Vajza nën ndikim të alkoolit kanos me thikë nënën e saj në Prishtinë

ndodhur mbrëmë në rrugën “Eduard Lir” në Prishtinë, ku një vajzë ka kanosur me thikë nënën e saj.

Sipas burimeve të Sinjalit, rreth orës 21:00 minuta, M. M. ka raportuar në Polici se është kanosur nga vajza e saj, N. M. B..

E dyshuara, që sipas nënës kishte konsumuar alkool, ka marrë një thikë kuzhine dhe me të ka kanosur viktimën. Testimi ka treguar se ajo kishte 1.16 promilë alkool në gjak.

Me rastin është njoftuar Prokurori kujdestar, i cili ka urdhëruar që: rasti të iniciohet si Dhunë në Familje, e dyshuara të mbahet në stacion deri sa të jetë në gjendje të deklarohet, intervistimi i saj të bëhet vetëm në prani të avokatit mbrojtës.

Hetimet për rastin janë duke vazhduar.

VogeI: Kurti nuk urdhërohet si Thaçi, prandaj nuk e duan në Uashington e Bruksel

Toby Vogel, nga Këshilli për Politika të Demokratizimit në Berlin, vlerëson se mënyra se si Shtetet e Bashkuara ndërprenë dialogun për çështje strategjike është një sinjal i qartë se “i”.

Ai shton se ky vendim erdhi në një moment të ndjeshëm, kur Albin Kurti po përpiqet të formojë qeverinë e re të Kosovës, dhe sipas tij, kjo nuk është rastësi.

“Shtetet e Bashkuara, e sidomos administrata e parë e [presidentit Donald] Trump, kanë një histori me Albin Kurtin dhe një histori të përfshirjes në politikën kosovare. Dikur mjaftonte që presidenti amerikan ose kancelarja gjermane, kur ajo ishte Angela Merkel, të ngrinin receptorin, të telefononin dikë si Hashim Thaçi dhe t’i thoshin çfarë të bënte — dhe ai e bënte. Kjo nuk funksionon me Albin Kurtin. Nëse mendoni se kjo është mirë apo keq, është e parëndësishme; fakti është se Kurti nuk është i tillë. Dhe, pikërisht për këtë arsye nuk e duan as në Uashington e as në Bruksel”, thekson Vogel.

Sipas tij, për përkeqësimin e marrëdhënieve të Kosovës me SHBA-në dhe BE-në, përgjegjës është vetë Kurti, sepse “nuk i ka kultivuar me kujdes këto marrëdhënie”.

Por Vogel thekson se situata lidhet edhe me pakënaqësinë e qendrave të vendimmarrjes, pasi “nuk mund ta urdhërojnë më kryeministrin ose presidentin në Prishtinë se çfarë të bëjnë”.

“Besoj se gjithçka duhet parë në këtë kontekst, a do të ketë kjo efektin e dëshiruar, pra a do të arrijë të bashkojë opozitën për të krijuar një qeveri alternative. Sinqerisht, mendoj se ata nuk i kanë numrat. Kështu që nuk jam i sigurt se çfarë synohet me këtë”, thotë Vogel për REL, duke shprehur dyshime se Uashingtoni shpreson për zgjedhje të parakohshme.

“Sinqerisht, kjo do të më dukej si një nga zgjidhjet më ‘të pastra’, sepse është e qartë se kushdo që arrin të formojë qeverinë tani nuk do të ketë një mandat të fortë. Është mirë të jesh partia më e madhe, por kjo nuk mjafton. Nevojiten aleatë, nevojiten partnerë koalicioni. Prandaj, mendoj se gjithçka duhet parë në këtë kuadër”, përfundon ai.

Vrasja në Ferizaj, i dyshuari ndalohet për 48 orë

Prokuroria Themelore në Ferizaj, njofton opinionin publik se mbrëmë rreth orës 19:42, në fshatin “Balaj”- komuna Ferizaj, është raportuar një rast i vrasjes.

Prokurori kujdestar nga Departamenti për Krime të Rënda, ka dalë në vendin e ngjarjes, nga aty në bashkëpunim të plotë me Policinë e njësitë relevante kanë ndërmarrë veprime hetimore, me qëllim të ndriçimit të rrethanave të kësaj ngjarje.

Me vendim të prokurorit të shtetit, i dyshuari me iniciale B.R., është ndaluar në kohëzgjatje prej 48-orësh, për shkak të dyshimit të veprës penale “Vrasja” sipas Kodit Penal të Republikës së Kosovës.

Ndërsa, trupi i pajetë i viktimës (I.R), është dërguar në Institutin e Mjekësisë Ligjore (IML), në Prishtinë, për obduksion.

Aktualisht, Prokuroria Themelore në Ferizaj është duke punuar për të sqaruar tutje të gjitha rrethanat dhe motivin e kësaj çështje penale.

Prokurori i Shtetit, brenda afatit ligjor do të paraqesë kërkesë për caktimin e masës së paraburgimit ndaj të dyshuarit, pranë gjykatës kompetente.

Aksident i rëndë në Podujevë: Vdes shoferi serb pas përplasjes me disa vetura

Policia ka dhënë detaje të reja në lidhje me aksidentin e rëndë i cili ndodhi të hënën në Podujevë, ku për pasojë humbi jetën një person.

Sipas raportit, përplasja ka ndodhur mes një kamioni dhe automjeti, pastaj nga kamioni janë goditur edhe shtatë vetura të tjera të parkuara në të cilat janë shkaktuar dëme të konsiderueshme materiale.

Tutje bëhet e ditur se viktima, shofer i kamionit është shtetas i Serbisë.

“Ka ndodhur një aksident trafiku në mes një kamioni dhe një automjeti, pastaj nga kamioni janë goditur edhe shtatë vetura të parkuara në të cilat janë shkaktuar dëme të konsiderueshme materiale. Si pasojë e aksidentit drejtuesi i kamionit mashkull -shtetas i Serbisë ka ndërruar jetë, vdekjen e të cilit e ka konstatuar mjeku kujdestar në vendin e ngjarjes. Me urdhër të prokurorit trupi i pajetë i viktimës është dërguar në IML për obduksion. Rasti duke u hetuar”, thotë policia në raportin 24 orësh, transmeton Klankosova.tv.

Konflikti mes kushërinjve që përfundoi me fatalitet në Ferizaj

Një 38-vjeçar është vrarë mbrëmë nga kushëriri i tij në fshatin Balaj të Ferizajt.

Sipas Policisë së Kosovës, deri te vrasja ka ardhur pas një mosmarrëveshjeje që kishin kushërinjtë mes vete, raporton Zeri.info.

Po ashtu Policia njofton se viktima është vrarë me katër plumba dhe se i dyshuari pas kryerjes së veprës penale e ka thirrur vetë Policinë.

“Sipas hetimeve fillestare, vrasja ka ardhur si pasojë e mosmarrëveshjeve të vazhdueshme mes të dyshuarit dhe viktimës, të cilët ishin në lidhje gjaku (kushërinj). Në ditën kritike, pas një fjalosjeje, i dyshuari kishte nxjerrë pistoletën nga brezi dhe kishte shtënë katër herë mbi viktimën. Pas kryerjes së veprës penale, i dyshuari ka thirrur policinë për rastin dhe vendndodhjen e tij. Ai është arrestuar më pas dhe është shoqëruar në stacionin policor në Ferizaj, në Sektorin Rajonal të Hetimeve”, thuhet në njoftimin e Policisë.

Gjithashtu bëhet e ditur se në vendin e ngjarjes janë gjetur katër (4) gëzhoja, ndërsa në oborrin e shtëpisë së të dyshuarit është gjetur arma e zjarrit (pistoletë), me të cilën dyshohet se është kryer vrasja.

“Gjatë bastisjes së shtëpisë së të dyshuarit janë gjetur dhe konfiskuar edhe një pushkë gjahu me 72 fishekë, një pushkë ajrore”, njofton Policia.

Njoftimi i plotë i Policisë, pa ndërhyrje:

Vrasja në Ferizaj,

Më datën 15.09.2025, rreth orës 19:42, Policia Rajonale e Ferizajt ka pranuar një informatë se në fshatin Balaj të Ferizajt ka ndodhur një rast i vrasjes.

Menjëherë në vendin e ngjarjes kanë dalë njësitet e stacionit policor të Ferizajt, Njësiti i Reagimit të Shpejtë, hetuesit e Sektorit Rajonal të Hetimeve, si dhe krimteknikët. Po ashtu, në vendngjarje ka dalë edhe Prokurori i Shtetit dhe nën autorizimin e tij kanë nisur hetimet.

Nga hetuesit dhe krimteknikët është kryer ekzaminimi i vendit të ngjarjes, ndërsa edhe i trupit të viktimës, si dhe janë intervistuar dëshmitarët. Në vendin e ngjarjes janë gjetur katër (4) gëzhoja, ndërsa në oborrin e shtëpisë së të dyshuarit është gjetur arma e zjarrit (pistoletë), me të cilën dyshohet se është kryer vrasja.

Gjatë bastisjes së shtëpisë së të dyshuarit janë gjetur dhe konfiskuar edhe :

– Një pushkë gjahu me 72 fishekë;

– Një pushkë ajrore.

Sipas hetimeve fillestare, vrasja ka ardhur si pasojë e mosmarrëveshjeve të vazhdueshme mes të dyshuarit dhe viktimës, të cilët ishin në lidhje gjaku (kushërinj). Në ditën kritike, pas një fjalosjeje, i dyshuari kishte nxjerrë pistoletën nga brezi dhe kishte shtënë katër herë mbi viktimën.

Pas kryerjes së veprës penale, i dyshuari ka thirrur policinë për rastin dhe vendndodhjen e tij. Ai është arrestuar më pas dhe është shoqëruar në stacionin policor në Ferizaj, në Sektorin Rajonal të Hetimeve.

Me vendim të Prokurorit të Shtetit, trupi i pajetë i viktimës I.R. (M/K), i lindur në vitin 1987, është dërguar për obduksion në Institutin e Mjekësisë Ligjore në Prishtinë. Ndërsa i dyshuari B.R. (M/K), i lindur në vitin 1974, është ndaluar në mbajtje për 48 orë, për procedura të mëtejme hetimore.

Vrasja e 40-vjeçarit në Ferizaj, zbulohen detaje të reja

Një person ka mbetur i vdekur mbrëmë në Balaj të Ferizajt pasi dyshohet se është qëlluar me armë zjarri nga i dyshuari.

Në raportin 24 orësh të Policisë, thuhet se rasti ka ndodhur rreth orës 19:42 dhe u iniciua si “Vrasje”, ndërkaq i dyshuari është arrestuar.

Sipas Policisë, deri te rasti dyshohet se erdhi pas një mosmarrëveshje mes të dyshuarit dhe viktimës.

Në vendin e ngjarjes u gjetën katër gëzhoja që dyshohet se janë shkrepur nga i dyshuari.

“Është arrestuar i dyshuari mashkull kosovar, nën dyshimin se i njëjti pas një mosmarrëveshje që kishte me viktimën mashkull kosovar, ka shtënë me armë zjarri në drejtim të tij dhe për pasojë, viktima ka mbetur pa shenja jete. Vdekjen e viktimës e ka konstatuar ekipi mjekësor, ndërsa njësitet policore në vendin e ngjarjes kanë gjetur dhe konfiskuar pistoletën dhe 4-gëzhoja që dyshohet se janë shkrepur nga i dyshuari”,njofton Policia.

Ndërsa, në shtëpinë e të dyshuarit u gjet një pushkë gjuetie me 72 fishekë.

 

 

“Po ashtu gjatë kontrollit në shtëpinë e të dyshuarit është gjetur edhe një pushkë gjuetie, me 72 fishekë cal-12 mm, dhe një pushkë ajrore. Me urdhër të prokurorit trupi i pajetë i viktimës është dërguar në IML për obduksion, ndërsa i dyshuari është dërguar në mbajtje. Rasti duke u hetuar”, njofton Policia.

Vrasje në Ferizaj, ky është 40-vjeçari që u vra në fshatin Balaj

Ky është personi që u arrestua nga Policia për krime lufte në Kosovë, dyshohet për vrasjen e 25 civilëve në Gjilan

Arrestohet D.N. te Dheu i Bardhë dyshohet se në vitin 1999 ka marrë pjesë në vrasjen e 25 civilëve shqiptarë në Gjilan.“Prokuroria Speciale dhe Policia e Kosovës nëpërmjet në njoftimi kanë bërë të ditur se sot në pikëkalimin kufitar Kosovë -Serbi është arrestuar D.N. nën dyshimin për kryerjen e veprës penale “Krim lufte kundër popullsisë civile”.

“D.N., dyshohet se gjatë luftës në Kosovë, në periudhën nga 13 prilli deri më 30 prill 1999, në bashkëkryerje me pjesëtarë të forcave policore dhe ushtarake serbe, ka marrë pjesë në vrasjen e 25 civilëve shqiptarë në Komunën e Gjilanit” thuhet më tej.ARRESTOHET NJË PERSON NËN DYSHIMET PËR KRIME LUFTE

Prishtinë, 15 Shtator 2025 – Me urdhër të Prokurorisë Speciale të Kosovës, Policia e Kosovës, përkatësisht hetuesit nga Drejtoria për Hetimin e Krimeve të Luftës, të hënën kanë arrestuar personin me inicialet D.N., nën dyshimin për kryerjen e veprës penale “Krim lufte kundër popullsisë civile”.I dyshuari D.N., është arrestuar në pikëkalimin kufitar Dheu i Bardhë, në kufi me Serbinë.

D.N., dyshohet se gjatë luftës në Kosovë, në periudhën nga 13 prilli deri më 30 prill 1999, në bashkëkryerje me pjesëtarë të forcave policore dhe ushtarake serbe, ka marrë pjesë në vrasjen e 25 civilëve shqiptarë në Komunën e Gjilanit.Brenda afatit të paraparë ligjor, Prokuroria Speciale do të paraqesë kërkesën për caktimin e masës së paraburgimit në Gjykatën Themelore në Prishtinë, Departamenti Special.

Mirena: Çfarë dite e zezë për ata që e duan Serbinë, udbashët, spiunat dhe shpifësit kundër UÇK’së

Gazetari Ilir Mirena e cilësoi dëshminë e ish-zyrtarit të Departamentit të Shtetit, James Rubin, si një ngjarje të rëndë për krejt ata që shpifën dhe hodhën vrer ndaj luftës së UÇK-së.

Mirena tha se dëshmia e Rubin është lajm i mirë për të gjithë që morën pjesë në UÇK dhe që kontribuan për çlirimin e Kosovës.

Por, sipas gazetarit, dëshmia e gjatë e ish-bashkëpunëtorit të Madeleine Albright, kur tregoi gjerë e gjatë për raportet e mira me Hashim Thaçin, është lajm i keq për ata që s’ia duan të mirën Kosovën.

“Çfare dite e zeze per krejt ata qe e duan Serbine, udabashet, jugosllavet me soj e sorollop, spiunat dhe shpifesit kunder luftes se UÇK’se, dhe per krejt bashkepuntoret e sotem te BIA’se serbe…”, shkroi Mirena në Facebook

E rëndë në Podujevë: Shoferi i kamionit pësoi sulm dhe goditi 20 vetura, u gjet i vdekur

Një rast i rëndë ka ndodhur sonte në rrugën “Skenderbeu” në Podujevë.

Një person ka vdekur dhe katër u lënduan në aksidentin mes një kamionit dhe disa veturave që ishin të parkuara.

Llapi Info merr vesh se shoferi që vdiq sonte në Podujevë është i nacionalitetit boshnjak.

Sipas dyshimeve të para, viktima kishte pësuar sulm kardiak dhe si pasojë goditi rreth 20 vetura që gjendeshin të parkuara rreth rrugës “Skenderbeu”.

Policia ka konfirmuar se viktimës është duke iu bërë obduksioni në Institutit e Forenzikës në Prishtinë.

Nga ky aksident katër persona kanë mbetur të lënduar dhe po marrin trajtim në Qendrën Klinike Universitare të Kosovës.

Dëshmia e Rubin në Hagë, reagon burri i Albulenës, sulmon ashpër Thaçin

James Rubin, ish-nëndihmëssekretar amerikan i Shtetit gjatë luftës në Kosovë, ka dëshmuar sot në rastin e Hashim Thaçit dhe ish-krerëve të tjerë të UÇK-së në Hagë.

Rubin foli për rolin e Hashim Thaçit dhe të tjerëve, si dhe për bashkëpunimin e vazhdueshëm të tyre me SHBA-të.

Megjithatë, nga Lëvizja Vetëvendosje po përpiqen që dëshmisë së tij t’i japin një interpretim tjetër.

Alban Krasniqi, anëtar i VV në Komisionin Qendror të Zgjedhjeve, ka thënë se po rezulton se Thaçi nuk ka qenë kreu, por Agim Çeku.

“James Rubin, duke treguar përvojën e tij, dëshmoi që lufta e UÇK-së ishte e drejtë, por shpërfaqi edhe disa të vërteta ndryshe nga ato që i janë servirur publikut për 25 vite: 1. Hashim Thaçi tash po del që nuk paska qenë komandant apo udhëheqës i UÇK-së, por Agim Ceku. Andaj, të ia njohim këtë rol dhe vlerë general Çekut, të cilën ia kanë mohuar në luftë edhe pas luftës. 2. Delegacioni ynë në Rambuje, në krye me Thaçin, paskan qenë të gatshëm të pranojnë një marrëveshje ku nuk përmendet pavarësia, por që fatmirësisht ka pasur presion nga komandantët dhe luftëtarët e UÇK-së në terren për të mos pranuar një zgjidhje që nuk e përmban brenda dokumentit pavarësinë në perspektivë. 3. Është pranuar marrja e përgjegjësisë për çfardo krimi që mund të bëhet pas përfundimit të luftës në emër të saj”, ka shkruar Krasniqi në Facebook.