Kryetari i Pejës, Gazmend Muhaxheri, mëngjesin e sotëm u përball me një sulm fizik që dyshohet se lidhet me motive për shkak të funksionit të tij. Dy personat që dyshohen për këtë incident përfunduan në prangat e Policisë, ndërkohë që tashmë ka nisur një hetim në koordinim me Prokurorin e Shtetit, raporton Gazeta Sinjali.
Dy të arrestuarit, Dukagjin Lulaj dhe Korab Lulaj – identitetin e të cilëve Sinjali e zbuloi ekskluzivisht, u prangosën dhe u dërguan në mbajtje.
Policia ndërmorri veprimet e nevojshme dhe intervistoi kryetarin në cilësinë e viktimës lidhur me këtë incident, me ç’rast dha dëshminë e tij para hetuesve policorë.
Sinjali mëson se pas përfundimit të intervistimit dhe procedurave të tjera në Polici, Muhaxheri është nisur për në Gjermani, udhëtim ky që e kishte të planifikuar në agjendën e tij.