E rëndë | Kjo është viktima që u privua nga jeta nga djali i saj në Restelicë të Dragashit

Një ngjarje e rëndë dhe tronditëse ka ndodhur në orët e para të mëngjesit në fshatin Restelicë të Dragashit, ku një grua është privuar nga jeta brenda shtëpisë së saj, ndërsa i dyshuari kryesor është vetë djali i saj.

Sinjali mëson se viktima është Tenzilja Boza, e cila dyshohet se është mbytur nga djali i saj, Ferzidin Boza.

Sipas informacioneve fillestare, rasti është raportuar rreth orës 01:06, pasi autoritetet janë njoftuar se brenda një shtëpie në Restelicë kishte ndodhur një rast i rëndë, ku një grua ishte pa shenja jete.

Njësitë policore kanë dalë menjëherë në vendin e ngjarjes dhe kanë arrestuar të dyshuarin, ndërsa ekipi mjekësor nga QKMF-Dragash ka konstatuar vdekjen e viktimës në vend.

Në vendin e ngjarjes kanë intervenuar edhe: Njësitë e hetimeve

Forenzika e Stacionit Policor Dragash

Hetimet Rajonale – Prizren

Prokurori për Krime të Rënda

Me urdhër të Prokurorit të Shtetit, trupi i pajetë i Tenzilja Bozës është dërguar në Institutin e Mjekësisë Ligjore (IML) për obduksion.

Rasti është iniciuar si “Vrasje e rëndë”, ndërsa hetimet janë duke vazhduar për të sqaruar rrethanat dhe motivin e këtij krimi të rëndë familjar.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Tragjedi familjare: Djali dyshohet se i mori jetën nënës

Një ngjarje e rëndë ka ndodhur në fshatin Restelicë të Dragashit, ku një grua rreth 60 vjeç ka humbur jetën në rrethana të dyshimta.

Lajmin e konfirmoi për Sinjalin, zëdhënësi i Policisë për Rajonin e Prizrenit, Shaqir Bytyqi, i cili bëri të ditur se ngjarja ka ndodhur më 21 janar 2025 rreth orës 01:06, kur Policia është njoftuar për rastin.

Dyshohet se një mashkull, rreth 30 vjeç, i ka privuar jetën nënës së tij. Sipas informatave paraprake, i dyshuari ka pasur probleme me shëndetin mendor.

Nga ekzaminimi fillestar në vendin e ngjarjes, viktima kishte pësuar lëndime në kokë, ndërsa nuk është gjetur mjeti me të cilin dyshohet se është kryer vepra penale.

I dyshuari është arrestuar dhe ndalohet për procedura të mëtejme ligjore.

Policia ka njoftuar se Sektori Rajonal i Hetimeve, në bashkëpunim me Prokurorinë e Shtetit, po ndërmerr të gjitha veprimet e nevojshme hetimore për të zbardhur plotësisht rrethanat e ngjarjes.

Në Podujevë abuzimi më i madh me vota ndodhi brenda LVV-së

Edhe komisionerët e Llapit e tjetërsuan votën e qytetarëve të kësaj komune. Rinumërimi i vetëm 10 për qind të votave në Podujevë shpërfaqi në masë të madhe vjedhje të votave brenda ka+-ndidatëve të partisë. 

Nga rinumërimi i vetëm 11 prej 110 kutive të votimit, kandidatëve të Lëvizjes Vetëvendosje u kanë devijuar më së shumti votat. Në këtë parti janë tjetërsuar plot 1.062 vota.

Përfituesi më i madh nëpërmjet manipulimit të votave në Qendrën e Numërimit në Podujevë del të jetë Ejup Maqedonci, të cilit i ishin përshkruar 288 vota më tepër sesa ka marrë realisht.

Maqedonci ka përfituar nga keqnumërimi 11.3 për qind të votës së partisë.

Pos Maqedoncit, 246 vota u vodhën për kandidatin Vendenis Lahu, 174 për Adelina Stubllën, 65 për Drita Pajazitin e 58 për Fitim Hazirin.

Pos LVV-së, devijime të votës pati edhe në PDK. Në këtë subjekt u abuzua me 120 vota të kandidatëve. Më së shumti përfitoi Ditjona Statovci, së cilës iu përshkruan 85 vota më shumë në QKN. Ajo përfitoi rrejshëm 14.1 për qind të votës së partisë.

Edhe në LDK pati abuzim të 103 votave të kandidatëve. Përfituesi më i madh nga votat e vjedhura është Qëndrim Softolli me 23 sosh.
Në AAK gjithsej u vodhën 45 vota.

Devijimet në rezultatin e kandidatëve kanë shtyrë KQZ-në që të bëjë rinumërim të 100 për qind në të gjitha komunat.

Zëdhënësi i këtij institucioni, Valmir Elezi, tha se KQZ-ja po planifikon që shpallja e rezultateve përfundimtare të bëhet në fillim të muajit shkurt.

“Aktualisht numri i ekipeve të angazhuara në procesin e rinumërimit gjatë një dite pune është 76. Bazuar në këtë kapacitet dhe numri i vendvotimeve të mbetura për t’u rinumëruar, planifikojmë dhe po bëjmë përpjekje që i gjithë procesi të përmbyllet deri në fund të muajit janar”, ka bërë të ditur Elezi.

Procesi i rinumërimit përfshin në total 2.557 vendvotime. /Koha

Digjet një shtëpi, vdes një 50-vjeçare

Një person e ka humbur jetën si pasojë e një zjarri që ka kapluar një shtëpi në fshatin Goriq të Malishevës.

Lajmin për Klankosova.tv e ka konfirmuar drejtori rajonal i Policisë në Gjakovë, Lumni Graishta.

Viktima e kësaj ngjarje, është një grua rreth 50 vjeçare.

Ende nuk dihet se si ka ardhur deri tek shpërthimi i zjarrit.