Naim Murseli “tip top”, sipas ekzaminimit psikiatrik ai nuk kishte asnjëherë probleme psikike

Ish- drejtori i Klinikës së Psikiatrisë Forenzike, Shpend Haxhibeqiri, ka nisur dëshminë e tij në seancës për rastin e Liridona Ademaj.

Naim Murselit, i akuzuar për vrasjen e Liridona Ademaj, i ishte bërë ekzaminimi psikiatrit javë më parë në Klinikën e Psikiatrisë Forenzike.

Sipas raportit nuk është konstatuar asnjë çrregullim mendor tek i akuzuari.

Haxhibiqiri në dëshminë e tij u shpreh se në çregullimin afatgjatë prej fëmijë e deri tani nuk është shfaqur asnjë element që do ta mundësojë ndonjë problem dhe afatshkurtër është pjesa prej momentit të arrestimit deri tek ekzaminimit.

“Natyrisht ekzaminimi psikiatrit kryhet me biseda, vrojtim të sjelljeve, të folurit e të tjera dhe këto merren për bazë. Ne pikën 3 e kemi shpjeguar se kjo është bazuar në sjelljen e tij para gjatë edhe pas veprës”, ka thënë Haxhibeqiri, transmeton IndeksOnline.

“Qëndrimi i Murselit ka qenë koherent karshi gjendjes e situatës në të cilën ndodhej. Gjendja koherente do të thotë me e marrë për bazë të gjitha çështjet. Murseli ka qëndruar pa ndonjë telashe gjatë ekzaminimit edhe pse në momente për arsye të ngjarjes ka pasur ndërprerje dhe shqetesime”, ka shtuar tutje ai.

‘Shqiptarët do të paguhen si kurrë më parë’: Rritje historike – 500 euro paga minimale, 1,000 euro mesatarja!

Programi ekonomik “Rama 4” ka në fokus rritjen e qëndrueshme, vit pas viti të ekonomisë, si dhe rritjen e pagave dhe pensioneve për qytetarët.

Premtimi është që, në janar të vitit 2026 paga minimale arrin në 500 euro/muaj.

Delina Ibrahimaj, ministre e Ekonomisë dhe Inovacionit, tha se ky nivel i ri vjen në përputhje me zhvillimet e sektorëve ekonomikë, ndërsa shpjegoi se biznesi në 18 muaj nuk do të paguajë kosto shtesë si pasojë e kësaj rritje.

“Paga 500 euro është një shifër që është e përballueshme për të gjithë sektorët e ekonomisë. Ndaj studimet tona kanë treguar se ky nivel page është i arritshëm. Mbi të gjitha pjesë e programit tonë është që më rritjen e pagës minimale në 500 euro bruto, sipërmarrja private nuk do të ketë kosto shtesë, pra biznesi nuk do të paguajë më shumë kontribute shoqërore apo shëndetësore për 18 muajt e parë të zbatimit”, sqaroi Ibrahimaj në Vizion Plus.

Paralelisht është parashikuar që brenda katër viteve në vazhdim paga mesatare në shkallë vendi të arrijë në 1.000 euro, nga 830 euro që është aktualisht.

Administrata publike do të vijë të ketë një rritje të mëtejshme të pagës, çka mendohet se gradualisht paga mesatare në shtet të arrijë në 1.200 euro në fund të mandatit.

Seanca për vrasjen e Liridona Ademajt, ja kush pritet të dëshmojë sot

Në Gjykatën Themelore në Prishtinë po mbahet seanca e radhës për rastin e vrasjes së Liridona Ademajt, ku i akuzuari kryesor është bashkëshorti i saj, Naim Murseli.

Përveç Murselit, në sallën e gjyqit janë të pranishëm edhe bashkëpunëtorët e tij të dyshuar, Kushtrim Kokalla dhe Granit Plava.

Në këtë seancë pritet të dëshmojnë ekspertët e psikiatrisë Shpend Haxhibeqiri, Blerina Hoxha dhe Ajet Bunjaku, të cilët kanë ekzaminuar Naim Murselin dhe Granit Plavën.

Në sallë gjenden gjithashtu edhe mbrojtësit e të pandehurve: Teuta Zhinipotoku për Murselin, Skënder Gojani për Plavën, si dhe Ndrec Dodaj për Kokallën.

Ndërkohë, mungon në këtë seancë eksperti mjeko-ligjor Naim Uka./Insajderi

“Ditë e madhe për Palestinën”, një tjetër shtet i fuqishëm pritet ta njohë sot zyrtarisht shtetin palestinez

Franca pritet që sot, më 22 shtator, të shpallë njohjen zyrtare të shtetit të Palestinës, një hap që do të përbënte një zhvillim të madh diplomatik në skenën ndërkombëtare.

Lajmin e ka bërë të ditur deputeti dhe sekretari i parë i Partisë Socialiste, Olivier Faure, i cili ka kërkuar që në këtë ditë historike, flamuri palestinez të ngrihet në të gjitha komunat franceze si akt simbolik i mbështetjes.

Mirëpo kjo nismë ka hasur në kundërshtimin e Ministrisë së Brendshme, e cila ka paralajmëruar se mund të ndërmarrë masa penale ndaj kryebashkiakëve që vendosin të lyejnë godinat komunale me ngjyrat e flamurit palestinez.

Pavarësisht kësaj, Faure i ka bërë thirrje presidentit Emmanuel Macron që të mbajë një qëndrim të qëndrueshëm e të qartë para komunitetit ndërkombëtar dhe të mos ndalet përballë presioneve të brendshme politike.

Zhduket një 15-vjeçare, babai raporton rastin në Polici

Një rast shqetësues është raportuar në Ferizaj, ku një vajzë 15-vjeçare është larguar nga shtëpia dhe nuk është kthyer, mëson ekskluzivisht Gazeta Sinjali.

Burimet e Sinjalit bëjnë me dije se rasti është paraqitur në Policinë e Ferizajt në orët e vona të së dielës, më 22 shtator 2025, rreth orës 01:00, nga babai i vajzës, F.Jashari rreth 43-vjeçar.

Ai ka deklaruar se vajza e tij, E.J rreth 15-vjeçare, ishte larguar nga shtëpia më herët gjatë ditës, rreth orës 14:00, dhe nuk ishte kthyer më.

Sipas përshkrimit të dhënë nga familjarët, vajza ka flokë ngjyrë kafe, sy të zi, gjatësi 1.65 cm dhe në momentin e largimit kishte veshur pantallona të bardha dhe xhampër të zi.

Policia ka nisur menjëherë veprimet e nevojshme për gjetjen e saj, ndërkohë që rasti është duke u trajtuar nga njësitet përkatëse hetimore.

Ndryshimi i orës, ja kur kthehen akrepat prapa

Si çdo vit, do të kthehehemi në orën dimërore në fund të muajit tetor. Ndryshimi i orës pritet të ndodhë në natën mes të shtunës 26 tetor dhe të dielës 27 tetor 2025, kur akrepat do të shkojnë një orë pas – nga ora 03:00 do të kthehen në 02:00.

Ky ndryshim do të thotë se qytetarët do të flenë një orë më shumë, por pasditet do të bëhen më të shkurtra dhe errësira do të bjerë më herët.

Ora dimërore zbatohet çdo vit në të gjithë vendet e Bashkimit Europian dhe në rajon, mes tyre edhe Shqipëria, si pjesë e rregulloreve për kursimin e energjisë dhe sinkronizimin e sistemeve të transportit dhe komunikimit.

Prej disa vitesh në BE ka pasur debate për heqjen e ndryshimit sezonal të orës, por vendimi përfundimtar është shtyrë disa herë dhe ende nuk është marrë një datë fikse për ndalimin e tij.
Deri atëherë, qytetarët duhet të mjaftohen me rregullin e zakonshëm:

Në pranverë ora shkon përpara (mars)
Në vjeshtë ora kthehet prapa (tetor)

Pra, këtë tetor akrepat do të lëvizin pas dhe Shqipëria do të kalojë zyrtarisht në orar dimëror.

Kupchan: Vetëshkatërruese nëse Qeveria në Kosovë vazhdon të dëmtojë marrëdhëniet me ShBA-në

Ftohja e raporteve mes Kosovës dhe Shtetet e Bashkuara të Amerikës, është një nga top temat politike jo vetëm në vend, por edhe më gjerë.

Qeveria në detyrë e udhëhequr nga Albin Kurti, po e minimizon nivelin e prishjes së këtij raporti mes dyja vendeve, por nga Washingtoni e thonë të kundërten, dhe duket se situata të jetë goxha serioze.

Charles Kupcham nga Këshilli për Marrëdhënie me Jashtë në Washington, ka deklaruar se do të ishte vetëshkatërruese nëse Qeveria në Kosovë vazhdon të dëmtojë marrëdhëniet me një mbështetës kaq të fortë si SHBA.

“Mendoj se do të ishte e papërgjegjshme dhe vetëshkatërruese nëse Qeveria në Kosovë vazhdon të ndërmarrë hapa që dëmtojnë marrëdhënien me një vend që ka qenë një mbështetës aq i fortë”, tha ai për Radio Evropa e Lirë.

Kupchan theksoi se Kosova mund të mbajë marrëdhënie të mira me Evropën dhe ShBA-të.

“Kosova mund të mbajë marrëdhënie të mira me Evropën dhe SHBA-në vetëm nëse shihet se po negocion me mirëbesim dhe në mënyrë konstruktive, për të çuar rajonin përpara”, ka thënë Kupchan.

Geci: Në kohën e pushtetit të opozitarëve të sotëm, Mitrovica konsiderohej e Serbisë

Veprimtari Halil Geci ka reaguar përmes një postimi, ku akuzon ish-pushtetarët e Prishtinës se në kohën e tyre veriu i Kosovës ishte lënë jashtë kontrollit.

Sipas tij, në vitin 2018 shqiptarëve nuk u lejohej as të fotografoheshin pranë liqenit të Ujmanit, ndërsa Radojičić shihej si “i zoti i veriut”, duke vendosur edhe për çështje të përditshme të qytetarëve.

“Radojičić, zotëri i veriut: opozitarët e sotëm e pranonin – Mitrovica nuk është e Kosovës, por e tij dhe e Serbisë”, ka shkruar Geci, duke shtuar se në atë kohë edhe ish-presidenti Hashim Thaçi e pranonte ndarjen.

Postimi i plotë:

“RADOJIČIĆ, ZOTËRI I VERIUT: OPOZITARËT E SOTËM E PRANONIN– MITROVICA NUK ËSHTË E KOSOVËS , POR E TIJ DHE E SERBISË!”

“Shikoni këto dy video dhe binduni se kush ishin pushtetarët e asaj kohe.”

Ish-pushtetarët e Prishtinës ua kishin rrënjosur qytetarëve idenë se Mitrovica ishte e Serbisë, ndërsa qytetarët nuk guxonin as të fotografoheshin pranë Ujmanit.

Ja një argument: Në vitin 2018, në kohën kur opozitarët e Prishtinës mbanin pushtetin qendror dhe e kishin lënë veriun jashtë kontrollit të tyre, shqiptarëve nuk u lejohej as të fotografoheshin pranë Liqenit të Ujmanit. Kjo ishte koha kur Radojičić vizitonte Kryeministrin e Kosovës në Prishtinë, dhe ai konsiderohej ‘i zoti i shtëpisë’ në atë rajon.

Radojičić vendoste për atë pjesë; për të ndryshuar një kabull rryme, qytetarët duhej të kërkonin leje prej tij. Ndërkohë, ish-pushtetarët opozitarë të asaj kohe ua kishin rrënjosur në mendje qytetarëve idenë se Mitrovica ishte e Serbisë. Fatkeqësisht, edhe Hashimi e pranonte këtë ndarje.

Pas debaklit për “shamponin në Radiologji”, Arbër Ismajli i LDK-së nuk paraqitet në debatin e radhës për Gjilanin

Kandidati i Lidhjes Demokratike të Kosovës për kryetar të Komunës së Gjilanit, Arbër Ismajli, nuk është paraqitur në debatin televiziv për zgjedhjet lokale në televizionin Kanal 10.

Autori i emisionit “Politiko” në fillim të emisionit tha se kandidati i LDK-së e kishte konfirmuar pjesëmarrjen në debatin që po transmetohet aktualisht, por nuk është paraqitur më pas në studio.

“E ka pasur të konfirmuar ardhjen Arbër Ismaili, kandidati për kryetar nga radhët e Lidhjes Demokratike të Kosovës, por ai nuk ka ardhur në debat pavarësisht konfirmimit të tij të mëhershëm. Gjithsesi kërriga ka qenë dhe është e rezervuar për të, nëse na bashkëngjitet eventualisht do ta ketë mundësi ta merr karrigen, nëse jo, vijojmë më tutje”, ka thënë Kushtrim Sadiku.

Debati me kandidatët për kryetar të komunës të Gjilanit që është duke u transmetuar prej orës 20:00 në Kanal10 është xhiruar paradite. Ndërkohë, në të njëjtën kohë kur po xhirohej debati, në rrjete sociale qarkulloi një fotografi e Ismajlit duke pirë kafe në Gjilan, i shoqëruar nga disa persona tjerë.

Në debatin televiziv sonte janë prezent të gjithë kandidatët e tjerë të partive politike që garojnë për kryetar të Gjilanit: Alban Hyseni, kandidati i Lëvizjes Vetëvendosje; Isa Agushi kandidat nga Bashkimi për Ndryshim; Nazim Gagica kandidat nga Aleanca për Ardhmërinë e Kosovës; dhe Riad Rashiti kandidat nga Partia Demokratike e Kosovës.

Debati i fundit për Gjilanin ku kandidati i LDK-së mori pjesë ishte para pak ditësh në “Kallxo Përnime”. Gjatë këtij debati televiziv, Kryetari aktual i Gjilanit, Alban Hyseni “e kishte vënë” në grackë kandidatin e LDK-së, Arbër Ismailin, duke e pyetur nëse kishte vizituar repartin e Radiologjisë në Qendrën e Mjekësisë Familjare. Ky i fundit ishte përgjigjur se “e kam vizituar dhe nuk ka shpampon për duar”. Por, Hyseni më pas e kishte njoftuar se në QKMF nuk ekziston reparti i Radiologjisë.

Momenti u bë viral në rrjete sociale. /Reporteri

Lajm i mirë: Nga janari paga minimale bëhet 500 euro në Shqipëri

Programi ekonomik “Rama 4” ka në fokus rritjen e qëndrueshme, vit pas viti të ekonomisë, si dhe rritjen e pagave dhe pensioneve për qytetarët.

Premtimi është që, në janar të vitit 2026 paga minimale arrin në 500 euro/muaj.

Delina Ibrahimaj, ministre e Ekonomisë dhe Inovacionit, tha se ky nivel i ri vjen në përputhje me zhvillimet e sektorëve ekonomikë, ndërsa shpjegoi se biznesi në 18 muaj nuk do të paguajë kosto shtesë si pasojë e kësaj rritje.

“Paga 500 euro është një shifër që është e përballueshme për të gjithë sektorët e ekonomisë. Ndaj studimet tona kanë treguar se ky nivel page është i arritshëm. Mbi të gjitha pjesë e programit tonë është që më rritjen e pagës minimale në 500 euro bruto, sipërmarrja private nuk do të ketë kosto shtesë, pra biznesi nuk do të paguajë më shumë kontribute shoqërore apo shëndetësore për 18 muajt e parë të zbatimit”, sqaroi Ibrahimaj në Vizion Plus.

Paralelisht është parashikuar që brenda katër viteve në vazhdim paga mesatare në shkallë vendi të arrijë në 1.000 euro, nga 830 euro që është aktualisht.

Administrata publike do të vijë të ketë një rritje të mëtejshme të pagës, çka mendohet se gradualisht paga mesatare në shtet të arrijë në 1.200 euro në fund të mandatit.