Familja e Hashim Thaçit del publikisht në përkrahje të Përparim Ramës për zgjedhjet e së dielës

Albin Thaçi, nipi i ish-presidentit të Kosovës, Hashim Thaçi ka njoftuar se nga sot, ai dhe familja e tij e mbështesin Përparim Ramën për kryetar të Prishtinës në zgjedhjet e 9 nëntorit.

Ky, vendim, sipas tij, vjen për shkak të respektit që Rama ka treguar ndaj familjes Thaçi në momentet më të vështira.

Postimi i plotë:

Qytetarë të dashur,
Nga sot, unë dhe familja ime e mbështesim Përparim Ramën për Kryetar të Prishtinës në zgjedhjet e 9 nëntorit.

Ky vendim është marrë për shkak të respektit që ai ka treguar ndaj familjes Thaçi në momentet e vështira, si dhe për mbështetjen e tij publike ndaj organizimeve kundër padrejtësive në Hagë.

Përparim Rama ka dëshmuar përkushtim, ndjeshmëri dhe respekt për historinë dhe sakrificën e vendit tonë.

Faleminderit të gjithë votuesve që më kanë mbështetur në garën time të parë për Asamble, ju jam shumë mirënjohës dhe falënderues për besimin që ma keni dhënë.

Por le të bashkohemi të gjithë për një Prishtinë që respekton të kaluarën dhe ndërton me përgjegjësi të ardhmen!

Ministrja Rizvanolli: Ky ishte lajmi i tetorit që kaloi pa u vënë re…!

Ministrja në detyrë e Ekonomisë, Artane Rizvanolli, ka thënë se kapaciteti i njësisë B1 të TC “Kosova B” u rrit për 35 MW dhe jetëgjatësia e saj për 20 vjet, sepse KEK-u, sipas saj, sivjet realizoi investimin më të madh që më se 40 vjet: modernizimin e turbinës së B1 dhe një sërë investimesh përcjellëse.

Ky, sipas saj, është lajmi i muajit tetor që kaloi pa u vënë re.

Emri i mandatarit të ri për kryeministër, Kurti i shkon në zyre Presidentes

martës ka pritur në takim Kryetarin e Lëvizjes Vetëvendosje, Albin Kurtin.

Gazeta Online Reporteri.net merr vesh se tashmë takimi mes tyre veçse ka përfunduar.

Madje, Gazeta Online Reporteri.net mëson se ani pse “dy hapa larg” nga objekti, Kurti ka shkuar me veturë nga parkingu mbrapa për tek Presidenca.

Ky takim vjen një ditë para skadimit të afatit për të vendosur nëse do të propozohet një mandatar të ri apo vendi do të shkojë në zgjedhje të reja.

Të premten Osmani mblodhi liderët politikë për të diskutuar se çka më tutje, pas dështimit të kryeministrit në detyrë Albin Kurti që ta formojë qeverinë. Pas takimit, liderët e ish opozitës u deklaruan për zgjedhje, ndërsa Kurti nuk foli para gazetarëve. Ai tha vetëm se “kushtetuta dhe ligji janë të qarta”.

Atë ditë Osmani bëri të ditur se Kurti kishte kërkuar edhe disa ditë kohë për të vendosur nëse VV-ja do të dërgojë sërish një emër mandatari në përpjekje për formimin e qeverisë.

E dhimbshme: Pas një sëmundje të rëndë, vdes në moshë të re profesori i njohur

Pas një sëmundje të rëndë, ka vdekur ditën e djeshme profesor Faton Kabashi nga Krushica e Poshtme e Suharekës.

Lajmi për vdekjen e tij u bë i ditur përmes familjarëve në rrjete sociale, raporton Klankosova.tv.

“Data dhe ora e ceremonisë mortore do të bëhen të ditura në ditët në vijim”, kanë shkruar familjarët e të ndjerit.

E dhimbshme: Vdes i riu nga Prishtina

Ka vdekur në moshë të re, Altin Vitia nga Prishtina.

Lajmin e ka bërë të ditur familja e tij, duke njoftuar se varrimi i tij do të bëhet sot në ora 14:15.

“Me dhimbje të thellë ju njoftojmë se u nda nga jeta më i dashuri ynë Altin Ilmi Vitia. Varrimi i të ndjerit bëhet nesër, më 04.11.2025, me namazin e Ikindisë (ora 14:15), në varrezat e Hajvalisë”, thuhet në njoftimin e familjes.

Kryetari i Drenasit i ashpër me drejtuesit e PDK-së: “Nëse s’reflektojnë, kam me thy në kurriz”

Kryetari i Komunës së Drenasit, Ramiz Lladrovci, ka lëshuar deklarata ndaj lidershipit të Partisë Demokratike të Kosovës (PDK), duke paralajmëruar se është gati të hyjë në zgjedhje nacionale menjëherë, nëse presidentja e vendit shpall zgjedhje të reja.

“O nesra ti vendos Presidentja, nesra më ki në zgjedhje,” ka thënë Lladrovci në emisionin Debat Plus.

Ai shtoi se është i vendosur të sfidojë drejtuesit aktualë të partisë:

“Po, kam me thy në kurriz. Në qoftë se lidershipi i PDK-së nuk reflekton, jo Partia Demokratike, kam me thy në kurriz.”

Lladrovci tha se në rast se nuk ka përgjegjësi dhe përkushtim për Drenasin, do të marrë pjesë në zgjedhjet nacionale me një iniciativë të re politike.

“Unë jam tu punu, njerëzit më të ndershëm, më të mirë të këtij vendi me i ofru,” ka deklaruar ai, duke akuzuar PDK-në se “nuk ka ditur t’i bëjë opozitë Albin Kurtit për pesë vite”.

Tragjike: Vdes papritur 42-vjeçarja në një piceri në kryeqytet

Një ngjarje tragjike ka ndodhur pasditen e së hënës në Sheshin “Nëna Terezë” në Prishtinë, ku një grua ka humbur jetën papritur brenda lokalit.

Viktima është identifikuar si Filloreta Sabri Çitaku rreth 42-vjeçare, e cila gjatë qëndrimit në lokal ka pësuar përkeqësim të menjëhershëm të gjendjes shëndetësore.

Lajmin për vdekjen e saj e ka konfirmuar edhe bashkëshorti i Filloretës, Valdet Berisha.

“Me dhimbje dhe pikellim te thelle ju njoftojme se papritur ka nderruar jete bashkeshortja ime, Filloreta Çitaku. Per detajet e varrimit do te ju njoftojme me kohe!”, ka shkruar ai.

Stafi i lokalit ka njoftuar menjëherë Emergjencën, siç raporto Sinjali, ku ekipi mjekësor ka ndërhyrë për t’i ofruar ndihmë të parë, por pavarësisht përpjekjeve, gruaja ka ndërruar jetë pak pas mbërritjes në QKUK.

Në koordinim me Prokurorin e Shtetit, janë ndërmarrë të gjitha veprimet procedurale dhe trupi i pajetë është dërguar në Mjekësinë Ligjore për obduksion, me qëllim që të përcaktohet shkaku i saktë i vdekjes.

Autoritetet kanë konfirmuar se hetimet janë në zhvillim për të sqaruar plotësisht rrethanat e kësaj ngjarjeje të rëndë që ka tronditur qytetarët në zemër të kryeqytetit.

Zhvillimi i fundit: VV flet për mandatarin e ri për kryeministër

Deputeti i Lëvizjes Vetëvendosje, Enver Dugolli, ka deklaruar se deri më tani nuk ka pasur takim të ri ndërmjet kryeministrit në detyrë Albin Kurti dhe presidentes Vjosa Osmani, pas atij që u mbajt me liderët e partive parlamentare javën e kaluar.

Sipas tij, takimi i dytë mund të ndodhë brenda afatit kushtetues që përfundon më 5 nëntor.

“Me aq sa di, takim me presidenten ende nuk ka pasur, sepse është ndjekur agjenda e ngjeshur. Ka edhe dy ditë afat në vijim që mund të realizohet një takim. Është afat kushtetues që po rrjedh, dhe presidentja me siguri do t’i presë deri në fund këto afate kushtetuese,” ka thënë Dugolli.

Deputeti i Vetëvendosjes shtoi se, nëse nuk krijohet një shumicë për formimin e qeverisë së re, presidentja pritet të veprojë sipas kompetencave të saj kushtetuese.

“Nëse nuk ka opsion për të formuar një shumicë për qeverinë, atëherë me siguri presidentja do të veprojë në bazë të kompetencave dhe përgjegjësive që ka. Siç po duket, po shkojmë drejt zgjedhjeve të jashtëzakonshme,” tha ai.

I pyetur nëse Lëvizja Vetëvendosje ka ndonjë emër tjetër për mandatar të ri, Dugolli sqaroi se partia nuk ka propozuar asnjë kandidat tjetër përveç Albin Kurtit.

“Jo, nuk kemi ndonjë emër ose opsion tjetër për mandatar. Ne e kemi pasur Kurtin dhe nuk kemi thirrur ndonjë mbledhje të Këshillit të Përgjithshëm, prandaj nuk do të ketë emër tjetër për mandatar,” u shpreh ai. /Teve1

Rrëmbimi i serbit në veri, dyshohet se Radoiçiqi është futur në territorin e Kosovës

Në lidhje me rrëmbimin e serbit në veri, dyshohet që Milan Radoiçiq ka hyrë në territorin e Kosovës, raporton Klankosova.

Pretendohet se ai bashkë me grupin e tij kanë sulmuar dhe më pas rrëmbyer viktimën.

“Sipas pretendimeve të ish-zëvëndësministrit (Radoica Radomiroviq) i cili është një profil serioz, dyshohet se brenda territorit të Republikës së Kosovës është futur edhe vet Radoiçiqi me grupin e tij, duke sulmuar dhe duke rrëmbyer një qytetar prej brenda territorit të Republikës së Kosovës, në pikën 0 të kufirit, ku ka kontrolle të shtuara edhe nga ana e KFOR-it”, pretendohet në raport.

Mustafa: Mund të presim dredhi të Vjosa Osmanit, për të mbetur në pushtet

Ish-Kryetari i LDK-së, ka folur edhe për ish-bashkëpunëtoren e tij, tani Presidente e Kosovës, Vjosa Osmani.

Për atë që Vjosa Osmani, ka (ri)orbituar në kursin e Albin Kurtit, tash e disa muaj, për Isa Mustafën nuk përbën befasi. Ky i fundit në një intervistë për Nacionale, veçse paranjofton “dredhi” të radhës nga ajo “për të mbetur në pushtet.

“Sa i përket presidentes, ajo është treguar një karrieriste dhe manipulante e paskrupullt politike. Deri tani ka miratuar dhe ekzekutuar të gjitha veprimet e qeverisë Kurti që kanë quar në izolimin politik dhe ekonomik të vendit. E ka lënë vendin pa kryeprokuror të shtetit, në disa raste e ka shkelë Kushtetutën dhe nuk ka reaguar asnjëherë në shjeljet kushtetuese nga qeveria. Edhe tani mund të presim dredhi të saj për të mbetur në pushtet”, tha Isa Mustafa për Nacionale.