Katastrofë e madhe: Ky shtet goditet nga tërmeti vdekjeprurës me mbi 800 viktima

Më shumë se 800 persona janë vrarë – dhe gati 3,000 të tjerë janë plagosur – pas një tërmeti me magnitudë gjashtë ballë që goditi Afganistanin lindor pak para mesnatës të dielën, tha agjencia humanitare e Kombeve të Bashkuara.

Shumica e vdekjeve janë në provincën Kunar, thonë zyrtarët, duke paralajmëruar se numri i të vdekurve mund të rritet ndjeshëm pasi fshatra të tëra janë shkatërruar nga tërmeti, ka raportuar BBC.

Epiqendra është në një zonë të largët malore, duke e bërë të vështirë kryerjen e operacioneve të shpëtimit. “Shkalla e shkatërrimit është e paimagjinueshme”, tha një zyrtar taleban.

Fatkeqësia vjen ndërsa Afganistani po përballet me një thatësirë ​​të rëndë, shkurtime të ndihmës dhe atë që Programi Botëror i Ushqimit e përshkruan si një krizë të paprecedentë urie.

Tërmeti goditi të dielën në orën 23:47 (19:47 GMT), rreth 27 km (17 milje) në lindje të Jalalabadit – qyteti i pestë më i madh i vendit, në provincën lindore Nangarhar.

Ekskluzive: Ky është zyrtari i lartë i arrestuar për marrje rryshfeti

Gazeta Sinjali mëson ekskluzivisht identitetin e zyrtarit që sot është arrestuar në Komunën e Gjakovës, nën dyshimin për veprën penale “Marrje e ryshfetit”.

Burimet tona bëjnë të ditur se bëhet fjalë për Kelmend Vula, 61-vjeçar, zyrtar në zyrën për regjistrimin e bizneseve në ARBK – Komuna e Gjakovës.

Ai dyshohet se ka kërkuar dhe marrë para nga një qytetar, për të rregulluar dokumentacionin dhe plotësuar formularin e aplikimit për hapjen e biznesit.

Rasti u zbulua pas një hetimi të zhvilluar nga Njësia Rajonale për Hetimin e Krimeve Ekonomike dhe Korrupsionit (NJRHKEK) në Gjakovë, e cila me urdhër të Gjykatës Themelore aplikoi masën e fshehtë “dhënia dhe marrja e simuluar e ryshfetit”.

Mëngjesin e së hënës, rreth orës 09:30, gjatë kontrollit pranë zyrës së tij, tek i dyshuari u gjetën dhe sekuestruan paratë që paraprakisht i kishte marrë nga i dëmtuari E. H.

 

 

Vula është shoqëruar në stacion policor, ku në prani të avokatit mbrojtës ka zgjedhur të mbrohet në heshtje.

Me aktvendim të Prokurorit të Shtetit, atij i është caktuar masa e ndalimit prej 48 orësh.

“U godit nga vinçi në kokë” Vdes një 35-vjeçar në vendin e punës

Një 35-vjeçar ka humbur jetën sot në fshatin Mushtisht të Komunës së Suharekës, si pasojë e një aksidenti në vendin e punës. Viktima dyshohet se është goditur në kokë nga një vinç gjatë operimit me pajisjen në një kompani private.

Gazeta Imazhi raporton se bëhet fjal për të riun, Pajtim Osmani nga fshati Mushtisht

Lajmin e ka konfirmuar për Gazetën Imazhi zëdhënësi i Policisë për rajonin e Prizrenit, Shaqir Bytyqi.

“Sot, më 01.09.2025, rreth orës 14:30, stacioni policor në Suharekë është informuar nga Emergjenca se ka pranuar një person me lëndime të rënda. Menjëherë njësitë policore kanë dalë në vendin e ngjarjes dhe kanë kontaktuar ekipin mjekësor, i cili ka konstatuar se personi, P.O., rreth 35-vjeç, nga fshati Mushtisht, ka arritur pa shenja jete”, deklaroi Bytyqi.

Sipas informacioneve të para, viktima ishte duke operuar një vinç kur, në rrethana ende të paqarta, është goditur rëndë në kokë. Për shkak të plagëve të marra, ai nuk ka arritur të mbijetojë.

Lidhur me rastin janë njoftuar të gjitha njësitë kompetente, përfshirë Inspektoratin e Punës dhe Prokurorinë

Dimal Basha kërkon falje për punimin me emër të tij kundër UÇK-së: Për herë të parë e kam parë pas 13 vitesh, është dashur të jem më i kujdesshëm

Kryetari i Kuvendit, Dimal Basha, sërish është pyetur për punimin shkencor lidhur me UÇK-në.

Ai ka pranuar se ka qenë i pakujdesshëm. Pretendoi se për herë të parë e ka parë këtë artikull tek tash, pas 13 vitesh.

“Ju e dini që kam bërë deklaratë tanimë ku kam tregu që kjo ka ndodhur në vitin 2021 sa kam qenë student, autorja e ka pranu dhe ka leshu komunikatë që nuk mbaj përgjegjësi përveç kapitullin tre. Fusha ku unë kam studiuar, e mbuloj vetëm këtë fushë. Prej meje, sa për sqarim, më është kërkuar një kapitull, për fushën që ki hulumtime, dhe e kam dorëzuar, me bindjen që ka me u publiku veçantë. Bindja ka qenë që “Globalizimi dhe Ballkani Perëndimor”, dhe kam menduar se do të dalë një kapitull i veçantë. Por jo se do të del bashkëautorësi me dikë tjetër, kurrë nuk kisha pranu me qenë bashkëautor me një punim shkencor ku flitet ashtu për UÇK-në, unë prej vitit 2008 publikoj opinione, dhe kam qenë pjesë aktive e shoqërisë. Asnjëherë në asnjë moment nuk e kam ditur që do të publikohet si bashkëautorësi. Kurrë në jetë nuk e kam lexu artikullin, hera e parë në jetë këto ditë e kam pa që del edhe emri im në të njëjtin paper. Pajtohem që është dashur me qenë më i kujdesshëm, sikur ta kisha lexu kisha reagu menjëherë. Duhet me mbajt përgjegjësi, kam qenë student”, tha ai.

Basha tha se ka kërkuar të tërhiqet kapitulli i tij dhe emri i tij nga punimi.

VV’ja paralajmëron mbledhje që të votohet Kurti si mandatar: E çojmë emrin tek presidentja

Nënkryetarja e Kuvendit, Albulena Haxhiu, ka thënë se Lëvizja Vetëvendosje do ta mbajë mbledhjen e Këshillitt ë Përgjithshëm, ku do të votohet emri i mandatarit dhe do t’i dorëzohet presidentes.

“Ne kemi thënë edhe në seancën e fundit konstituive që ne do t’i shikojmë mundësitë që ta bëjmë ketë. Na duhet paraprakisht që ta kemi një mbledhje të Këshillit të Përgjithshëm ku e votojmë mandatarin dhe pastaj Arbërie Negavci si kryesuese ta dërgojë emrin e kryeministrit Kurti te presidentja Osmani dhe mandej presim që presidentja Osmani të punojë në këtë drejtim, pikërisht në emër të funksionimit demokratik të institucioneve të Republikës së Kosovës”, tha ai.

Ajo tha se këtë mbledhje do ta mbajnë “të jashtëzakonshme dhe shpejt për shkak të rrethanave në të cilat jemi”.

Gjithsesi, ish-partneri i tyre në qeverisje nga radhët e pakicave serbe, Nenad Rashiq, s’është pajtuar se është konstituuar Kuvendi i Kosovës. Kjo, meqë ka mbetur pa u zgjidhur çështja e nënkryetarit nga radhët e komunitetit serb.

Në një intervistë të drejtpërdrejtë në Kosova Live Rashiq tha pritur që kryetari i zgjedhur Dimal Basha do ta konstituojë Kuvendin e Kosovës.

“Nuk kam pritë – me çdo respekt ndaj kryetarit Basha, që do të konstatojë atë ditë Kuvendin, sepse sipas meje nuk është konstituuar dhe duhet të presim një vendim të Gjykatës Kushtetuese,” deklaroi Rashiq.

Nagavci: 80 euro mjaftojnë për librat e nxënësve

Ministrja në detyrë, Arbërie Nagavci, ka thënë se janë realizuar obligimet ligjore nga dikasteri që ajo drejton, për të nisur vitin e ri shkollor.

Ajo ka thënë se po vazhdon subvencionimi për tekstet shkollore, duke theksuar se është bërë pagesa për mbi 80 për qind e prindërve që kanë blerë librat për fëmijët e tyre.

“Unë kam parë disa reagime, më shumë të personave politikë. Ne i kemi raportet nga terreni, i kemi ndarë nga 80 euro për çka mjaftojnë për librat dhe fletoret e punës. Vlen të përmendet se edhe në vendet më të zhvilluara, tekstet bazë përdoren për vite radhazi”, ka thënë ajo.

Basha takon Presidenten pas “konstituimit” të Kuvendit: Diskutojnë për hapat drejt formimit të Qeverisë së re

Sot, kryetari i Kuvendit të Kosovës, Dimal Basha, ka zhvilluar një takim konsultativ dhe njoftues me presidenten e vendit, Vjosa Osmani.

Sipas një njoftimi nga ana e Kuvendit, takimi është mbajtur pas konstituimit të Kuvendit të Kosovës, ku kryetari Basha e ka informuar presidenten Osmani lidhur me përfundimin e seancës konstituive dhe bartësit institucionalë kanë diskutuar për hapat e nevojshëm që do të ndërmerren më tej.

“Kryetari Basha dhe Presidentja Osmani kanë biseduar për domosdoshmërinë që proceset kushtetuese dhe ligjore të ecin me dinamikën e paraparë kohore, në mënyrë që të mundësohet zgjedhja sa më e shpejtë e Qeverisë së re të vendit, si përgjegjësi e Kuvendit të Republikës së Kosovës”, thuhet tutje në njoftim.

Tutje, krerët institucionalë theksuan nevojën për funksionalitet të plotë institucional dhe stabilitet politik.

“Krerët e institucioneve e theksuan rëndësinë e funksionalitetit të institucioneve dhe të stabilitetit politik përballë sfidave të brendshme dhe atyre ndërkombëtare, duke nënvizuar se qytetarët e Republikës së Kosovës presin efikasitet dhe përgjegjësi nga udhëheqësit e tyre. Kryetari i Kuvendit, z. Dimal Basha, rikonfirmoi përkushtimin e tij që Kuvendi i Kosovës të ushtrojë rolin e vet të plotë kushtetues pas konstituimit, ndërsa Presidentja Osmani ritheksoi gatishmërinë për të bashkëpunuar ngushtë me të gjitha institucionet e vendit në të mirë të qytetarëve të Kosovës.”

E dhimbshme: Sot i jepet lamtumira 7-vjeçares që vdiq dje në aksidentin tragjik

Një aksident i rëndë trafiku ndodhi pasditen e së dielës në rrugën Komoran–Gllogoc, saktësisht në fshatin Zabel i Ulët, ku një veturë Audi e zezë ka dalë nga rruga duke shkaktuar pasoja tragjike.

Sipas burimeve të Gazetës Sinjali, automjeti ishte i drejtuar nga Marigona Limani, 30-vjeçare nga fshati Cerovik i Klinës, e cila ka mbetur e lënduar. Përveç saj, disa pasagjerë të tjerë kanë pësuar lëndime, ndërsa vajza e mitur 7-vjeçare humbi jetën si pasojë e aksidentit.

Sipas njoftimit mortor tashmë e ndjera do të varroset sot në varrezat e fshatit Caravik, në orën 18:00.

“Njoftim mortor:

Ka ndërruar jetë Tuana Limanaj (09.05.2018 – 31.08.2025), pas një aksidenti që ndodhi dje në Drenas.

Varrimi i të ndjerës bëhet sot (e hënë, 01.09.2025), në varrezat e fshatit Caravik, në orën 18:00.

Të pikëlluar,
Familja Limanaj”

MusIiu ‘godet’ Kurtin e Bashën: Rrisin fëmijët në Norvegji e Zvicër, shmangin shkoIIat dhe spitaIet e Kosovës

Deputetja e PDK-së, Ganimete Musliu ka reaguar ashpër ndaj udhëheqësve shtetëror, duke i akuzuar për hipokrizi dhe tradhti morale.

Ajo kritikoi faktin që Albin Kurti dhe Dimal Basha kanë zgjedhur të rrisin fëmijët e tyre jashtë Kosovës, ndërsa qytetarëve u kërkojnë qëndresë dhe besim në një sistem që vetë e shmangin.

Jetesa në Kosovë është bërë e papërballueshme.
Qytetari i zakonshëm nuk po përballon dot më as ushqimet bazë.
Bukë e qumësht, që dikur ishin simboli më i thjeshtë i jetesës, sot janë kthyer në luks për shumicën e familjeve.
Çmimet rriten çdo ditë, pagat stagnuese nuk mjaftojnë, ndërsa shërbimet publike, shkollat, spitalet, transporti, janë në gjendje të mjerueshme.
Të rinjtë po largohen çdo ditë nga vendi, ndërsa shteti hesht përballë problemeve të panumërta. E më e rëndë se varfëria, është përbuzja.
Përbuzja që vjen nga një kastë politike që nuk jeton jetën tonë, por ka guximin të na japë leksione për qëndresë, patriotizëm dhe sakrificë.
Sjellja e dy prej figurave më të larta të shtetit, Albin Kurtit dhe Dimal Bashës, flet më shumë se çdo fjalim me shumë se çdo analizë me shumëse çdo debat: ata kanë zgjedhur t’i rrisin fëmijët e tyre jashtë Kosovës, njëri në Norvegji, tjetri në Zvicër.
Pra, jo në arsimin publik që ata vetë menaxhojnë, jo në shëndetësinë që premtojnë se po e reformojnë, por në sistemet e vendeve të zhvilluara evropiane.
Jo në shtetin e bashkuar e te sigurt qe pretendojne se e kane bërë.
Jo “urave” te reja qe prezantojnë si mega sukses.
Kjo nuk është thjesht hipokrizi është një tradhti morale ndaj qytetarëve të Kosovës.
Si mund të predikojnë qëndrim në Kosovë kur vetë e ke zgjedhur ikjen për më të dashurit e tyre?
Si mund të flasin për besim në shtet, kur i shamgen gjithçkaje që përfaqëson vetë shteti që udhëheqin?
Kosova nuk mund të ecë përpara me një elitë politike që nuk i beson vendit të vet.
Nuk mund të kemi drejtësi, arsim e shëndetësi të mirë, nëse vetë udhëheqësit tanë i shmangin ato si të padenja për fëmijët e tyre.
Kjo është fyerje për çdo mësues, mjek, prind dhe qytetar që ende përpiqet ta mbajë këtë vend gjallë.
Ne duhet ta ngremë zërin jo vetëm për të kritikuar politikat e gabuara, por për të denoncuar moralin e rremë të këtij pushteti.
Ne nuk kemi problem me ata që zgjedhin të jetojnë jashtë; kemi problem me ata që udhëheqin brenda, por jetojnë jashtë mendërisht dhe moralisht.
Populli i Kosovës meriton udhëheqës që ecin me të, jo mbi të. Që besojnë në të ardhmen e vendit, njësoj siç kërkojnë nga qytetarët të besojnë”.

Vetura godet këmbësorin te “Rruga C” në Prishtinë

Një person është goditur nga vetura mëngjesin e sotëm në “Rrugën C” në Prishtinë.

Lajmin për Insajderin e ka konfirmuar zëdhënësi i policisë për kryeqytet, Enis Pllana.

Ai bëri të ditur se në aksident kanë qenë të përfshirë një veturë dhe një këmbësorë.

“Sot rreth orës 10:30 kemi pranuar informatën për një aksident trafiku me lëndime në rrugën “C” në Prishtinë. Në aksident janë përfshirë një veturë dhe një këmbësorë. Si pasojë lëndime ka pësuar një person, i cili ka pranuar tretman mjekësor. Me rastin po merret Njësia e Trafikut të Kryeqytetit”, tha ai.