Ish-kryetari i Listës Serbe, Goran Rakiq, është sulmuar fizikisht mbrëmjen e së shtunës në veri të Mitrovicës.
Sipas informacione të siguruara nga Paparaci, Rakiq dyshohet se është sulmuar nga Goran Vuçetiq, derisa ngjarja e dhunshme ka ndodhur mbrëmjen e së shtunës në një kafene në veri, në rrugën “Sutjeska”.
Goran Vuçeviq është pronar i lokalit në të cilin ka ndodhur sherri.
Goran Vuçetiq
Paparaci mëson se, Goran Vuçetiq është vëllai i Vladimir Vuçetiq, i akuzuar për sulmin terrorist në Banjskë të Zveçanit ku u vra polici Afrim Bunjaku.
Autoritetet kosovare patën siguruar informacione për Vladimir Vuçetiqin. Ai është pjesëtar i “Mbrojtjes Civile” dhe i “Brigadës së Veriut”, organizata që Kosova i ka shpallur terroriste. Policia ka gjetur prova në vendin e krimit, që dëshmojnë përfshirjen në sulm.
Prokuroria Speciale e Kosovës i ngarkon të akuzuarit me veprat penale “Kryerja e veprës terroriste”, “Veprat e rënda kundër rendit kushtetues dhe sigurisë së Republikës së Kosovës”, “Lehtësimi dhe financimi në kryerjen e terrorizmit” si dhe “Shpërarja e parave”.