Një rast i dhunës në familje është raportuar të hënën në qytetin e Pejës.
Sipas policisë, një femër kosovare është arrestuar nën dyshimin se është përleshur me nënën e saj.
Viktima ka pranuar tretman mjekësor, ndërsa e dyshuara është intervistuar nga autoritetet kompetente.
Me vendim të prokurorit, ajo është liruar dhe rasti do të trajtohet në procedurë të rregullt.
Lëvizja “Vetëvendosje”, e cila udhëhiqet nga kryeministri në detyrë Albin Kurti, ka fituar zgjedhjet e jashtëzakonshme parlamentare të së dielës, duke iu ofruar 50 përqindëshit të rezultatit zgjedhor, shifër kjo më e lartë se sa bashkërisht Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës.
Sipas rezultateve prelimare në zgjedhjet e së dielës, partia e Kurtit ka fituar 56 mandate, ndërsa tri partitë tjera (PDK+LDK+AAK) kanë fituar rreth 45 mandate në legjislaturën e re. NISMA e Fatmir Limajt nuk e ka kaluar pragun zgjedhor prej 5%.
Përdallim nga zgjedhjet e 14 shkurtit të këtij viti, këtë herë LVV-ja lehtësisht mund ta formoj Qeverinë e re me mbështetjen e disa subjekteve politike nga radhët e komunitetit jo serb, raporton FrontOnline.
FrontOnline ka kontaktuar të hënën drejtuesit e disa partive nga radhët e komuniteteve joserbe, të cilat kanë shprehur gatishmëri për t’ia dhënë votat e tyre në Kuvend për formimin e Qeverisë “Kurti 3”.
Emilja Rexhepi, ish-nënkryetare e Kuvendit të Kosovës dhe përfaqësuese e komunitetit boshnjak, u shpreh se do të vazhdojnë bashkëpunimin me Albin Kurtin. Rexhepi ka qenë zv/kryeministre në Qeverinë “Kurti 2”.
“Ne kemi qenë partnerë të përhershëm të koalicionit që nga formimi i qeverisë Kurti 1 dhe do të vazhdojmë së bashku në qeverinë Kurti 3. Ne patjetër do të jemi pjesë e saj”, tha ajo për FrontOnline.
Rexhepi tha se është e kënaqur me rezultatin e Lëvizjes Vetëvendosje në këto zgjedhje, pasi sipas saj ky rezultat nuk lë hapësirë që të tjerët të kushtëzojnë formimin e institucioneve.
“Jam e kënaqur që VV-ja shënoi këtë fitore të madhe, që nuk ka shumë hapësirë që individët të na kushtëzojnë për formimin e institucioneve”, tha Rexhepi.
Nenad Rashiq, nga Partia për Liri, Drejtësi dhe Mbijetesë, parti serbe në Kosovë, ka folur për Front Online në lidhje me mundësinë e bashkëpunimit me qeverinë e ardhshme “Kurti 3”.
Ai tha se do të bisedojë për mundësinë e koalicionit me Vetëvendosje dhe që gjasat janë shumë reale që të jenë pjesë e qeverisë së ardhshme.
“Ne kemi bashkëpunuar deri më tani, do të bisedojmë sa i përket mundësisë së bashkëpunimit me qeverinë e ardhshme, gjasat janë shumë reale që mund të jemi në koalicion me Vetëvendosjen”, tha Rashiq.
Kryetari i Partisë Demokratike Turke të Kosovës (KDTP), Fikrim Damka, ka konfirmuar për Front Online se partia e tij do ta mbështesë qeverinë Kurti 3 me dy vota.
“Ne kemi qenë në qeverinë 2 “Kurti 2” dhe sipas gjitha gjasave do t’i bëjmë edhe 2 vota për Kurti 3 dhe sa më shpejt të krijohen institucionet”, tha Damka për FrontOnline.
Artan Asllani, nga Partia e Ashkalinjëve për Integrim, në një prononcim për Front Online tha se partia e tij ka garuar për një vend të rezervuar dhe deri tani ka fituar ulësen në Kuvend. Sipas tij, votat e diasporës dhe me kusht do të vendosin fitoren ose humbjen e tyre.
“Ne garojmë për një vend të rezervuar dhe garën e kemi me një koalicion, i cili u formua prej tri subjekteve politike dhe sipas rezultatit ulësen e kemi fituar ne kundrejt koalicionit kështu qe rol të rëndësishëm luajnë votat e diasporës dhe votat me kusht, tash po presim rezultatin dhe këto e vulosin fitoren tonë apo edhe humbjen”, tha ai.
Asllani tha se do ta votojë Qeverinë “Kurti 3” dhe shtoi se kjo nuk diskutohet, pasi edhe sipas Kushtetutës duhet të jenë pjesë e pozitës dhe të marrin përgjegjësi në qeveri.
“Ne do ta votojmë qeverinë Kurti 3, nuk diskutohet kjo çështje, ne si komunitete edhe me kushtetutë duhet me qenë pjesë e pozitës duhet me qenë pjesë e ndërtimit të Qeverisë dhe me marrë përgjegjësi ne qeveri”, deklaroi Asllani.
Partia Bashkimi Social Demokrat i Duda Baljes nuk ka arritur të futet në Kuvend pasi mori 2569 vota, kurse ish-deputetja ka arritur të marrë 2213 vota.
Iniciativa e Adrijana Hoxhiq që thotë se përfaqëson komunitetin boshnjak ka arritur të futet për herë të parë në Kuvend dhe Hoxhiq ka fituar mandatin.
Lidhur me këtë çështje, Duda Balje ka parashtruar ankesë në PZAP dhe ka deklaruar se të njëjtën do ta dërgojë edhe në Gjykatë Supreme dhe në Kushtetuese.
Në krah Duda Baljes i kanë dalë edhe 50 organizata jo qeveritare boshnjake në Kosovë, të cilat thonë se nuk pranojnë si përfaqësues ata politikanë që u zgjodhën me vota të komuniteteve tjera.
Komisioni Qendror i Zgjedhjeve ka procesuar 100 për qind të rezultateve preliminare të zgjedhjeve të jashtëzakonshme.
Bazuar në këto rezultate, Lëvizja Vetëvendosje është fituese e zgjedhjeve të 28 dhjetorit, duke rrëmbyer 433 mijë e 394 vota(49,34%)
Partia Demokratike e Kosovës radhitet e dyta me 184 mijë e 318 vota.
Lidhja Demokratike e Kosovës nga ana tjetër ka siguruar 119 mijë e 201 vota.
Ndërkohë Aleanca për Ardhmërinë e Kosovës ka marr gjithsej 49 mijë e 698 vota.
Komuna e Prishtinës ka thirrur seancë të jashtëzakonshme për nesër.
Seanca është thirrur nga Kryesuesi i Kuvendit Komunal, Fehmi Kupina me inicimin e Kryetarit Përparim Rama.
Në rend dite është vetëm një pikë, propozim-vendimi për miratimin paraprak të listës së veçantë të pronave të paluajtshme të Komunës që planifikohen për dhënie në shfrytëzim në vitin 2026, shkruan Reporteri.net.
Seanca do të mbahet nga ora 11:00, në sallën e madhe të Kuvendit të Kryeqytetit./Reporteri.net
Kandidatët për deputetë nga Lëvizja Vetëvendosje po prijnë deri në këto momente, sipas rezultateve të fundit nga Komisioni Qendror i Zgjedhjeve.
Sipas KQZ-së, deri tani janë numëruar 17,32 për qind e votave, përkatësisht 443 kuti votimi.
Lëvizja Vetëvendosje ka marrë 46.60% të votave, e pasuar nga Partia Demokratike e Kosovës me 19.41%, derisa Lidhja Demokratike e Kosovës (LDK) ka marrë 11.95% të votave., transmeton Klankosova.tv.
Numërimi i votave për kandidatët për deputetë po vazhdon.
Ish-ministri dhe ish-deputeti i Lidhjes Demokratike të Kosovës, Agim Veliu ka bërë reagimin e parë pas debaklit që pësoi LDK’ja në zgjedhjet e djeshme, duke rënë në 13 përqind. Veliu u la jashtë listës së LDK’së për deputet.
Veliiu ka kërkuar publikisht llogaridhënie për humbjet dhe hapjen e menjëhershme të një procesi demokratik të brendshëm, me garë reale në të gjitha nivelet, shkruan Reporteri.net.
Tutje ai ka thënë se askush nuk është mbi partinë.
“Askush nuk është mbi partinë. Askush nuk ka mandat të përhershëm nga humbja. Nëse nuk ka reflektim dhe ndryshim, ky drejtim nuk mund të mbrohet më dhe nuk i shërben të ardhmes së Lidhjes Demokratike të Kosovës”, ka shkruar Veliu./Reporteri.net
Komisioni Qendror i Zgjedhjeve ka përditësuar rezultatet e kandidatëve për deputet, pas numërimit të 15 përqind të votave. Në disa parti, ka ndryshime në renditje.
Votat janë nga procesimi i 397 vendvotimeve nga 2 mijë e 557 sa janë gjithsej.
Nga rezultati i deritashëm, Albin Kurti ka 51 mijë e 220 vota. Pas tij është Glauk Konjufca me 39 mijë e 980 vota. Lista vazhdon me Hekuran Muratin, Albulena Haxhiun e Donika Gërvallën, shkruan Reporteri.net.
Tek PDK, Bedri Hamza është i pari me 22 mijë e 243 vota.
Ai pasohet nga Arian Tahiri me 10 mijë e 201 vota, që ndiqet nga Përparim Gruda, Uran Ismaili dhe Sala Jashari.
Në listën e LDK’së, më i votuari është Lumir Abdixhiku me 11 mijë e 469 vota.
Pas tij renditen Hykmete Bajrami me 7 mijë e 317 vota, pasuar nga Ukë Rugova, Avdullah Hoti dhe Doarsa Kica Xhelili.
Tek lista e LDK’së, më herët Kica-Xhelili kishte më shumë vota se Hoti.
Tek AAK, Ramush Haradinaj prin me 6 mijë e 902 vota.
I dyti renditet Daut Haradinaj me 4 mijë e 415 vota. Pas tij janë Besnik Tahiri, Time Kadriaj dhe Burim Ramadani.
Kadriaj është ngjitur në top pesëshen më të votuar, e Bekë Berisha ka rënë për dy vende.
Rezultatet për secilin kandidat mund t’i ndiqni në këtë link: https://resultsparliamentary2025.kqz-ks.org/mcc.
Në zgjedhjet e djeshme fitoi bindshëm Lëvizja Vetëvendosje, që iu afrua 50%. Pas VV’së u rendit PDK, LDK dhe AAK./Reporteri.net
Ukë Rugova, djali i Presidentit Historik të Kosovës, Ibrahim Rugova sipas rezultatatve të para nga numërimi i votave të kaniddatëve për deputet po del të jetë në mesin e më të votuarve.
Nga 11 vendvotime ose 4.34 % të votave sa janë numëruar deri më tani, Ukë Rugova radhitet i treti në LDK.
Ai ka marrë sipas këtyre rezultateve 1 mijë e 453 vota.
Me vota para tij janë kryetari i partisë Lumir Abdixhiku me 3 mijë e 645 vota dhe Hykmete Bajrami me 2 mijë e 282 vota.
LDK ka marrë vetëm 13,57% ose 118 mijë 772 vota në total.
Kjo parti ka shënuar rënie në krahasim me zgjedhjet e 9 shkurtit 2025.
Lidhja Demokratike e Kosovës në zgjedhjet e shkurtit mori 18.27 për qind.
Sipas rezultateve preliminare fitues në zgjedhjet e djeshme 928 dhjetor), doli Lëvizja Vetëvendosje me 49,30% ose 431 mijë e 458 vota. /Reporteri.net/
Komisioni Qendror i Zgjedhjeve ka procesuar rezultatet nga numërimi i mbi 10 përqind të votave të kandidatëve për deputetë.
Votat janë nga 272 vendvotime, teksa në total janë 2 mijë e 557.
Nga rezultatet e deritashme, tek lista e VV’së më i votuari është Albin Kurti me 37 mijë e 26 vota. Pas tij renditen Glauk Konjufca me 28 mijë e 972, Hekuran Murati me 15 mijë e 143 vota, Albulena Haxhiu me 14 mijë e 823 vota dhe Donika Gërvalla me 13 mijë e 16 vota, shkruan Reporteri.net.
Lista e më të votuarve të VV’së vazhdon me Xhelal Sveçlën dhe Hajrulla Çekun.
Nga PDK, më të votuarit janë Bedri Hamza me 16 mijë e 119 vota, Arian Tahiri me 7 mijë e 646 vota, Përparim Gruda me 7 mijë e 186 vota, Uran Ismaili me 5 mijë e 656 vota dhe Sala Jashari me 5 mijë e 83 vota.
Pas tyre, renditen Vlora Çitaku e Arben Mustafa.
Tek lista e LDK’së, prin Lumir Abdixhiku me 8 mijë e 85 vota.
Pas tij renditen Hykmete Bajrami me 5 mijë e 71 vota, Ukë Rugova me 4 mijë e 381, Doarsa Kica Xhelili me 3 mijë e 971 vota dhe Avdullah Hoti me 3 mijë e 870.
Lista vazhdon me Kujtim Shalën dhe Armend Zemajn.
Tek AAK, i pari renditet Ramush Haradinaj me 4 mijë e 214 vota.
Lista vazhdon me Daut Haradinajn me 2 mijë e 694 vota, Besnik Tahiri 2 mijë e 572, Bekë Berisha 1 mijë e 829 vota dhe Burim Ramadani 1 mijë e 692 vota.
Time Kadriaj dhe Agim Çeku janë kandidatët që pasojnë në listën e më të votuarve të kësaj partie.
Rezultatet për secilin kandidat mund t’i ndiqni në këtë link: https://resultsparliamentary2025.kqz-ks.org/mcc.
Në zgjedhjet e djeshme fitoi bindshëm Lëvizja Vetëvendosje, që iu afrua 50%. Pas VV’së u rendit PDK, LDK dhe AAK./Reporteri.net
