Një rast i vdekje së dyshimtë ka tronditur lagjen në rrugën “Imzot Nik Prelaj” në Prishtinë, ku një grua është gjetur pa shenja jete në banesën e saj.
Burime të sigurta të Sinjalit bëjnë me dije se viktima është Sevdije Musa Dibrani, 80 vjeçare. Rasti është raportuar më 3 korrik 2025, rreth orës 14:00, nga A.Q., 20 vjeçare, e cila e ka gjetur viktimën në gjendje të rëndë në shtëpi.
Në vendin e ngjarjes kanë dalë njësitë policore dhe Prokurori i Shtetit, i cili ka autorizuar inicimin e rastit si “Hetim mbi vdekjen”.
Trupi i pajetë është dërguar për obduksion në Institutin e Mjekësisë Ligjore në Prishtinë, ndërsa rrethanat e vdekjes mbeten nën hetim.
Rastin për Sinjalin e ka konfirmuar edhe Policia e Kosovës.
“Menjëherë pas marrjes së informatës policia ka dalë në vendin e ngjarjes ku ka ftuar edhe mjekët emergjentë, të cilët kanë konstatuar se viktima, grua rreth 80 vjeç, është pa shenja jete. Aktualisht policia me kujdes të shtuar po trajton të gjitha rrethanat që karakterizojnë ngjarjen”..Sinjali