Komisioni Qendror i Zgjedhjeve ka nisur të publikojë rezultatet e para për zgjedhjet e sotme.
Në Vushtrri deri tash janë numëruar gjashtë kuti, ku gara është tejet e ngushtë mes dy kandidatëve.
Aktualisht i pari renditet Ferit Idrizi i PDK-së me 51.35%, kurse i dyti Sylejman Meholli me 48.65%.
Alban Hyseni i VV-së, ka fituar në Gjilan sipas EXIT POLL-it të realizuar në TV Dukagjini
Rezultatet e këtij EXIT POLL-i të prezantuar në TV Dukagjini.
Publikimi i votave në 18 komunat që kanë shkuar në balotazh ka nisur.
Rubrika për numërim është hapur në uebfaqen e KQZ-së.
Në këtë link mund t’i ndiqni në kohë real:
Komisioni Qendror i Zgjedhjeve ka nisur të publikojë rezultatet e para për zgjedhjet e sotme.
Në Prishtinë deri tash janë numëruar katër kuti, ku prin Përparim Rama me 52.90%.
Hajrulla Çeku ndërkohë ka 47.10%.
Baton Haxhiu në Exit Pollin e tij e ka shpallur fitues Arian Tahirin, kandidatin e PDK-së për Komunën e Mitrovicës së Jugut.
Në bazë të këtij exit poll-i, Tahiri fiton me 50.9 për qind të votave, teksa Faton Peci 49,1 për qind.
Kompania UBO Consulting ka publikuar EXIT-POLL-et për balotazhin e 9 nëntorit.
UBO Consulting ka realizuar EXIT-POLL-e në tri komuna.
Sipas matjeve të UBO-s, fitues në balotazh në Prishtinë ka dalë kandidati i Lidhjes Demokratike të Kosovës, Përparim Rama me 54.1 %, i cili ka lënë pas Hajrulla Çekun me 45.9%.
Në Prizren sipas kësaj kompanie fitues ka dalë Shaqir Totaj me 56.8%, kurse në Gjakovë fitues është parashikuar Ardian Gjini me 58.3%.
Lajmi në përditësim…
Kandidati i LDK-së për Kryetar të Prishtinës, Përparim Rama, ka fituar garën ndaj Hajrulla Çekut të VV-së, sipas tri exit-polleve.
Sipas exit-pollit të UBO Consulting, të publikuar në RTV Dukagjini, Rama ka marrë 54.1 për qind, ndërsa Çeku 45.9 për qind.
Sipas atij të Albanian Post, të publikuar në T7, Rama ka 52.8 për qind, ndërsa Çeku 47.20 për qind.
Sipas atij të PIPOS, i publikuar në Klan Kosova, Rama53.62 për qind, ndërsa Çeku 46.38 për qind.
Lëvizja Vetëvendosje – Dega në Prishtinë ka reaguar pas një incidenti të ndodhur paraditen e së dielës në qendrën e votimit të vendosur në shkollën “Faik Konica” në kryeqytet.
Sipas Vetëvendosjes, rreth orës 10:30, është vërejtur një person, i identifikuar si Art Merkoja – aktivist i Lidhjes Demokratike të Kosovës dhe zyrtar në kabinetin e kryetarit aktual të Prishtinës – i cili, sipas këtij subjekti, mbante një distinktiv me logon e LDK-së brenda hapësirës së qendrës së votimit.
Në reagimin e Vetëvendosjes thuhet se: “shfaqja e zyrtarëve partiakë me emblema të subjektit politik në qendrat e votimit paraqet shkelje të rregullave zgjedhore dhe ushtron presion mbi votuesit”. Ky subjekt politik thekson se veprimet e tilla bien ndesh me Rregullat Zgjedhore të miratuara nga Komisioni Qendror i Zgjedhjeve (KQZ), me nenin 37 të Ligjit për Zgjedhjet e Përgjithshme dhe me nenin 8 të Rregullores Zgjedhore 07/2024. Vetëvendosje ka kërkuar që Lidhja Demokratike e Kosovës të distancohet nga çdo shkelje ligjore dhe të mos mbrojë zyrtarët që, sipas saj, kanë vepruar në kundërshtim me ligjin. “Vënia në mbrojtje të shkelësve të ligjit, e aq më shumë të zyrtarëve të saj, tregon qartë për qëllimin e këtij subjekti për presion ndaj votuesve”, thuhet në reagim.
Në fund, Vetëvendosje thekson se mbetet e përkushtuar në mbrojtjen e demokracisë, të drejtës për votë të lirë dhe në denoncimin e çdo shkeljeje që cenon integritetin e procesit zgjedhor.
Megjithatë, Konjufca tregoi se nëse do të bëhet ai kryeministër në qeverinë në ardhje apo zgjedhje të reja, atëherë varet vetëm nga partitë opozitare.
“Nuk e di saktësisht, me probabilitet e përqindje, sa i kam gjasat të bëhem kryeministër, por mendoj se Kosova do ta ketë një qeveri. Megjithatë, në fund të fundit, mendoj se kjo nuk varet krejtësisht nga Lëvizja Vetëvendosje. Kësaj radhe, zgjedhjen nëse do të kemi një qeveri të re apo do të shkojmë në zgjedhje, e kanë në dorë partitë që ne i quajmë opozitare. Është zgjedhja e tyre”, deklaroi Konjufca pasi hodhi votën e tij për kryetar të Komunës së Prishtinës në zgjedhjet lokale.
Ai e ka theksuar se e ka kabinetin të cilin do ta propozojë në seancën që do të thirret për votimin e tij.
“Ne e kemi në dorë për ta propozuar qeverinë, mandatarin e dytë, dhe në këtë rast unë u propozova nga kryeministri Kurti. Presidentja më mandatoi, dhe kabineti im do të dalë në seancë kur ne ta vendosim. Pastaj, nëse do të votohemi apo jo, këtë e kanë në dorë deputetët e partive të tjera”, tha Konjufca./EO.
Ish-deputeti i LDK-së, Gani Geci, i ka reaguar ministrit në detyrë të Punëve të Brendshme, Xhelal Sveçla, i cili sot është përplasur me një zyrtar të LDK-së afër një qendre të votimit.
Geci është tallur keq me veprimin e ministrit Sveçla.
Ai ka komentuar në statusin e ministrit, duke bërë shaka me pretendimet e zyrtarit të VV-së.
“Kuku kuku kuku qa po dojka me ba me këtë shenjë, po dojka me ju marrë në qafë me këtë shenjë, mozomakeq, arrestoni, shtini në burg se e paska vu shenjën e partisë në sakakak mi ara te rrafshit në vend të dukshëm ne vend publik Hajmedet e haj, çka paska ba ky djalë! Edhe merre me mend, i thotë vetes institucionalist. Ky e paska shkel ligjin, ua paska qit në konto nga 100 euro studentëve dy ditë para zgjedhjeve. Po ky, ua paska qit në konto pensionistëve nga 100 euro tri ditë para zgjedhjeve. Ky e paska shkel ligjin, ka shku ngat vendvotimeve me shenjën e LDK-së, po duket shenja e madhe 2 me 2 qenka jshenja. Në vend që me qit flamurin kombëtar, si simbolin te bashkimit, ky e ka ngjit këtë shenjë. Tradhtar! E paska shit Mitrovicën ky tradhtar, bre mozomakeq! Këta janë tradhtarë, ju jeni patriotë! Lumt na qe ju keni juve hahahahahahahahahahh”, ka komentuar Geci.
