Misini: Kurti student i mirë, por me prirje komuniste – po refuzon gazin amerikan

Profesori universitar, Shkumbin Misini ka thënë se urgjencë ekonomike është energjia elektrike, ku përveç se është bërë biznesi më i mirë për tregtarët, po ua vështirëson jetën qytetarëve e po ua rëndon punën bizneseve.

Misini ka analizuar edhe kërkesën e Shteteve të Bashkuara të Amerikës për përfshirjen e Kosovës në projektin e gazit amerikan dhe refuzimin e deritanishëm të këtij projekti nga ana e qeverisë Kurti.

Sipas tij, realizimi i këtij projekti do të thotë që, përveç se nuk do të varemi nga importi i energjisë elektrike, do të kemi edhe më shumë siguri kombëtare.

“Kemi një moment kur të gjitha shtetet e botës po luftojnë që të kenë sa më shumë investitorë amerikanë, ndërsa ne po i largojmë ata. Është shumë e çuditshme se si lideri i LVV-së, i cili ka qenë për 20 vjet në opozitë e cili është lavdëruar nga profesorët e tij si student i shkëlqyer, si inxhinier i elektros, dhe pas shtatë vjetësh në pushtet, ne ende kemi mungesë të energjisë elektrike. Unë jam skeptik se ky do të ketë sukses në këtë pikë. Ka qenë 20 vjet në opozitë dhe e ka ditur se problemi kryesor në vend është energjia elektrike”, ka thënë Misini në T7.

Në anën tjetër, Misini ka folur se si vendet e rajonit po përparojnë me energjinë e ripërtëritshme, derisa qeveria jonë të vetmin propozim serioz që e kemi, atë të gazit amerikan, po e refuzon.

“Duke pasur parasysh zhvillimet gjeopolitike që po rrjedhin në botë dhe të jesh ti i vetmi shtet, lider, që po e refuzon gazin amerikan, unë mendoj që Kurti ka ‘mindset’, orientim komunist. Pse e them se Kurti ka orientim komunist? Sepse nuk mundesh ti me e refuzu një projekt të një shteti si Shtetet e Bashkuara të Amerikës, duke qenë ne vetë si shtet produkt i tyre. Një çështje të thjeshtë duhet ta shtrojmë: si ka mundësi që të gjitha shtetet e botës punojnë për të pasur projekte amerikane? E pamë në mbledhjen e fundit të G7, shtetet më të zhvilluara në botë, që janë pjesë e BE-së dhe NATO-s, i nënshtrohen kërkesave të SHBA-së, ndërsa ne i refuzojmë ato duke mos dhënë asnjë alternativë. Kjo qeveri po punon në izolimin e vendit”, ka shtuar Misini.

Rrustemi: PDK-ja duhet të mbetet në opozitë, preferenca jonë për bashkëpunim është LDK-ja

Rezultati i zgjedhjeve të 7 qershorit ka sjell pak ndryshime në matematikat për krijimin e institucioneve të reja. LVV e Albin Kurtit me votat që ka marrë duket se do të arrijë ta krijojë qeverinë i vetëm me pakicat joserbe, derisa çështja e presidentit pritet të jetë temë e negociatave me partitë e tjera.

Zyrtari i LVV-së, Adnan Rrustemi, i ftuar në emisionin Pressing të T7 të enjten ka dhënë sinjale se partia që Kurti drejton dhe elektorati i saj preferojnë Lidhjen Demokratike të Kosovës për bashkëpunim.

Rrustemi ndërkohë ka përjashtuar PDK-në si një partner të mundshëm për bashkëqeverisje.

“PDK-së i kemi ofru kryetarin e Kuvendit jo bashkëqeverisje. S’është e dobishme për Kosovën dhe PDK duhet të qëndrojë në opozitë. Edhe në aspektin elektoral preferenca e votuesve ka qenë bashkëpunimi me LDK’në”, ka thënë ai.

Sipas Rrustemit, edhe votuesit e LDK’së do ta zgjidhnin si preferencë të dytë Lëvizjen Vetëvendosje.

Deputeti i zgjedhur i VV-së në këtë intervistë ka folur edhe për temën e zgjedhjes së presidentit. Rrustemi ka thënë se Vjosa Osmani është politikane aktive dhe se LVV dëshiron një president konsensual.

Megjithatë ai ka thënë se mund të gjendet një zgjidhje në kuadër të negociatave që do të zhvillojnë partitë politike.

“Osmani është e mveshur me petkun aktiv politik”, ka thënë Rrustemi.

I pyetur nëse LVV ka vullnet që t’ia jep opozitës pozitën e presidentit, Rrustemi ka thënë se “pozicionet politike duhet të jenë në përputhje me pozicionin elektoral”.

Ai ka përmendur ftesat që LVV ia ka bërë LDK’së për bashkëqeverisje dhe refuzimet që partia e Abdixhikut i kishte bërë. Zyrtari i LVV’së ka thënë se shpreson që ketë herë LDK’ja edhe të pranojë ftesën për bashkëqeverisje dhe të jetë konstruktive në takime.

“LDK refuzoi edhe takimet vitin e kaluar. Pra duhet me ndodhë një palë zgjedhje që LDK me e bo një gjysmë hapi. Pas zgjedhjeve të dhjetorit erdhi në takim por s’ishte konstruktive. Shpresojmë që herën e tretë edhe të vijë në takime edhe të jetë konstruktive”, ka thënë Rrustemi.

Deklarime për një bashkëpunim ne mes të LDK’së dhe LVV’së ka dhënë edhe Lutfi Haziri në Pressing. Haziri madje ka paralajmëruar se Vjosa Osmani është e gatshme të tërhiqet nga synimi për presidente në rast të një marrëveshjeje.

“Kjo marrëveshje do të mundësonte që vendi t’i kthehet stabilitetit”, ka deklaruar Haziri në T7.

Ai tha se sipas procesit, ata do ta adaptojnë emrin e përveçëm.

“LDK as nuk e ka pas e as nuk e ka asnjë problem me emër të përveçëm. Nëse mendohet se znj. Osmani ka qenë apo mundet me qenë problem, unë ju siguroj edhe sot që vetë ajo ka konfirmu që nuk është emri i saj problem në arritjen e një marrëveshje bashkëpunimi mes partive politike për t’i dhënë vendit stabilitet”, ka shtuar Haziri.

Rukiqi zbulon kushtin e LDK-së për marrëveshje politike

Kandidati për deputet nga radhët e Lidhjes Demokratike të Kosovës, Berat Rukiqi zbuloi kushtin e partisë së tij për marrëveshje politike në krijimin e institucioneve të reja shtetërore.

Rukiqi deklaroi se LDK e ka pozicion të pa negociueshëm pranimin e gazit amerikan në çdo lloj marrëveshje politike pas zgjedhjeve të 7 qershorit.

“Ne e kemi si pozicion zyrtar dhe politik se në çdo lloj marrëveshje për krijimin e institucioneve të reja ku përfshihet LDK, ne kemi kërkesë të panegociueshme, ose vija të kuqe qysh kemi për Listën Serbe në një anë, në anën tjetër vijë e kuqe është çështja e gazit. Kusht i çdo bashkëpunimi institucional është pranimi i gazit amerikan”, tha Rukiqi.

Qeveria mban mbledhje elektronike, miraton këto vendime

Qeveria në detyrë e Kosovës, ka mbajtur një mbledhje elektronike.

Në njoftimin e zyrës së kryeministrit bëhet e ditur se gjatë kësaj mbledhjeje janë marrë disa vendime, si, miratimi i vendimit për emërimin e Komisionit të Pranimit për kategorinë e lartë drejtuese, për pozitën Sekretar i Përgjithshëm në Ministrinë e Industrisë, Ndërmarrësisë, Tregtisë dhe Inovacionit, dhe, miratimi i vendimit për emërimin e Komisionit të Pranimit për kategorinë e lartë drejtuese, për pozitën Komisioner për Gjuhët.

Njoftimi:

Mbledhja e 24-të e Qeverisë në detyrë të Republikës së Kosovës

Prishtinë, 19 qershor 2026

Qeveria në detyrë e Republikës së Kosovës, ka zhvilluar mbledhje elektronike, në të cilën ka:

– Miratuar vendimin për emërimin e Komisionit të Pranimit për kategorinë e lartë drejtuese, për pozitën Sekretar i Përgjithshëm në Ministrinë e Industrisë, Ndërmarrësisë, Tregtisë dhe Inovacionit.

– Miratuar vendimin për emërimin e Komisionit të Pranimit për kategorinë e lartë drejtuese, për pozitën Komisioner për Gjuhët.

– Miratuar vendimin për emërimin e Komisionit të Pranimit për kategorinë e lartë drejtuese, për pozitën Drejtor Ekzekutiv në Agjencinë e Kosovës për Produkte dhe Pajisje Medicinale

– Ndryshuar dhe plotësuar Vendimin e Qeverisë Nr. 10/230, të datës 13 nëntor 2024, për themelimin e Komisionit për Vlerësimin e Sistemeve të Informacionit dhe Komunikimit me Rëndësi Strategjike.

– Miratuar vendimin për vazhdimin e mandatit të Komisionit për Verifikimin e Diplomave të lëshuara nga Universiteti i Mitrovicës së Veriut, i themeluar me Vendimin e Qeverisë së Republikës së Kosovës Nr. 11/130, të datës 22.02.2023, i ndryshuar dhe i plotësuar me Vendimin Nr. 14/169, të datës 27.10.2023, Vendimin Nr. 19/218, të datës 28.08.2024, Vendimin Nr. 12/249, të datës 26.02.2025, dhe Vendimin Nr. 01/268, të datës 22.08.2025, Vendimin 10\280 të datës 19.12.2025, dhe Vendimin Nr. 16\05 të datës 19.03.2026,  i vazhdohet mandati nga data 22.06.2026 deri me datën 22.09.2026.

E dhimbshme: Vdes në moshë të re vushtrriasi Osman Shala

Është ndarë nga jeta Osman (Mehmet) Shala nga fshati Akrashticë, duke lënë pas dhimbje dhe pikëllim të madh te familjarët, miqtë dhe të gjithë ata që e njohën.

Lajmi është bërë i ditur përmes një njoftimi mortor, ku thuhet se largimi i tij ka prekur thellë familjen dhe komunitetin e Akrashticës.

“Largimi i tij i parakohshëm ka lënë dhimbje të madhe te familjarët, miqtë dhe të gjithë ata që e njohën”, thuhet në njoftim.

Familjes Shala u shprehen ngushëllimet më të sinqerta në këto momente të vështira, ndërsa kujtimi për Osman Shalën do të mbetet i paharruar te të gjithë ata që e njohën.

Bekim Haxhiu dorëzon ankesë në PZAP, kërkon rinumërim të plotë të votave për kandidatët e PDK-së

Kandidati për deputet nga PDK, Bekim Haxhiu, ka dorëzuar ankesë në PZAP, duke kërkuar rinumërim të plotë të votave të kandidatëve për deputet të PDK-së, raporton Gazeta Online Veriu.info.

Ai thotë se këtë e bazon në fakte të konfirmuara nga vet procesi i rinumërimit të zhvilluar nga KQZ.

Haxhiu thekson se rinumërimi i 185 vendvotimeve dëshmoi se kishte gabime në numërimin fillestar, duke ia shtuar 6 që s’i ishin numëruar më parë.

“Për këtë arsye kam kërkuar që të rinumërohen të gjitha votat e kandidatëve të PDK-së që nuk janë përfshirë në rinumërimin e deritanishëm. Vetëm një verifikim i plotë mund të garantojë që mandati parlamentar t’i takojë kandidatit që ka fituar besimin e qytetarëve dhe që çdo votë të numërohet saktë.” – thekson Haxhiu.

Postimi i plotë:

Sot kam paraqitur ankesë në Panelin Zgjedhor për Ankesa dhe Parashtresa (PZAP), duke kërkuar rinumërimin e plotë të votave të kandidatëve për deputet të Partisë Demokratike të Kosovës. Kjo kërkesë nuk bazohet në supozime apo pakënaqësi me rezultatin, por në fakte të konfirmuara nga vetë procesi i rinumërimit të zhvilluar nga KQZ.

Rinumërimi i vetëm 185 vendvotimeve, që përfshin rreth 3.52% të votave të PDK-së, dëshmoi se kishte gabime në numërimin fillestar. Edhe në këtë mostër të kufizuar, më janë shtuar 6 vota që nuk ishin numëruar më parë. Kur diferenca ndërmjet kandidatëve është vetëm 102 vota, çdo votë ka rëndësi dhe çdo pasaktësi mund të ndikojë drejtpërdrejt në rezultatin përfundimtar.

Për këtë arsye kam kërkuar që të rinumërohen të gjitha votat e kandidatëve të PDK-së që nuk janë përfshirë në rinumërimin e deritanishëm. Vetëm një verifikim i plotë mund të garantojë që mandati parlamentar t’i takojë kandidatit që ka fituar besimin e qytetarëve dhe që çdo votë të numërohet saktë.

Besimi në procesin zgjedhor ndërtohet mbi transparencën, ligjshmërinë dhe respektimin e vullnetit të qytetarëve. Pres që PZAP-i ta shqyrtojë këtë ankesë në mënyrë të paanshme dhe të marrë një vendim që garanton integritetin e zgjedhjeve dhe mbrojtjen e çdo vote.

Me e rëndësishme se shpejtësia e publikimit të rezultatit zgjedhor është saktësia e tij, që çdo votë e votuesit të jetë e numëruar ashtu siç është vullneti i tij më 7 qershor 2026.
Bazuar edhe në procesin e kaluar zgjedhor ku unë kam identifikuar dhe paraqitur me fakte manipulimin e procesit zgjedhor me 28 dhjetor 2025, edhe ky proces ka deformime, prandaj kam parashtruar ankesë në PZAP.

Ngjarje e rëndë në plazhin e Tales, humbin jetën dy të mitura

Dy vajza të mitura janë mbytur në det.

Dyshohet se vajzat janë të moshave 11 dhe 13 vjeç dhe të pashoqëruara.

Gazetarja e Top Channel, Brixhilda Deda raporton se trupat e pajetë të të miturave janë transportuar për në morgun e Lezhës.

Eskaløi situata në Mitrovicë – i dyshuari sulmøi tre policë dhe i këřcënøi me vrąśje

Një person është arrestuar mbrëmjen e së enjtes në Mitrovicën e Jugut, pasi dyshohet se ka sulmuar fizikisht një qytetar dhe më pas tre zyrtarë policorë, transmeton IndeksOnline.

Sipas raportit të Policisë, rasti ka ndodhur më 18 qershor 2026 rreth orës 21:00 në rrugën “Lah Nimani”. I dyshuari, në gjendje të dehur, fillimisht ka goditur një qytetar, duke i shkaktuar lëndime trupore.

Gjatë arrestimit në vendin e ngjarjes, ai ka sulmuar një zyrtar policor, ndërsa sulmet kanë vazhduar edhe brenda stacionit policor dhe në spital, ku dyshohet se ka sulmuar edhe dy policë të tjerë. Po ashtu, ai i ka kanosur verbalisht me vrasje zyrtarët policorë.

Policia njofton se i dyshuari ka dëmtuar edhe motoçikletën e viktimës si dhe një veturë tjetër.

Si pasojë e incidenteve, tretman mjekësor kanë pranuar viktima dhe tre zyrtarë policorë. Pas trajtimit mjekësor, me vendim të prokurorit, i dyshuari është dërguar në mbajtje

Vďes në moshë të re, Kushtrim Nimani

Ka ndërruar jetë në moshë të re, Kushtrim Nimani.

Lajmin për vdekjen e tij e ka dhënë familja Nimani.

Varrimi i të ndjerit do të bëhet më 19.06.2026, në ora 17:00, në varrezat e fshatit Kosterc, lagjja Niman, Komuna Skenderaj.

A do të ketë koalicion me LDK-në, Kurti ‘befason’ me përgjigjen

Kryeministri në detyrë i Kosovës, Albin Kurti, është pyetur mëngjesin e sotëm lidhur me mundësinë e një koalicioni mes Vetëvendosjes dhe Lidhjes Demokratike të Kosovës (LDK).

Megjithatë, ai nuk ka dhënë asnjë koment për këtë çështje, duke shmangur përgjigjen dhe duke kaluar te një temë tjetër.

“Urime Dita e Shërbimit Publik sot”, ka deklaruar shkurt Kurti, pa elaboruar më tej mbi pyetjen për një bashkëpunim të mundshëm me LDK-në.