Syla për Kurtin: Partneritet me SHBA më sa të është gjallë ia kanë shkym dritat

Analisti politik Valon Syla ka deklaruar se marrëdhëniet e kryeministrit Albin Kurti me Shtetet e Bashkuara të Amerikës tashmë janë inekzistente dhe, sipas tij, kështu do të mbeten përgjithmonë. Megjithatë, ai thekson se Kosova duhet të dalë nga kjo situatë.

Syla reagoi pas deklaratës së ish-ambasadorit amerikan Jeffrey Hovenier, i cili tha se Kurti nuk i ka më marrëdhëniet e mira me SHBA-në.

“Ka mbetur vetëm me ia ndalu Albinit edhe Greqinë, që të mos shkojë më në det me shoqërinë e Dejanës Mihaili”, ironizoi Syla.

Ai shtoi se Kurti nuk do të ketë më mundësi të bashkëpunojë me SHBA-në, por se në këtë situatë është e domosdoshme të shpëtohet Kosova.

“Sa i përket partneritetit me SHBA, sa të jetë gjallë, atij ia kanë fikur dritat. Nga kjo situatë duhet shpëtuar Kosova, sepse Albin Kurti e pati – mot e për jetë. Pikë”, shkroi Syla.

Milaim Zeka: Ma autoritet kam pasë unë në UÇK deri në Rambuje se Hashim Thaçi

Gazetari Milaim Zeka komentoi zhvillimet e fundit në Hagë në procesin gjyqësor ndaj ish-krerëve të UÇK-së.

“Besomni e tham me bindje absolute ma autoritet kam pasë unë në UÇK deri në Rambuje se Hashim Thaçi”, tha Zeka.

Deklarata e plotë:

Burri i Albulena Haxhiut i futet konspiracioneve: “Në Hagë po gatuhet…”

Alban Krasniqi, anëtar i Komisionit Qendror të Zgjedhjeve (KQZ) nga radhët e Lëvizjes Vetëvendosje, ka shprehur shqetësime lidhur me zhvillimet e fundit politike në Kosovë.

Në një status në rrjetet sociale, ai ka theksuar se zgjedhjet e vitit 2021 janë një mësim që tregon se çdo tentim për të nëpërkëmbur vullnetin qytetar të shprehur me votë është i dështuar.

Gjithashtu, ai ka akuzuar se “tradhëti të mëdha po gatuhen si në Hagë, ashtu edhe në Prishtinë, nga ata që kanë keqpërdorur luftën e Ushtrisë Çlirimtare të Kosovës për 25 vite”

Krasniqi ka theksuar rëndësinë e respektimit të vullnetit qytetar dhe ka paralajmëruar për pasojat e tradhtisë ndaj këtij vullneti. Ai ka nënvizuar se çdo veprim që shkel këtë vullnet mund të ketë pasoja të rënda për të ardhmen e vendit.

Çun apo qen? PZAP merr vendim për deklaratën e Faton Pecit

Paneli Zgjedhor për Ankesa dhe Parashtresa ka refuzuar si të pabazuar ankesën e PDK’së ndaj Lëvizjes Vetëvendosje, e cila kishte pretenduar se kandidati i Lëvizjes Vetëvendosje për kryetar të Komunës së Mitrovicës së Jugut, Faton Peci, e kishte fyer kundërshtarin e tij nga PDK, Arian Tahiri, duke i thënë “qen” gjatë një debati televiziv.

Në vendimin e marrë sot, më 17 shtator 2025, PZAP thuhet se: Nuk ekziston asnjë dëshmi e besueshme që ta mbështesë pretendimin e tillë. Përkundrazi, provat në dispozicion dëshmojnë qartë përdorimin e fjalës ‘çun’, e cila nuk përbën ofendim.

Në ankesën e PDK-së, fjala e pretenduar “qen” cilësohej si gjuhë fyese që “ka krijuar një atmosferë të tillë që nxit urrejtje dhe polarizim, përkundër parimeve të etikës që duhet udhëheqin procesin zgjedhor.”

Madje aty thuhej se kjo fyerje “ka nxitur polemika të shumta, duke pasur ndikim negativ jo vetëm në procesin zgjedhor, por edhe në marrëdhëniet shoqërore dhe politike në komunitet

Megjithatë, PZAP konstatoi se dëshmitë tregojnë të kundërtën.

Në vendim thuhet se “dëshmitarë se kemi të bëjmë me fjalën ‘çun’ e jo ‘qen’.

Paneli Zgjedhor thekson:

“Në këtë rast nuk ka pasur shprehje fyese ose denigruese nga ana e kandidatit në fjalë”, duke e shpallur ankesën e PDK-së si të pabazuar”.

Ndërron jetë 34 vjeçari shqiptar në Gjermani

Prokuroria përdor si material intervistën e Surroit: “Thaçi e gjuajti me filxhan të espresos Bukoshin”

 Prokurori i Specializuar, James Pace e ka përdorur si material dëgjimor në seancë gjyqësore në rastin Thaçi dhe të tjerët një intervistë të mëhershme të Veton Surroit ku ai flet për një incident të dyshuar në Konferencën e Rambujesë në mes Hashim Thaçit dhe Bujar Bukoshit.

Pace e ka përdorur këtë intervistë për t’i drejtuar pyetje dëshmitarit të mbrojtjes, Paul Williams, ish-këshilltarit ligjor të Delegacionit Shqiptar në Rambuje.

Dëshmitari ka thënë se nuk ka qenë në dijeni për këtë incident të pretenduar nga Surroi.

Sipas intervistës së prezantuar nga prokurori Pace, Surroi deklaronte se Thaçi i hodhi Bukoshit një filxhan të espresos.

Pjesë nga intervistimi i dëshmitarit Paul Williams:

Prokurori: Dëshmitar, më herët ju dëshmuat se z. Thaçi ishte sjellë në mënyrë diplomatike, respektuese në Rambuje. A e dini nëse ai ishte sjellë në mënyrë respektuese dhe diplomatike ndaj z. Bukoshi gjatë gjithë Konferencës së Rambujesë?

Williams: Po.

Prokurori: Do të thotë që ju e dini, apo që ai ishte sjellë ashtu?

Williams: Do të thotë që unë e di. Mund të jap kontekst shtesë, nëse doni.

Prokurori: Nuk do të doja.

Prokurori: Pika tjetër që do të doja të paraqes nuk është për transmetim publik. Do të doja të hapet… Dhe nëse mund të kalojmë te faqja 27, ju lutem. Do të lexoj nga rreshti 15. Dhe, dëshmitar, për kontekst, kjo është nga një intervistë e z. Veton Surroi.

Pyetje nga intervistuesi: Dhe, disa nga retorikat që janë përdorur në prag të Rambujesë kanë qenë shumë të forta. A u shfaq kjo në mënyrën si Thaçi ndërveproi me dr. Rugovën ose Bukoshin?

Përgjigja e Surroit: Po, në një moment ai e kërcënoi Bukoshin. Më duket se i hodhi një kafe, jo një filxhan të madh, por një filxhan ekspreso. Ai ishte në një distancë të madhe, prandaj nuk bëri shumë. Por ai…

Pyetje nga intervistuesi: Cili ishte shkaku për këtë?

Përgjigja e Surroit: Nuk mundem… nuk ishte diçka thelbësore, por ishte ndonjë mosmarrëveshje mbi… ishte që, në një moment, do të dilte gjak nga njëra palë apo tjetra dhe thuhej: “Epo ti…” “Ti e di…” “Ju, LDK-ja kështu…” “Ju e bëtë këtë…” “Ne nuk do të ishim në këtë situatë po të mos ishte për ju” etj.

Prokurori: Dëshmitar, a kishit dijeni për këtë incident të pretenduar gjatë Rambujesë, z. Thaçi duke kërcënuar z. Bukoshi dhe duke i hedhur një filxhan ekspreso?

Williams: Jo.

Hovenier: Disa thonë se Kurti dhe Qeveria e Kosovës ende kanë marrëdhënie të mira me SHBA-në, s’është e vërtetë

Ish – ambasadori i Shteteve të Bashkuara në Kosovë, Jeffrey Hovenier, ka deklaruar qartë se marrëdhëniet ndërmjet kryeministrit në detyrë Albin Kurti dhe Shteteve të Bashkuara nuk janë në gjendje të mirë, pavarësisht pretendimeve të disa zyrtarëve dhe përkrahësve të Qeverisë së Kosovës.

Hovenier ka theksuar se pezullimi i Dialogut Strategjik nga SHBA nuk është një veprim i zakonshëm dhe se tregon nivelin e zhgënjimit që administrata amerikane ka ndjerë ndaj qasjes së Qeverisë së Kosovës.

“Disa thonë se Albin Kurti dhe Qeveria e Kosovës ende kanë marrëdhënie të mira me SHBA-në, por kjo, thjesht, nuk është e vërtetë”, u shpreh Hovenier.

Ai shtoi se nëse marrëdhëniet do të ishin të mira, nuk do të kishte pasur nevojë për një hap kaq serioz si pezullimi i Dialogut Strategjik – një mekanizëm kyç për koordinimin dhe thellimin e bashkëpunimit ndërmjet dy vendeve.

“Kjo nuk është një situatë e këndshme. Kjo është një pengesë e keqe për realizimin e vizionit që SHBA-ja ka pasur që nga pavarësia, dhe që populli i Kosovës ka pasur po ashtu”, theksoi ambasadori për REL.

Sipas tij, vendimi i Uashingtonit për të ndërmarrë masa konkrete vjen pas një periudhe të gjatë paralajmërimesh dhe deklaratash publike, të cilat, sipas tij, nuk kanë pasur efektin e dëshiruar në sjelljen e Qeverisë Kurti.

Xheladini premton 500 euro subvencione për gratë me kancer të gjirit

Kryetari i Komunës së Dragashit, Behxhet Xheladini ka prezantuar programin e tij për mandatin e ri për zgjedhjet lokale 2025.

Xheladini ka thënë se për në sektorin e shëndetësisë, synojnë të përkrahin drejtpërdrejt qytetarët në nevojë, sidomos gratë që përballen me sëmundje të rënda.

Sipas Xheladinit, të gjitha gratë që vuajnë nga kanceri i gjirit do të përfitojnë një subvencion prej 500 eurosh, ndërsa përkrahje do të ketë edhe për pacientët me sëmundje të zemrës dhe ata që janë në dializë.

“Në këtë vit kemi marrë një vendim që pap-testi të ofrohet falas për të gjitha gratë, dhe kjo tashmë ka hyrë në fuqi që nga fillimi i vitit. Po ashtu, të gjitha shërbimet gjinekologjike janë pa pagesë,” u shpreh kryetari Xheladini.

Ai theksoi se në mandatin e ri, tre prioritetet kryesore do të jenë: arsimi, shëndetësia, dhe më pas zhvillimi ekonomik i komunës.

“Ne kemi marrë një qëndrim në këtë vit se do ta bëjmë Papa testin pa pagesë dhe kemi filluar që nga fillimi i këtij viti, një ashtu edhe shërbimet gjinekologjike të gjitha janë pa pagesë. Tri prioritetet kryesore për mandatin e rinj, arsimin e shëndetësisë në plan të parë, pastaj zhvillimi ekonomik”, ka deklaruar Xheladini në emisionin “Ditari” në Tëvë1.

Peci: Pamjet nga protesta në Hagë nuk më pëlqyen, mund të ndikojnë negativisht

Faton Peci, kandidat i Lëvizjes Vetëvendosje për komunën e Mitrovicës, ka komentuar zhvillimet e fundit rreth Gjykatës Speciale, përfshirë protestën e mbajtur në Hagë dhe dëshminë e ish-zyrtarit amerikan James Rubin.

Në emisionin “Mesditë” në Tëvë1, Peci u shpreh se, për shkak të angazhimit në fushatën zgjedhore, nuk ka arritur t’i ndjekë në detaje zhvillimet e fundit.

“Për besë nuk po mundem me arrit me i ndjek të gjitha zhvillimet që janë duke ndodhur, për shkak të dinamikës së madhe që e kam në zgjedhjet komunale. Nuk i di krejt zhvillimet që kanë ndodhur, kam parë disa tituj, por deri sa të jap komente, kam dëshirë me qenë i mirëinformuar. Nuk parapëlqej me dhënë deklarata pa qenë i informuar,” deklaroi ai.

Peci u ndal edhe te protesta e fundit në Hagë, duke shprehur shqetësimin se forma e organizimit mund të ketë efekt të kundërt ndaj procesit gjyqësor që po zhvillohet ndaj ish-krerëve të UÇK-së.

“E di që ka pasur një protestë në Hagë. Unë personalisht e kam bindjen, pa dasht me paragjyku ose me ndiku në çfarëdo çështje të sistemit të drejtësisë, të cilin e kemi themeluar si shoqëri – mendoj se organizimi i tillë, si protesta ku edhe ajo pjesa e rrethojës në Hagë tentohet të demolohet, më shkakton drojë që mundemi me dëmtu procesin, në disfavor të figurave të Kosovës që po përballen me një proces gjyqësor,” u shpreh Peci.

I pyetur për mungesën e reagimit zyrtar nga Lëvizja Vetëvendosje lidhur me zhvillimet në Hagë, Peci tha se një reagim i tillë duhet të vijë nga Ministria e Drejtësisë.

“Po flitet për një reagim të rëndësishëm, por kur ka reagim nga ne, po thonë që po ndikojmë në procesin e tyre. Edhe një reagim të tillë duhet ta bëjë ministri në detyrë i Drejtësisë,” tha ai.

Në fund të intervistës, Peci ritheksoi se nuk ka ndjekur të gjitha zhvillimet, por disa pamje nga protesta nuk i kanë lënë përshtypje pozitive.

“Unë, me thanë të drejtën, nuk e kam përcjellë krejt. Çka kam parë janë disa pamje nga ajo protestë që mua nuk më kanë pëlqyer. Arsyeja pse është se mundet me ndiku negativisht në procesin gjyqësor,” përfundoi ai.

Serbi vret gruan, plagos vajzën dhe partnerin e saj, më pas vetëvritet

Një burrë me origjinë nga Serbia vrau mbrëmë bashkëshorten, plagosi rëndë vajzën dhe partnerin e saj, pastaj vrau veten në një veturë.

Ky krim ndodhi në lagjen Leopoldstadt, në qendër të Vjenës, raportojnë mediat lokale.

Sipas informacionit nga Austria, masakra u krye para ndërtesës ku familja jetonte ndërsa policia ishte mobilizuar në të gjithë qytetin për ta kapur autorin, i cili u gjet më pas pa shenje jete.

Trupi i gruas u gjet para apartamentit gjersa në ndërtesë, policia gjeti vajzën (24 vjeçe), që është vajza e çiftit, dhe një djalë (26 vjeç), të dy të plagosur rëndë. Vajza është në gjendje kritike për jetë.

Fqinjët njoftuan policinë pasi dëgjuan disa të shtëna, raporton nova.rs.

Pas kësaj, autori u përpoq të ikte me veturën e markës “Mercedes”, por u kap i plagosur rëndë, e cila gjë i solli edhe vdekjen.

Fillimisht nuk ishte e qartë nëse ai ishte qëlluar nga policia, por hetimet kanë treguar se bëhet fjalë për vetëvrasje.

Në apartament ku ndodhi sulmi fillestar, ishin edhe dy fëmijë të tjerë që panë ngjarjen, por ata nuk u lënduan. Policia kishte urdhëruar që banorët të mos dilnin në rrugë dhe disa rrugë ishin bllokuar.

Motivi i krimit nuk është plotësisht i qartë ende, por si një prej mundësive po merret në konsideratë fakti që çifti ishte duke u përgatitur për shkurorëzim që pritej të ndodhte së shpejti.