Të premten në Kaçanik një person është arrestuar për dhunë në familje.
Ai dyshohet se ka rrahur nënën, babanë dhe motrën e tij.
“Është arrestuar i dyshuari mashkull kosovar, për shkak se kishte ushtruar dhunë fizike ndaj babait, nënës dhe motrës së tij”, thuhet në Raportin e Policisë së Kosovës.
“I dyshuari pas intervistimit me vendim të prokurorit është dërguar në mbajtje”, thuhet në njoftim.
Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpesh herë pakënaqësitë e tyre kalojnë në kërcënime, duke ua vështirësuar kështu punën e madje duke ua kërcënuar edhe jetën, raporton Gazeta Sinjali.
Një incident i tillë ka ndodhur mbrëmjen e 16 janarit në Kaçanik, ku një person i dyshuar ka sulmuar zyrtarë policorë brenda Stacionit Policor, duke shkaktuar lëndime trupore ndaj dy zyrtarëve.
Burimet e besueshme bëjnë të ditur se rasti është iniciuar si “Sulm ndaj personit zyrtar”,ndërsa njëri nga zyrtarët policorë ka pësuar lëndime më të rënda dhe është dërguar për trajtim mjekësor në Ferizaj.
Sipas informatave, fillimisht zyrtari policor ka marrë tretman primar në Emergjencën e Kaçanikut, por për shkak të natyrës së lëndimeve është transferuar në Emergjencën në Ferizaj, ku mjekët kanë konstatuar se ai ka pësuar lëndim të rëndë, përkatësisht thyerje të gishtit të madh të dorës së djathtë.
I dyshuari në këtë rast është D. K.
Ngjarja, sipas burimeve, dyshohet se ka nisur pasi i dyshuari ishte shoqëruar në stacion, pasi ai dhe një person tjetër ishin hasur duke konsumuar substanca narkotike në oborrin e shkollës “Skënderbeu” në Kaçanik.
Pasi është sjellë në stacion, i dyshuari dyshohet se ka filluar të fjaloset me zyrtarët policorë, duke shfaqur sjellje të vrazhda dhe arrogante, me pretendimin se “nuk ka bërë asgjë” dhe se nuk kishte arsye të shoqërohej.
Situata më pas ka eskaluar, ku i dyshuari dyshohet se ka kaluar në sulm fizik ndaj zyrtarëve policorë, duke shkaktuar lëndime, përfshirë edhe lëndimin e rëndë të njërit prej tyre.
Pas trajtimit të rastit, i dyshuari është dërguar në stacionin policor në Ferizaj, ku në prezencë të avokatit mbrojtës ka zgjedhur të mos deklarohet, duke u mbrojtur në heshtje.
Me vendim të Prokurorit, i dyshuari është ndaluar për 48 orë, ndërsa rasti po vazhdon të trajtohet nga organet kompetente.
Opinionistja e programit, këngëtarja Leonora Jakupi, ka bërë një reagim të ashpër ndaj Dolces gjatë diskutimeve në Big Brother VIP Kosova, duke e vendosur banoren në qendër të vëmendjes.
Pas situatës me Limin dhe gjendjes së rënduar emocionale të Albës, Jakupi e akuzoi Dolcen për mungesë empatie ndaj ish-e dashurës së Limit, e cila po përballej me faktin se Limi dhe Dolce kishin krijuar një lidhje para syve të saj.
Reagimi i Leonorës ishte i drejtpërdrejtë dhe kritik, duke vënë theksin tek përgjegjësia emocionale e banorëve ndaj njëri-tjetrit brenda shtëpisë.
Por deklaratat e saj shkuan edhe më larg. Në një moment, Jakupi u shpreh me ironi dhe ashpërsi ndaj Dolces: “Ti i zë meshkujt në shtëpi më shpesh se sa më zë mua gjumi”.
Kjo frazë shkaktoi një reagim të fortë nga ana e banores, e cila e quajti të patolerueshme një qasje të tillë nga një opinioniste dhe u shpreh se nuk ishte e drejtë të trajtohej në këtë mënyrë nga dikush që ka rolin e analizueses dhe këshillueses brenda spektaklit.
Po vazhdon procesi i rinumërimit të votave në disa komuna të vendit.
Por, në Prizren, deri më tani janë rinumëruar të gjitha vendvotime, ku tashmë kanë dalë në pah dallime të konsiderueshme në rezultatet për disa kandidatë.
Sipas të dhënave, në radhët e PDK-së janë evidentuar mospërputhje të mëdha.
Kandidatit Fetah Paçarizi, pas rinumërimit, i kanë rezultuar mbi 1 mijë e 300 vota më pak krahasuar me rezultatin fillestar.
Po ashtu, edhe kandidati tjetër i kësaj partie, Nait Hasani, ka humbur mbi 600 vota pas rinumërimit.
