Skandal i madh – Katër policë specialë u suspenduan vetëm pse bënë shaka me Dimal Bashën”

Gazetari Lirim Mehmetaj ka reaguar pas supendimit të 4 policëve.

Ai tha se ata u suspenduan pasi që në një grup të mbyllur shoqëror bën shaka me Dimal Bashën.

I plotë:

Çfarë skandali…

Katër policë, njësi speciale të Njësisë së Reagimit të Shpejt, qenkan suspenduar nga Policia e Kosovës vetëm se në një grup të mbyllur mes kolegësh kanë bërë shaka me Dimal Bashën.

Sami Hoti, Sedat Ramadani, Alert Kuqi, Artan Krasniqi janë policët e suspenduar nga dezertori Xhelal Sveçla.

Qysh more përjashtohen policët specialë?

A e dini more sa kohë, para e mund kushton me ndërtu një polic special që ti pastaj me përjashtu për Dimal Bashën, i cili me dokument ka dal duke gënjyer botën se UÇK-ja është financu nga paratë e drogës e krimit.

I kujt është ky shtet o vëlla. I Dimal Bashës a?

Gani Geci: Dita më e mirë për Kosovën ishte arrestimi i Hashim Thaçit

Ish-deputeti i Kuvendit të Kosovës, Gani Geci, e ka cilësuar ditën e arrestimit të ish-presidentit Hashim Thaçi si “ditën më të mirë për Republikën e Kosovës”.

Sipas Gecit, Gjykata Speciale ka luajtur një rol vendimtar në parandalimin e ndarjes së Kosovës, për çka ai falënderon posaçërisht Shtetet e Bashkuara të Amerikës.

I plotë:

Të dashur miq,

Tani, faleminderit shumë Hashim Thaçit për formimin e Gjykatës Speciale, dhe po ashtu, faleminderit shumë Gjykatës Speciale që parandalove ndarjen e Republikës së Kosovës.

Edhe një herë:

Ne, populli shqiptar i Republikës së Kosovës, duhet të falënderojmë nga zemra të gjithë ata deputetë që e votuan Gjykatën Speciale.

Nuk duhet assesi t’i shajmë apo t’i urrejmë deputetët e PDK-së dhe të tjerët, sepse ndërin më të madh Republikës së Kosovës ia ka bërë pikërisht kjo Gjykatë Speciale.

Ne, viktimat, edhe mund t’ia falim Hashim Thaçit vrasjet politike për të cilat dyshohet se ishin krime kundër kundërshtarëve politikë  dhe ok në rregull, qe edhe po ia falim të gjitha.

Por kumunikaten 59 edhe Kosoven kur jo.

Por ndarjen e Kosovës nuk mund t’ia falim, as ne dhe as ata që e çliruan Republikën e Kosovës pra, Shtetet e Bashkuara të Amerikës.

Pikërisht dita më e mirë e Republikës së Kosovës ishte dita e arrestimit të Hashim Thaçit, në kohën kur ai ishte nisur drejt një takimi kokë më vete për ndarjen e Republikës së Kosovës.

Parandalimi i ndarjes së Kosovës ishte një rezultat i jashtëzakonshëm i kësaj Gjykate. Të tjerat janë shumë pak të rëndësishme për gjeneratat e ardhshme shqiptare që do të vijnë pas 50 apo 100 vitesh.

Ndarjen e Kosovës nuk e ndaloi Albini, që gjuante me gurë nëpër rrugët e Kosovës dhe shante krejt dynjanë, përfshirë edhe Amerikën.

Ndarjen e Kosovës e ndaloi Gjykata Speciale.

Ajo ndaloi marrëveshjen që kishin përgatitur Hashimi dhe Vuçiqi kokë më vete, të ndihmuar nga Baton Haxhiu dhe Edi Rama një marrëveshje që përfshinte ndarjen e Kosovës dhe shpërbërjen e Gjykatës Speciale.

Faleminderit shumë Amerikës:

1. Që e çliroi popullin e Kosovës dhe UÇK-në nga Serbia në vitin 1999.

2. Që e bëri Republikën e Kosovës të pavarur në vitin 2008.

3. Që i futi kriminelët serbë në listën e zezë në vitin 2019.

4. Që e shpëtoi Kosovën nga ndarja në vitin 2020.

5. Që e çliroi Kosovën nga kriminelët shqiptarë.

6. Që i çliroi serbët në veri nga kriminelët serbë.

7. Që ndërpreu bashkëpunimin me një komunist sorrosist si Albin Kurti.

Lutje për Amerikën:

Të lutem Amerikë parandalo Zajednicën e Hashimit dhe “Samoupravljenjen” e Albin , sepse kjo është e keqja e radhës që ia kemi bërë vetes përmes marrëveshjeve të Brukselit të vitit 2013 dhe 2023, si dhe marrëveshjes së Ohrit 2023 të Albinit.

Edhe një lutje për Amerikën:

Amerikë e dashur,

Qëndro përjetë në Bondstill.

Çlirona edhe prej halahulave e rabilalave taliban, se kanë nisur me u shumuar.

Edhe mos ia vini veshin këtij Albin sorrosistit – se ky kurgjë nuk din.

Krejt çfarë bën Amerika në Republikën e Kosovës, unë besoj se fundin e ka me bereqet, sepse ata janë shumë përpara me informata dhe gjithmonë mundohen ta parandalojnë të keqen që mund t’i ndodhë një vendi që vetë e çliruan nga zgjedha 100-vjeçare serbe.

Zoti e bekoftë popullin amerikan dhe Amerikën.

Zoti e bekoftë popullin shqiptar të Kosovës, Shqipërisë dhe kudo që gjendet.

P.S

Tani si duket ky deshmitari i mbrojtjes z.Rubinë pas perfundimit te mandatit ne Qeverin Amerikane  paska qenë i paguar me para te taksapaguseve te Republikës së Kosovës për te lobuar për ndarjen e Kosvës hahahahaahah edhe njiher feminderit Gjyktes speciale per parandalimim e ndrjes se Republikës së Kosovës

Tërmet në Shqipëri

Shqipëria është goditur nga një tërmet me magnitudë 3 pak minuta më parë.

Sipas të dhënave nga Qendra Europiane dhe Mesdhetare Sizmiologjike, tërmeti ra rreth orës 17:26 dhe ishte 19 km në jug të Tiranës, shkruan A2 CNN.

Epiqendra e tij ishte 16 kilometra nga kryeqyteti dhe 10.7 kilometra në thellësi.

Sidoqoftë, deri më tani nuk ka të dhëna për dëme.

Aksion i madh nga Policia, ka të arrestuar

Policia e Kosovës respektivisht Drejtoria për Hetimin e Krimit të Organizuar dhe Krimeve të Rënda, në vazhdën e angazhimeve operacionale dhe pas zhvillimit të veprimeve hetimore, në bashkëpunim me prokurorinë kompetente me datën 16.09.2025 ka realizuar një operacion policor.

Ky aksion është zhvilluar në Shtime, Lipjan dhe Drenas. Gjatë këtij aksioni janë arrestuar pesë persona.

Sipas informacionit operacioni policor është zhvilluar pas dyshimeve të bazuara për përfshirje të të dyshuarve të lartcekur në veprat penale ‘importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’ nga neni 364 i KPRK-së, dhe ‘mbajtja në pronësi, kontroll ose posedim të paautorizuar të armëve’ nga neni 366 i KPRK-së,

Me urdhër të gjyqtarit kompetent janë kontrolluar pesë lokacione të ndryshme , në shtëpitë dhe objektet  përcjellëse të personave të dyshuar, ku janë gjetur dhe janë sekuestruar dëshmi materiale si:

• 1 AK-47,

• 1 pushkë e gjatë me dylbi,

• 1 pushkë e gjuetisë,

• 1 revole,

• 116 fishekë të kalibrave të ndryshëm,

• 8 fishekë me gaz,

• 2 pushkë ajrore,

• 5 telefona.

Pas intervistimit me vendim të prokurorit pesë të dyshuarit dërgohen në qendrën e mbajtjes për 48 orë

Video tronditëșe: Tri vajza rrahin brutalisht një tjetër në Prishtinë

Një ngjarje e rëndë është regjistruar në një shkollë të mesme në Prishtinë, ku tri vajza janë parë duke sulmuar fizikisht një bashkëmoshatare.

Në pamjet e publikuara nga DTV MEDIA, shihet momenti kur viktima shtrihet në tokë nga dhuna e treguar dhe goditet disa herë nga bashkëmoshataret e saj, shkruan Gazeta Imazhi.

Deri më tani, autoritetet nuk kanë dhënë asnjë reagim zyrtar lidhur me këtë incident.

VIDEO KËTU!

Ky është shqiptari që u vra në Toronto

Një 43 vjeçar shqiptar është vrarë Toronto të Kanadasë.

Bëhet e ditur se viktima është Paulin Harusha, baba i dy fëmijëve.

Autoritetet kanadeze bëjnë të ditur se trupi i pajetë i shqiptarit është gjetur brenda një automjeti në zonën e njohur si Victoria Park Avenue dhe Meadowacres Drive, pak para mesnatës së së shtunës.

Autorët e dyshuar raportohet se janë larguar nga vendngjarja me një makinë tip SUV me ngjyrë të çelët, përpara se të mbërrinin oficerët e policisë.

Të dielen, në një deklaratë për media, inspektori i Policisë Jonathan Rose, bëri me dije se motivi i krimit mbetet ende i paqartë.

Ai shtoi se hetimet janë në vijim, ndërsa autoritetet u bëjnë thirrje qytetarëve që kanë informacion të ndihmojnë hetimet duke kontaktuar policinë.

Familjarët dhe komuniteti shqiptar në Toronto janë tronditur nga ngjarja, ndërsa pritet që në ditët në vijim të dihet më shumë rreth këtij rasti.

Arifi për Kurtin: Veteran i rrejshëm, i arrestuar në banesë duke shikuar Deutsche Welle-n

Ish-diplomati Avni Arifi e ka quajtur “veteran të rremë” kryeministrin Albin Kurti.

Ai tha se Kurti po flet për lista të rreme të veteranëve, ndonëse vetë sipas tij nuk ka qenë pjesë e luftës.

Arifi tha se Kurti ishte arrestuar nga policia serbe në vitin 1999 teksa po shikonte Deutsche Welle në banesën e tij.

 

 

“Ai ka mund të jetë pjesëmarrës, ka mund me qenë i internuar sepse ka qenë në zyrën e Adem Demaçit dhe kontribut sikur Kurti kanë dhënë shumë mirëpo komandant? – ai m’flet për lista të rrejshme, kur vet ka qenë veteran i rrejshëm?”Ai është veteran i rrejshëm, luftëtar. Është burgos duke e kqyr Deutsche Welle-n n’banesë”, tha Arifi në emisionin Rubikon.

Nëse e shihni këtë person, lajmërojeni menjëherë Policinë – kjo është vepra me të cilën ngarkohet

Policia e Kosovës, ka kërkuar ndihmë nga qytetarët për identifikimin e një personi që dyshohet për vjedhje.

‘‘Kërkesë për bashkëpunim – identifikim i personit të dyshuar

Njësiti i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.

Personi i dyshuar kërkohet për përfshirje në veprën “Vjedhje”.

Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: info@kosovopolice.com’’, ka shkruar Policia.

Rubin shpërthen ndaj prokurorëve: “Kjo s’është drejtësi, po i mbani krerët e UÇK-së pesë vjet në burg”

“Mendoj që jam munduar pa fund që të jem i disponueshëm për këtë gjykatë, kam shpenzuar qindra orë përgatitje, dhe ndjesia ime ishte se gjithë njohuritë ishin të pranishme në dokumente. Pikëpamjet e Prokurorisë nuk është se do të ndihmoheshin nga kontributi im. Nëse keni nevojë për pyetje kam qenë këtu dje dhe sot. Fakti që të akuzuarit kanë qenë në paraburgim për më shumë se 5 vjet, dhe fakti që ata janë dorëzuar vullnetarisht dhe fakti që janë mbajtur kaq gjatë më shqetëson mendoj se lidhet me politikën. Më shqetëson fakti që dikush të jetë i paraburgosur për kaq gjatë, këta persona janë dhënë vullnetarisht, dhe kanë qenë bashkëpunues me Gjykatën. Në rastin e të akuzuarve nuk e kuptoj pse është dashur të jenë në burg për 5 vjet, nuk e shoh si shtet të së drejtës, Albright nuk e ka pasur këtë drejtësi në mendje kur e ka incizuar Tribunalin e Hagës. Mua kjo më është dukur si fajësim politik për shkak se Hashim Thaçi ka qenë udhëheqës i UÇK-së, Duke qenë se kam parë nga afër liderët e UÇK-së dhe asnjë person tjetër nuk e ka pasur këtë mundësi, duke pasur ide t emirë të funksionit, për 3 ditë kam parë si janë sjellë ata, kush ishte përgjegjës, komandant, mbështetës. Duke pasur këtë njohuri mendoj se kjo ka qenë e gabuar, unë nuk jam jurist, kjo nuk është drejtësi”, ka thënë ai.

ZPS tenton të nxjerrë informacione për bashkëpunëtorët e Thaçit, Rubin: S’e njoh Behramin

Në përpjekje për të zbuluar se me cilët bashkëpunëtorë të Thaçit është takuar ndër vite, ZPS ia ka shfaqur James Rubin një fotografi të kohëve të fundit me ish këshilltarin e Thaçit, tashmë deputet Artan Behrami.

Rubin deklaroi se nuk e njeh Behramin dhe se bën shpesh foto me shqiptarët me të cilët përpiqet të jetë i sjellshëm.

“Megjithatë më pëlqen fotoja”, u shpreh Rubin duke qeshur.