Pacolli kujton kohën kur ishte i varfër: E haja bukën e njëjtë nga e hëna në të premten

Pacolli kujton kohën kur ishte i varfër: E haja bukën e njëjtë nga e hëna në të premten

Behgjet Pacolli ka kujtuar kohën kur gjendja financiare e familjes së tij ishte tepër e vështirë. Me anë të një fotografi në Facebook, e realizuar nga periudha kur ishte student në Prishtinë, ai kujtoi si e hante bukën e njëjtë nga e hëna në të premte

“Kjo fotografi është nga periudha kur isha student në Prishtinë. Veshmbathja ime tregon më së miri gjendjen e vështirë financiare timen. Shpesh herë më vinte zor të nxirrja edhe bukën në prani të nxënësve të tjerë, pasi që unë e merrja me vete të hënën, ndërsa kthehesha nga Mareci, dhe atë bukë e kisha për tërë javën”, thotë Pacolli.

Ai tutje thotë se nuk kishte para me vete për të blerë bukë tjetër, dhe se rrugën për në Marec e ka bërë në këmbë, shpesh dy herë në javë.

“Deri të mërkuren ose të enjten, ajo bukë hahej disi, por pastaj mykej dhe bëhej e papërdorshme. Ditë tjera të javës duhej disi ti kaloja, për të blerë bukë tjetër nuk ishte mundësia sepse nuk kisha asnjë qindarkë me vete, zgjidhja e vetme ishte të merrja rrugën këmbë për në Marec, shpesh më ndodhke dy herë në javë”, thotë tutje kreu i AKR-së.

Prandaj, siç shkruan Pacolli, Fondacioni i tij vazhdon çdo muaj të japë bursa për shumë studentë të rinj, ndihmë për të sëmurët jashtë vendit dhe në fusha të tjera, pa kamera ose shfaqje.

“Qysh nga ajo kohë kam kuptuar se ndihma ndaj dikujt në nevojë nuk ju bën më të varfër. Për mua, kjo është një çështje e natyrshme. Andaj Fondacioni im vazhdon çdo muaj të jap bursa për shumë studentë të rinj, ndihmë për të sëmurët jashtë vendit dhe në fusha të tjera, pa kamera ose shfaqje. Kjo është çfarë e bën zemrën time të lehtë”, ka shkruar Pacolli

Haradinaj rritë “thesin” për policët, premton pagë 1000mijë euro

Kryetari i Aleancës për Ardhmërinë e Kosovës, Ramush Haradinaj ka uruar Policinë e Kosovës në 25 vjetorin e themelimit.

Haradinaj përmes një postimi në rrjetin social “Facebook”, ka thënë se policia e Kosovës në vend të mbështetjes, ka presion politik nga qeveria.

Ai kujtoi kohën kur Lëvizja Vetëvendosje sulmonte policinë me gurë, duke shtuar se “Kurti mund të mbajë fjalim prekës për përvjetor por prapa fjalëve vetëm mashtrimin ka qëllim”.

“Kur më 6 shtator 1999 u themelua Policia jonë, filloi shtet-ndërtimi në fushën e sigurisë. Nesër bëhen 25 vjet. E uroj Policinë në 25-vjetorin e themelimit! Do të kujtojmë përgjithmonë policët e rënë në detyrë.

Kemi shumë punë për ta forcuar dinjitetin, kushtet dhe pajisjet e Policisë sonë.

Prioritet do të jetë paga minimale prej 1.000 euro brenda Policisë dhe sigurimi shëndetësor. Modernizimi i pajisjeve të Policisë do të bëhet gjithashtu.

Policia sot nuk e ka kujdesin e Qeverisë, por e ka presionin politik mbi të! Kurti edhe i sulmoi me gurë sa ishte në opozitë, edhe po e instrumentalizon Policinë për interesa elektorale sa është në Qeveri. Ai nesër në 25-vjetorin e Policisë mund t’ju mbajë një fjalim prekës, por prapa fjalëve vetëm mashtrimin ka qëllim.

Për pak javë kjo do të përfundojë.

Policia është e Kosovës. Qëndroni të tillë. Mos u bëni instrument në duar të pasigurta!.” – ka shkruar Haradinaj.

Kryeministri serb pas mbylljes së komunave paralele: Serbia ka mundësi të hyjë në luftë ose të luftojë politikisht

Kryeministri serb, Millosh Vuçeviq, në lidhje me mbylljen e institucioneve paralele serbe në veri, ka thënë se “kryeministri i Kosovës, Albin Kurti, vazhdon të bëjë presion dhe terror ndaj serbëve dhe se dëshiron t’u thotë atyre se nuk mund të qëndrojnë në Kosovë”.

Vuçeviq ka pretenduar se “situata në Kosovë është shumë e rëndë” dhe se “Serbia ka mundësi të hyjë në konflikt ose të luftojë në mënyrë politike dhe diplomatike”.

“Pritet një veprim nervoz i Serbisë. Një tjetër opsion për Serbinë është rruga e konfliktit, por duhet të kuptojmë se atëherë nuk është vetëm çështja e Kosovës, por e gjithë Serbisë. Atëherë nuk do të kemi problem vetëm me forcat e Kosovës, aty janë edhe KFOR-i dhe NATO-ja, duhet ta kuptojmë gjithë këtë realitet”, ka shtuar Vuçeviq.

Vdes mërgimtari nga Skenderaji me banim në Gjermani

Ka ndërruar jetë mërgimtari Sami Gruda nga qyteti i Polacit i Skenderajt, shkruan portali rajoni.org.

Ai tani e disa vite veprontë dhe jetontë në shteti Gjermanisë.

Lajmin për vdekjen e tij, e kanë dhënë familjaret përmes rrjetit social “facebook”.

Varrimi i të ndjërit do te bëhet sot me datë 05.09.2024 ne ora 17:00 ne varrezat e fshatit Polac – te Ura e Hotit .

“Njoftojm familjaret,shoket,miqet edhe dashamiret se dje u nda nga jeta vellau i jone Sami Gruda. Varrimi do te behet me 05.09.2024 ne ora 17:00 ne varrezat e fshatit Polac – te Ura e Hotit ! Te Allahut jemi dhe tek Ai do te kthehemi ! Allahu te shperbleft me xhenet vella i dashur”, thuhet në njoftimin e familjes.

Apel për qytetarët- Shmangni pikat kufitare me Serbinë

Qendra Kombëtare për Menaxhim Kufitar u ka bërë thirrje të gjithë mërgimtarëve si dhe shtetasve kosovarë që të shmangin hyrjet dhe daljet në pikat kufitare mes Kosovës dhe Serbisë.

Kjo thirrje vjen pasi para pak ditësh, i ashtuquajturi kryetar i Asociacionit të qytetarëve të Qarkut të Mitrovicës, Rasha Rojeviq, ka njoftuar se të premten, më 6 shtator, do të fillojë bllokada e të gjitha vendkalimeve kufitare në Kosovë.

“Autoritetet kompetente të RKS në bashkëpunim me partnerët, i kanë marrë të gjitha veprimet për menaxhim të situatës së paralajmëruar dhe ju inkurajojnë që të ndiqni me kujdes zhvillimet dhe paralajmërimet e reja lidhur me situatën dhe të informoheni vetëm nga burimet zyrtare të institucioneve të Republikës së Kosovës, për të shmangur dezinformatat dhe lajmet e rreme”, thuhet në njoftim.

Gabimi në matematikë, PDK tallet me Kurtin: Me këtë matematikë po i bon llogaritjet edhe në sondazhe

Ish-këshilltari i ish-presidentit Hashim Thaçi, Adil Behramaj, ka komentuar huqjen e kryeministrit Albin Kurti në zgjidhjen e një ekuacioni të thjeshtë në matematikë.

Ai ka ironizuar me këtë gabim të kryeministrit, duke thënë se ai kështu i bën llogaritjet edhe në sondazhe.

Në profilin e tij në “Facebook”, Behramaj ka shprehur dyshime se mos i ka dhënë matematikë analisti Nexhmedin Spahiu, i cili njihet si mbështetës i Kurtit.

“Qe, saktësisht me këso matematike, Albin Kurti po i bon llogaritjet edhe në sondazhe, more mos i ka dhënë matematikë, Nexhmedinë Spahiu”, ka shkruar ai.

Ministrja e Jashtme e Finlandës arrin në Kosovë, pritet në Aeroportin “Adem Jashari” nga Donika Gërvalla

Ministrja e Jashtme e Finlandës, Elina Valtonen tashmë ka arritur në Kosovë.

Ajo është pritur në Aeroportin Ndërkombëtar “Adem Jashari”, nga ministrja e Jashtme dhe e Diasporës, Donika Gërvalla dhe ambasadori i Finlandës, Matti Nissinen.

Fotografitë nga ardhja e ministres finlandeze i ka publikuar ambasada e Finlandës në Kosovë.

Gjatë kësaj vizite Valtonen do të ketë takim me drejtues të institucioneve të Kosovës.

Ajo fillimisht do të pritet nga zëvendëskryeministrja dhe Ministrja e Punëve të Jashtme dhe Diasporës, Donika Gërvalla, ku pas takimit do të mbahet konferenca për media.

Ndërkaq në orën 15:00, Valtonen do të pritet në takim nga kryeministri Albin Kurti.

Gjuatje me armë, cak një burrë

Një tentim vrasje ka ndodh në qytetin e Pejës dy ditë më parë, raporton Gazeta Sinjali.

Rastin në Polici e ka lajmëruar babai i viktimës, i cili i ka njoftuar autoritetet se persona të panjohur, po ashtu për motive ende të panjohura kanë shtënë me armë zjarri në drejtim të djalit të tij.

Ky i fundit, sipas babit të tij, ka pasur lëndime si pasojë e shkrepjes së plumbave, por nuk dihet nëse e ka marrë trajtimin mjekësor, pasi nga frika menjëherë e ka rezervuar një biletë dhe është larguar nga Kosova, shkruan Gazeta Sinjali.

Rastin e ka konfirmuar edhe Policia, e cila ka zbuluar se në vendin e ngjarjes kanë gjetur dhe konfiskuar dy fishekë dhe dy gëzhoja cal-7.62 mm.

Lidhur me rastin është informuar e konsultuar edhe prokurori, ndërsa rasti është duke u hetuar për veprën penale “Vrasje në tentativë”.

U nominua për topin e artë, Leonita krenare për Granitin, bën këtë veprim

Franca pak me parë ka publikuar listën e futbollistëve qe janë të nominuar për Topin e Artë, ndër ta është edhe Granit Xhaka.

Andaj nuk ka munguar përkrahja nga familjarët e tij.

Bashkëshortja e futbollistit ka ndarë postimin e veçantë ku shihet i nominuar Granit Xhaka duke i bashkangjitur një zemër.

Përndryshe Leonita është ajo që nuk e ka kursyer asnjëherë mbështetjen për bashkëshortin e saj në çdo rast dhe në çdo lojë./kosovarja

Deputetët e larguar dhe ata të pakënaqur me VV-në, tregojnë nëse do të marrin pjesë në zgjedhjet e 9 shkurtit 2025