E pazakontë, 69-vjeçari kamuflohej si grua dhe dilte nëpër fshat… duke thyer masën e arrestit

Një ngjarje e pazakontë ka ndodhur në Roskovec, ku një 69-vjeçar me masë sigurie ‘arrest shtëpie’, ka gjetur një mënyrë për ta thyer atë.

Jorgo Hatiaj është filmuar nga një qytetare duke qarkulluar i lirë nëpër rrugët e fshatit… por i veshur si një grua, në mënyrë që të mos pikasej nga policia.

Pas denoncimit, ai është vënë në pranga nga policia e Fierit, ndërsa materialet i janë referuar Prokurorisë për veprime të mëtejshme procedurale.

Siç shihet nga pamjet, qytetarja i afrohet dhe duke e filmuar i bën thirrje policisë që ta arrestojë, ndërsa i moshuari i drejtohet asaj për ta goditur, e më pas largohet me vrap. /Top Channel

Historia e dhimbshme e influenceres që iu bashkua BBVK4

Një influencere i është bashkuar shtëpisë më të famshme në Kosovë, Big Brother VIP.

Bëhet fjalë për Eliona Binakaj, që është më e reja në të gjithë edicionet e Big Brother.

Në paraqitjen e saj duket mjafte elegante sonte.

Eliona Binakaj, kishte rrëfyer më herët për humbjen tragjike të nënës dhe motrës në një aksident trafiku në Kroaci.

Bedri Hamza me një përgjigje interesante kur pyetët për Sami Lushtakun

Kryetari i PDK-së, Bedri Hamza, i pyetur nëse e ka synim rikthimin e Fatmir Limajt në PDK, tha se “do të bisedojë me të gjithë për garën e radhës zgjedhore”.

Duke shtuar që ne zgjedhjet e kaluara, PDK kishte zgjedhur të garojë e vetme.

Ai u pyet edhe për Sami Lushtakun, për të cilin tha;

“Z.Lushtakun e njoh gjatë, kur është interesi i përgjithshëm gjithmonë rreshtohet me linjën e interesit të përgjithshëm”, tha Hamza për Lushtakun.

 

Benita me dhëmbë diamanti thotë se “do ta dridh shtëpinë” (VIDEO)

Këngëtarja dhe influencerja, Benita Zena që është pjesë e BBVK4 në klipin prezantues tha se pika e saj më e fortë është karakteri dhe me të i tërbon çunat.

“Nofka jem në shtëpi do të jetë diamanti. Kam me dridh shpinë”, tha ajo.

Benita bëri me dije se është single por nuk e di se si do të dal.

Pamjet nga klipi prezenzues:

Spahiu: Kryetar faktik i PDK-së është Sami Lushtaku – Bedri Hamza ka mision të vështirë për të shuar konfliktet e brendshme

Partia Demokratike e Kosovës ka mbajtur sonte Konventën e saj, ku Bedri Hamza është zgjedhur kryetar i ri i partisë pa asnjë votë kundër. Mirëpo organizimi i Konventës brenda vetëm pesë ditësh ka nxitur reagime brenda strukturave të PDK-së.

Deputeti i kësaj partie, Enver Hoxhaj ka kritikuar ish-kryetarin Memli Krasniqi për mënyrën e organizimit duke thënë se Konventa është dashur të shtyhej të paktën për një javë siç kishte kërkuar ai.

Hoxhaj para të pranishmëve tha se nuk ka marrë pjesë në garë pasi sipas tij nuk ka pasur kushte të barabarta e as proces të drejtë.

Profesori i Shkencave Politike Nexhemedin Spahiu në një prononcim për IndeksOnline vlerëson se sfida kryesore e kryetarit të ri do të jetë menaxhimi i përplasjeve të brendshme që po zgjasin prej vitesh.

Spahiu thotë se pavarësisht strukturës zyrtare ‘kryetar faktik i PDK-së mbetet Sami Lushtaku’a, ndërsa rivaliteti i tij politik është Ramiz Lladrovci.

Ai e ka përshkruar këtë situatë si një betejë të gjatë mes dy ‘sturmbllarëve’ të PDK-së, e cila në të kaluarën është shuar vetëm nga lidershipi i Hashim Thaçit dhe Kadri Veselit.

Pas dërgimit të ish-krerëve të partisë në Hagë, sipas Spahiut përpjekjet për t’i menaxhuar këto dy kampe fillimisht iu besuan Enver Hoxhajt, por pa sukses.

“Pastaj është munduar përmes Memli Krasniqi i cili ka arritur deri diku me inteligjencës e tij ti ofroj, mirëpo në fund është detyruar të lëshojë pe Sami Lushtakut karshi Ramiz Lladrovicit.

Kjo rezultoi dështim për PDK-në, sepse u pa që Ramiz Lladrovci është ‘arrë e fortë’ dhe largimi i Ramiz Lladrovcit nga PDK e ‘thenë’ në kurriz këtë parti”, ka thënë Spahiu për IndeksOnline.

Megjithatë sipas Spahiut, zgjedhja e Bedri Hamzës është një përpjekje për të sjellë qetësi pasi ai nuk shihet si figurë konfliktuoze dhe nuk ka pasur probleme me askënd brenda partisë.

“Unë mendoj që Bedri Hamza është njeriu më i përshtatshëm për momentin për PDK-në. Por nëse nuk arrin ai t’i mbyllë këto konflikte, nuk e di kush tjetër do të mund ta bëjë”, ka thënë Spahiu.

Ai ka folur edhe për mundësinë që Hamza të arrijë të rrisë PDK-në, duke thënë se kjo varet pikërisht nga aftësia e tij për të mbajtur të bashkuara dy kampet e forta brenda partisë.

Ky është profesori që bëhet banor në “BBVK”!

Në këtë sezonë do të jetë edhe një profesorë.

Ai është Getorari, banori që vjen nga Belgjika për këtë spektakël

Ai tha se është i martuar dhe se nuk dëshiron ta shihni vajzat.

Profesori shprehet se është këtë për të fituar në dashurinë e publikut.

14 mijë euro i ka vetëm dhëmbët, kjo është banorja e BBVK që njihet për jetën luksoze

Benita Zema është banorja e radhës e BBVK.

Ajo njihet për paraqitjet e saja në ekran.

Buzëqeshja e saj, mund të themi se kushton 14 mijë euro, pasi që dhëmbët e saj kushtojnë mbi 14 mijë euro, e mbajnë emrin Diamond Smile.

Ajo ka premtuar se do jetë vullkan në shtëpinë e BBVK dhe se do e sfidojë vetën.

Bedri Hamza thotë se s’ka vija të kuqe për VV’në

Bedri Hamza është zgjedhur sot Kryetar i Partisë Demokratike të Kosovës, pas dorëheqjes së Memli Krasniqit nga kjo pozitë.

Pas Konventës, në të cilën u zgjodh pa asnjë votë kundër, Hamza mbajti një konferencë për media ku u pyet nëse ka vija të kuqe për bashkëpunim me Lëvizjen Vetëvendosje të Albin Kurtit.

Hamza tha se asnjëherë nuk ka vendosur vija të kuqe, duke mos e përjashtuar kështu mundësinë e bashkëpunimit, shkruan Reporteri.net.

“Asnjëherë nuk kam vendosur vija të kuqe dhe siç e pamë në balotazh, edhe ata që patën vija të kuqe, të gjithëve iu ranë. Krejt me krejt u bënë bashkë. Mendoj se ne duhet të jemi të përgjegjshëm para interesit të vendit dhe gjithmonë t’i bëjmë veprimet e duhura në interes të vendit”, deklaroi Hamza.

Hamza e ka cilësuar si nder të jashtëzakonshëm dhe përgjegjësi të madhe, zgjedhjen në krye të kësaj partie, teksa ka thënë se do t’i shërbejë vendit me përkushtim dhe vendosmëri.

“Bashkë për qytetarët dhe Kosovën. Bashkë për PDK-në dhe fitoret që po vijnë!”, ka thënë Hamza në Facebook.

Ndryshe, Hamza ka shërbyer dy herë si ministër i Financave i Kosovës dhe në katër vjetët e fundit e udhëhoqi komunën e Mitrovicës së Jugut.

Në zgjedhjet e fundit parlamentare të 9 shkurtit, ai ishte kandidati i PDK-së për kryeministër.

U tha se do jetë opinioniste e BBVK, lajmërohet Leonora Jakupi

Sonte nis edicioni i katërt i Big Brother VIP Kosova, një prej formateve më të ndjekura televizive në vend.

Me hapjen e sezonit të ri, pritshmëritë e publikut janë rritur, sidomos për përbërjen e opinionistëve dhe mënyrën si do të zhvillohet loja këtë vit.

Prej ditësh është përfolur se Leonora Jakupi do t’i bashkohet produksionit si opinioniste, një rol që do t’i shtonte dinamizëm dhe diskutim mbrëmjeve në Prime.

Në prag të nisjes së spektaklit, këngëtarja ka publikuar një fotografi nga Shqipëria, duke treguar se ndodhet në Tiranë.

Postimi i saj ka ngjallur reagime të shumta, me shumë që komentojnë nëse e ka bërë për të tërhequr vëmendje, apo se nuk qëndron një gjë e tillë.

Ndërkohë, atmosfera para nisjes së spektaklit është e mbushur me kuriozitet për banorët e rinj dhe surprizat që produksioni ka paralajmëruar.

Me gjithë zhurmën që ka krijuar ky edicion para nisjes, duket se publiku është gati për një sezon edhe më dinamik dhe të mbushur me ngjarje të forta.

“Konventa jo demokratike” — Deklarata e Hoxhajt nxit reagimin e ashpër të Krasniqit

Ish-kryetari i PDK-së, Memli Krasniqi e ka quajtur garë të pashembullt demokratike konventën zgjedhore për kryetarin e ri, duke ju kundërpërgjigjur Enever Hoxhajt i cili tha se konventa nuk ka qenë demokratike.

Krasniqi ka thënë se do të dëshironte që Hoxhaj të ishte në garë.

Pas konventës ku Bedri Hamza u votua për kryetar të partisë si i vetmi kandidat, Krasniqi tha PDK është e bashkuar.

“Garë e pashembullt e demokracisë. Gara ka qenë e hapur ka pasur hapësirë për 12 kandidatë. Më vjen keq që z.Hoxhaj nuk e ka ndjek asnjë prej procedurave, sepse kisha pas dëshirë me kanë në garë, siç kam pas dëshirë,para karar viteve kur unë kam qenë në garë dhe ai ka qenë ushtrues detyre. Është vendim i ti që unë e respektoj. PDK është e bashkuar dhe ecim tutje”, tha ai.