Kosova e mbyll me këtë rezultat kampanjën historike për Botëror

Kosova ka marrë një pikë në ndeshjen e fundit në kuadër të fazës së grupeve për kualifikimet për Kampionatin Botëror.

Kosova arriti të barazojë me Zvicrën në shtëpi, duke mbyllur kampanjën kualifikuese në pozitën e dytë në grup.

Për pikën e Kosovës shënoi Florent Muslija, i cili realizoi një supergol në minutën e 74-të, ndërkaq për Zvicrën shënoi Vargas në minutën e 48-të.

Kjo ishte kualifikuesja më e suksseshme për Kosovën.

Për herë të parë Kosova ka arritur fazën “play-off” për një vend në Botëror.

Kjo ishte hera e tretë që Kosova merr pjesë në kualifikuese për Botëror.

Zhvillimet në kufirin Kosovë-serbi, reagon KFOR-i

Misioni Paqembajtës i NATO-s në Kosovë, KFOR-i, në një përgjigje me shkrim për Nacionale është deklaruar rreth disa zhvillimeve në kufirin Kosovë – Serbi, përçka Beogradi zyrtar me maçineri të tabloideve, portaleve dhe teevizioneve me frekuencë kombëtare e ka paraqitur për “sulm të armatosur shqiptar ndaj një baze ushtarake serbe” dhe e ka shpërndarë masivisht. Policia e Kosovës e ka demantuar menjëherë për dezinformatë ndërsa tregoi i vetmi rast i shënuar është arrestimi i katër personave gjuetarë, shtetas të Serbisë, të cilët ilegalisht kishin hyrë në territor të Kosovës. KFOR-i tha se po monitoron situtatën nga afër dhe “nuk pati rol në arrestime” ndërsa citoi hetimin që janë duke kryer autoritetet e Kosovës. Për këtë hetim, KFOR-i na tha se “është e rëndësishme që të ec para” dhe që, në ndërkohë, “të mos merren veprime dhe të mos bëhen deklarata që mund të çojnë në rritje të tensioneve të panevojshme”.

…

“KFOR-i po e monitoron situatën nga afër. Misioni ynë nuk ka mandat për zbatimin e ligjit dhe nuk kishte asnjë rol në arrestime. Policia e Kosovës dhe institucionet në Kosovë kanë nisur një hetim për çështjen. Prandaj, ju referojmë atyre për çdo koment. Është e rëndësishme që ky hetim të ecë përpara dhe të mos ndërmerren veprime dhe të mos bëhen deklarata që mund të çojnë në ndonjë rritje të panevojshme të tensioneve. Kjo është çelësi për të mbrojtur sigurinë në të gjithë Kosovën dhe stabilitetin rajonal. KFOR-i vazhdon të zbatojë mandatin e tij të gjatë të OKB-së, duke kontribuar në një mjedis të sigurt për të gjithë njerëzit që jetojnë në Kosovë, në koordinim të ngushtë me Policinë e Kosovës dhe Misionin e BE-së për Sundimin e Ligjit (EULEX), në rolet e tyre përkatëse si reagues të sigurisë”, tha KFOR për Nacionale.

Policia e Kosovës ka hedhur poshtë pretendimet e disa mediave serbe, sipas të cilave një “grup i armatosur shqiptarësh ka hapur zjarr ndaj pjesëtarëve të ushtrisë serbe pranë bazës ‘Debela Glava’”. Në një njoftim zyrtar të publikuar të hënën, institucioni i sigurisë i cilësoi këto raportime si “dezinformata, të pabazuara dhe që nuk korrespondojnë me asnjë informacion zyrtar apo ngjarje të verifikuar”.

Sipas Policisë së Republikës së Kosovës, të gjitha të dhënat operative dhe raportimet nga njësitë policore në terren tregojnë se “nuk është regjistruar asnjë incident i karakterit të pretenduar”. Policia e Kosovës tha se publikimi i lajmeve të pasakta “kontribuon në krijimin e perceptimeve të rreme dhe rritjen e tensioneve të panevojshme në zonat kufitare.”

Policia njoftoi se situata përgjatë vijës kufitare ka qenë e qetë dhe “plotësisht nën kontroll të autoriteteve”. Megjithatë, gjatë operacioneve rutinë, njësitë policore kanë arrestuar katër shtetas serbë të dyshuar për “kallim ilegal të vijës kufitare dhe armëmbajtje pa leje”. Të dyshuarit, të identifikuar si gjuetarë që kishin hyrë nga territori i Serbisë në Kosovë, janë dërguar në mbajtje me vendim të organeve kompetente të drejtësisë, ndërsa armët dhe municioni u konfiskuan.

Policia u bëri thirrje mediave që të mbështeten në burime të verifikuara dhe të shmangin publikimin e informacionit të pakonfirmuar, duke theksuar se lajme të tilla mund të ndikojnë negativisht në rendin dhe sigurinë publike.

“Policia e Kosovës mbetet e përkushtuar në garantimin e sigurisë së përgjithshme, zbatimin e ligjit dhe ruajtjen e rendit publik për të gjithë qytetarët e Republikës së Kosovës”, thuhet në njoftim.

E kemi menduar më të madhe në moshë, nuk do besoni sa vjec është Benita e Big Brother Kosova

Benita Zena është një nga 20 banorët e Big Brother Vip Kosova.

Mbrëmë të gjithë banorët u bënë pjesë e shtëpisë duke filluar lojën e tyre.

Benita mori vëmendje me dukjen duke u pëlqyer për bukurinë dhe format trupore.

Por, ajo ka zbuluar se është vetëm 21 vjec, derisa në dukje, ndoshta nga ndërhyrjet duket më e madhe në moshë.

A kanë ndryshuar mendje? LDK-ja tregon qëndrimin final për Konjufcën kryeministër

Të mërkuren pritet të hidhet në votim propozimi për formimin e Qeverisë së re të udhëhequr nga Glauk Konjufca.

Deputeti i LDK-së, Arben Gashi, deklaroi sonte në emisionin Politiko se partia e tij nuk do të japë votat për një Qeveri të udhëhequr nga Konjufca.

“LDK nuk e voton Qeverinë Konjufca,” theksoi Gashi, duke e bërë të qartë qëndrimin e subjektit të tij politik.

Ai gjithashtu kritikoi thirrjen e seancës së parë të parashikuar për buxhetin, duke e cilësuar atë shkelje të Kushtetutës.

Në këtë televizion kosovar mund ta shikoni ndeshjen mes Kosovës dhe Zvicrës

Kombëtarja e Kosovës në futboll, sonte do të përballet me Zvicrën në stadiumin “Fadil Vokrri” në Prishtinë, në sfidën e fundit të kualifikimeve për Kupën e Botës 2026.

Dardanët të cilët aktualisht renditen në vendin e dytë të grupit me 10 pikë, kërkojnë rezultat pozitiv në duel me zviceranët.

Kosova në këtë përballje ndaj Zvicrës vjen pas fitores së madhe ndaj Sllovenisë.

Zvicra kryeson grupin me 13 pikë, ndërsa në ndeshjen e parë mes dy kombëtareve, helvetikët fituan me rezultat 4–0. Për këtë arsye, skenari i vetëm që do t’i jepte Kosovës biletën direkte për në Botëror është një fitore me rezultat të thellë 6–0. Çdo rezultat tjetër do ta mbante Kosovën në vendin e dytë, duke e dërguar në Play-Off e Kupës së Botës 2026, që është arritja më e madhe në historinë e kombëtares sonë.

Dueli mes Kosovës dhe Zvicrës nis në orën 20:45, derisa interesimi i tifozëve për këtë ndeshje është jashtëzakonshëm dhe se të gjitha biletat për këtë ndeshje janë shitur brenda pak orësh.

Ky takim do të transmetohet direkt në Radio Televizionin e Kosovës (RTK).

Lista Serbe e vetmja parti që mund të ia sigurojë VV-së kuorumin për seancën e buxheti

Lëvizja Vetëvendosje, ka thirrur për të mërkurën dy seanca të jashtëzakonshme.

Seanca e parë, me fillim nga ora 11:00 është thirrur për Buxhetin e vitit 2026 dhe tetë pika të tjera të rendit të ditës.

Lëvizja Vetëvendosje ka kërkuar mbështetjen e partive politike për të miratuar buxhetin.

Megjithatë, partitë shqiptare të përfaqësuara në Kuvendin e Kosovës refuzojnë të marrin pjesë në këtë seancë.

Lidhja Demokratike e Kosovës thotë se nuk bëhet pjesë e “imponimit teatral”.

Partia Demokratike e Kosovës, Aleanca për Ardhmërinë e Kosovës e NISMA, vetëm kanë njoftuar se nuk do të marrin pjesë.

Për të nisur punimet e kësaj seance, duhet të ketë kuorum që garantohet me pjesëmarrjen e 61 deputetëve.

“Kuvendi ka kuorum kur janë të pranishëm më shumë se gjysma e deputetëve të Kuvendit”, thuhet në Rregulloren e Punës së Kuvendit të Kosovës.

Me mospjesëmarrjen e katër partive shqiptare, Vetëvendosjes, kuorumin mund të ia bëjë vetëm Lista Serbe e cila nuk është deklaruar ende nëse do të marrë pjesë në seancën e orës 11:00.

Nëse as Lista Serbe nuk merr pjesë të mërkurën paradite në seancë, atëherë, nuk do të ketë kuorum për mbajtjen e seancës së jashtëzakonshme, pasi në sallë do të jenë vetëm deputetët e Vetëvendosjes dhe ata të pakicave joserbe, që janë të pamjaftueshëm për të vazhduar me punimet e seancës.

Seanca tjetër është thirrur për orën 14:00 e në rend dite ka vetëm një pikë, atë të votimit të qeverisë me mandatarin e dytë, Glauk Konjufcën.

Juventusi shkruan sërish për Zhegrovën dhe Kosovën

Ekipi italian, Juventusi nuk po i ndal postimet për futbollistin kosovar, Edon Zhegrova.

Një të tillë e ka bërë sot, pikërisht në ditën e ndeshjes Kosovë – Zvicër, e fundit e kualifikimeve për Kampionatin Botëror.

“Vendi i Playoff u sigurua, por edhe një ndeshje ka mbetur! Edon Zhegrova dhe skuadra ende presin Zvicrën në finalen e Grupit B!”, thuhej në postimin e “Zonjës së Vjetër”.

Edon Zhegrova nuk pati fare minuta në ndeshjen ndaj Sllovenisë në Lubjanë, ndërsa pritet që sonte të ketë minuta në dispozicion.

Rama i reagon Muratit: Kosova shumë shpejt do ta ketë kryeministrin e saj, Lumir Abdixhikun

Kryetari i Prishtinës, Përparim Rama, ka reaguar ndaj deklarimeve të ministrit Hekuran Murati, duke i kujtuar se kryeqyteti ka institucionet e veta legjitime dhe se përçarjet nuk i ndihmojnë askujt.

Rama thotë se Prishtina e ka kryetarin dhe se LDK-ja ka fituar mandatin e qytetarëve, ndërsa shprehet i bindur se së shpejti edhe Kosova do ta ketë kryeministrin e ri, Lumir Abdixhikun.

Ai e akuzon Muratin dhe Qeverinë se po përpiqen të krijojnë tensione politike, por thekson se LDK nuk bie në të njëjtin nivel.

“Ne ju shohim, ju lexojmë, por nuk biem në nivelin tuaj. Thjesht punojmë dhe fitojmë. Ashtu siç e fituam kryeqytetin dy herë,” shkruan Rama.

Kryetari i Prishtinës thekson se LDK ka besimin e qytetarëve, ndërsa, sipas tij, ajo që ka Murati është një kallëzim penal dhe një çështje në Gjykatën Kushtetuese për, siç e quan ai, një bllokim të pajustifikueshëm të kryeqytetit, për të cilin thotë se do të ketë përgjegjësi “sot apo nesër”.

Hisen Berisha: Fatmir Sheholli ka ardhë më ka folë, kam mendu që ishte mërgimtar

Përmes një interviste në emisionin Kosova Live në T7, Hisen Berisha kanfolur për raportin e tij me Fatmir Shehollin e ku tha se ka qenë vetëm njohje e thjeshtë, e krijuar në mënyrë krejt të rastësishme.Berisha theksoi se nuk kanë pasur kurrë marrëdhënie bashkëpunimi apo takime të organizuara.

Ai tregoi se të gjitha kontaktet kanë ndodhur spontanisht, në vende publike dhe gjithmonë me iniciativë të vetë Shehollit

.Ai shtoj se në një nga këto takimet spontane të tyre tek kafja e lagjës, Sheholli kishte kërkuar të bënin një foto bashkë e ku më pas kishte bërë simbolin e shqiponjës gjë që atëherë Berishën e kishte bërë ta mendonte se Sheholli isht një person nga diaspora, pasi siq tha ai: “ zakonisht mërgimtarët bojnë foto me shqiponjë”.

Ndërkaq në një prej takimeve i njejti i kishte thënë: “Une jam UDBASH”, gjë që për Berishën kishte qenë komplet e pa pritur nga ana e tij.

VIDEO:

PDK, LDK dhe AAK në sinkron me njëra-tjetrën: Nuk marrin pjesë në seancën për buxhetin

Rendi kushtetues një gjë, rendi i gjërave të Vetëvendosjes diçka tjetër. Sahati kushtetues i fundit godet nesër në ora 23:59 për zgjedhje të qeverisë, çka përcakton fatin përfundimtar të kësaj legjislature të dalë nga zgjedhjet e 9 shkurtit nëse do të shpërbëhet dhe vendi të shkojë në zgjedhje të reja. Glauk Konjufca, mandatari i dytë për formim të qeverisë së re, që “bindi” Vjosa Osmanin, Presidente të Kosovës, se bën shumicë parlamentare për t’u zgjedhur, u dëshmua përfundimisht të ketë dështuar pas publikimit të “agjendës” dhe “rendit të ditës” së Kuvendit të Kosovës kur seancë të jashtëzakonshme u thirr për Buxhet, Komisione Parlamentare dhe Marrëveshje Ndërkombëtare, e tek pastaj seancë për zgjedhje të qeverisë. Në njoftimin e vetë, Vetëvendosja ka kërkuar vota nga ish-opozita për të miratuar ligje, projektligjeve e marrëveshje ndërkombëtare. Konjufca 1, kësisoji, u dëshmua të ketë qenë blerje 15 ditor kohe me Vjosa Osmanin “të bindur”. Tre partitë më të mëdha ish-opozitare, PDK, LDK dhe AAK kanë njoftuar se nuk do të marrin pjesë në këtë “seancë” të parë, sipas tyre, të paligjshme dhe kundër rendit kushtetues të vendit.

…

Kryetari i Lidhjes Demokratike të Kosovës, Lumir Abdixhiku, i quajti “popullistë të rrezikshëm” partinë Vetëvendosje me thirrjen dhe përmbajtësimin e seancës së orës 11:00 “pa asnjë konsultim, komunikim e diskutim” dhe shtoi se “refuzimi i popullistëve është akti më i lartë patriotik sot”.

“LDK nuk bëhet pjesë e shfaqejeve parlamentare të një pushteti në ikje. Nesër nuk marrim pjesë fare në seancën e imponimit teatral të orës 11:00-të. Mblidhuni vet; i bëni muhabet vetes. Luftën me mullinjtë e erës e bëni mirë. Nesër, nga ora 14:00, votojmë me bindje e krenari kundër pakicës që nuk mund të sillet si shumicë më në këtë shtet”, shkroi Abdixhiku në një reagim në rrjete sociale.

Partia Demokratike e Kosovës nuk do të merr pjesë në seancën e parë të jashtëzakonshme të thirrur nga Dimal Basha i Vetëvendosjes, ka konfirmuar për “Nacionale” Sekretarja e Përgjithshme e PDK-së, Vlora Çitaku.

Po ashtu Aleanca për Ardhmërinë e Kosovës nuk do të marrë pjesë në seancën e jashtëzakonshme të orës 11:00 të thirrur nga Vetëvendosje, ku kanë përfshirë çështje votimi i të cilave kërkon që të ketë qeveri legjitime të zgjedhur e të dalë nga zgjedhjet e 9 shkurtit. “Nesër nuk marrim pjesë në seancën e parë, në të dytën votojmë kundër”, tha zëdhënësi i AAK-së, Kushtrim Xhemaili në një përgigje me shkrim për Nacionale.

Arben Gashi i LDK-së e quajti shkelje të pastër të Rregullores së Kuvendit dhe logjikës kushtetuese, thirrjen e seances të jashtëzakonshme për çështje si Buxheti, komisionet parlamentare dhe marrëveshje ndërkombltare nga Vetëvendosje pa u zgjedhur ende qeveri legjitime e dalë nga zgjedhjet e 9 shkurtit.

Ndërkaq nga VV, anipse mesër afati i fundit kushtetues për zgjedhje të qeverisë, me mandatarin e dytë, Glauk Konufcën, ata s’iu referuan si ngjarje. Mimoza Kusari-Lila iu referua seancës “tjetër” të orës 11:00 ku partitë politike ish-opozitare nuk do të marrin pjesë.

“Mirëpresim diskutimet dhe miratimet për agjendën e nesërme”, shkroi ajo.