“Tik, tak…”, Qeveria Kurti 3 po vjen…

Ditën e djeshme Kryeministri në detyrë Albin Kurti në një konferencë për foli për krijimin e qeverisë së re.

Kurti ka thënë se më se largu më 26 tetor, në një senacë të kuvendit, do ta prezantojë kabinetin e ri qeveritar.

Por a i ka numërat për formimin e Qeverisë, Kurti?

Indeksonline ka kontaktuar Mimoza Kusari-Lilën për të marrë një qëndrimin lidhur me krijimin e Qeverisë.

 

 

Sipas Kusari-Lilës, Vetëvendosja nuk do të bashkëpunojë me dy parti, në këtë rast PDK-në dhe Listën Serbe.

‘’Gjatë javës kemi me filluar bisedat për formimin e Qeverisë, ka pasur bisedime fillestare por jo diçka specifike. Sa i përket bashkëpunimit me subjektet tjera politike, kemi qëndrimin se nuk bashkëpunojmë me dy parti në këtë rast, bëhet fjalë për PDK-në dhe Listën Serbe, ndërsa me të tjerët mbetet me shiquar a ka vullnet për bashkëpunim apo jo. Sa i përket ftesave, për LDK-në dhe të tjerët duhet të flasë dhe të vendosë vetë Kurti dhe LVV-ja si mandatar për formimin e Qeverisë’’, thotë Kusari-Lila për Indeksonline.

Por a janë të gatshëm për zgjedhje, si VV e Alternativë në rast se nuk krijohet Qeveria Kurti 3?

Sipas Kusarit, zgjedhjet e reja janë zgjidhja më e mirë.

‘’Unë mund të flasë në emër të Aleternativës, unë them se zgjidhja më e mirë janë zgjedhjet e reja sepse tashmë është bërë një periudhë e gjatë prej kohës së mbajtjes së zgjedhjeve dhe ka pasur disa ndryshime të cilat kërkojnë ri konfirmim të besimit të qytetarëve por natyrisht për zgjedhje gjithmonë jemi gati’’, vazhdon tutje Kusari-Lila.

Si e ka parë procesin zgjedhor Kusari-Lila që u zhvillua të dielën e 12 tetorit?

‘’Procesi zgjedhor në tërsi ka shkuar shumë mirë, sa i përket Aleternativës ne kemi pasur sfidat tona për arsye se kemi pasur tash e gjashtë vite bashkëpunim me VV-në dhe çështje të subjektivitetit ka pasur paksa huti sidomos në Komunën e Gjakovës pasi që listat e ndara për kandidatë për Asamble shpeshherë herë kanë rezultuar me votë ku është votuar LVV-ja duke menduar Alternativën. Ndërsa sa i përket kandidatëve për kryetar besoj se kemi mundur të dalin pak më mirë por ka qenë vonë momenti i prezantimit të kandidatëve dhe përgatitjet për nivelin lokal duhet të fillojnë më herët bashkë me aktivitetin politik’, shprehet Kusari-Lila për Indeksonline.

Procesi i balotazhit në vendin tonë mbahet me 9 nëntor ku në balotazh janë 17 komuna.

Çmimet s’ndalen, ja produktet që u shtrenjtuan sërish!

Sipas të dhënave të publikuara nga Agjencia e Statistikave të Kosovës (ASK), indeksi i tërësishëm i harmonizuar i çmimeve të konsumit (IHÇK) ishte më i lartë për 4.7% në shtator 2025, krahasuar me të njëjtën periudhë të vitit paraprak, pra gusht të vitit të kaluar.

Ndërkohë, inflacioni mujor shënoi një rënie prej -0.2% në krahasim me gushtin 2025. Rritja vjetore e çmimeve është ndikuar kryesisht nga shtrenjtimit në disa kategori të mallrave dhe shërbimeve.

Ndër to, çmimet e pushimeve të organizuara u rritën me 23.1%, biletat e fluturimeve me 22.5%, energjia elektrike me 17.4%, kafeja, çaji dhe kakaoja me 14.2%, si dhe pemët me 13.0%.

Rritje të ndjeshme kanë pasur edhe mishi (12.1%), qumështi, djathi dhe vezët (8.8%), shërbimet hoteliere (8.3%), dhe vajrat e yndyrat (6.8%).

Këto nëngrupe kanë pasur ndikimin më të madh në inflacionin vjetor, me një efekt të përbashkët prej 4.9 për qind në IHÇK.

Në anën tjetër, rënie e çmimeve është regjistruar te karburantet dhe lubrifikantët për pajisjet e transportit personal, me -3.1%, duke ndikuar me -0.2 për qind në indeksin e përgjithshëm. Në krahasim me muajin gusht 2025, çmimet mesatare të konsumit në shtator ranë për 0.2%.

Kjo rënie mujore është shpjeguar me uljen e çmimeve te karburantet dhe lubrifikantët (-3.6%), pemët (-2.8%), biletat e fluturimeve (-1.6%), dhe energjinë elektrike (-1.2%).

Megjithatë, disa kategori shënuan ngritje, përfshirë lëndët djegëse të ngurta si druri e peletët (1.4%), qumështin, djathin dhe vezët (1.1%), blerjen e automjeteve (0.6%) dhe shërbimet hoteliere (0.4%). ASK bën të ditur se këto luhatje të çmimeve ndikojnë drejtpërdrejt në normën mujore dhe vjetore të inflacionit, e cila matet përmes indeksit të harmonizuar të çmimeve të konsumit (IHÇK).

LAJM I FUNDIT: Kjo parti i hap rrugën formimit të qeverisë Kurti 3: “Do t’i përgjigjemi pozitivisht”

Nisma Socialdemokrate do t’i përgjigjet pozitivisht çfarëdo ftese të Lëvizjes Vetëvendosje për të diskutuar për formim të qeverisë së re.

Derisa kanë mbetur edhe dymbëdhjetë ditë kohë për formim të qeverisë nga Lëvizja Vetëvendosje, si partia e parë në zgjedhjet e 9 shkurtit, deputetja e Nisma-s, Xhevahire Izmaku, thotë për KosovaPress se partia e saj “ka një përgjegjshmëri politike dhe s’ka asnjë arsye mos me qenë në tavolinë të diskutimit me LVV-në”.

Ajo thekson se nëse formimi i qeverisë së re varet vetëm nga tri votat e Nisma Socialdemokrate, “atëherë në raport me krijimin e institucioneve të reja nuk do të ketë kushte”.

Megjithatë, Izmaku nënvizon nevojën që të “sqarohet pozita e kryetarit të Kuvendit”, pasi sipas saj, legjislativi nuk duhet të funksionojë me një figurë e cila ka krijuar përçarje.

Kryetari i LVV-së, Albin Kurti, është mandatuar për kryeministër nga presidentja, Vjosa Osmani më 11 tetor. Kurti dje tha se gjatë kësaj fundjave dhe pas analizës për zgjedhjet lokale do të nis bisedimet për formimin e qeverisë së re.

Kurti flet për formimin e qeverisë, ja çfarë thotë

Kryeministri në detyrë, Albin Kurti, ka deklaruar se ende nuk ka zhvilluar komunikime me ndonjë parti apo deputetë lidhur me formimin e qeverisë së re, por ka paralajmëruar se në ditët në vijim do të nisë një plan konkret për këtë proces.

Kurti tha se ditët e fundit ka qenë i angazhuar me analizën e rezultateve zgjedhore dhe me vlerësimin e kontributeve të fushatave nëpër komuna, duke shtuar se për këtë arsye nuk ka pasur ende takime politike.

“Tepër shumë punë këto ditë, analiza e rezultateve nga qendrat. Na duhet ta shohim kontributet që kanë pasur fushatat nëpër komuna me rezultatin që kemi arritur, në mënyrë që sa më shpejt të fillojmë me fushatën për balotazhe. Andaj dje dhe sot nuk kam arritur ende që t’i zhvilloj ato komunikime. Por po e bëjmë një plan edhe për këtë gjë. I kemi më shumë se 10 ditë,” tha Kurti

Shpëtoi dy fëmijë nga mbytja, vdes “Heroi i Velipojës” pas tre muajsh në koma

Një ngjarje e trishtë ka ndodhur ditën e djeshme në Shkodër.

Nga atje, erdhi lajmi se ka vdekur Arjan Kraja, i njohur si “Heroi i Velipojës”.

Muaj më parë, ai kishte arritur që t’i shpëtonte dy fëmijë nga mbytja në deti, por që vet kishte përfunduar në gjendje të rëndë shëndetësore.

Kraja, nuk ia doli pas tre muajsh në koma.

Vdekja e tij tronditi të gjithë Shkodrën, sidomos familjen.

Nga miqtë dhe kolegët, ai kujtohet përherë si njeri i qetë e me zemër të madhe.

Thuhet se Arjani, ishte gjithmonë i gatshëm për të ndihmuar të tjerët.

Ish-deputeti i Kosovës rrahet brutalisht, nxirret nga vetura dhe goditet me shqelma

Një incident i rëndë ka ndodhur në ditën e zgjedhjeve lokale në Kosovë, më 12 tetor 2025, rreth orës 16:00, në fshatin Dubravë të Ferizajt. Ish-deputeti i Kuvendit të Kosovës, Danush Ademi, është sulmuar fizikisht nga persona të dyshuar të lidhur me partinë rivale.

Indeksonline ka siguruar pamje nga vendi i ngjarjes, ku shihet momenti kur Ademi shkon drejt veturës së tij, por rruga i bllokohet nga disa persona, të cilët, sipas tij, janë të afërt me politikanin rival, Qazim Rrahmani nga partia PDAK.

Në një deklaratë për Indeksonline, Danush Ademi ka dhënë versionin e tij për atë që ndodhi.

“Kam qenë në shtab, njerëzit e mi kanë qenë në terren. Kam dalë prej veturës për të marrë gruan. Ata kanë tentuar me dhunë të më nxjerrin prej veturës. Qazim Rrahmani, Sylejman, Benjamin, Irfan, Enis Rrahmani dhe Agim Rrahmani… Kur kam dalë prej veturës më kanë sulmuar. Rasti është paraqitur në Polici. Kanë qenë edhe të armatosur. Arsyeja e sulmit ka qenë se ne kemi qenë më përpara me vota.”

Danush Ademi ka qenë kandidat për kryetar komune nga partia Iniciativa URA – Unioni Republikan i Ashkalinjve, ndërsa Qazim Rrahmani ka garuar me Partinë Demokratike të Ashkalinjve të Kosovës (PDAK).

Reagimi i Policisë

Policia e Kosovës ka konfirmuar rastin përmes një njoftimi zyrtar:

“Me datën 12.10.2025, rreth orës 16:30, në fshatin Dubravë, Komuna e Ferizajt, Policia ka shoqëruar në stacionin policor një person të dyshuar, mashkull kosovar, pasi dyshohet se, pas një mosmarrëveshjeje verbale, ka sulmuar fizikisht një tjetër person, ankuesin – mashkull kosovar. Me urdhër të prokurorit të rastit, pas intervistimit, i dyshuari është liruar në procedurë të rregullt. Rasti është cilësuar ‘Sulm’.”

Hetimet për këtë rast vazhdojnë, ndërsa tensionet në këtë komunë duket se nuk kanë përfunduar as pas përfundimit të procesit zgjedhor.

Gjilan: Përfundon numërimi i votave për asamble, këto janë rezultatet

Ka përfunduar procesi i numërimit të votave për asamble komunale në komunën e Gjilanit.

Sipas të dhënave të fundit të Komisionit Qendror të Zgjedhjeve, nga 113 kuti të numëruar Vetëvendosja radhitet e para me 38,08% (15,605 vota), pasuar nga LDK me 29,05% (11, 904 vota).

PDK është e treta atje me 14,50% (5,943 vota).

Incident shqetësues: Tre persona sulmojnë policinë e Kosovës

Tre persona janë arrestuar mëngjesin e së hënës në Gjakovë, nën dyshimet se  të njëjtit kanë kanosur dhe sulmuar fizikisht zyrtarët policor.

Sipas policisë, ngjarja ka ndodhur derisa ata ishin në kryerje të detyrës zyrtare, transmeton Klankosova.tv.

Me vendim të prokurorit dy nga të dyshuarit janë dërguar në mbajtje.

PSD-ja befason në këtë qytet, merr afro 20% për kuvendin komunal

Partia e Dardan Molliqajt, PSD, është renditur si partia e dytë në Kamenicë.

Ndonëse Vetëvendosje arriti të fitonte pa balotazh, nuk ka arritur t’i siguronte numrat e mjaftueshëm në asamblenë komunale për ta krijuar ekzekutivin e vetme.

Partia Socialdemokrate ka dalë e dyta me 19,52% të votave, apo 2,686 vota gjithsej.
Ndërkohë, kandidati i PSD-së për kryetar, Qëndron Kastrati, ka marrë 27,98% të votave, apo 4,089 gjithsej.

“Ka ndodhë diçka në Shipol, aty Kurti ndejti deri në mëngjes – po hetohet”

Gazetari Valon Syla ka ngritur shqetësim për procesin zgjedhor në Mitrovicë, atje ku tri Exit Poll ia huqën rezultatit, meqë Faton Peci i VV-së doli afër Arian Tahirit të PDK-së.

Syla në Pressing T7 tha se diçka ka ndodhur në lagjen Shipol të Mitrovicës, pikërisht aty ku Albin Kurti qëndroi deri në orët e hershme të mëngjesit para hapjes së votimeve.

“Informata është që Shipoli po hetohet”, tha Valon Syla, i cili tha se s’është e mundur që tri Exit Poll të ndryshëm ta bëjnë huqjen e njëjtë në vendin e njëjtë.

Fillimisht Exit Poll e vendosën PDK-në të parën pa balotazh në Mitrovicë, me 51% PIPOS, me 56% UBO dhe me 58% Albanian Post.