Pasi u zgjodh i pari i PDK-së, Hamza ka disa fjal edhe për Lladrovcin

Kryetari i ri i Partisë Demokratike të Kosovës, Bedri Hamza pas konventës foli edhe për çështjen e Ramiz Lladrovcit, duke thënë se janë të hapur t’i bisedojmë të gjitha çështjet.

“Sa i përketë çështjes së z.Lladrovci, ne jemi të hapur t’i bisedojmë të gjitha çështjet. Normalisht që ne kemi interes që të gjithë ata që kanë qenë, çfarëdo faze të historisë të zhvillimit dhe ecjes së PDK-së, me qenë brenda Partisë Demokratike të Kosovës dhe të vazhdojmë kontributin”, tha ai në konferencën për media.

Hamza tha se do bëjë përpjekje për të trajtuar këtë çështje me seriozitet.

“Hatërmbetjet e momentit, hatër mbetjet e caktuara gjithmonë ka rrugë dhe mundësi për t’i kaluar dhe unë do t’i dëgjoj të gjithë me kujdes, me seriozitet dhe me sinqeritet”, u shpreh ai.

Top Channel largon dy moderatoret e njohura

Top Channel ka larguar nga emisioni i mëngjesit “Wake Up” dy moderatoret, Enxhi Nasufi dhe Neada Muçaj.

Ky vendim i menjëhershëm i drejtuesve të televizionit ka ardhur si pasojë e konflikteve të vazhdueshme mes dy moderatoreve.

Burime të VoxNews bëjnë me dije se raportet mes Enxhit dhe Neadës kanë qenë të tensionuara prej kohësh.

Fatkeqësisht, konflikti nuk është ndalur më vetëm te fjalët; tensionet mes tyre ishin aq të thella sa situata, sipas informacioneve, degjeneroi deri në përplasje fizike mes dy moderatoreve. Ky akt ka detyruar drejtuesit e televizionit të marrin masën më të rëndë të mundshme për ruajtjen e etikës dhe ambientit të punës.

Edhe pse përplasjet fizike kanë ndodhur jashtë kamerave, ftohtësia mes dy vajzave ishte e dukshme për shikuesit edhe gjatë transmetimit të fundit. Kolegu i tyre, Blendi Salaj, i cili kompletonte treshen e mëngjesit në Top Channel, përpiqej të mbante balancën mes tyre.

Kjo treshe – Blendi Salaj, Enxhi Nasufi dhe Neada Muçaj, ishin zërat me të cilët nisnin ditën shumë të apasionuar pas radios apo te tjerë që nuk kanë kohën e mjaftueshme për t’u ulur përpara ekranit.

Vendimi i Top Channel dërgon një sinjal të qartë se sjellje të tilla nuk do të tolerohen brenda mjediseve të punës.

Hamza: Asnjëherë nuk kam vendos vija të kuqe për asnjë subjekt politik

Bedri Hamza pasi u bë kryetar i PDK-së e ka konsideruar garë demokratike zgjedhjen e tij në Konventë, raporton Ekonomia Online. Ai tha po ashtu se nuk ka vija të kuqe për asnjë parti kur bëhet fjalë për interesin e shtetit.

“Nuk ka garë më demokratike se kjo sot. Statuti, rregulloret janë këto dhe duhet t’i respektojmë të gjithë. Gara ka qenë e hapur, koha ka qenë e njëjtë si për mua si për të tjerët. Unë e kam mik Hoxhajn që 22 vite, jemi bashkë në PDK. Pres që bashkë do ta bëjmë më të mirën në PDK. Demokracia është kjo”, tha ai.

Ai ka shprehur gatishmërinë për të bashkëpunuar me partitë politike kur bëhet fjalë për interesin e shtetit.

“Jam gjithmonë i hapur që përkundër dallimeve me subjektet e tjera politike me bashkëpunu pa asnjë barrierë në dobi dhe në interes të vendit. Sepse konsideroj që veni jonë ka nevojë për ndryshim, për progres dhe për një zhvillim në gjithë sektorët. Unë asnjëherë nuk kam vendos vija të kuqe për asnjë subjekt politik, dhe normalisth që bashkëpunojmë me gjitha partitë politike në dobi të vendit. Gjithmonë brenda rregullave  dhe brenda marrëveshjeve politike”, tha ai.

Ai tha se PDK është e gatshme për zgjedhje.

“Jemi të përgatitur dhe pres që zgjedhjet me u mbajt shpejt. Sikur se pritet nga Presidentja që të shpallet edhe data e zgjedhjeve, ne si PDK jemi mirë të organizuar. Normalisht që kemi ekip të mirë, kemi program që jemi duke freskuar, i kemi gjitha përgatitjet e nevojshme që të garojmë me një program që reflekton nevojat e qytetarëve të Kosovës dhe është real dhe i matshme i zbatueshme. Pres që të arrijmë rezultate të mira”, tha ai.

Humbi ‘betejën’ në parti, Hoxhaj ka disa fjal për Kurtin

Nënkryetari i PDK-së, Enver Hoxhaj, ka reaguar pas zgjedhjes së Bedri Hamzës në krye të Partisë Demokratike të Kosovës, duke e cilësuar procesin si të mbyllur dhe jo në standardet demokratike, që, sipas tij, PDK-ja duhet t’i mbrojë.

Hoxhaj tha para mediave se partia nuk mund të pretendojë se lufton, siç u shpreh ai, “sistemin autoritar të Kurtit”, ndërkohë që brenda vetes shkel parimet e garës së hapur dhe demokracisë së brendshme.

“Qëndrimi im është parimor. Nëse duam ta luftojmë sistemin autoritar që po e vendon Kurti, nuk mund të shkelim institucionet tona demokratike – garën e hapur, prezantimin e ideve, platformat dhe dialogun e brendshëm”, deklaroi ai para gazetarëve.

Hoxhaj e quajti këtë Konventë “më shumë garë të mbyllur sesa proces demokratik”, por tha se e respekton vendimin e delegatëve për kryetarin e ri.

Ai shtoi se nuk e sheh të ardhmen e Kosovës pa rolin e PDK-së, UÇK-së dhe ish-udhëheqësve të saj historikë.

Në fund, Hoxhaj paralajmëroi se është i gatshëm të veprojë për të larguar Qeverinë Kurti.

“Por, unë e respektoj vendimin që e ka marrë delegatët, ku vendosën për kryetarin e ardhshëm. Do të bëj përpjekje që nëse dështova që të jem pjesë për një garë të barabartë të brendshme, jam i gatshëm që ta bëj garën jashtë që ta largojmë Qeverinë Kurti së bashku me partitë tjera opozitare”, deklaroi ai.

Në PDK të gjithë PRO, përveç njërit – ja kush nuk e votoi Hamzën

Bedri Hamza është zgjedhur kryetar i ri i Partisë Demokratike të Kosovës (PDK) gjatë Konventës së dymbëdhjetë zgjedhore, që u mbajt sot në Prishtinë.

Hamza mori të gjitha votat pro, ndërsa i vetmi që abstenoi ishte ish-nënkryetari i partisë, Enver Hoxhaj.

Çka po paralajmëron Xheneta disa orë para fillimit të BBVK?

Ish finalistja e BBVK3, Xheneta Fetahu ka publikuar një fotografi në instastory, ku ka paralajmëruar fillimin e edicionit të ri të BBVK 4.

Ajo ka pyetur: A a jeni gati?, në një foto ku shihet moderatori i këtij emisioni, Alaudin Hamiti.

”A jeni gati??? 21:00”, ka shkruar Xheneta.

Mos ndoshta ish-banorja do të ketë ndonjë rol këtë edicion, kjo nuk dihet ende por mbetet të shihet mbrëmjen e sotme.

Foto:

Ministër, deputet, kryetar komune e guvernator i BQK’së – Kush është Bedri Hamza, kryetari i ri i PDK’së

Bedri Hamza është zgjedhur kryetar i ri i Partisë Demokratike të Kosovës.

Hamza ka pasuar Memli Krasniqin, pas dorëheqjes që ky i fundit ofroi ditë më parë.

Zgjedhja e Hamzës u bë pak me parë në Konventën e PDK’së. Për të votuan … anëtarë të kësaj partie

Por, kush është kryetari i ri i PDK’së?

Hamza ka lindur në Skenderaj, megjithatë karrierën politike ai e ka zhvilluar kryesisht në Mitrovicë të Jugut dhe në Prishtinë.

Hamza ka ushtruar disa pozita përgjatë karrierës së tij politik. Ai ka qenë deputet, ministër, kryetar komune e guvernator i Bankës Qendrore të Kosovës.

Si ministër, ai ka qenë në krye të Ministrisë së Financave në dy mandate.

Fillimisht këtë pozitë ka ushtruar gjatë qeverisjes së Thacit përgjatë viteve 2011-2014. Mandat gjate të cilët, Hamzës i atribuohen merita për rritjen e pagave.

Pas kësaj, Hamza ka qenë guvernator i BQK’së. Pozitë të cilën ai ka mbajtur për disa vite.

Pas BQK’së, Hamza është emëruar serish ministër i Financave, në qeverisjen e Ramush Haradinajt, gjatë viteve 2017-2019.

Pas kësaj, Hamza ka ushtruar edhe pozitën e kryetarit të komunës. Si udhëqes komunal në Mitrovicë, Hamza ka qenë gjatë viteve 2021-2024.

Përveç këtyre, Hamza ka qenë edhe kandidat i PDK’së për kryeministër në zgjedhjet e 9 shkurtit, ku ai arriti të marr gati 200 mijë vota. Kjo, për shumë kë u pa si sukses.

Pas zgjedhjes kryetar, Hamza pritet të jetë serish kandidat i kësaj partie për kryeministër në zgjedhjet që dukën të jenë të pashmangshme në fund të vitit.

Këto janë fjalët e para nga Bedri Hamza pasi u zgjodh kryetar i PDK-së

Bedri Hamza pas zgjedhjes si kryetar i Partisë Demokratike të Kosovës është shprehur se i është dhënë një përgjegjësi e madhe.

Ai u shpreh se e pranon këtë detyrë me nder dhe me përkushtim të plotë.

“Sot ju ma dhatë mua një përgjegjësi të madhe, një nder të jashtëzakonshëm, një detyrë që e pranoj me nder dhe me përkushtim të plotë”.

“Ju falënderoi për besimin, mbështetjen dhe drejtimin e ri që i dhatë partisë sonë”, u shpreh kryetari i ri i PDK-së.

Konventa e PDK-së, Haliti ndërpret Çitakun

Xhavit Haliti, anëtar i PDK-së, i ka ndërhyrë Vlora Çitakut në fjalën e saj, pasi kjo e fundit deklaroi se ka përfunduar pjesa solemne e konventës së PDK pas fjalimit të Memli Krasniqi.

Haliti tha se dorëheqja e Krasniqit duhet të miratohet nga anëtarësia e PDK’së.

‘’Mendoj që s’ka përfunduar pjesa solemne. Memli ka paraqit dorëheqjen, na këtu e kemi zgjedhe dhe duhet të ia miratojmë dorëheqjen, është procedurë që duhet me respektuar të gjithë dhe me zbatu të gjithë’’, ka thënë Halitit.

Pas kësaj, Çitaku e hodhi në votim, duke njoftuar se me shumicë votash është miratuar dorëheqja e Krasniqit.

Këtu mund ta ndiqni sonte “Big Brother Vip Kosova”

Pritja ka marrë fund! Edicioni i katërt i spektaklit më të madh në rajon, “Big Brother VIP Kosova 4”, do të nisë sonte me Primen e parë, duke sjellë banorët e rinj dhe intriga të reja në ekran.

Për të siguruar që asnjë shikues të mos e humbasë këtë nisje madhështore, moderatori i formatit, Alaudin Hamiti, ka përdorur rrjetet sociale për të njoftuar publikun mbi të gjitha platformat ku mund të ndiqet transmetimi i drejtpërdrejtë.

Në një njoftim të shpërndarë pak çaste më parë, Hamiti konfirmoi se Prime i parë do të jetë qasshëm në një gamë të gjerë platformash televizive dhe dixhitale.

Kjo qasje e gjerë synon të kapë shikuesit jo vetëm në Kosovë, por edhe diasporën dhe audiencën në rajon. Shikuesit mund të ndjekin spektaklin përmes:

Klan Kosova (Televizioni kryesor transmetues)

ArtMotion

Digitalb

Tring

NiMTV

YouTube

Përfshirja e YouTube është veçanërisht e rëndësishme, pasi i lejon shikuesit ndërkombëtarë të shohin live momentet kyçe të mbrëmjes, duke rritur ndjeshëm audiencën globale të formatit.

Me njoftimin e tij, Alaudini ka rritur edhe më tej kuriozitetin, teksa publiku pret me padurim të zbulojë emrat VIP që do të hyjnë sonte dhe dinamikat e para brenda shtëpisë më të famshme në Kosovë.