E dhimbshme: Ndërron jetë veterani i Arsimit në Llap
Podujevë – Llapi ka humbur sot një prej figurave të tij më të njohura në fushën e arsimit, Shefki Fusha, i cili ndërroi jetë në moshën 86 vjeçare. Lajmi i trishtë u bë i ditur nga familjarët e të ndjerit, të cilët kanë shprehur hidhërimin e madh për këtë humbje të pazëvendësueshme.
LEXO EDHE:
Shefki Fusha njihej si një veteran i arsimit në rajonin e Llapit, duke kontribuar për dekada të tëra në edukimin e shumë brezave të rinj. Me përkushtimin dhe pasionin e tij për mësimdhënien, ai la gjurmë të thella në fushën e edukimit, duke u bërë një figurë e respektuar në Llap, shkruan Gazeta Imazhi.
Familjarët kanë njoftuar se varrimi i të ndjerit bëhet sot në orën 15:00, në varrezat e fshatit Obrançë te Xhamia.
