Nora dhe Roberti bashkë? Ai i dhuroi unazën

Një gjest simbolik, rikthen vëmendjen te dinamika e një prej marrëdhënieve më të komentuara në skenën muzikore.

Në një mbrëmje ku e shkuara dhe e tashmja u takuan në mënyrë të pazakontë, këngëtarja Nora Istrefi ishte e ftuara e radhës në emisionin e ish-bashkëshortit të saj, Robert Berisha. Takimi i tyre televiziv — i rrallë dhe i kuruar me një komunikim të qetë, por me energji të nënkuptuar emocionale — solli momente për jetën personale, sfidat profesionale dhe rolin e tyre si prindër të Renees.

Gjatë bisedës, Istrefi tha se vitet e hershme të karrierës dhe vendimet personale kishin qenë një sfidë e vërtetë.

“Moment i vështirë ka qenë edhe kur jam feju në moshë të re, 22-vjeçare që kam qenë në kulmin e karrierës, mandej martesa, jam bërë nënë. Ka qenë e vështirë nëse mundem me u kthy aty ku e kam lënë, por pastaj jam kthy, nuk më ka ndiku edhe aq shumë”, deklaroi ajo, duke reflektuar mbi një periudhë të mbingarkuar nga presioni publik dhe përgjegjësitë familjare.

Berisha reagoi me humor — një stil i njohur i tij, kur pyeti:

A ke qenë e martume Nora se nuk e paskam dit?

Istrefi iu përgjigj me humor: “Po, njëherë po”.

Mirëpo, momenti që ngriti një atmosferën më intime erdhi kur Berisha nxori një kuti të vogël bizhuterish dhe i dhuroi Norës një unazë me diamant që, siç sqaroi, e kishte blerë në Shtetet e Bashkuara. Dhurata nuk ishte simbol romantik, por një premtim i lidhur me vajzën e tyre.

“Këtë (unazën) e mban ti deri sa Renee i bën 18 vjet”, i tha ai, duke e kthyer objektin në një kujtim që synon të udhëtojë me kohën, deri në moshën madhore të Renees.

Istrefi, e befasuar, reagoi me fjalë mirënjohje:

Paska me u gëzu Renee për këto unazë shumë të bukur, edhe unë po ja përdori pak deri sa të rritet.

Berisha shtoi se unaza kushtonte rreth 10 mijë dollarë, një detaj që e përmendi me të njëjtin humor karakteristik që përdor për të zbutur çastet e ndjeshme.

Takimi i tyre televiziv, më shumë se një episod showbiz-i, krijoi një dritare në mënyrën sesi dy ish-bashkëshortë navigojnë marrëdhëniet pas ndarjes — duke ruajtur një komunikim të hapur, ironi të lehtë dhe një fokus të përbashkët: vajzën e tyre./indeksonline.net

Baca Rifat Jashari sot feston ditëlindjen, ja sa vite mbushi

Rifat Jashari, figura publike shqiptare dhe patriark i familjes Jashari, vëllai i mbijetuar i komandantëve të Ushtrisë Çlirimtare të Kosovës, Adem Jashari dhe Hamëz Jashari, feston sot ditëlindjen.

Ai ka mbushur plot 79 vjet.

Këtë 1 dhjetor, ai pranoi urime të përzemërta si nga familja, ashtu edhe nga figura të njohura politike.

Jashari, ndër vite ka qenë zëri i luftës çlirimtare të Kosovës, të cilët iu vranë dhjetëra familjarë nga forcat e regjimit serb.

U ekzekutua me armë zjarri brenda veturës, publikohet fotoja e biznesmenit të njohur që u vra mbrëmjen e së dielës

Një ngjarje e rëndë ka ndodhur mbrëmjen e së dielës në Elbasan, ku u ekzekutua një person.

Viktima u identifikua si biznesmeni Edmond Hyka, i njohur edhe si Mondi Mëhalla.

Ai u qëllua menjëherë pasi doli nga biznesi i tij dhe u fut në makinë, aty ku u ekzekutua me dy plumba.

Automjeti i ekzekutuesve ishte një Audi ngjyrë e zezë dhe dyshohet se është larguar nga vendi i ngjarjes në aksin rrugor Elbasan-Librazhd.

Sipas informacioneve, 43-vjeçari që ngeli viktimë këtë mbrëmje kishte precedent penal në fushën e narkotikëve. /Top Channel/

Ndërron jetë ish-kryetari i komunës së Deçanit

Ka ndërruar jetë ish-kryetari i komunës së Deçanit, Mehmet Bojku.

I ndjeri ka ndërruar jetë në moshën 82 vjeçare.

Bojku ka qenë ish i burgosur politik kryetari i parë i zgjedhur me votë të lirë pas çlirimit, dhe kryetar i nderuar i LDK-së në Deçan.

Aksident i rëndë në Mynih, vetura ndahet në dysh, dy të vdekur

Dy burra u vranë dhe dy të tjerë u lënduan në një aksident të tmerrshëm me veturë në Mynih, kur një Porsche u përplas me një Renault, duke e prerë atë “në gjysmë”, raporton rosenheim24.de.

Sipas një raporti nga policia e Mynihut, aksidenti ndodhi në lagjen Milbertshofen të qytetit.

Porsche drejtohej nga një 19-vjeçar nga Mynihu, dhe një pasagjere femër 19-vjeçare ishte gjithashtu në veturë.

Renault, i drejtuar nga një burrë 27-vjeçar nga Augsburg, po vinte nga drejtimi i kundërt. Në Renault ndodheshin dy pasagjerë të tjerë – një burrë 48-vjeçar në ulësen e pasagjerit dhe një 21-vjeçar në ulëset e pasme.

 

Përplasja ndodhi kur shoferi i Renault, duke ndjekur dritën e gjelbër në semafor, filloi të kthehej majtas.

Në atë moment, Porsche që vinte përballë e përplasi atë. Përplasja ishte aq e fortë sa Porsche u përmbys.

Të gjithë u lënduan në aksident, përveç shoferit të Porsche.

Policia e trafikut të Mynihut ka nisur një hetim për të përcaktuar shkakun e saktë të këtij aksidenti tragjik. /Telegrafi/

Vrasja e biznesmenit shqiptar, ky dyshohet të jetë motivi

Edmond Mehalla është vrarë pranë biznesit të tij në daljen jugore të qytetit ndërsa dyshohet se kjo ngjarje e rëndë mund të këtë ndodhur për prishje pazaresh.

Kështu ka raportuar mediumi Euronews Albania në bazë të informacioneve të para, ndonëse Policia e Shqipërisë s’ka bërë të ditura motivet.

Policia atje ka bërë të ditur se ka vendosur postblloqe për të kapur autorët e dyshuar lidhur me krimin.

Sipas raportimit të mediave shqiptare, viktima dyshohet se u vra me tre plumba.

NEXT:

Pamje të rënda/ Vrasja e biznesmenit të njohur shqiptar, momenti kur familjarët e viktimës mbërrijnë në vendngjarje

Kunati i Albulena Haxhiut i zhgënjyer me koalicionin e VV-së, i jep epitete si meshavinë, zemlak, dimal, zef dhe kazan

Dardan Krasniqi, një nga aktivistët e parë të Lëvizjes VETËVENDOSJE! dhe kunati i ish-ministres dhe zyrtares së lartë të VV-së, Albulena Haxhiu, ka kritikuar ashpër koalicionin e VV-së për zgjedhjet e 28 Nëntorit.

TË NGJASHME:

Kunati i Albulena Haxhiut i reagon ashper Vjosa Osmanit: E vetmja bandë e rrezikshme në këtë vend është politika që e sundon Kosovën si bandë

Ai i ka dhënë koalicionit, i përbërë nga Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK), epitete si “Meshavina”, “Zemlakja”, “Dimali” dhe “Zefi”, duke e përmbledhur më tej këtë formacion politik me shprehjen “Kazani”.

Kritika e tij shpreh zhgënjimin ndaj koalicionit dhe duket si një distancim i hapur nga ky formacion politik.

POSTIMI I PLOTË:

 

A do t’i bashkohet LDK-së? Flet Visar Ymeri

Analisti politik Visar Ymeri ka sqaruar se nuk ka ndërmend të rikthehet në politikë apo të garojë në listat e ndonjë partie për zgjedhjet e ardhshme.

Ai tha se, megjithatë, një rikthim në të ardhmen nuk përjashtohet plotësisht.

Ai theksoi se ka marrëdhënie të mira me partitë kryesore në vend dhe se takimet me to janë pjesë e punës së tij si analist.

“Natyrisht që unë kam marrëdhënie të mira edhe me Lidhjen Demokratike të Kosovës, edhe me Partinë Demokratike të Kosovës, edhe me Aleancën për Ardhmërinë e Kosovës. Kam pas takime, kam takime dhe do të kem takime, sepse unë mendoj që është në interes të kësaj gjendjeje politike në të cilën jemi, dhe në punën që e bëjmë kemi interes me i taku partitë politike, me diskutu e me pa qysh e shohin ata të ardhmen e Kosovës”, u shpreh ai.

Ymeri kritikoi edhe qasjen negative që, sipas tij, po i bëhet takimeve politike dhe angazhimit publik të individëve.

“M’ka pengu dhe vazhdon me m’pengu ky lloj demonizimi që i bëhet takimeve, por edhe demonizimi që i bëhet angazhimit të njerëzve në politikën aktive. Njeriu ka të drejtë të plotë me shku në një parti politike dhe me dhënë kontribut atje”, theksoi Ymeri.

 

Vdes nëna e Hysni Gucatit

Ka vdekur nëna e Hysni Gucatit, shkruan DEMOS.

Lajmi u bë i ditur nga vet ai.

“Të dashur familjarë, miq dhe të afërm,

Me pikëllim të thellë ju njoftojmë se e dashura jonë, nëna Hata Gucati, u nda nga jeta.

Varrimi do të bëhet nesër, më 01.12.2025, në ora 15:00, në varrezat e fshatit Marinë, afër kompleksit memorial të dëshmorëve.

Do ta kujtojmë gjithmonë me mall e dashuri të madhe për forcën, zemrën e mirë dhe dashurinë e pashtershme që na dhuroi!”, shkroi Gucati.