Ekskluzive: Arrestohet një pjesëtar i Njësisë Speciale në Mitrovicë

Një zyrtar policor i Njësisë Speciale është vënë në pranga në Mitrovicë, nën dyshimet për përfshirje në veprimtari të paligjshme.

Sinjali mëson se arrestimi është bërë mbrëmë në Mitrovicë, ku polici dyshohet për veprat penale “Keqpërdorim i pozitës apo autoritetit zyrtar” dhe “Ndihmë kryerësve pas kryerjes së veprës penale”.

Burimet thonë se hetimet ndaj tij kanë nisur pas dyshimeve për veprime që bien ndesh me ligjin dhe etikën policore, ndërsa i dyshuari është shoqëruar për në IPK e më pasë në ndalim prej 48 orësh.

Me urdhër të Prokurorit të Shtetit, ndaj tij është iniciuar procedura për veprat penale të lartcekura, ndërsa rasti mbetet nën hetime.

Dalin pamjet nga përleshja me thika në një lokal/ Momente tmerri për klientët

Top Channel ka siguruar pamjet e sherrit masiv në një lokal në Korçë, që la pas tre të plagosur mbrëmjen e 31 gushtit.

Video e sherrit masiv të ndodhur pak ditë më në një lokal në hyrje të parkut në qytetin e Korçës . Pamjet tregojnë momentet e konfliktit, si pasojë e të cilit mbetën të plagosur me thikë tre persona.

Në pak minuta, sherri verbal u kthye në një konfrontim fizik që degradoi deri në përdorimin e thikës si dhe në hedhje të karrigeve të lokalit kundrejt njëri-tjetrit dhe përdorimit të shkopave të bejsbollit. Gjithçka ndodhi brenda ambienteve të lokalit, ku ishin edhe klientë të tjerë, të cilët u larguan të tmerruar.

Deri më tani janë arrestuar 9 persona, ndërsa nuk përjashtohet mundësia që të rritet numri i të arrestuarve pasi po kryhen ende veprime për të identifikuar persona të tjerë që mund të kenë qenë të përfshirë tek ky sherr masiv. Dyshohet se edhe të plagosurit janë pjesë e të arrestuarve. E gjithë ngjarja erdhi për motive banale dhe nën efektin e alkoolit.

Kërcënimet me jëtë ndaj Kryeministrit Kurti në Veri, reagon Sveçla

Ministri në detyrë i Punëve të Brendshme, Xhelal Sveçla duke folur për mesazhet kërcënuese në veri ka thënë se janë pjesë e luftës hibride si dhe destabilizimit.

Ai në një deklarim për Tëvë1 ka thënë këto veprime bëhet edhe për të friksuar qytetarët serb që janë lojal ndaj shtetit të Kosovës

“ Kjo është luftë hibride me qëllim që situata në Kosovë të mos përmirësohet edhe më tutje. Janë kapsolla të destabilizimit, qoftë politik qoftë të sigurisë. Por poashtu bëhen që popullata ynë e etnisë serbe në një mënyrë apo tjetrën për disa të inkurajohet e për disa të frikësohen, grupi i dytë lojal ndaj Republikës së Kosovës, duke tentuar të shfaqin prezencë n e tyre në Kosovë”, ka thënë Sveçla.

Ai ka thënë se grupe të tilla nuk kanë potencial për destabilizim

“Unë po e thamë prapë që potenciali i tyre për destabilizim nuk ekziston duke qenë se institucionet e Kosovës janë fuqizuar në atë pjesë të Republikës. Por ne të gjitha këto provokime, të gjitha incidentet sado minore të jenë ne i marrim jashtëzakonisht seriozisht, përgatitemi dhe i përgjigjemi me nivel adekuat”, ka thënë ai.

Në mbrëmjen e së martës në rrugën “Vasilije Ostrovski” në Mitrovicën e Veriut, është hasur një shkrim kërcënues në mur, i adresuar kryeministrit në detyrë të Kosovës, Albin Kurti

Nuredin Selamani për Albin Kurtin: Ja kisha ndalu hyrjen në Drenicë

Prej sot qytetarët e Prishtinës kanë internet falas

Kryetari i Prishtinës, Përparim Rama, ka njoftuar se nga sot qytetarët e kryeqytetit kanë qasje në internet falas, në çdo hapësirë ku e sheh shtyllën me shkrimin WiFi Falas.

Rama ka shkruar edhe se ‘’na jemi këtu me ju bo jetën ma të lehtë’’.

Postimi:

M’fal, a bon password-in e WiFi-së?

Këtë fjali s’ka me e dëgju mo, sepse prej sot krejt qytetarët e Prishtinës kanë qasje në internet falas, në çdo hapësirë ku e sheh shtyllën me shkrimin WiFi Falas. 💙

Nalu, lidhu edhe shfytëzo internet pa kufi.

Na jemi këtu me ju bo jetën ma të lehtë.

Prishtina, përtej qysh e ki passwordin?

Parashikimi i motit për ditën e nesërme

Mendimi për motin

Ditën e enjtë ende vransira kalojnë mbi vend. Kohëpaskohe shfaqen kushte për zhvillime të ndonjë rrebeshi shiu dhe bubullimave. Nuk do të mungojnë intervale me diell, megjithëse jo të gjata. Temperaturat minimale zbresin në 16C e 17C, ndërsa maksimalet megjithë një rënie të lehtë, mbesin mbi mesatare, 26C e 28C. Frynë erë veriore e lehtë dhe mesatare 3-7m/s.

Stabilizim i kushteve atmosferike po parashihet nga dita e premtë. Megjithëse kalojnë kohëpaskohe vransira, do të ketë intervale më të gjata me diell. Temperaturat shënojnë rritje deri në 29C e 31C përgjatë fundjave. Minimalet nën kushte kthjellimesh zbresin në 12C e 13C. Orëve të mëngjesit të ditës së premtë, përgjatë ultësirave pritet të formohen kushte për mjegull apo mjegullinë. Erërat frynë kryesisht nga veriu e verilindja, 4-10m/s.

Punimi skandaloz për UÇK-në, Dimal Basha ndërrmer këtë veprim

Kryetari i Kuvendit të Kosovës, Dimal Basha, ka ndaluar komentet për qytetarët.

Basha i cili në të kaluarën njihej për ndërveprim të madh me publikun, me tu bërë Kryetar i Kuvendit, ka ndaluar komentet për qytetarët.

Basha, i cili u përfshi në një skandal, pasi u zbulua se në bashkëautorësi kishte shkruar një punim skandaloz për UÇK-në.

 

 

Vuçiq: S’është rastësi që Prishtina, Zagrebi e Tirana bënë një aleancë ushtarake, është kundër Serbisë

Presidenti i Serbisë, Aleksandar Vuçiq, tha të mërkurën se pjesëmarrjen e tij në paradën ushtarake në Pekin e shfrytëzoi për të parë se “çfarë do të ishte me interes për t’u blerë për nevojat e ushtrisë serbe, në mënyrë që ajo të jetë një faktor parandalues ndaj çdo agresori të mundshëm nga fqinjësia”.

“Nuk është rastësi që Prishtina, Zagrebi dhe Tirana formuan një aleancë ushtarake. Dhe, ata nuk e bënë atë për shkak të Austrisë, Hungarisë apo Sllovenisë, por për shkak të Serbisë. Ata e bënë kundër Serbisë”, tha Vuçiq për gazetarët në Pekin.

Ai theksoi se Serbia “nuk do ta prekë askënd”, por se po e forcon ushtrinë e saj për ta “ruajtur integritetin territorial”.

Kosova, Shqipëria dhe Kroacia, nënshkruan më 18 mars një deklaratë në Tiranë, përmes së cilës vendet angazhohen që të forcojnë bashkëpunimin në fushën e mbrojtjes dhe sigurisë.

Qeveria kroate bëri të ditur për Radion Evropa e Lirë se deklarata e tri shteteve nuk synon krijimin e ndonjë aleance ushtarake.

Duke folur për paradën ushtarake të ushtrisë kineze dhe blerjen e mundshme të armatimeve nga ajo, Vuçiq tha se Serbia nuk është e interesuar për raketat balistike dhe hipersonike kineze, por se Kina ka avionë shumëfunksionalë të nivelit të lartë dhe helikopterë modernë.

Lideri serb u tha gazetarëve në Pekin se pati takime me përfaqësues të 11 kompanive, me të cilët bisedoi edhe për prezantimin dhe përdorimin e makinave fluturuese në Serbi.

“Kompanitë janë nga fusha të ndryshme. Përdorimi i inteligjencës artificiale do të ketë shumë rëndësi për ne në të ardhmen”, tha Vuçiq.

Duke komentuar bisedimet me përfaqësuesit e kompanisë kineze Zijin, ai tha se Serbia është e interesuar për blerje të mëtejshme të arit nga kjo kompani, e cila është pronare shumicë e Kompleksit Minierë-Trajtim Metalurgjik Bor.

“Patëm takime me kompani të rëndësishme energjetike. Biseduam me kompaninë Xpeng për makinat fluturuese. Besoj se vitin e ardhshëm, deri më 1 dhjetor, do të mund t’u tregojmë njerëzve se si funksionojnë në Serbi dhe se do të jenë në përdorim gjatë ekspozitës Ekspo2027 në Beograd”, tregoi ai.

Ai shtoi se gjatë vizitës në Kinë është takuar me 12 liderë botërorë, përfshirë presidentin e Azerbajxhanit Ilham Alijev, presidentin e Indonezisë Prabovo Subjanto dhe kryeministrin e Sllovakisë, Robert Fico.

Vuçiq dhe kryeministri i Sllovakisë ishin të vetmit liderë evropianë që morën pjesë në Pekin në paradën ushtarake me të cilën Kina shënoi 80-vjetorin e përfundimit të Luftës së Dytë Botërore.
Të ftuar të liderit kinez Xi Jinping ishin presidenti i Rusisë, Vladimir Putin, lideri i Koresë së Veriut, Kim Jong Un, dhe krerë të tjerë shtetesh e qeverish, përfshirë ata nga Bjellorusia, Irani dhe vende të tjera.

Pamje të rënda- Momenti kritik kur 24 vjeçarja qëllon veten me amë në Prishtinë

Pas ngjarjes tragjike që ndodhi më 29 gusht në një poligon të qitjes, ku humbi jetën një vajzë 24-vjeçare, Gjykata Themelore në Prishtinë ka caktuar masën e paraburgimit prej një muaji ndaj pronarit të poligonit.

Lajmin e kanë konfirmuar nga Gjykata, duke bërë të ditur se masa është vendosur pas kërkesës së Prokurorisë Themelore.

Ngjarja tronditëse ndodhi kur, sipas Policisë së Kosovës, viktima L.S. humbi jetën si pasojë e plagëve të marra nga arma e zjarrit brenda ambienteve të poligonit në Prishtinë.

Më 30 gusht, zyrtari përgjegjës i poligonit ishte ndaluar për 48 orë, ndërsa hetimet për zbardhjen e plotë të rastit janë ende në vijim.

Ndërsa në medie janë publikuar pamje nga momenti kur e ndjera qëlloi vetën në poligon.

PAMJE:

Vdes veterani i UÇK-së, Smajl Kruna

Ka vdekur sot veterani i Ushtrisë Çlirimtare të Kosovës Smajl Kruna nga fshati Poklek i Vjetër i Drenasit.

Lajmin për ndarjen nga jeta e bënë të ditur familjar të të ndjerit në rrjete sociale.

I njëjti do të varroset sot në ora 18:00 në varrezat e fshatit Poklek i Vjetër.