Ermal Mamaqi: Njerëzit që janë të varfër, e meritojnë të jenë të varfër!

Në një bisedë pa filtra në “Live From Tirana” me Ronaldo Sharkën, aktori dhe producenti i njohur Ermal Mamaqi ka ndarë mendimet e tij mbi jetën, karrierën dhe përgjegjësitë personale.

Mamaqi ka folur mbi konceptin e meritës dhe pasojat e zgjedhjeve që bëjmë në jetë, duke theksuar se ajo që përjetojmë shpesh është pasojë e asaj që pranojmë ose tolerojmë:

“Nëse dikush është në të 40-at e tij dhe është ende i varfër, a e meriton që të jetë i varfër? Unë besoj se po, e meriton. Ne meritojmë shokët që kemi, qeverinë që kemi, punën që kemi. Marrim atë që tolerojmë. Ti e toleron shefin të sillet keq, ajo që merr është kjo. Ti toleron partnerin të sillet ashtu, ajo që merr është kjo. Ti toleron veten të hash një tortë, ajo që merr është kalori”.

– YouTube youtu.be

Mesazhi i tij është i qartë: jeta nuk është vetëm çështje rrethanash apo moshë, por edhe reflektim i zgjedhjeve tona dhe i kufijve që vendosim për veten dhe për të tjerët.

Ermal Mamaqi, i njohur për humorin dhe energjinë e tij pozitive, i fton të gjithë të marrin përgjegjësi për jetën e tyre dhe të kuptojnë se çdo gjë që tolerojmë ka pasoja, qofshin ato pozitive apo negative.

Ky reflektim i tij për jetën dhe suksesin, i dhënë në një intervistë të hapur, rikthen në vëmendje vizionin e tij për një jetë aktive dhe të ndërgjegjshme, ku çdo zgjedhje ka peshë.

Kurti e nis fushatën për balotazh me “kuletë” të shtetit: S’ju jap para kryetarëve që s’dinë të punojnë, as atyre që vjedhin

Kryeministri në detyrë, Albin Kurti, në tubimin e fushatës për balotazhin e zgjedhjeve lokale, ka folur edhe për buxhetin e vendit, duke thënë se ai s’i jep paratë e shtetit për ‘’ata kryetarë që nuk dinë të punojnë apo për ata që vjedhin’’.

Kurti u ka kërkuar qytetarëve që të mos t’i votojnë ata që ‘’nuk dinë dhe nuk e duan punën’’.

‘’Ne duam që Kosova të jetë e banuar në të gjitha anët e saj cep me cep, nuk e duam braktisjen e fshatrave dhe as qytezave, këtë gjë në Evropa kanë arritur ta bëjnë Gjermania dhe vendet skandinave si askush tjetër. Populli i Kosovës e ka një pjekuri të rrallë, patriotizëm shembullor dhe një rini moderne, keni për ta parë se ky popull do t’i befasoj në balotazh dhe do të votojë kundër bllokimeve dhe blloqeve të prapaskenës.

Ju e dini unë nuk e jap buxhetin e shtetit dhe paratë e taksave për ata kryetarë të cilët nuk dinë të punojnë mirë apo për ata që vjedhin. Mos i votoni ata që nuk dinë dhe nuk duan punën, e as ata që dinë e duan vjedhjen’’, ka thënë ai mes tjerash.

Ymeri: Bllokimi i qëllimshëm i LVV ndaj partive të tjera nuk prodhoi rezultat – Në zgjedhjet e reja Vetëvendosje do të ketë rënie

Analisti politik Visar Ymeri ka vlerësuar se dështimi i mandatit për formimin e qeverisë ishte plotësisht i pritshëm, pasi, sipas tij, tashmë për një kohë të gjatë ishte e qartë që Lëvizja Vetëvendosje nuk i kishte votat e nevojshme për ta siguruar shumicën parlamentare.

“Fakti që nuk i ka votat e mjaftueshme për qeveri është ditë për një kohë të gjatë, me përjashtim të tentim mashtrimit të opinionit nga eksponentët e Vetëvendosjes përfshirë edhe ish kryeministrin Kurti të cilët vazhdimisht thonin se i kanë votat ku shihej qartë se nuk i kanë votat sepse metoda e përdorur nga LVV për ta krijuar shumicën në parlament ka qenë abuslutisht e paefektshme por edhe e padrejtë dhe e papranueshme. Meqë ne e dimë që në situata kur ka nevojë për bashkëqeverisje e siç e kemi këtë situata atëherë marrëveshja politike është ajo që e zgjidh problemin dhe nuk ka kurfar mundësie dhe as nuk do të kishte me qenë e dobishme po të bëhej përmes peshkimit të deputetëve individual e tentim kontrabandimit të them ashtu të votës së tyre”, tha ai.

Ymeri në një intervsitë për dokumentarin ‘Expose’, thotë se metoda e përdorur nga LVV për të siguruar shumicën, ka qenë e dështuar.

Ai vlerëson se zhvillimet pas zgjedhjeve dhe seancës konstituive të Kuvendit kanë qenë qartazi bllokim i qëllimshëm i Lëvizjes Vetëvendosje, duke shpresuar se partitë do të lodhen dhe do të votojnë për qeveri.

“Në këtë drejtim mendoj se si metodë ka qenë e dështuar që nga fillimi dhe uroj që ta kenë marrë këtë mësim edhe LVV siç e dinë edhe partitë tjera që në situata të tilla gjëja më e rëndësishme është një marrëveshje transparente mes partive politike në të cilat merren vesh për cka do të bëjnë si qeveri për mandatin për të cilin po dakordohen, kush cilin post ministror do ta merrë dhe me ec tutje. Krejt kjo cka ka ndodh deri tash, prej momentit që kanë përfundu zgjedhjet e ka fillu seanca konstituive e Kuvendit, qartazi ka qenë bllokim i qëllimshëm nga LVV me shpresën që bllokimi do ti lodhë partitë tjera ose deputetët individual në mënyrë që pastaj tua marrë votën për qeveri”, u shpreh tutje.

Ymeri ka reaguar edhe ndaj deklaratës së Kusari – Lilës, ku ka deklarurar se ka deputet të partive tjera të cilët e dinë se nuk zgjedhen dhe rrjedhimisht duhet ta votojnë qeverinë Kurti, që sipas tij kjo është absurde ku e konsideron si një lloj kërcënim të butë ndaj deputetëve.

“E kemi së fundmi këtë deklarimin skandaloz të Mimoza Kusari – Lilës, e cila tha se ka deputet të partive tjera të cilët e dinë që nuk zgjedhen dhe rrjedhimisht duhet ta votojnë qeverinë Kurti, që për mua është absurde sepse deputet të tillë ka edhe te LVV, por mendoj që kjo është një lloj kërcënimi i butë ndaj deputetëve në mënyrë që ta themeloj një qeveri përmes mjeteve jodemoraktike”, theksoi ai.

Sipas tij zgjedhjet janë opsioni më i mundësh në këtë situatë, ku thekson se gjasat janë që të jenë diku ka mesi i muajit dhjetor.

“Në këtë drejtim konsideroj se qartazi zgjedhjet janë opsioni gati se më i mundshëm në këtë situatë, tash varësisht edhe kur thirren ato por gjasat janë që të jenë diku ka mesi i dhjetorit. Problemin që e kam është që këto zgjedhje mund të mos prodhojnë rezultat shumë të ndryshëm, në kuptimin e numrave në Kuvend, që nënkupton që këto zgjedhje duhen shfrytëzuar nga partitë politike që të prodhojnë një mentalitet tjetër politik”, shtoi Ymeri.

Ndër të tjera analisti politik thekson se ka mundësi që Lëvizja Vetëvendosje të dal prap e para si parti, por thekson se mund ta ketë edhe një rënie.
“E mentaliteti tjetër politk është që ka mundësi që LVV të dal prap e para si parti, unë uroj dhe mendoj që ka me pas një rënie meqë shihet qartë se një pjesë e konsiderueshme e përgjegjësisë për bllokadën e deritashme i është faturu LVV me të drejtë dhe Albin Kurtit dhe në këtë drejtim pres reflektim të qytetarëve karshi kësaj, por pavarësisht rezultatit në zgjedhje mendoj që secila parti politike e ka për obligim që tash gjatë fushatës të na tregoj edhe një gjë shtesë jo vetëm se cka mendojnë ata se do të bëjnë në formën e programit mirëpo edhe si do ta zhbllokojnë një situatë potencialisht bllokuese pas rezultatit të zgjedhjeve duke e marrë për shkasë këtë që e pamë gjatë këtyre muajve të këtij viti”, vlerësoi ai.

Ymeri pret që në zgjedhjet e reja të jashtëzakonshme Vetëvendosje të ketë një rënie, ku dhe ka treguar dy arsye.

“Nuk e di se si ka me qenë rezultati, unë pres që LVV me pas një rënie për dy arsye kryesore. E para është që LVV nuk është se ka pas kushedi cfarë performance gjatë qeverisjes dhe e tërë qeverisja e LVV është e përqendruar tek një çështje që është dmth atë që ata e kanë quajtur si çlirim të veriut i cili tash së paku në aspektin elektoral qartazi po del të jetë i pavërtetë, meqë jemi tash pas zgjedhjeve lokale dmth rikthimin e kryetarëve të komunave nga Lista Serbe në katër komunat në veri sic e kemi parë edhe një fitore jashtëzakonisht problematike do të thosha unë në të gjitha komunat me shumicë serbe të Listës Serbe në përjashtim të Kllokotit që shkon në raundin e dytë”, u shpreh ai.

Për fund, analisti vlerëson se rezultati zgjedhor mund të ndikohet edhe nga përfundimi i zgjedhjeve lokale.

“Në këtë drejtim edhe ky adut i LVV nuk është se ka kuptim tashmë në këtë fushatë të re, ndërkohë që natyrisht që rezultati zgjedhor mund të ndikohet edhe nga përfundimi i zgjedhjeve lokale, pra nga përfundmi i garave nëpër balotazh vecanarisht gara të rëndësishme janë Prishtina, Mitrovica, Prizreni, Gjakova, Peja e kështu me radhë. Fajtorë tjerë që mendoj që mund ta ndikojnë votën e LVV është fajësimi i LVV-së ose përgjegjësia e LVV për bllokadën disamuajshe që tash në fund doli se ka qenë e qëllimshme për ta shmangur votën për qeveri duke pasur parasysh se nuk i kishin numrat si dhe qartazi edhe marrëdhëniet e rënduara me ShBA-të të cilët në deklarimin e tyre të fundit për suspendimin e dialogut strategjik, këtë suspendim ia faturojnë si përgjegjësi të drejtëpërdrejtë Albin Kurtit, pra as partisë e qeverisë jo por drejtëpërdrejtë ish kryeminsitrit. Dhe në këtë drejtim mendoj që qytetarët e Republikës së Kosovës tash e kanë më të qartë se sa problematike do të kishte me qenë një Kosvoë e qeverisur vetëm nga LVV”, përfundoi Ymeri për GazetaBlic.

Ky është personi që vdiq si pasojë e plagëve nga arma e zjarrit

Një ngjarje tragjike ka ndodhur sot në fshatin Fushiticë të Drenasit, ku një burrë ka humbur jetën pasi është plagosur në rrethana ende të paqarta.

Zëdhënësja e Policisë për rajonin e Prishtinës, Flora Ahmeti, ka konfirmuar për Insajderin se policia është njoftuar për rastin rreth orës 13:30.

“Rreth orës 13:30, policia është njoftuar për një burrë të plagosur në fshatin Fushiticë të Drenasit. I njëjti është dërguar menjëherë në QKMF-në e Komoranit, ku nga ana e stafit mjekësor është konstatuar vdekja”, ka deklaruar Ahmeti.

Forcat policore kanë dalë menjëherë në vendin e ngjarjes dhe, në bashkërendim me prokurorin e rastit, po zhvillojnë hetimet për të sqaruar rrethanat dhe motivet që çuan në këtë ngjarje.

Insajderi merr vesh se viktima me incialet R.SH. kishte ardhur nga Suedia në Kosovë për pushime.

Një burrë vdes pas plagosjes me armë zjarri-Policia jep detaje për ngjarjen tragjike

Një ngjarje tragjike ka ndodhur sot në fshatin Fushiticë të Drenasit, ku një burrë ka humbur jetën pasi është plagosur në rrethana ende të paqarta.

Zëdhënësja e Policisë për rajonin e Prishtinës, Flora Ahmeti, ka konfirmuar për Insajderin se policia është njoftuar për rastin rreth orës 13:30.

“Rreth orës 13:30, policia është njoftuar për një burrë të plagosur në fshatin Fushiticë të Drenasit. I njëjti është dërguar menjëherë në QKMF-në e Komoranit, ku nga ana e stafit mjekësor është konstatuar vdekja”, ka deklaruar Ahmeti.

Forcat policore kanë dalë menjëherë në vendin e ngjarjes dhe, në bashkërendim me prokurorin e rastit, po zhvillojnë hetimet për të sqaruar rrethanat dhe motivet që çuan në këtë ngjarje.

“E pashë Albin Kurtin para fundit të tij” – deklarata e fortë e Blerta Deliut

Deputetja e PDK-së, Blerta Deliu, ka thënë se ditën në Kuvend kur s’është votuar Qeveria e re, ka parë kreun e LVV-së, Albin Kurtin, para fundit të tij.

Sipas Deliut, mosvotimi i Kurtit për kryeministër ishte thyerje e mitit dhe tregues që Kurti s’ka vota e as besim.

“S’mund t’i quash njëherë kolegët hajvana e miza, e në Kuvend të bëhegj qingj i butë e të thuash së na duhet uniteti”, ka thënë ajo në Klan Kosova.

“Unë atë ditë në Kuvend e kam parë Albin Kurtin para fundit të tij”, ka shtuar ajo.

Deputetja e PDK-së ndër të tjera ka thënë se Qeveria e re pas zgjedhjeve të reja do të bëhet pa Albin Kurtin dhe LVV-në.

Ky është zyrtari që terrorizoi lagjen Dardania – përfundon në pranga pas përplasjes me Policinë!

Një ngjarje e pazakontë ka ndodhur mbrëmjen e kaluar në lagjen Dardania të Prishtinës, ku një person i armatosur ka sulmuar dhe kanosur zyrtarë policorë gjatë intervenimit në një rast të dhunës në familje.

Sipas burimeve të Indeksonline, personi i arrestuar është Zenel Kuqi (51 vjeçar) i cili aktualisht mban pozitën e shefit të Prokurimit në Qendrën Klinike Universitare të Kosovës (QKUK).

Gjatë intervenimit të njësisë policore, Kuqi dyshohet se është përballur me armë në dorë, duke refuzuar të dorëzohet dhe të zbatojë urdhrat e policisë.

Pas veprimeve të menjëhershme hetimore dhe në koordinim me Prokurorin Kujdestar, ndaj tij është iniciuar rasti “Sulm ndaj personit zyrtar gjatë kryerjes së detyrës zyrtare”, ndërsa i dyshuari është ndaluar për 48 orë.

A ka ndryshuar mendje Anton Quni për votimin e Qeverisë Kurti 3? Deklarohet deputeti i LDK-së

Deputeti i LDK-së, Anton Quni, e ka bërë të qartë pozicionin e tij sa i përket votimit të mundshëm të një qeverie të udhëhequr nga Lëvizja Vetëvendosje.

Ai thotë se në asnjë rrethanë nuk del kundër vendimit të partisë së tij për të dhënë votën pro një Qeverie Kurti 3, shkruan Reporteri.net.

Quni përmes një postimi në Facebook ka deklaruar se qëndrimi i tij mbetet i palëkundur në përputhje të plotë me vendimmarrjen e strukturave të partisë së tij.

“Në asnjë rrethanë dhe në asnjë kusht, unë, Anton Quni, nuk do të ndryshoj anë, e as nuk do të votoj në të kundërtën e vendimit të Kryesisë së LDK-së. Qëndrimi im është dhe mbetet i palëkundur, në përputhje të plotë me vendimmarrjen e strukturave të partisë sime. Një herë LDK, gjithmonë LDK!”, ka shkruar Quni në Facebook.

Haradinaj për pragun zgjedhor: Po synojmë 100 mijë vota

Pas zgjedhjeve parlamentare të 9 shkurtit të këtij viti, Aleanca për Ardhmërinë e Kosovës (AAK) siguroi 5 deputetë dhe Nisma Socialdemokrate 3 deputetë në Kuvend, të cilat hynë si koalicion parazgjedhor në ato zgjedhje.

Menjëherë pas zgjedhjeve, Nisma vendosi të largohet nga koalicioni parazgjedhor me AAK-në dhe kreu i saj, Fatmir Limaj u shpreh i hapur për bashkëpunim me Lëvizjen Vetëvendosje (që po duket se tash pas gati 9 mujash nuk kulmoi me sukses), ndërkohë që AAK-ja kritikonte kreun e VV-së, Albin Kurtin.

Në këtë kontekst, kreu i AAK-së, Ramush Haradinaj, ka folur në Debat Plus për mundësinë e zgjedhjeve të jashtëzakonshme dhe për strategjinë e partisë së tij.

Ai ka shprehur qartë se Aleanca do të garojë e vetme, duke synuar një rezultat të fortë zgjedhor.

“Sa i përket pragut që po diskutohet prej shumë qytetarëve. Unë pa të keqe i uroj suksese çdo subjekti politik, në këtë rast edhe Nismës edhe të tjerëve në zgjedhje. Ne kur kemi bërë koalicion me Nismën e me kolegë, ne kemi pas 40 pozicione në listë për palë tjera, për njerëz jashtë Aleancës. Nëse do t’i merrnim 40 asamblistët më të votuar të AAK-së, mund ti shtonim votat tona.

Ne nuk mbesim ndër 70 mijë vota në asnjë situatë zgjedhore. Unë kam qenë në Hagë, kemi pas sfida, por brenda AAK ka njerëz të zotë, profesionistë, ka rekorde të punëve të mira që ka bërë për këtë vend. Ne i targetojmë 100 mijë vota”, ka thënë Haradinaj në Debat Plus.

“Sa për pragun faleminderit të gjithë që na mbajnë dertin, por u kisha thënë mos e mbani shumë dertin se e kalojmë mirë… do të shkojmë të vetëm në zgjedhje”, ka shtuar Haradinaj.

Arian Tahiri viziton vendpunishten e dëmtuar të urës së re: Mitrovica ka nevojë për besim dhe bashkëpunim

Nënkryetari i Mitrovicës, Arian Tahiri, tani kandidat për Kryetar të Mitrovicës, ka vizituar vendpunishten e urës së re, e cila mbrëmë u vërshua dhe u dëmtua për shkak të rritjes së nivelit të ujit në mënyrë të paparajamëruar, përkundër që nuk kishte reshje shiu.

Tahiri ka shprehur keqardhje për dëmet që ka pësuar kompania dhe punëtorët e saj, të cilët kanë qenë duke punuar në ndërtimin e kësaj ure.

Ai ka thënë se kjo është kohë kur të gjithë, institucionet qendrore, komuna dhe qytetarët, duhet të tregojmë maturitet dhe përgjegjësi.

“Mitrovica ka nevojë për besim dhe bashkëpunim. Mitrovica ka nevojë për unitet dhe përkushtim, që çdo projekt i nisur të përfundojë me sukses dhe në dobi të qytetarëve tanë”, ka thënë ndër të tjera Tahiri. Ky është statusi i plotë i tij: Erdha në vendpunishten e Urës së Këmbësorëve për ta parë nga afër gjendjen e krijuar. Si nënkryetar dhe qytetar i Mitrovicës, shpreh keqardhje për dëmet që ka pësuar kompania dhe punëtorët e saj, të cilët me përkushtim kanë qenë duke punuar në këtë projekt të rëndësishëm për qytetin tonë. Kjo është kohë kur të gjithë ne, institucionet qendrore, komuna dhe qytetarët, duhet të tregojmë maturitet dhe përgjegjësi. Njëkohësisht, duhet të hetohet me seriozitet se çfarë ka ndodhur, në mënyrë që punimet të vazhdojnë dhe ura të përfundojë me dinjitet. Mitrovica ka nevojë për besim dhe bashkëpunim. Mitrovica ka nevojë për unitet dhe përkushtim, që çdo projekt i nisur të përfundojë me sukses dhe në dobi të qytetarëve tanë”.