“Gru e keqe, ke mbetë pa u martu” – Deputeti i VV-së godet rëndë Çitakun e PDK-së

Deputeti i Lëvizjes Vetëvendosje, Fatos Geci, përdori gjuhë denigruese ndaj deputetes së Partisë Demokratike të Kosovës, Vlora Çitaku, përgjatë seancës për energjinë elektrike.

Teksa kritikohej për deklaratën që dha, duke uruar që ish-presidenti Hashim Thaçi të dënohet në Hagë sikurse Naim Murseli me burgim të përjetshëm, iu drejtua me gjuhë denigruese deputetes Çitaku.

“I ke bë 100 vjet, ke mbetë pa martu. Gru e keqe”, dëgjohet duke i thënë Çitakut, derisa kjo e fundit dëgjohet tek i thotë “Mos ashtu”.

I njëjti deputet dje, përdori fjale te renda drejtuar ish-presidentit të Kosovës Hashi Thaçi i cili ndodhet në Hagë.

Ai ka kërkuar dënim me burgim të përjetshëm për ish-presidentin Hashim Thaçi, gjatë një fjalimi në Kuvendin e Kosovës.Geci tha se Thaçin do ta ndjek fati i Naim Murselit, i cili u dënua sot me burgim të përjetshëm.

“Sot, dua të përshëndes vendimin e gjykatës për burgim të përjetshëm ndaj Naim Murseli. Dhe ju (duke iu drejtuar deputetëve të PDK-së) që shpresoni se lideri juaj suprem do të lirohet, do ta përcjellë i njëjti fat. Por, edhe nëse lirohet ai nuk ka kurrfarë kredibiliteti përball Albin Kurtit”, deklaroi Geci mes të tjerash.

Shtesat për fëmijë në rritje, mbi 404 mijë përfitues vetëm në mars

Agjencia e Statistikave e Kosovës (ASK) ka publikuar raportin për statistikat e mirëqenies sociale për muajin mars 2026, duke nxjerrë në pah rritjen e numrit të përfituesve në disa prej skemave kryesore sociale.

Si rritje e numrit të përfituesve janë shtesat për fëmijë ku sipas të dhënave në muajin mars përfituan 404.233 fëmijë me vlerën 14 milionë e 649 mijë e 495 euro.

Sipas të dhënave zyrtare, numri më i madh i përfituesve vazhdon të jetë i përqendruar te të moshuarit, kategoritë e dala nga lufta dhe familjet në nevojë sociale. Megjithatë, vëmendje e veçantë i është kushtuar edhe programit për shtesat për fëmijë, i cili gjatë këtij muaji ka regjistruar një numër të lartë përfituesish.

Ky program konsiderohet një nga mbështetjet kryesore për familjet, duke synuar lehtësimin e barrës ekonomike dhe përmirësimin e mirëqenies së fëmijëve në vend.

Raporti gjithashtu përfshin edhe skema të tjera të rëndësishme si pensionet familjare, pensionet për personat paraplegjikë dhe tetraplegjikë, pensionet për familjet e dëshmorëve dhe invalidëve të luftës, pensionet e Forcës së Sigurisë së Kosovës, si dhe pensionet e “Trepçës”.

Sot ka festë në familjen e Lumir Abdixhikut!

Sot në familjen e kreut të Lidhja Demokratike e Kosovës (LDK), Lumir Abdixhiku ka festë.

I pari i LDK-së sot shënon ditëlindjen e 43-të, duke marrë urime të shumta nga bashkëpunëtorë, miq dhe qytetarë.

Abdixhiku, i cili prej vitesh është pjesë aktive e skenës politike në vend, vazhdon të mbetet një nga figurat më të rëndësishme në këtë subjekt politik.

Kujtojmë se ai është i martuar dhe është baba i dy vajzave.

E trishtë: 27-vjeçarja humb jetën pas lindjes së binjakëve

Një ngjarje e rëndë ka tronditur qytetin e Shkodër, ku një 27-vjeçare shtetasja M.S ka humbur jetën vetëm pak orë pasi ishte bërë një apel urgjent për dhurim gjaku në ndihmë të saj.

E reja kishte sjellë në jetë binjakë, por gjendja e saj shëndetësore u përkeqësua menjëherë pas lindjes, duke e bërë të domosdoshëm sigurimin urgjent të gjakut të grupit 0 negativ. Thirrja për ndihmë u përhap me shpejtësi në rrjetet sociale dhe në media, duke mobilizuar dhjetëra qytetarë që iu përgjigjën menjëherë apelit për të dhuruar gjak, shkruan TopChannel, raporton KlanKosova.tv.

Pavarësisht përpjekjeve të mjekëve dhe solidaritetit të treguar nga qytetarët, 27-vjeçarja nuk arriti t’i mbijetojë gjendjes kritike.

Kjo humbje ka prekur thellë opinionin publik, ndërsa familja e saj po përballet me një dhimbje të madhe. Qytetarë të shumtë kanë shprehur ngushëllimet dhe mbështetjen e tyre në këtë moment të vështirë.

Trusti del me një njoftim të rëndësishëm

Trusti i Kursimeve Pensionale të Kosovës (FKPK), i themeluar në vitin 2002, ka vazhduar të rrisë investimet e tij brenda vendit përgjatë viteve të fundit, duke u bërë një nga investitorët institucionalë më të rëndësishëm në tregun vendor.

Sipas të dhënave zyrtare, FKPK ka filluar investimet në Kosovë në vitin 2008, fillimisht përmes depozitave bankare, praktikë kjo që vazhdon çdo vit edhe sot. Më vonë, nga viti 2014 e në vijim, Trusti ka zgjeruar investimet edhe në letrat me vlerë të Qeverisë së Kosovës, duke marrë pjesë pothuajse në çdo ankand të organizuar nga institucionet shtetërore.

Këto dy forma – depozitat bankare dhe letrat me vlerë të shtetit – mbeten mundësitë e vetme ligjore përmes të cilave FKPK mund të investojë brenda Kosovës.

Në total, gjatë viteve të fundit (përfshirë periudhën 2020–2025 sipas të dhënave të raportuara deri më 31 dhjetor), investimet e FKPK-së në tregun vendor kanë përfshirë një kombinim të vazhdueshëm të depozitave bankare dhe blerjes së obligacioneve qeveritare, duke reflektuar rritje graduale të ekspozimit të fondeve pensionale në ekonominë e brendshme.

Ky trend tregon një orientim të qëndrueshëm të Trustit drejt mbështetjes së tregut financiar të Kosovës, ndonëse pjesa më e madhe e mjeteve vazhdon të jetë e investuar jashtë vendit për arsye të diversifikimit dhe sigurisë së fondeve.
Në grafikun e publikuar të investimeve për periudhën 2020–2025, shihet një rritje e qëndrueshme e pjesëmarrjes së mjeteve pensionale në instrumentet financiare brenda Kosovës, sidomos në letrat me vlerë të Qeverisë.

16 euro në llogari: Kërkohet hetim për ‘pasurinë’ e Kurtit, “Çdo paqartësi mund të thellojë hendekun mes qeverisjes dhe shoqërisë”

Shuma e deklaruar e pasurisë së Kryeministrit të Kosovës, Albin Kurti, ka ngjallur reagime të shumta, pasi në llogarinë e tij bankare rezulton të jenë vetëm 16 euro e 41 centë.

Derisa në anën tjetër bashkëshortja e tij posedon një pasuri më të madhe ku vetëm një banesë në emrin e saj kap shifrën 530 mijë euro.

Analisti Blerim Burjani, në një prononcim për Gazetën Infokus, ka hedhur dyshime se deklarimi i vitit 2026 i kryeministrit Kurti mund të jetë i vërtet.

Ai ka thënë se ky mund të jetë një deklarim formal që nuk reflekton pasuritë e tjera të kryeministrit, si pasuri të paluajtshme, të ardhura familjare ose mjete në forma të tjera.

“Deklarim formal, jo pasqyrë e plotë e likuiditetit kursimet në një llogari nuk përfshijnë domosdoshmërisht pasuri të tjera pasuri të paluajtshme, të ardhura familjare, mjete në forma të tjera” theksoi Burjani .

Sipas tij, kjo mund të jetë gjithashtu një zgjedhje personale financiare, ku individët mbajnë më pak para në llogari dhe i investojnë ose shpërndajnë ndryshe.

Burjani shton se mund të ketë edhe një mesazh politik pas kësaj deklarate, duke synuar krijimin e një imazhi modest dhe të larguar nga elitat e pasura. Ai thekson se, megjithatë, kjo shifër nuk është domosdoshmërisht një tregues i pasigurisë financiare.

“Një politikan në atë nivel nuk matet vetëm nga kursimet në bankë” theksoi ai.

Megjithatë, problemi qëndron te perceptimi publik. Në një vend me varfëri të lartë, ky deklarim mund të duket jo-bindës ose simbolik dhe mund të dëmtojë besimin institucional. Ky deklarim mund të shihet gjithashtu si i shkëputur nga realiteti, dhe në një shoqëri ku shumë qytetarë luftojnë për mbijetesë, ata presin sinqeritet dhe qartësi nga udhëheqësit e tyre.

Burjani përfundon duke theksuar se deklarata e pasurisë nuk është çështje e shumës së parave, por e transparencës dhe besueshmërisë. Në një shoqëri ku qytetarët janë skeptikë ndaj politikës, çdo paqartësi mund të thellojë hendekun mes qeverisjes dhe shoqërisë.

“Megjithatë, transparenca dhe koherenca janë thelbësore. Nëse deklarimet duken të paplota apo të pakuptueshme, krijohet hapësirë për dyshime” tha ai .
Ai sugjeron që pasuria e kryeministrit të verifikohet me kujdes dhe që organet kompetente, përfshirë SPAK-un, të sigurojnë transparencë të plotë për burimet e pasurisë dhe për të shmangur çdo abuzim.

“Çështja e funksionarëve publik dhe përfituesve shumëvjeçar janë fakte që duhet hetuar nga një SPAK kosovar. Të gjithë duhet të hyjnë nën lupën e prokurorisë dhe gjykatave” shtoi ai

Adem Grabovci: Albin Kurti i ka shpallur zgjedhjet, ksajde jemi – gjithmonë në shërbim të popullit

Adem Grabovci, ish-funksionar i lartë i PDK-së, mori pjesë dje në mbledhjen e Këshillit të Përgjithshëm të PDK-së.

Para se të fillonte takimi, Grabovci u deklaruar shkurt.

Sipas tij, kryeministri Albin Kurti ka shpallur zgjedhje.

“Ksajde jemi, gjithmonë në shërbim të popullit” – tha shkurtimisht Grabovci.

Qytetarët pritet të rimbursohen për energji elektrike

Zyra e Rregullatorit për Energji (ZRRE) ka bërë të ditur se është duke monitoruar situatën lidhur me shqetësimet e paraqitura nga konsumatorët për devijimin e mundshëm të orëve tarifore në faturimin e energjisë elektrike.

ZRRE në një reagim për media thotë se siguron të gjithë konsumatorët se, në bashkëpunim të ngushtë me të gjithë akterët relevantë, do të ndërmerren veprime konkrete me qëllim që të parandalohet çdo dëm i mundshëm ndaj konsumatorëve dhe të garantohet një proces i drejtë dhe transparent i matjes së energjisë elektrike.

“ZRRE informon publikun se në rastet e paraqitura nga konsumatorët lidhur me devijimin e mundshëm të orëve tarifore në faturimin e energjisë elektrike, ka ndërmarr të gjitha veprimet e saja konform legjislacionit në fuqi, duke kërkuar zëvendësimin e atyre njehsorëve elektrik, si dhe marrjen e masave konkrete për korrigjimin financiar në përputhje me vlerësimet e teknike.

Është e rëndësishme të theksohet se në shumicën e rasteve të dërguara për verifikim është konstatuar se matja e energjisë ka qenë e saktë, ndërsa pasaktësitë kanë qenë kryesisht të natyrës së devijimit të kohës tarifore. Megjithatë, në pjesën më të madhe të rasteve, korrigjimet financiare nuk kanë rezultuar në favor të konsumatorëve, por pavarësisht kësaj çdo rast do të trajtohet me seriozitet”, thuhet në njoftim.

ZRRE rithekson tutje se KEDS dhe KESCO janë ndërmarrje të rregulluara dhe operojnë në përputhje me kornizën ligjore dhe rregullative në fuqi dhe se të hyrat e tyre përcaktohen nga ZRRE, gjë që e kufizon mundësinë për të përfituar nga gabimet eventuale në matjen e energjisë elektrike.

“Gabimet eventuale nëse ndodhin mund të kenë efekt të përkohshëm deri në identifikimin dhe korrigjimin e tyre dhe çdo konsumator i prekur do të kompensohet plotësisht, në përputhje me dispozitat ligjore dhe rregullative në fuqi. Moszbatimi i këtyre detyrimeve nga operatorët do të trajtohet sipas kornizës përkatëse ligjore”, thuhet në njoftim.

Vrau vëllanë 6 vjet më parë, vdes në burgun e Francës Emrush Gashi

Emrush Gashi, 66-vjeçar, i dënuar për vrasjen e vëllait të tij më 14 korrik 2018 në Tërbovc të Lipjanit, është gjetur i vdekur para disa ditësh në një burg në Francë. Sipas raportimeve, ai ka kryer vetëvrasje.

Prokuroria Themelore e Prishtinës, e ka konfirmuar se ka pranuar informata për vdekjen e tij përmes kanaleve ndërkombëtare.

Po ashtu, në përgjigjen e kësaj prokurorie bëhet e ditur se ndaj tij ishte ngritur aktakuzë gjatë marsit të vitit të kaluar.

“Ju njoftojmë se më 27.03.2025, Prokuroria Themelore e Prishtinës ka ngritur aktakuzë për veprën penale ‘vrasje e rëndë’ dhe veprën penale ‘mbajtja në pronësi, kontroll ose posedim i paautorizuar i armëve’,” thuhet në përgjigjen e Prokurorisë për Klanin.

“Gjithashtu, kemi pranuar informata lidhur me vdekjen e tij përmes kanaleve ndërkombëtare dhe kemi pranuar edhe vërtetimin e vdekjes së tij. Aktualisht, ende jemi në pritje të aktvendimit nga Gjykata”.

Policia e Kosovës gjatë vitit 2018 kishte kërkuar ndihmë për gjetjen e Emrush Gashit, nën dyshimin se kishte vrarë vëllanë e tij, M.G., 54 vjeç.

Ai ishte arrestuar pak vjet më pas, më 26 gusht 2021 në Francë pasi ishte shpallur në kërkim ndërkombëtar.

Kurti paralajmëron një sërë zgjedhje nëse s’ka marrëveshje për Presidentin

Kryeministri i Kosovës, Albin Kurti sërish ka folur për çështjen e Presidentit, duke paralajmëruar organizimin e një sërë zgjedhjeve parlamentare.

Ai ka deklaruar se shkuarja në zgjedhje të reja nuk do të mundësonte asnjë zgjidhje.

“Nëse shkojmë në zgjedhje të reja nuk do të kemi zgjidhje, meqenëse sërish do të duhet të shkojmë në zgjedhje të reja, e pas atyre sërish do të na duhet të shkojmë në zgjedhje të reja, meqenëse unë nuk e di se si mund të kemi 80 deputetë”, tha ai në një prononcim për media.

Më tej ai shtoi se nëse vendi shkon në zgjedhje, Kosovës këto të fundit do t’i kushtojnë së paku 10 milionë euro.

“Është e domosdoshme që të merremi vesh. Kam qenë shumë bujar me opozitën…..u takova me LDK-në, PDK-ja refuzoi takimin, thjeshtë nuk po më duken të gatshëm dhe të interesuar për marrëveshje”, ka thënë Kurti.