“Ditën e vrasjes e ka telefonuar tri herë Granitin” – Naim Murseli tregon prapaskenat e mesazheve dhe bisedave me Granit Pllanën

Po vazhdon intervistimi i Naim Murselit në Gjykatën Themelore në Prishtinë. Në pjesën e dytë të seancës, Murseli po ballafaqohet me disa mesazhe të dërguara nga telefoni i tij një natë para vrasjes së Liridona Ademajt, si dhe me komunikimet telefonike të ditës së vrasjes, shkruan Insajderi.

Mesazhi i parë i paraqitur në gjykatë mban datën 28.11.2023, në orën 19:00. Në të shkruhet: A kryhet sigurt nesër?”
Ndërsa përgjigjja thuhet të ketë qenë: Nesër me siguri kryhet. A t’kallxo Kuqa.

I pyetur nëse e kishte dërguar ai këtë mesazh, Naim Murseli deklaroi se nuk i kujtohet.

Po ashtu, prokuroria bëri të ditur se ditën e vrasjes, Murseli e ka telefonuar tri herë Granit Pllanën. Një telefonatë është realizuar rreth orës 09:00, tjetra në orën 09:21 dhe një tjetër në orën 10:35. Sipas të dhënave të paraqitura, këto kanë qenë thirrje të humbura.

Para gjykatës, Naim Murseli shpjegoi arsyet e komunikimeve telefonike me Granitin dhe Kushtrimin.

“Unë atë ditë jam takuar me Granitin. Kushtrimi dhe Graniti një ditë më herët kishin pasur një problem mes vete. E kam thirrur Granitin, por nuk m’u përgjigj. Kushtrimi më tha: shko në filan vend, se është Graniti aty. Kushtrimit i ishte prishur vetura. Ai tha po shkoj ta rregulloj veturën dhe shihemi më vonë. Kjo ka qenë arsyeja e bisedave,” deklaroi Murseli.

Konfirmohet një tjetër ministër në Qeverinë Kurti

Rasim Demiri  nga VAKAT do të propozohet për Ministër për Zhvillim Rajonal.

Këtë për RTV21 e konfirmuan burime nga zyrtarë të komunitetit jo serb.

Derisa  Emila Rexhepi për RTV21 konfirmoi se do të jetë kandiate për nënkryetare e Kuvendit  nga pakicat jo serbe./21Media 

Konfirmohet: Rashiq pritet të udhëheq këtë ministri në Qeverinë Kurti

Udhëheqësi i Partisë Për Liri, Drejtësi dhe Mbijetesë Nenad Rashiq do të propozohet sërish si ministër për Komunitete dhe Kthim.

Këtë për RTV21 e konfirmoi vet Rashiq.

Kujtojmë se këtë ministri Rashiq e kishte drejtuar edhe në mandatin e kaluar.

Kjo pritet të jetë kandidatja e VV-së për kryetare të Kuvendit

Albulena Haxhiu me gjasë do të jetë sërish kandidate e VV-së për kryetare të Kuvendit, ku tash partia e saj i ka votat për ta zgjedhur e jo për të dështuar mbi 50 herë sikur vitin e kaluar.

Vendimi është marrë sot gjatë një takimi që kryeministri Albin Kurti ka zhvilluar me deputetin Dimal Basha dhe deputeten Albulena Haxhiu, ku është diskutuar situata aktuale politike dhe procesi i konstituimit të Kuvendit, sipas burimeve të Tëvë1.

Haxhiu pritet të propozohet sërish për këtë post në seancat e ardhshme, në përpjekje për të zhbllokuar procesin e konstituimit të Kuvendit të Kosovës.

Albulena Haxhiu ka kandiduar disa herë për postin e Kryetares së Kuvendit, në senacat konstituive të herës se kalur mirëpo nuk ka arritur të sigurojë votat e nevojshme. Gjatë asaj periudhe, seancat konstituive janë shtyrë vazhdimisht, ndërsa procesi i zgjedhjes së kryeparlamentarit ka dështuar në dhjetëra tentativa.

Në të kaluarën, për shkak të këtyre dështimeve dhe mospajtimeve ndërmjet subjekteve politike, për postin e kryeparlamentarit ishte propozuar edhe Dimal Basha, i cili më pas kishte arritur të votohej.

Lirohet nga arresti mësimdhënësi që ushtroi dhunë ndaj nxënësit në shkollën “Pavarësia” në Prishtinë

Mësimdhënësi që është përfshirë në një rast të dhunës në shkollën “Pavarësia” në Prishtinë është liruar, e ka konfirmuar kryeprokurori i Prokurorisë Themelore në Prishtinë, Zejnullah Gashi.

Ai tha se ndaj mësimdhënësit është propozuar një masë alternative, konkretisht lajmërim në stacion policor.

Gashi shtoi se nuk kanë hapur procedura ndaj nxënësit që shihet në video, për veprimet e tij para ngjarjes.

A u shlye borxhi 100 mijë eurosh “në mënyra tjera”? Deklarohet Behgjet Pacolli pas dëshmisë së Naim Murselit

Biznesmeni dhe politikani Behgjet Pacolli ka deklaruar se nuk ka qenë në dijeni për kërkesën e të akuzuarit Naim Murseli për të komunikuar me të nga paraburgimi.

Gjatë seancës së sotme në Gjykatën Themelore në Prishtinë, u bë e ditur se Murseli kishte kërkuar zyrtarisht kontakt me Pacollin, por kjo kërkesë u refuzua nga gjykata.

Pacolli u shpreh i befasuar nga ky informacion.

“Nuk di, nuk di fare, herën e parë po dëgjoj tash. Nëse drejtësia më thërret, unë do të shkoja”, ka thënë Pacolli për Betimi për Drejtësi.

Gjatë seancës, Naim Murseli deklaroi se ka pasur një parakontratë borxhi me Pacollin në vlerë prej 100 mijë eurosh, të cilën pretendoi se e ka shlyer “në mënyra të tjera”.

Pacolli e konfirmoi ekzistencën e këtij borxhi, por theksoi se kurrë nuk ia ka kërkuar mbrapsht.

“I kam ndihmu gjithmonë atij. S’e kam kërku atë borxh mbrapa hiç. Po më duket ka mbet një borxh prej kur e ka ble një lokal përpara atje në Suedi”, u shpreh biznesmeni, duke i cilësuar këto raporte si publike dhe të njohura.

Gjykata e ka arsyetuar refuzimin e kontaktit mes tyre me faktin se Pacolli hyn në kategorinë e personave me të cilët ligji nuk e lejon komunikimin e të akuzuarit në këtë fazë të procedurës./Insajderi

“Nesër përfundon, a të ka thënë Kuça që…”/ Dalin mesazhet ndërmjet Naim Murselit dhe Granit Plavës

Prokurorja e rastit ka vazhduar sot marrjen në pyetje të Naim Murselit, duke u fokusuar në ekspertizën e telefonave dhe komunikimet e tij para vrasjes së Liridona Ademajt.

Gjatë seancës, prokurorja e ka pyetur Murselin nëse e ka lexuar aktakuzën e plotë, ndërsa ai ka konfirmuar se e ka lexuar.

Ai është pyetur gjithashtu se prej kur njihet me Granit Plavën, duke deklaruar se janë njohur rreth një muaj para ngjarjes.

Prokurorja më pas ka paraqitur rezultatet e ekspertizës së telefonit të Granit Plavës, sipas së cilës Murseli kishte komunikuar rregullisht me të gjatë 10 ditëve të fundit para vrasjes së Liridona Ademajt.

Sipas prokurorisë, një ditë para vrasjes, në orën 19:41, Murseli i kishte dërguar një mesazh Granit Plavës: “Shok, me siguri nesër përfundon. A të ka thënë Kuça, që paradite”.

Prokurorja e ka pyetur Murselin nëse i kujtohet ky mesazh, ndërsa ai është përgjigjur para trupit gjykues:
“Nuk më kujtohet”.

Seanca gjyqësore po vazhdon në Gjykatën Themelore në Prishtinë.

“Borxhin e lava në një formë tjetër, jo me para”: Naim Murseli i kishte borxh 100 mijë euro Behgjet Pacollit

Gjatë shqyrtimit të provave në procesin gjyqësor, është prezantuar një dokument që dëshmon se i akuzuari Naim Murseli kishte një borxh në vlerë prej 100 mijë eurosh Behgjet Pacollit.

Sipas përmbajtjes së dokumentit të paraqitur në seancë, kjo shumë rezulton të jetë pjesë e një marrëveshjeje financiare ndërmjet Murselit dhe Pacollit.

Në deklarimet e tij para trupit gjykues, Murseli ka pohuar se këtë borxh e ka kthyer, jo përmes një pagese të drejtpërdrejtë monetare, por “në forma të tjera”, siç i ka cilësuar ai.

Ai ka theksuar se bëhet fjalë për një marrëveshje private mes tij dhe Pacollit, e cila, sipas tij, nuk ka lidhje me interes apo përfitim të jashtëligjshëm, por është shlyer përmes formave të tjera të dakorduara mes palëve.

Vdes zyrtari policor nga Dragashi, Arsim Kurtishi

Ka ndërruar jetë zyrtari i Policisë së Kosovës nga Dragashi, Arsim Kurtishi.

Lajmin për ndarjen nga jeta të tij e bëri publik përmes një njoftimi mortor në ‘Facebook’ onkologu i mirënjohur, dr. Ilir Kurtishi.

“Me dhimbje të thellë njoftoj miqtë, kolegët dhe dashamirët se është ndarë nga jeta axha im i dashur,” shkroi ai në njoftimin e tij.

Varrimi i Arsim Kurtishit do të bëhet sot nga ora 12:00 në Dragash.

Publikohet momenti kur qeni paralajmëron pronarin për tërmetin, e nxjerr në oborr – VIDEO

Një tërmet ka godit mbrëmë Kosovën, me epiqendër 23 km në Lindje të Prizrenit.

Mediat lokale në Prizren kanë publikuar pamje nga momenti i tërmetit, ku vërehen dridhjet e fuqishme.

Është publikuar edhe një moment, kur qeni e paralajmëroi pronarin për tërmetin që po vinte.