Sot nis numërimi i fletëvotimeve nga diaspora

Në Qendrën e Numërimit dhe Rezultateve (QNR) sot pritet të nisë numërimi i fletëvotimeve që i takojnë votimit jashtë Kosovës. Këtë e bëri të ditur zëdhënësi i Komisionit Qendror të Zgjedhjeve (KQZ), Valmir Elezi.

“Ju njoftoj se sot (e premte, 17 tetor 2025, ora 18:00) në Qendrën e Numërimit dhe Rezultateve fillon numërimi i fletëvotimeve që i takojnë votimit jashtë Kosovës për zgjedhjet lokale për kryetarë të komunave dhe për kuvende komunale”, ka thënë ai.

Më shumë se dy muaj në kërkim- Mefail Shkodra dhe dy djemtë e tij dyshohet se janë parë në këtë vend

Kanë kaluar mbi dy muaj nga krimi i rëndë që tronditi qytetin e Gjilanit më 10 gusht, kur tre persona u vranë dhe një tjetër u plagos në mes të ditës. Edhe pse Policia e Kosovës ka zhvilluar kërkime të gjera, të dyshuarit Mefail Shkodra dhe djemtë e tij, Edonis e Engjull Shkodra, ende nuk janë arrestuar.

Së fundi, një lexues i Insajderit ka bërë të ditur se tre personat e kërkuar dyshohet se janë parë në qytetin e Nishit në Serbi.

Insajderi sjell edhe foto ky dyshohet se janë parë Mefail Shkodra dhe dy djemtë e tij, Edonis e Engjull Shkodra.

Insajderi ka kontaktuar sot me Policinë e Kosovës, se a kanë ndonjë informacion rreth vendodhjes së tyre, dhe është në pritje të një përgjigje zyrtare.

Policia kishte publikuar edhe fotografitë e tyre dhe u bën thirrje qytetarëve që të njoftojnë menjëherë autoritetet në rast se kanë informacione për vendndodhjen e tyre, përmes stacionit më të afërt policor, aplikacionit “Lajmëro Policinë”, e-mailit zyrtar apo numrave kujdestarë 192 dhe 03850807001.

Viktima të kësaj ngjarjeje të rëndë ishin babë e bir, Selami dhe Edmond Hasani, argjendarë të njohur në Gjilan, si dhe Abedin Hoxha.

Shefi i Emergjencës tregon për nënën dhe vajzën e therur në Prizren: Kjo është gjendja e tyre

Një rast i rëndë i dhunës në familje ka ndodhur pas mesnate në qytetin e Prizrenit, ku një grua dhe vajza e saj e mitur kanë mbetur të plagosura rëndë si pasojë e një sulmi me thikë. Të dyja aktualisht ndodhen në gjendje të rëndë shëndetësore në Spitalin e Rajonal të Prizrenit.

Shefi i Emergjencës, dr. Hekuran Veçgishti ka folur për Insajderin, rreth gjendjes shëndetësore të viktimave.

“Po trajtohen në Spitalin e Përgjithshëm të Prizrenit. Janë sjellë në emergjencë në orën 00:45, kanë pas plagë në pjesë të ndryshme të trupit. Janë kryer ekzaminimet e nevojshme radiologjike. Në konsultim me kirurgun, janë pranuar në trajtim të mëtejmë. Për momentin pacientet janë në mjekim intenziv qendror.”, ka theksuar ai.

Prokuroria Themelore në Prizren – Departamenti për Krime të Rënda, njofton se sot me datë 17.10.2025 rreth orës 00:20min pas mesnatës në rrugën “Rexhep Kabashi” në Prizren, policia ka pranuar informatën për një rast të dhunës në familje.

Patrulla policore iu është përgjigjur menjëherë thirrjes dhe me të arritur në vendin e ngjarjes, ka hasur një person të gjinisë femërore (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me mjet të mprehtë – thikë. Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore.

Po ashtu, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje. Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit. Sipas mjekëve, gjendja shëndetësore e të dy viktimave është e rëndë.

Policia dhe njësia e teknikës kriminalistike kanë dalë menjëherë në vendin e ngjarjes, në koordinim me Prokurorin kujdestar nga Departamenti për Krime të Rënda.

Gjatë intervenimit, në hyrje të banesës është identifikuar dhe arrestuar i pandehuri i cili është shoqëruar në stacionin policor për procedura të mëtejme.

Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.

Brenda afatit ligjor, për të njëjtin prokuroria do të parashtroj kërkesë për caktimin e masës së paraburgimit.

Prokuroria Themelore në Prizren, është duke ndërmarrë të gjitha veprimet e nevojshme hetimore për zbardhjen e plotë të rrethanave të rastit.

“Ndihmë ma mbyťi qikën…” – Dëshmitari i ngjarjes së tmerrshme në Prizren jep detaje tronditëśe

Një dëshmitar ka treguar për ngjarjen e rëndë që ndodhi në Prizren, ku një burë theri me thikë bashkëshorten e tij dhe vajzën e mitur. Dëshmitari thotë ta kenë larë gjakun deri në katin e katër ku kishte ikur vajza.

Viktimat janë M.A., gruaja 49-vjeçare, dhe vajza 12-vjeçare. I dyshuari për këtë akt është B.G.

“Pas e krye punën vet forenzika, e kam thirr pronarin e banesës. Ka ardhur pronari dhe së bashku me të, kemi filluar prej shkallëve, kemi dal e kemi larë gjakun deri në aktin e tretë, deri në të katërtin, se edhe një kat më lart ka shkuar fëmija, ka ik”, ka thënë ai.

Sipas njoftimit të Prokurorisë Themelore në Prizren, të dy viktimat ndodhen në gjendje të rëndë shëndetësore, ndërsa i dyshuari është arrestuar menjëherë në vendin e ngjarjes.

“Prokuroria Themelore në Prizren – Departamenti për Krime të Rënda, duke marrë parasysh trajtimin e rasteve të dhunës në familje dhe rëndësinë e mbrojtjes së viktimave në këto raste, informon opinionin publik se me datë 17.10.2025 rreth orës 00:20min pas mesnatës në rrugën “Rexhep Kabashi” në Prizren, policia ka pranuar informatën për një rast të dhunës në familje. Patrulla policore iu është përgjigjur menjëherë thirrjes dhe me të arritur në vendin e ngjarjes, ka hasur një person të gjinisë femërore (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me mjet të mprehtë – thikë. Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore. Po ashtu, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje.

Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit. Sipas mjekëve, gjendja shëndetësore e të dy viktimave është e rëndë. Policia dhe njësia e teknikës kriminalistike kanë dalë menjëherë në vendin e ngjarjes, në koordinim me Prokurorin kujdestar nga Departamenti për Krime të Rënda.

Gjatë intervenimit, në hyrje të banesës është identifikuar dhe arrestuar i pandehuri i cili është shoqëruar në stacionin policor për procedura të mëtejme. Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”. Brenda afatit ligjor, për të njëjtin prokuroria do të parashtroj kërkesë për caktimin e masës së paraburgimit. Prokuroria Themelore në Prizren, është duke ndërmarrë të gjitha veprimet e nevojshme hetimore për zbardhjen e plotë të rrethanave të rastit””, thuhet në njoftim.

Eskorta e Osmanit shihet duke kaluar kufirin në Morinë, për protestën në mbështetje të çlirimtarëve

Eskorta shoqëruese e Presidentes Vjosa Osmani është filmuar teksa kalon kufirin në Morinë, pikërisht sot kur në Tiranë do të mbahet protesta në mbështetje të ish-krerëve të Ushtrisë Çlirimtare të Kosovës që po gjykohen në Hagë, shkruan Reporteri.net.

Pas eskortës së Osmanit, shihen vetura tjera me flamuj të UÇK’së teksa janë nisur drejt Tiranës.

Protesta mbahet sot në orën 15:00, në sheshin “Skënderbeu”.

Para dy ditësh, Osmani ka shprehur përkrahje të plotë për protestën që do të mbahet në Tiranë të premten, e me të cilët do të kërkohet drejtësi për ish-krerët e UÇK-së që po mbahen qe pesë vite në paraburgim në Hagë.

Osmani ka thënë se ka qenë vetëm një agresor dhe ajo është Serbia. E para e shtetit tha se UÇK-ja ka mbrojtur me dinjitet qytetarët e Kosovës e Republikën tonë.

“E mbështes këtë protestë dhe kam mbështetur çdo protestë që thërret për drejtësi. Qytetarët e Kosovës dhe shqiptarët gjithandej asnjëherë nuk kanë kërkuar asgjë tjetër, përveç drejtësisë drejtësi që respekton parimet më të larta të mbrojtjes dhe të drejtave të njeriut dhe siç e e dini Kosova dhe më konkretisht krerët në Hagë, pikërisht pse kanë pasur besim në drejtësi janë paraqitur përpara saj, tashmë po bëhen 5 vite pa asnjë dyshim në drejtësinë ndërkombëtare. Lufta e UÇK-së ka qenë luftë e drejtë për liri, për ta mbrojtur popullin tonë, e për ta çliruar Kosovën nga okupimi. Për këto që e ka parë me sytë e vet se çfarë ka ndodhur në këtë luftë, dihet qartë se ka qenë vetëm një agresor, Serbia dhe vetëm një viktimë – Kosova. UÇK-ja ka mbrojtur me dinjitet qytetarët e Kosovës, republikën tonë dhe drejtësinë e kësaj lufte ne do ta mbrojmë deri në fund”, tha Osmani para mediave.

Ky organizim vjen pas atij në Hagë, ku me mijëra qytetarë kanë kërkuar lirimin e ish-krerëve të UÇK-së – Hashim Thaçit, Kadri Veselit, Jakup Krasniqit dhe Rexhep Selimit – të cilët ndodhen në paraburgim që nga nëntori i vitit 2020.

Mbi 90% të votave të verifikuara në Mitrovicë, Peci ngushton diferencën me Tahirin

90,48% e votave janë numëruar në procesin e verifikimit të votave që ka nisur në Mitrovicën e Jugut.

Aktualisht, kandidati i PDK-së për kryetar të kësaj komune, Arian Tahiri, po prin me 474 vota më shumë se kandidati i Vetëvendosjes, Faton Peci.

Tahiri aktualisht ka 48.68% apo 13,764 vota, ndërsa Peci 47.00% apo13,290 vota.

Rezultatet e përditësuara në Gjilan, LVV arrin mbi 50% deri më tani

Procesi i verifikimit dhe numërimit të votave në Komunën e Gjilanit është ende në zhvillim, ndërsa rezultatet paraprake tregojnë një epërsi të kandidatëve të Lëvizjes Vetëvendosje.

Sipas të dhënave të publikuara nga Komisioni Qendror i Zgjedhjeve (KQZ) në faqen e saj zyrtare, deri në orët e paradites së sotme janë verifikuar 74.44% e votave në këtë komunë.

“Procesi i verifikimit është në vijim dhe do të vazhdojë deri në përfundimin e plotë të numërimit të të gjitha votave,” thuhet në njoftimin e KQZ-së.

Bazuar në rezultatet e deritanishme:

• Alban Hyseni (Lëvizja Vetëvendosje) ka marrë 50.16% të votave të numëruara, që përkthehet në 15,880 vota.
• Arbër Ismajli (LDK) ka marrë 33.97%, apo 10,753 vota.

Përqindja e mbetur e votave pritet të verifikohet në orët dhe ditët në vijim, derisa KQZ të përfundojë tërësisht procesin e verifikimit dhe certifikimit të rezultateve përfundimtare.

Tronditëse: Burri ther me thikë bashkëshorten dhe vajzën, gjendja e tyre e rëndë

Prokuroria Themelore në Prizren – Departamenti për Krime të Rënda, njofton se sot me datë 17.10.2025 rreth orës 00:20min pas mesnatës në rrugën “Rexhep Kabashi” në Prizren, policia ka pranuar informatën për një rast të dhunës në familje.

Patrulla policore iu është përgjigjur menjëherë thirrjes dhe me të arritur në vendin e ngjarjes, ka hasur një person të gjinisë femërore (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me mjet të mprehtë – thikë. Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore.

Po ashtu, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje. Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit. Sipas mjekëve, gjendja shëndetësore e të dy viktimave është e rëndë.

Policia dhe njësia e teknikës kriminalistike kanë dalë menjëherë në vendin e ngjarjes, në koordinim me Prokurorin kujdestar nga Departamenti për Krime të Rënda.

Gjatë intervenimit, në hyrje të banesës është identifikuar dhe arrestuar i pandehuri i cili është shoqëruar në stacionin policor për procedura të mëtejme.

Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.

Brenda afatit ligjor, për të njëjtin prokuroria do të parashtroj kërkesë për caktimin e masës së paraburgimit.

Prokuroria Themelore në Prizren, është duke ndërmarrë të gjitha veprimet e nevojshme hetimore për zbardhjen e plotë të rrethanave të rastit.

“U gjet pa shenja jete në veturë”, Policia jep detaje të reja për vdekjen misterioze

Një person është gjetur pa shenja jete në mëngjesin e sotëm në Pejë.

Policia ka njoftuar për Indeksonline se qytetari është gjetur i vdekur në veturën e tij.

“Sot në orën 9:10 policia është njoftuar se në rrugën “Papa Klementi” në Pejë një person në veturë është parë pa shenja jete. Është njoftuar ekipi mjeksor ku është konstatur vdekja e tij. Ekipet relevante janë duke u marrë me rastin për shkaqet e vdekjes” ka thënë Fadil Gashi përIndeksonline.

Burri i Haxhiut: Liri për çlirimtarët që po gjykohen në Hagë nga gjykata që e themeloi Thaçi me Listën Serbe

Anëtari i Lëvizjes Vetëvendosje në Komisionin Qendror të Zgjedhjeve, Alban Krasniqi, që është edhe bashkëshorti i nënkryetares së Kuvendit të Kosovës të enjten në mbrëmje ka shkruar lidhur me protestën që mbahet të premten në Tiranë.

Ai “kërkon” drejtësi për çlirimatarët që po gjykohen në Hagë e sulmon ish-presidentin Hashim Thaçin, edhe pse ky i fundit po ashtu ka aktakuzë nga Gjykata Speciale.

“Liri për çlirimtarët që po gjykohen padrejtësisht në Hagë nga Gjykata antishqiptare e themeluar nga Hashim Thaçi dhe PDK-ja, e ndihmuar nga Lista Serbe. Rroftë UÇK-ja dhe komandanti i saj Adem Jashari!”, ka shkruar Krasniqi.