Berisha: Kurti manipulon duke shumëfishuar rezultatet për të mbuluar dështimin e Qeverisë

Deputeti i PDK-së, Hisen Berisha, ka akuzuar kryeministrin Albin Kurti për manipulimin e rezultateve të qeverisë duke i shumëfishuar ato për të fshehur dështimet e tij.

Deputeti i PDK-së, Hisen Berisha, teksa ka komentuar gabimin e kryeministrit Albin Kurti me zgjidhjen e ekuacionit, ka thënë se ai kështu e manipulon popullin me rezultatet në qeverisjen e tij që i shumëfishon.

“Nuk duhet të befasohen nxënësit e as qytetarët që e ka bërë X-në në vlerën 5 e ka shumëfishuar e jo zero sepse edhe rezultate e qeverisë që janë krejt zero ky i ka shumëfishuar. Kjo është pjesë e propagandës së tij për të mbuluar dështimin total e falimentimin total në këtë qeverisje”, ka deklaruar ai në Debat Plus.