rëndë: Ky është 23-vjeçari, Arianit Kurti që mbeti i vrarë

Redaksia Syri siguron foton e Arianit Kurtit, njërit prej dy të vrarëve në orët e para të mëngjesit e sotëm në një lokal  pranë një karburanti në Durrës.

Sipas informacionit të policisë 23 vjeçari banues në Manëz dyshohet se është vrarë nga Flori Paluçi 33 vjeç, dhe ky i fundit më pas është vrarë nga Daniel Pepa i shpallur në kërkim

Si ndodhi vrasja

Ngjarja ka ndodhur në një lokal në Manëz rreth orës 01:45, ku njëri prej viktimave ka kërkuar kafe, por nuk i është shërbyer për shkak të ekspresit të fikur.

Sipas burimeve nga gazetari Elton Qyno, ngjarja ka nisur kur shtetasi Daniel Pepa është konfliktuar me kamarierin e lokalit, duke këmbëngulur që t’i përgatitej një kafe. Kamarieri i ka thënë se nuk mund të shërbente më, pasi ekspresi ishte fikur dhe lokali ishte në mbyllje.

Në debat e sipër ka ndërhyrë një tjetër klient i lokalit, shtetasi Flori Paluçi, i cili i ka kërkuar Daniel Pepës të ulte zërin dhe të mos konfliktohej me kamarierin. Përplasja verbale mes tyre ka vijuar brenda lokalit, ndërsa më pas palët kanë dalë jashtë, ku konflikti ka degjeneruar në përdorim të armëve të zjarrit. Nga hetimet paraprake dhe pamjet filmike të siguruara nga grupi hetimor, rezulton se:

Daniel Pepa ka qëlluar me armë dhe ka vrarë shtetasin Flori Paluçi.

Ndërkohë, në shkëmbimin e zjarrit, është përfshirë edhe shtetasi Aranit Kurti, i cili dyshohet se është vrarë nga Flori Paluçi, pak çaste përpara se ky i fundit të mbetej i vrarë nga Daniel Pepa.

“I thashë s’ka kafe në këtë orë, ai donte patjetër dhe këtu nisi debati”, kamarieri tregon se si ndodhi ngjarja ku mbetën dy veta të vrarë

“I thashë s’ka kafe në këtë orë, ai donte patjetër dhe këtu nisi debati”, kamarieri tregon se si ndodhi ngjarja ku mbetën dy veta të vrarë

Një ngjarje e rëndë me pasojë dy viktima ka ndodhur mëngjesin sotëm ( 22 tetor) në Manëz, pranë një karburanti.

Sipas informacionit paraprak të Policisë, pas një konflikti që dyshohet për motive të dobta, kanë mbetur të vrarë me armë zjarri shtetasit Aranit Kurti 23 vjeç, dhe Flori Paluçi 33 vjeç, të dy banues në Manëz.

Nga veprimet e para hetimore, dyshohet se 33 vjeçari Paluçi është vrarë nga shtetasi D. P., 21 vjeç, gjithashtu banues në Manëz, ndërsa Aranit Kurti dyshohet se është qëlluar për vdekje nga Flori Paluçi gjatë konfliktit.

Se si ka ndodhur konflikti ka treguar kamarieri që ishte në këtë lokal. Ai tha se konflikti nisi pas kërkesës për kafe.

“Daniel Pepa dhe Araniti kanë ardhur në lokal rreth orës 1-1.30 dhe ka kërkuar kafe. I thashë që s’ka kafe se ekspresi është fikur. Ai më tha se donte kafe patjetër, po i thashë që është fikur e s’bëhet në këtë orë.

Ai u acarua dhe në këtë moment ndërhyri Flori, për të më dalë në krah dhe nisi debati mes tyre. Nga lokali dolën te dera e lokalit dhe Flori Paluçi qëlloi mbi Aranitin, shokun e Danielit dhe Danieli më pas ka marrë armën dhe ka qëlluar mbi Florin duke e lënë të vrarë”, tregon kamerieri./TCh/