Presidentja e vendit, Vjosa Osmani, ka mbajtur ditën e djeshme konferencë për media pas incidentit të ndodhur në shkollën ku shkojnë tashmë dy vajzat e saj.
Osmani ndër të tjera tha se pas ‘sulmeve’ nga disa gazetarë po e rimendon sërish kandidimin për Presidente.
“A do të rikandidojë, do të vendosi në ndërkohë. Sa po them të marrë një pushim, po çohen do gazetarë po më sulmojnë e po më bindin mos me u ndalë e me vazhdu”, tha dje Osmani raporton “Gazeta Blic”.
Në lidhje me deklaratën e Osmanit ka folur për “Gazeta Blic”, Arton Demahasaj nga AAK-ja.
Demhasaj e cilësoi si absurde deklaratën e Osmanit duke thënë se puna e saj duhet t’a bindë për të rikandiduar dhe jo deklaratat e gazetarëve.
Ai potencoi se e njëjta me deklaratat e fundit nuk e ‘meriton as edhe një ditë me qenë Presidente jo më të rikandidohet’.
“E para meqë ti ke qenë thuajse gati pesë vite dhe tani po dimë se qenkan disa analista që po të bindin për me rikandidu edhe njëherë, kjo është absurde.Ajo çfarë ishte dashtë me bindë atë për me rikandidu do të ishte nëse ka bërë ndonjë punë të mirë për vendin por jo atë çka tonë analistat pro apo kundër.Nëse ajo ka bërë diçka për vendin e saj që është e prekshme atëherë kjo kishte mujt me qenë arsye për me u rikandidu por jo me u nxit prej gazetarëve apo prej analistëve.Aq më pak kur flasim për problemin e fundit, sidmos shkollat publike, krejt ato çfarë i ka thënë ajo informacionet e saj, se gazetarët që janë të involvuar me Radojiçiqin e gjana të tilla, tregues se ajo nuk e meriton as edhe një ditë me qenë ma Presidnete dhe jo më me u rikandidu edhe për një mandat” tha Demhasaj për “Gazeta Blic”