“Javët e ardhshme hapet Rruga A, projekti më i madh i pasluftës”

Kryetari i Prishtinës, Përparim Rama, ka thënë se para katër vitesh Prishtina ishte në gjumë.

Rama theksoi se para katër vitesh, theksoi se i duhen 8 vjet për transformimin e kryeqytetit. E sipas tij, transformimi po ndodh.

“Prej mendësisë depresive, në mendësi që beson se transformimi ndodh, po ndodh, Prishtina ka filluar të transformohet me atë vizion para katër vitesh. Unë kam thënë që Prishtinës I duhen 8 vite, më duhen 8 vite, dhe kam prezantuar vizionin tim për transformimin e kryeqytetit. Të gjitha projektet kanë filluar, disa kanë përfunduar, disa janë në përfundim e sipër, disa ende nuk kanë fillu se është projekt 8-vjeçar”, tha Rama Klan Kosova.

Rama ka zbuluar se në javët e ardhshme do të hapet edhe Rruga A.

Ai ka thënë se ky është projekti më i madh në Prishtinën e pasluftës.

“Rruga A është projekt madhor, projekti më i madh i pasluftës. Jo vetëm qe e sheh, por e ndjen. Kundërmimi që ka qenë më nuk ekziston. Lidhja e Rrugës A me rrugën B, javët e ardhshme në vijim do ta hapim. Po e lidhim Veternikun me Rrugën A dhe Rrugën B. Ka zgjidh problem të madh në aspektin shëndetësor. Nuk e ke kundërmimin, investim i madh. Askush nuk ka besu që do të bëhet. Po vazhdojmë me këtë projekt. Brenda javësh hapet”, tha Rama.

 

Uran Ismaili ‘i’a pren’ Sami Lushtakut: Askush s’ka me mujt mu përzi në udhëheqjen e Prishtinës

Kandidati për kryetar të Prishtinës, Uran Ismaili I është rikthyer debatit për Sami Lushtakun duke thënë se “propaganda e tillë rikthehet në kohë zgjedhjesh”. Ai ka thënë se të gjitha vendimet do ti marrë vetë siç e ka bërë gjatë tërë karrierës së tij politike. Madje ai e cilësoi sërish si gabim deklaratën e tij në një paraqitje televizive.

Të njëjtat tema janë rikthyer edhe gjatë kohës si ministër i Shëndetësisë, por nuk ka hezituar e as frikësuar për të marrë vendime që kanë bazë ligjore dhe për interes të shëndetësisë së Kosovës.

Më tej, ai ka thënë se karrierën e tij dhe bagazhin politikë jetësor kurrë nuk do ta rrezikojë me idenë që të lejoj dikë tjetër ti ndërhyjë në udhëheqjen dhe vendimmarrjen për Prishtinën.

Të vetmen përgjegjësi e llogari, ka thënë Ismaili, do ta jap vetëm para qytetarëve të Kosovës.

Urani i bindur: Unë do të jem i pari në Prishtinë

Kandidati i PDK-së për kryetar të Prishtinës, Uran Ismaili, ka shprehur besimin e tij të plotë për fitoren në garën zgjedhore për kryeqytetin.

Në Debat Plus, ai ka thënë se ndjesia që merr nga terreni i jep siguri të palëkundur për rezultatin.

“E kam një ndjesi të asaj çka e shoh në terren. Dhe po më lejohet me paragjyku që jam mëse i sigurt që në këtë garë do të dal fitues.

Dhe mendoj që ata që e kërkoj është një mbështetje qytetare dhe jo një mbështetje prej një partie të caktuar”, ka thënë Ismaili.

Operacion policor në Mitrovicë, ka të arrestuar

Policia e Kosovës ka zhvilluar një operacion në Mitrovicën e Jugut, ku ka sekuestruar disa armë dhe sasi të konsiderueshme fishekësh gjatë një bastisjeje në shtëpinë e një të dyshuari.

Bastisja u krye nga hetuesit policorë të Stacionit Policor Jugu, pas hetimeve të zgjeruara që lidhen me një rast dhune në familje dhe dyshime për posedim të paligjshëm të armëve.

Sipas policisë, gjatë kontrollit u gjetën dhe u sekuestruan:

Pesë armë të gjata;

Një pistoletë me katër karikatorë;

447 fishekë të kalibrave të ndryshëm.

I dyshuari, mashkull kosovar, është intervistuar dhe me aktvendim të prokurorit i është shqiptuar masa e ndalimit policor prej 48 orësh.

Ndaj tij janë iniciuar procedura për veprat penale “Mbajtje në pronësi, kontroll ose posedim i paautorizuar i armëve” dhe “Dhunë në familje”.

Vuçiqi paralajmëron çnjohje të pavarësisë së Kosovës nga shtete afrikane

Presidenti serb Alleksandar Vuçiq tha sot se po punon që më shumë vende afrikane të çnjohin pavarësinë e Kosovë, duke shtuar se më shumë informacione rreth kësaj do të jetë i disponueshëm në tetor.

Ai e tha këtë në Nju Jork, ku po merr pjesë në seancën e Asamblesë së Përgjithshme të OKB-së, duke iu përgjigjur pyetjes së një gazetari nëse më shumë vende afrikane po punojnë për të çnjohur pavarësinë e Kosovës, raporton “Tanjug”.

“Po punoj për këtë. Do të keni informacione të reja shumë shpejt në tetor. Veçse kemi realizuar diçka”, tha Vuçiqi.

Presidenti serb tha se Sekretari i Përgjithshëm i OKB-së, Antonio Guterres, e njeh mirë situatën në të cilën gjenden serbët në Kosovë, sipas raporteve të UNMIK-ut.

Lajm i tmerrshëm: Ish-sulmuesi i Arsenalit ndërron jetë në moshë të re

Bota e futbollit është tronditur nga një ngjarje e rëndë. Ish-sulmuesi i të rinjve të Arsenalit, Billy Vigar, ka ndërruar jetë vetëm 21-vjeç, pasi pësoi një dëmtim fatal në tru gjatë një ndeshjeje me skuadrën e tij aktuale, Chichester City.

Vigar u përplas me një mur anës fushës fundjavën e kaluar dhe, pavarësisht ndihmës së menjëhershme mjekësore, nuk arriti të mbijetonte.

TË NGJASHME: 

Tragjike: Vdes sulmuesi i Liverpoolit

Pse banorëve të Evropës po u këshillohet të mbajnë 100 euro në shtëpi?

Paratë e letrës po përdoren gjithnjë e më pak, prandaj pse banorët në të gjithë Evropën po këshillohen nga Banka Qendrore Evropiane të mbajnë midis 70 dhe 100 euro në para të gatshme në shtëpi?

BQE-ja sugjeroi që evropianët të mbajnë midis 70 dhe 100 euro në shtëpi, sipas studimit të saj të ri të publikuar këtë javë.

Studimi i bankës me titull “Qetësohuni dhe mbani para të gatshme” mbulon rolin e parave të gatshme gjatë katër krizave të fundit në të gjithë Evropën. Studimi zbuloi se pavarësisht krizës, qoftë financiare, ushtarake – siç është lufta në Ukrainë apo shëndeti publik, siç është pandemia e Covid-it, përdorimi dhe kërkesa për para të gatshme u rritën.

“Shfaqja e krizave të papritura – siç janë trazirat financiare të vitit 2008, kriza e borxhit sovran 2014-15 në Greqi, shpërthimi i pandemisë COVID-19 ose pushtimi i pajustifikuar në shkallë të plotë i Ukrainës nga Rusia në vitin 2022 – shkaktuan rritje të menjëhershme dhe ekstreme të blerjes së parave të gatshme nga publiku”, vuri në dukje studimi, transmeton albinfo.ch.

Si rezultat, BQE-ja ka sugjeruar ruajtjen e disa kartëmonedhave shtesë në shtëpi në rast se sistemet e pagesave elektronike dështojnë.

Me fjalë të tjera, shumica e njerëzve në të gjithë Evropën janë mësuar të paguajnë me kartat e tyre bankare ose nëpërmjet aplikacioneve telefonike, por nëse këto dështojnë në një krizë, atëherë paratë e gatshme do të jenë jetike, thotë banka.

‘Mjaftueshëm për të mbuluar nevojat për 72 orë’

BQE-ja thotë se të kesh para të gatshme në shtëpi mund të të mbrojë nga dështimi i sistemit të pagesave elektronike, gjë që ka ndodhur në të kaluarën. Në rast të një ndërprerjeje të madhe të energjisë elektrike si ajo në Spanjë prillin e kaluar, një sulmi masiv kibernetik ose një pandemie, paratë e gatshme ofrojnë një “mbrojtje me kosto të ulët kundër paqëndrueshmërisë së madhe sistemike”, thuhet në dokument.

Për shembull, studimi citon se autoritetet në Holandë, Austri dhe Finlandë sugjerojnë mbajtjen e afërsisht 70 deri në 100 euro për person në shtëpi ose “të mjaftueshme për të mbuluar nevojat thelbësore për rreth 72 orë”.

“Kjo përputhet me kuptimin se monedha fizike jo vetëm që shërben për të përmbushur nevojat individuale, por gjithashtu kontribuon në rezistencën më të gjerë sistemike”, thotë BQE-ja.

Sipas bankës, paratë e gatshme janë një “komponent kritik i përgatitjes kombëtare për kriza”.

Përveç nxitjes së qytetarëve që të jenë të përgatitur, banka qendrore e Evropës inkurajon gjithashtu qeveritë dhe bankat që të marrin masa për t’u përballur me rritjen e kërkesës për para të gatshme të shkaktuar nga “ngjarjet ekstreme dhe të rralla”. Finlanda, për shembull, aktualisht po zhvillon ATM që do të jenë plotësisht imune ndaj ndërprerjeve dhe sulmeve kibernetike.

Siç paralajmëroi BQE-ja se asnjë sistem nuk është “i pagabueshëm”, është më mirë të jeni të përgatitur.

Ruaj edhe ushqim dhe ilaçe

Kjo është pjesë e përpjekjeve të vazhdueshme të autoriteteve evropiane për të përgatitur qytetarët për çdo lloj krize. Në mars të këtij viti, Komisioni Evropian i këshilloi njerëzit të grumbullojnë ushqim, ujë dhe ilaçe për 72 orë në rast të një krize që prish shërbimet publike.

“Ne duhet të përgatitemi për incidente dhe kriza në shkallë të gjerë, ndërsektoriale, duke përfshirë mundësinë e agresionit të armatosur, që prekin një ose më shumë shtete anëtare”, thuhej në dokument.

Strategjia e “gatishmërisë” – dhe në veçanti paketa e mbijetesës – u mbështet në rekomandimet e një raporti të paraqitur Komisionit Evropian nga ish-presidenti i Finlandës, Sauli Niinisto, në fund të vitit 2024.

Gjithashtu, ajo mori frymëzim nga shembulli i Skandinavisë, ku Finlanda, Suedia dhe Danimarka kanë shtuar përpjekjet për të përgatitur familjet për mundësinë e një krize ose konflikti në të ardhmen – ndërsa Ukraina lufton pushtimin e ashpër trevjeçar rus.

Faqja e internetit e qeverisë franceze sugjeron përgatitjen e një “pakete emergjence 72-orëshe” që përfshin gjashtë litra ujë, ushqime që nuk prishen (përfshirë edhe për kafshët tuaja shtëpiake!) dhe fotokopje të dokumenteve të identifikimit në një qese të papërshkueshme nga uji.

Peshku me krimba u shit për vite të tëra me lejen e shtetit: Mehmetaj raporton MEGA-skandalin nga Peci

Gazetari i VOX Kosova, Lirim Mehmetaj, ka raportuar për një skandal të përmasave të mëdha korruptive, ku – sipas hulumtimeve të këtij mediumi – rezulton se në tregun kosovar prej vitesh është shitur peshk i ngrirë i kontaminuar me krimba dhe parazitë. Kjo, siç raporton Mehmetaj, ka ndodhur pavarësisht se autoritetet kompetente kishin konstatuar infektimin dhe fillimisht kishin marrë vendim për asgjësim.

Sipas Mehmetajt, dosje voluminoze dokumentesh tregojnë se vendimet janë modifikuar ose anashkaluar, ndërsa produkti ka vijuar të shitet “tash e sa vjet”.

“Prej vitesh, qytetarët e Republikës së Kosovës hanë krimba dhe parazitë të llojeve të ndryshme sa herë blejnë peshk të ngrirë nëpër marketet e Kosovës. Kjo ndodh me lejen e institucioneve të Kosovës – më saktësisht Agjencisë së Ushqimit dhe Veterinës dhe Ministrisë së Bujqësisë. Në një dosje të madhe e voluminoze që ka siguruar VOX Kosova, do të kuptoni se si peshku i infektuar me krimba, që fillimisht u vendos të asgjësohej, nuk u largua fare nga tregu. Madje, vazhdoi të shitet rregullisht tash e sa vjet.

Në dokumentacionin e siguruar nga VOX-i, do të shihni se si Ministri Faton Peci dhe Agjencia e Ushqimit që operon në Ministrinë e tij, përkundër se vetë e konstatuan peshkun e krimbosur, përkundër se vetë morën vendim për asgjësim, përkundër se fituan edhe rastin në Gjykatën Komerciale më pas, të diktuar nga interesa që mbetet t’i hetojë Prokuroria, dolën me një njoftim absurd ku thuhej se ‘Përkundër se shteti në Kosovë po shitet me krimba, vazhdoni ta hani’.” – tha Mehmetaj ndër të tjera.

“Rrëzojini avionët e Moskës”, pas deklaratës së Trump, vjen paralajmërimi nga rusia: Nëse NATO i prek, do përgjigjemi me luftë

Deklarata u bë gjatë një interviste me kanalin francez të lajmeve RTL, në një kohë kur tensionet mes Rusisë dhe aleancës perëndimore janë në rritje.

Komentet e Meshkov vijnë pas deklaratave të ish-presidentit amerikan Donald Trump, i cili u shpreh se vendet e NATO-s duhet të rrëzojnë avionët rusë që shkelin hapësirën e tyre ajrore.

“Rrëzimi i një avioni rus do të përbënte një akt lufte, e dini ka shumë aeroplanë të NATO-s që shkelin hapësirën ajrore ruse, me qëllim ose jo, por kjo ndodh mjaft shpesh. Ata nuk qëllohen më pas”, tha ambasadori rus.

Pas deklaratave të ambasadorit, vendet anëtare të NATO-s kanë raportuar një numër incidentesh të ndodhura javët e fundit, ku avionë dhe dronë rusë kanë shkelur hapësirën e tyre ajrore.

Më 10 shtator, Polonia raportoi rrëzimin e të paktën tre dronëve rusë në territorin e saj, ndërsa Rumania konfirmoi fluturimin e një avioni pa pilot rus për afro një orë mbi hapësirën e saj ajrore. Ndërkohë, më 19 shtator, Estonia tha se tre avionë luftarakë MiG-31 të Forcave Ajrore Ruse kishin hyrë në hapësirën ajrore të vendit për 12 minuta.

Moska ka mohuar akuzat, duke i cilësuar si të pabazuara dhe pjesë të një fushate kundër saj. Ambasadori Meshkov përsëriti linjën zyrtare të Kremlinit, duke hedhur poshtë edhe lidhjet me aktivitetet e dyshimta të dronëve të vërejtur në Danimarkë dhe Norvegji në fillim të kësaj jave.

Incidentet e përsëritura në kufijtë lindorë të NATO-s po tensionojnë më tej marrëdhëniet tashmë të acaruar mes Perëndimit dhe Rusisë, sidomos që nga fillimi i pushtimit të Ukrainës në vitin 2022.

Muajt e fundit, zyrtarë perëndimorë kanë paralajmëruar për një rrezik të përplasjes ushtarake të drejtpërdrejtë me Rusinë në vitet në vijim, veçanërisht nëse lufta në Ukrainë përshkallëzohet ose zgjat më tej.

Çka pritet nga vizita e Kurtit në SHBA?

Të mërkurën në mbrëmjë, kryeministri në detyrë, Albin Kurti ka udhëtuar për vizitë zyrtare në Shtetet e Bashkuara të Amerikës.

Në njoftimin e lëshuar nga Qeveria, thuhet se ai do të zhvillojë takime bilaterale me liderë në kuadër të javës së Nivelit të Lartë të Asamblesë së Përgjithshme të Kombeve të Bashkuara.

“Gjatë qëndrimit atje, gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës. Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj”, kanë lajmruar nga Zyra e Kryeministrit.

Profesori universitar, Avdi Smajlaj vlerëson se kjo është mundësi e mirë për vendin të krijojë marrëdhënie edhe me shtetet mos-njohëse.

“Normalisht në takime të tilla ndoshta do duhej punuar edhe për t’i aranzhuar takime të tilla sepse jo çdo herë çdo takim mund të jetë i frytshëm. Sidomos takimet që mund të ndodhin edhe në korridoret e hollet të venidt ku mbahen këto takime ndoshta janë më pak të frytshme krahasuar me takimet që janë të aranzhuara paraprakisht në të cilat Kosova ka një mundësi që ta prezentojë vetveten, t’i prezentojë të arriturat, ambiciet e veta e kështu me radhë”, ka thënë Smajlaj.

Ai shton se kjo vizitë duhet shfrytëzuar për diskutim edhe për pezullimin e dialogut strategjik nga ShBA-ja me Kosovën.

“Nuk është thënë se ka një aranzhim të tillë, megjithatë  në këtë forum të Asamblesë së Përgjithshme të OKB-së marrin pjesë edhe delegacioni i Shteteve të Bashkuara të Amerikës dhe këtu kryeministri do duhej ta shfrytëzonte edhe për këtë takim në njëfarë mënyrë që ta shpjegojë pozicionin e shtetit të Kosovës karshi vërejtjeve që i kanë ngritë ShBA-ja për Kosovën dhe shtetin e Kosovës”, është shprehur tutje Smajlaj.

E sipas politologut, Albinot Maloku pezullimi i dialogut strategjik ka zbehur rëndësinë e kësaj vizite të Kurtit.

“Ka pasë shkuarje të krerëve shtetërorë atje me synimin thelbësor që të ketë njohje të reja për Republikën e Kosovës. Unë këtë vizitë gjithsesi nuk mundem me pa në raportin e interesit shtetëror të Republikës së Kosovës sesa në raportin individual e krejtësisht personal të z. Kurti për të ndryshuar një imazh që është për të përveçse fakt të interesit për bashkëpunim me Shtetet e Bashkuara të Amerikës”, është shprehur Maloku.

Bashkë me Kurtin, pjesëmarrëse në Asamble pritet të jetë edhe presidentja e vendit, Vjosa Osmani./teve1