Vdes fëmija 2 vjeç, nuk u mbijetoi plagëve pasi u rrëzua

Një ngjarje e rëndë ka tronditur fshatin Vranjak të Rahovecit, ku një fëmijë vetëm 2-vjeçar ka humbur jetën pas një rrëzimi aksidental.

Sinjali mëson se viktima është O. B., 2-vjeçar i cili më 31 gusht rreth orës 16:00 ishte rrëzuar dhe kishte pësuar lëndime në kokë. Fillimisht ai ishte dërguar për trajtim në Spitalin e Gjakovës dhe më pas në QKUK, ku i ishte nënshtruar një operacioni.

Pavarësisht ndërhyrjes së mjekëve, familja është njoftuar sot në mesditë se fëmija nuk ka arritur t’u mbijetojë plagëve.

Albin Kurti nominohet si kandidat për kryeministër nga LVV-ja

Nënkryetari i Lëvizjes Vetëvendosje, Glauk Konjufca ka propozuar Albin Kurtin si kandidat për kryeministër.

Ai në mbledhjen e këshillit të përgjithshëm tha se kriza institucionale zgjati sepse partitë tjera vendosen që Albulena Haxhiu të mos jetë kryetare e kuvendit dhe tash po zgjat sepse po mendojnë se s’mund të ketë Kuvend pa Listën Serbe, gjë që sipas tij janë politika antishtetërore.

Sipas tij, edhe Gjykata Kushtetuese i kontribuojë krizës politike.

Propozimi i LVV-së, vjen përkundër faktit që Gjykata Kushtetuese ka pezulluar punën e Kuvendit të Kosovës deri në fund të shtatorit pas ankesës së Listës Serbe për zgjedhjen e nënkryetarëve.

Sot i jepet lamtumira e fundit të ndjerit që u vra mbrëmë në Podujevë

Një rast i rëndë ka ndodhur mbrëmë në Llapashticë të Podujevës, ku një person është qëlluar për vdekje.

MIndeksOnline raportoi se nga kjo ngjarje i vdekur ka mbetur, Bashkim Spahiu.

Familjarët ditën e sotme kanë njoftuar për ceremoninë e varrimit.

Të ndjerit lamtumira e fundit do t’i jipet sot nga ora 18:00, te varrezat te Xhamia në Gllamnik.

Njoftimi:

Ekskluzive: Kjo është 42-vjeçarja që u gjet pa shenja jete në një objekt të pabanuar

Ngjarja e rëndë që tronditi dje Pejën ka marrë përmasa edhe më të dhimbshme me identifikimin e viktimës.

Sinjali mëson se personi i gjetur pa shenja jete në një objekt të pabanuar në rrugën “Mehmet Akif” është Florentina Dregzaj rreth 42-vjeçare.

Trupi i saj u zbulua nga dy qytetarë që kalonin aty pranë, të cilët menjëherë njoftuan Policinë. Në vendin e ngjarjes doli emergjenca, ku mjeku kujdestar konstatoi se ajo ishte pa shenja jete, ndërsa në trup nuk u vërejtën gjurmë të dukshme dhune.

Zona është rrethuar nga Policia dhe hetuesit së bashku me krimteknikët e SP Pejë, ndërsa në fazën e mëvonshme u përfshi edhe Sektori Rajonal i Hetimeve dhe Prokurori kujdestar i shtetit.

Me urdhër të Prokurorit, trupi i viktimës do të dërgohet për obduksion në Institutin e Mjekësisë Ligjore në Prishtinë, për të përcaktuar shkaqet e sakta të vdekjes.

Rasti është iniciuar si “Hetim i vdekjes”, ndërsa hetimet po vazhdojnë.

E rëndë: Gjendet pa shenja jete një 42-vjeçare në një objekt të banuar

E rëndë: Gjendet pa shenja jete një 42-vjeçare në një objekt të banuar

Një ngjarje e rëndë ka ndodhur dje në Pejë, ku një grua është gjetur e vdekur brenda një objekti të braktisur në rrugën “Mehmet Akif”.

Sinjali mëson se viktima është F. D rreth 42-vjeçare, e cila është gjetur e shtrirë në dysheme në një nga kthinat e objektit.

Trupi i pajetë është zbuluar nga dy qytetarë, të cilët menjëherë kanë njoftuar Policinë.

Në vendngjarje kanë dalë patrullat policore dhe emergjenca, ku mjeku kujdestar ka konstatuar vdekjen e saj, duke theksuar se nuk janë parë shenja të dukshme dhune në trupin e viktimës.

Zona është rrethuar me shirita policorë, ndërsa aty kanë mbërritur edhe hetuesit, krimteknikët e SP Pejë, Sektori Rajonal i Hetimeve dhe Prokurori i Shtetit.

Me urdhër të Prokurorit, trupi i pajetë do të dërgohet në Institutin e Mjekësisë Ligjore në Prishtinë, ku do të kryhet obduksioni për të përcaktuar shkaqet e sakta të vdekjes.

Rasti është regjistruar si “Hetim i vdekjes”, ndërsa hetimet janë në vijim.

Ekskluzive: Kjo është 42-vjeçarja që u gjet pa shenja jete në një objekt të pabanuar

Viktima u privua nga jeta në veturën Opel Astra – Policia e gjeti të vdekur në karrigen e shoferit në Podujevë

Një ngjarje e rëndë kriminale ka tronditur mbrëmë Podujevën me rrethinë, ku një person është vr@rë në fshatin Llapashticë e Epërme.

Sinjali mëson se rasti ka ndodhur rreth orës 19:30, në oborrin e njohur si “Oda e Havollëve”, ku viktima është gjetur pa shenja jete në uIësen e shoferit të një veture Opel Astra me targa 01-426-OC.

Sipas dëshmitarëve okularë, dyshohet se vrsja është kryer nga Arbër Havolli rreth 31-vjeçar.

Policia e Kosovës, bashkë me njësitë relevante dhe Krimet e Rënda, kanë dalë në vendin e ngjarjes. Është bërë edhe kontrolli i shtëpisë së të dyshuarit, mirëpo ai nuk është gjetur aty dhe aktualisht ndodhet në arrati.

Hetimet për zbardhjen e plotë të rastit dhe lokalizimin e të dyshuarit janë duke vazhduar.

31 tetori – kufi që “s’bën të kalohet” pa qeveri të re

Gjykata Kushtetuese ka shtyrë për të paktën 25 ditë nisjen e procedurave për formimin e Qeverisë së re, duke zgjatur bllokadën institucionale. Njohësit paralajmërojnë pasoja të rënda ekonomike, politike e ndërkombëtare në rast se Qeveria nuk formohet deri më 31 tetor, për ta proceduar buxhetin e vitit të ardhshëm në Kuvend

Masa e përkohshme e Gjykatës Kushtetuese e ka shtyrë edhe për së paku 25 ditë nisjen e procedurave për formimin e Qeverisë së re të Kosovës.

E mungesa e institucioneve të reja vlerësohet se ka shkaktuar dëme të mëdha ekonomike e politike në vend.

Naim Jakaj, hulumtues i Institutit të Kosovës për Drejtësi, thotë se nëse bllokada vazhdon dhe Qeveria nuk formohet deri më 31 tetor për ta proceduar buxhetin e vitit 2026 në Kuvend, do të ketë pasoja financiare të theksuara.

“Pasojat fillimisht do të jenë financiare, buxhetore të brendshme, në ndërkohë ato të jashtme ato që mund të bëhemi pjesë e përjashtimit të marrjes së fondeve nga plani i rritjes për shkak që ne nuk po mbërrijmë që ta konstituojmë një Kuvend, rrjedhimisht t’i miratojmë ato marrëveshje ndërkombëtare sepse edhe për miratimin e atyre marrëveshjeve ndërkombëtare duhet me pas qeveri, nuk mundet Kuvendi vetë të hyjë një obligimi sepse nuk mundet më pastaj t’i ekzekutojë ato detyrime të cilat i merr përsipër t’i kryejë”, ka thënë Jakaj.

E sipas analistit Shkodran Ramadani, përveç pasojave ekonomike e atyre ndërkombëtare, mungesa e kompromisit për formimin e institucioneve të reja për kohë kaq të gjatë do të shkaktojë dëm edhe në aspektin politik në Kosovë.

“Dëmi më i madh do të jetë politik, për shkak që do të krijohet një kulturë e re e politikë-bërjes ku kompromisi do të jetë gjithnjë e më pak i pranishëm në skenën politike dhe ku çdo gjë, çdo mosmarrëveshje duket që do të adresohet apo delegohet tek Gjykata Kushtetuese, e cila do të përfshihet gjithnjë e më shumë në çështjet politike që partitë politike do të duhej t’i zgjidhnin vetë”, ka thënë Ramadani.

Ramadani thotë se Kushtetuesja do të përdoret për vonesa edhe pas përfundimit të masës së përkohshme, pasi shprehet se nuk sheh vullnet te partia fituese – Vetëvendosje, që ta bëjë Qeverinë.

“Kjo është recetë për vonesa, recetë për bllokada të reja, recetë për ngërçe të reja të cilat do të gëlltisin gjithnjë e më shumë kapacitetin e Kosovës për të shënuar progres”, është shprehur ai.

Më 30 shtator do të përfundojë masa e përkohshme e Gjykatës, e cila është nxjerrë sipas detyrës zyrtare, por edhe duke u bazuar në kërkesën e deponuar në Kushtetuese, një javë më parë nga Lista Serbe.

Në kërkesën e saj, Lista Serbe kërkon që Gjykata ta urdhërojë kryeparlamentarin Dimal Basha që të përsërisë votimin e zgjedhjes së nënkryetarëve nga komunitetet dhe këtë ta bëjë në pako.

“Vetëvendosje ka bashkëpunuar me Listën serbe, e dëshmuar nga përgjimet”

Nënkryetarja e Partisë Demokratike të Kosovës (PDK) dhe deputetja e Kuvendit, Vlora Çitaku, në emisionin “Real Talk me Maxhunin”, tha se Qeveria i ka pasur të gjithë mekanizmat në dispozicion për ta shpallur Listën Serbe organizatë terroriste, nëse ka vlerësuar se ajo është e tillë.

“Nuk e kanë bërë këtë dhe janë duke e luftuar politikisht, por jo ligjërisht. Kjo është një betejë politike që më së shumti i konvenon Listës Serbe dhe e forcon atë. Ky nuk është mendim i imi, por këtë e thonë akterët politikë që janë kundërshtarë të Listës Serbe. Vetë Nenad Rashiq deklaroi hapur se kjo betejë po ndikon në fuqizimin dhe faktorizimin e Listës Serbe. Në fund të fundit, janë qytetarët serbë që jetojnë në Kosovë ata që i zgjedhin përfaqësuesit e tyre, sepse jetojmë në demokraci”.

“PDK, kur ka bashkëqeverisur, ka pasur brenda qeverisë Nenad Rashiqin, pastaj edhe përfaqësues të tjerë. Nuk i zgjedhim ne, nuk votojmë ne. Është absurde të mendohet se me veprime politike do të mund të ndikojmë se si votojnë dhe përzgjedhin qytetarët serbë. Mund t’i kem preferencat e mia, por kjo nuk do të thotë asgjë në fund të ditës”, tha Çitaku.

Ajo theksoi se tash e pesë vite Vetëvendosje ka bashkëpunuar me Listën Serbe dhe këtë e dëshmojnë përgjimet që janë publikuar në media.

“Është parë kush ka bashkëpunuar fshehurazi me Listën Serbe tash e pesë vite. Kanë dalë përgjimet, bisedat, ka pasur pazare të ulëta në dëm të veteranëve kur është bërë përjashtimi i tyre nga paga minimale. Ka pasur përpjekje të dështuara për të zgjedhur anëtarë të Gjykatës Kushtetuese pikërisht në koordinim me Listën Serbe. Kam përshtypjen se këta njerëz jetojnë në një univers paralel dhe kanë shpërfillje totale ndaj realitetit kosovar”, tha Çitaku.

Ky është i dyshuari për vrasjen në Llapashticë të Podujevës

Një person ka mbetur i vrarë pas të shtënave me armë zjarri në Llapashticë të Podujevës.

Policia ka bërë të ditur se ngjarja ka ndodhur rreth orës 19:30. Vdekjen e viktimës mashkull e ka konstatuar ekipi mjekësor në vendngjarje.

Policia ka thënë se hetuesit policorë kanë nisur hetimet, por nuk kanë bërë të ditur për identifikimin apo arrestimin e të dyshuarit.

Merret vesh se i dyshuari për rastin është Arbër Havolli, 31 vjeçar.

Rasti ka ndodhur tek shkolla e fshatit. Siç kanë deklaruar dëshmitarët, viktima është nga fshati Barilevë.

Mësohet se viktima është qëlluar me disa plumba brenda një veture të tipit Opel, në të cilën ndodhej bashkë me autorin në momentin e ngjarjes.

“Viktima i shkoi të dyshuarit në shtëpi”-Zbulohen detaje të reja nga vrąsja e rëndë në Podujevë

Një ngjarje e rëndë tronditi mbrëmjen e sotme fshatin Llapashticë të Podujevës, ku një burrë mbeti i vdekur pas të shtënave me armë zjarri. Vrasja dyshohet të ketë ndodhur brenda një veture, ndërsa i dyshuari, sipas burimeve të Insajderit, është Arbër Havolli.

Viktima është qëlluar me disa plumba brenda një veture të tipit Opel, ku gjendej së bashku me të dyshuarin në momentin e ngjarjes.

Insajderi, mëson se viktima është A. Spahiu, banor i fshatit Gllamnik të Podujevës. Burimet tregojnë se Spahiu kishte shkuar në shtëpinë e të dyshuarit Havolli, pak para se të ndodhte tragjedia