Liburn Aliu jep dorëheqje shkaku i Dimal Bashës

Ministri i Mjedisit, Planifikimit Hapësinor dhe Infrastrukturës në detyrë, Liburn Aliu  ka dhënë dorëheqje nga detyra e tij një ditë pas zgjedhjes së kryetarit të Kuvendit të Kosovës.

Ai ka njoftuar se letrën e dorëheqjes ia ka dorëzuar kryeministrit Albin Kurti dhe se është bërë pikërisht për shkak të Dimal Bashës.

Ministri i dorëhequr theksoi se vendimi i tij është i lidhur drejtpërdrejt me procesin e zgjedhjes së kryeparlamentarit, duke vlerësuar se ai nuk pasqyron idealin e tij për Republikën.

“Është sikur me thanë ekziston një xhygym i çajit që sillet rreth një planeti” – Dimal Basha për ekzistencën e Zotit

“Është sikur me thënë se ekziston një xhygym çaji që sillet rreth një planeti”, ishte shprehur në të kaluarën deputeti i Vetëvendosjes, Dimal Basha, i cili tani është kryetar i Kuvendit të Kosovës.

Kjo deklaratë e Bashës kishte nxitur reagime të shumta, sidomos nga komuniteti myslimanë duke e cilësuar skandaloze e të pamatur deklaratën e tij.

Jo rrallë herë, deputeti i VV-së bëhej viral në të kaluarën për deklarata e tij edhe të çuditshme, ai ajo për nënat.

“Me bo koncerte verës, kur vinë diaspora. Mi livadh mi leshu nanat me lujt”, thoshte ai.

Dimal Basha u zgjodh kryetar i Kuvendit të Kosovës gjatë së martës, me 73 vota për.

Kurti dhe Murati dirixhonin nga distanca Dimal Bashën dje gjatë votimit për nënkryetarin serb

Kryeministri në detyrë dhe njëherësh deputet i Lëvizjes Vetëvendosje, Albin Kurti, së bashku me ministrin në detyrë të Financave, Hekuran Murati, janë parë të angazhuar gjatë seancës së djeshme të kuvendit për t’i dhënë instruksione kryetarit të ri të kuvendit, Dimal Basha.

Në një video të publikuar nga Indeksonline, Kurti dhe Murati shihen duke komunikuar drejtpërdrejt me Bashën, i cili sapo kishte marrë postin e kryetarit të kuvendit nga radhët e Vetëvendosjes.

Përplasjet ndodhën gjatë votimit për zgjedhjen e nënkryetarit të kuvendit nga radhët e komunitetit serb. Partia e Kurtit, Lëvizja Vetëvendosje dëshironte që në këtë pozitë të zgjidhej Nenad Rashiq, ndërsa Igor Simiq nga Lista Serbe insistoi tri herë radhazi që të propozohej Slavko Simiq.

Ky i fundit, megjithatë, nuk mori asnjë votë nga deputetët e partive shqiptare, duke e lënë kandidaturën e tij pa mbështetje të mjaftueshme.

Kuvendi i Kosovës ka njoftuar se të enjten do të mbahet një seancë e re, ku pritet të vazhdojë procesi i plotësimit të përbërjes së kryesisë së kuvendit, me përfaqësues nga komunitetet jo shumicë.

Dalin pamjet nga aksidenti i rëndë, ku humbi jetën një person

Një aksident i rëndë trafiku ka ndodhur pas mesnate në rrugën nacionale Prishtinë–Pejë, në fshatin Korroticë të Drenasit, ku një person ka humbur jetën.

Sipas Policisë së Kosovës, rasti ka ndodhur më 27 gusht rreth orës 02:10, kur një automjet ka humbur kontrollin gjatë lëvizjes dhe është rrokullisur në shiritin e majtë të rrugës. Si pasojë, shoferi ka mbetur i lënduar rëndë dhe është transportuar menjëherë nga ekipi emergjent në Qendrën e Mjekësisë Familjare në Komoran, por mjeku kujdestar ka konstatuar vdekjen e tij pak pas orës 03:00.

Në vendngjarje kanë dalë njësitë relevante policore, hetuesit dhe prokurori kujdestar, i cili ka urdhëruar që trupi i pajetë të dërgohet për obduksion. Hetimet mbi shkaqet e aksidentit janë duke vazhduar.

Zëdhënësi i Policisë së Kosovës, Daut Hoxha, tha se deri te aksidenti dyshohet se ka ardhur pasi shoferi ka humbur kontrollin mbi automjetin. Ai njëkohësisht bëri thirrje për kujdes të shtuar në trafik, duke rikujtuar se vetëm gjatë periudhës janar–korrik 2025, nga 59 persona që kanë humbur jetën në aksidente, 33 prej tyre kanë qenë shoferë.

“Policia e Kosovës u bën thirrje të gjithë pjesëmarrësve në trafik, veçanërisht drejtuesve të automjeteve, që të jenë vigjilentë gjatë vozitjes, me qëllim që të shmangen aksidentet rrugore që shpesh po rezultojnë me humbje jetësh. Për të gjithë ata që shkelin ligjet e rregullat e trafikut, do të ndërmerren masa ndëshkuese konform ligjeve në fuqi,” ka deklaruar Hoxha.

Kurti ende pa urim për Kryeparlamentarin e ri Dimal Bashën

Kryeministri në detyrë, njëherit kreu i Vetëvendosjes, Albin Kurti, ende nuk e ka uruar publikisht bashkëpartiakun Dimal Bashën për zgjedhjen e tij si Kryetar i Kuvendit. As në Facebook, e as “x”, Kurti ende nuk ka ndonjë postim rreth zgjedhjes së Bashës.

Për dallim prej tij, Presidentja Vjosa Osmani ka dalë me një deklaratë dje, ku i ka uruar suksese në detyrën e re.

“Presidentja mirëpret që procesi i konstituimit të Kuvendit ka filluar të zhbllokohet dhe shpreson që ky proces të përmbyllet sa më parë, në përputhje me kushtetutën. Ajo i uron punë të mbarë e në interes të vendit kryetarit të ri Dimal Basha dhe nënkryetarëve të zgjedhur të Kuvendit, znj.Albulena Haxhiu, Znj.Vlora Çitaku, z.Kujtim Shala dhe znj.Emilija Redžepi”, është thënë në deklaratën e lëshuar nga Presidenca.

Basha u zgjodh Kryeparlamentar me votat e PDK’së. Pro tij votuan 73 deputetë, 30 kundër dhe 8 abstenuan.

Kurti edhe gjatë seancës mezi duartrokiti për zgjedhjen e Bashës.

Paralajmërimi i Mendim Rugovës: Ja çfarë dimri na pret këtë vit

Meteorologu Mendim Rugova ka deklaruar se këtë dimër mund të ketë më pak reshje dëbore.

Ai ka thënë se reshjet e shiut në vjeshtë do të jenë më të shpeshta gjatë muajit nëntor.

“Për dimër mund të them se parashihet të ketë më pak reshje dëbore, të paktën sipas modeleve të fundit që lidhen me reshjet e borës. Në përgjithësi, edhe vjeshta mund të jetë pak e thatë, së paku po flas për vjeshtën meteorologjike që fillon më 1 shtator. Sa i përket muajit tetor, mund të ketë edhe më pak reshje, ndërsa prej nëntorit presim më shumë reshje”, tha Rugova.

Hasani: Kurti e pranoi autonominë serbe

Ish-kryetari i Gjykatës Kushtetuese, Enver Hasani, ka thënë se arsyeja kryesore pse Albin Kurti nuk dëshiron konstituimin e institucioneve është lidhet drejtpërdrejt me Marrëveshjen e Brukselit dhe Aneksin e Ohrit.

Hasani ka thënë se Kurti ka pranuar krijimin e autonomisë politiko-territoriale serbe.

Ai ka thënë se për bllokadën e Kuvendit dëshiron ta ndajë fajin me opozitën.

Tutje Hasani ka thënë se çështja e themelimit të autonomisë serbe është arsyeja kryesore pse perëndimorët pse aleatët dhe miqtë e Kosovës nuk ndërhyjnë fare në procesin e formimit të institucioneve.

Më poshtë përgjigja e tij për Nacionalen:

Arsyeja kryesore pse zoti Kurti nuk dëshiron konstituimin e institucioneve – ose më saktë, dëshiron ta bëjë atë duke ndarë fajin me opozitën – lidhet drejtpërdrejt me Marrëveshjen e Brukselit dhe Aneksin e Ohrit. Siç dihet, zoti Kurti ka pranuar krijimin e autonomisë politiko-territoriale serbe, e cila në kuptimin juridiko-teknik, në këto marrëveshje të vitit 2023 të aprovuara prej tij, quhet vetëmenaxhim. Ky është një term profesional i përdorur në kulturën perëndimore si emërues i përbashkët për të gjitha llojet e autonomive.

Përveç këtyre marrëveshjeve, ai ka pranuar edhe draft-Statutin e Bashkimit Evropian, i cili pritet të kalojë në Gjykatën Kushtetuese menjëherë pas formimit të qeverisë së re.

Marrëveshjet e Brukselit dhe të Ohrit, së bashku me draft-Statutin evropian, përbëjnë thelbin e kushtetutës materiale të cilën e ka ndërtuar vetë zoti Kurti – dhe këtë ai e di. Në kohën kur i ka pranuar, nuk ka qenë i vetëdijshëm për përmasat e tyre, por më pas e ka kuptuar. Këto zotime, në dëm të Kosovës, do të duhet t’i zbatojë pa përjashtim qeveria e ardhshme, kushdo që të jetë në pushtet.

Prandaj, zoti Kurti, me sjellje që sabotojnë formimin e institucioneve të reja qendrore, po përpiqet të ndajë përgjegjësinë me opozitën, që faji të mos mbetet vetëm mbi të. Por kjo rezistencë ka kufij dhe një ditë do të thyhet, sepse nuk ka rrugë tjetër. Atëherë Kosova nuk do të diskutojë më nëse do të zbatohet autonomia, por vetëm për shpejtësinë e zbatimit të saj.

Shembull është rasti i Këshillit të Evropës: ne e humbëm shansin, megjithëse zbatuam vendimin për kthimin e tokave të Manastirit të Deçanit, por e bëmë shumë vonë. Njëjtë do të ndodhë edhe me marrëveshjet e Brukselit dhe Aneksin e Ohrit për autonominë serbe në Kosovë. Çdo rezistencë, çdo përjashtim i serbëve nga institucionet dhe çdo mosintegrim i tyre në mënyrë diskriminuese vetëm sa përshpejton dhe legjitimon themelimin e autonomisë.

Çështja e themelimit të autonomisë serbe, sipas zotimeve që ka marrë zoti Kurti në Bruksel dhe Ohër më 2023, është arsyeja kryesore pse perëndimorët – aleatët dhe miqtë e Kosovës – nuk ndërhyjnë fare në procesin e formimit të institucioneve, siç bënin dikur. Atyre u intereson vetëm dërgimi i draft-Statutit të Bashkimit Evropian në Gjykatën Kushtetuese dhe më pas zbatimi i autonomisë serbe. Për ta nuk ka rëndësi kush është në pushtet, sepse e dinë që kushdo që të vijë në qeveri do të detyrohet ta zbatojë këtë zotim ndërkombëtar të Kosovës. Këtu e ka hallin Albin Kurti – askund tjetër.

Olluri: Kusari e Vetëvendosja e votojnë me loçkë të zemrës Slavko Simiqin për nënkryetar

Gazetari Parim Olluri ka thënë se Mimoza Kusari, shefja e Grupit Parlamentar të Lëvizjes Vetëvendosje, dhe partia që përfaqëson do ta votonin “me loçkë të zemrës” për nënkryetar Slavko Simiqin e Listës Serbe.

Olluri në emisionin ‘Pressing’ në T7 teksa po diskutohej për çështjen e nënkryetarit nga ana e pakicës serbe, e vlerësoi si folklorizëm propozimin e Nenad Rashiqit.

“Mimoza Kusari s’po e çon dorën me e votu Slavko Simiqin. Kush po e beson këtë rrenë. Po dojnë me na thanë që Mimoza Kusari nuk e voton slavkon, ajo e voton me loçkë të zemrës, edhe Slavkon edhe Radoiçiqin, komplet Vetëvendosje. Nuk guxon me marrë atë vendim, me shpallë organizatë terroriste. Hajde e bllokojmë na procesin, na met neve që jem patriota se na nuk po e çojmë dorën për Slavko Simiqin, del Gjykata Kushtetuese me një interpretim dhe ne thomë “ja qe u detyruam”, deklaroi Olluri.

LAJMI I FUNDIT/ Trazirat në Zvicër, kjo është arsyeja

Lozana e Zvicrës është shndërruar në një fushë betejë me dhunën që u përshkallëzua përsëri gjatë të martës.

Rreth 200 të rinj u trazuan për të dytën ditë radhazi dhe sulmuan policinë. U hodhën gurë, bomba zjarri dhe fishekzjarrë. Kontejnerë dhe kazanë mbeturinash u dogjën. Një autobus i transportit publik u dëmtua gjithashtu, raporton Bild.

Bëhet e ditur se lidhur me incidentin, policia ka angazhuar 140 oficerë, me shtatë persona që u arrestuan.

Arsyeja e trazirave? Vdekja e një adoleshenti.

Sipas ” Blick “, viktima ishte 17-vjeçari Marvin M. Ai po ngiste me shpejtësi të tepërt nëpër një zonë prej 30 km/orë të dielën. Sipas policisë, skuteri ishte raportuar i vjedhur të shtunën. Kur një patrullë u përpoq ta ndalonte, ai përshpejtoi, duke rezultuar në një aksident. Marvin M. u plagos rëndë dhe vdiq pak më vonë.

Trazirat dhe sulmet ndaj policisë shpërthyen që në natën e së dielës kundër të hënës. Zemërimi ndaj autoriteteve u nxit edhe nga një incident tjetër: Në qershor, një vajzë 14-vjeçare vdiq pas një aksidenti me motoçikletë – gjithashtu ndërsa po i ikte policisë. “Ne duam të dimë të vërtetën rreth aksidenteve”, tha një adoleshente për SRF. /Klankosova.tv

Zbardhet dëshmia e plotë e burrit që vrau gruan: I kërkoj falje 4 fëmijëve

Zbardhet dëshmia e plotë e 40-vjeçarit Pandeli Nakoleci në Gjykatën e Volosit në Greqi ditën e sotme, gjatë masës së sigurisë ku u la në “arrest me burg”, për vrasjen e bashkëshortes së tij, Marjola, 36 vjeçe, nënë e 4 fëmijëve.

Media greke dhe avokati i familjarëve të viktimës e kanë quajtur një “vrasje të dytë të Mariolës” deklaratën e të dyshuarit, që u përpoq të kërkonte ndjesë dhe të pretendonte se kishte tentuar vetëvrasjen pas ngjarjes në qeli i shkatërruar.

Për gjysmë ore me radhë ka zgjatur fjala e Nakolecit, teksa media greke e zbardh të plotë atë që ai tha në sallën e gjyqit, ku shprehu pendesë dhe kërkoi falje, duke thënë se “do donte ta kthente kohën pas”. Shqiptari i qëndroi alibisë së tërbimit të tij kur mësoi se fetusi që kishte mbajtur gruaja nuk ishte i ngjizur prej tij dhe se ajo e tradhtonte, njofton euronews.al.

Dëshmia e plotë e 40-vjeçarit Nakoleci në Gjykatën e Volosit:

“Unë dhe gruaja ime patëm një jetë familjare perfekte, të qetë, paqësore, normale për më shumë se 20 vjet, pasi kishim 4 fëmijë, të cilët i rritëm së bashku. Kishim një marrëdhënie të shkëlqyer emocionale dhe jetë dashurore si çift, pa u shqetësuar për asnjë arsye, me përkushtim dhe dashuri.

Unë punoj ditë e natë si bukëpjekës dhe njëkohësisht si ndërtues, me qëllim që të siguroj të ardhurat e nevojshme për të mbuluar plotësisht jetesën dhe nevojat financiare të familjes sonë prej gjashtë anëtarësh, në mënyrë që fëmijëve tanë të mos u mungojë asgjë, ndërsa gruaja ime ishte e përfshirë në rritjen e tyre, duke punuar herë pas here ose sezonalisht.

Jeta jonë martesore u trondit veçanërisht pas Pashkëve të vitit 2025, kur mësova dhe zbulova se ajo mbante një marrëdhënie romantike paralele me një burrë tjetër me të cilin kishte komunikim pothuajse të përditshëm dhe shkëmbim të shpeshtë mesazhesh erotike, dhe dyshoj se ajo takohej dhe kryente marrëdhënie seksuale me të, siç rrëfeu ajo pas kujtimeve para meje.

 

 

Ky zhvillim negativ më bezdisi, më zemëroi dhe më çmendi mëngjesin e 22/8/2025 kur, lidhur me këtë çështje, lidhur me vendimin e saj për të prishur marrëdhënien tonë, familjen e saj që e krijuam me shumë mund në kombinim me zbulimin se fetusi me të cilin ishte shtatzënë pak kohë më parë dhe e humbi, nuk ishte i imi, një njoftim që ajo bëri me një ton shumë ofendues dhe ironik, një deklaratë që më preku brutalisht si burrë, duke rezultuar në mua të çmendem, në një gjendje vullkanesh mendore të vluar dhe me çrregullim serioz të funksioneve të mia mendore, për të kapur një objekt të mprehtë me majë, një thikë që e përdorëm për të pjekur mish në ballkon pa e planifikuar, i paramenduar me qëllim vrasës për t’u armatosur dhe për ta sulmuar me zemërim, me turbullirë mendore dhe për t’i shkaktuar goditje në gjoks dhe qafë pa e kuptuar se ajo ishte fatale dhe kështu do t’i merrja jetën, gjë që nuk e kërkova në asnjë rrethanë. Nuk kisha një qëllim të tillë kriminal, nuk doja ta “trembja” sepse ajo më nënvlerësoi në mënyrën më të përbuzshme.

Jam penduar sinqerisht për aktin tim të shëmtuar, dua t’u kërkoj falje në radhë të parë 4 fëmijëve të mi, të afërmve të saj, shoqërisë për tragjedinë që shkaktova pa dashje, pavarësisht nëse u provokova brutalisht dhe u ndjeva thellësisht i ofenduar.

Do të doja ta ktheja kohën pas, nëse gruaja ime do të ishte gjallë, nëse do të isha në vendin e saj, jam fjalë për fjalë i shkatërruar, i tronditur dhe i shkatërruar mendërisht, i dëshpëruar dhe pardje mendova në qendrën e paraburgimit t’i jepja fund jetës sime me dhunë.

Ndihem keqardhje dhe fajtor për humbjen e parakohshme, vrasjen e gruas sime, e dënoj veten që nuk zgjodha rrugën e arsyes dhe vetëpërmbajtjes në kërkim të zgjidhjes së martesës sonë, të cilën e ndjera nuk e respektoi, në mënyrë që debati intensiv, grindja e 22/8/2025 të mos përshkallëzohej, devijoj dhe arrij në krim.

Mohoj kategorikisht se kam qenë i dhunshëm me të, se kam përdorur dhunë fizike ndaj saj ose e kam detyruar me forcë ose kërcënim të kryejë marrëdhënie seksuale pa vullnetin e saj, nuk korrespondon me realitetin dhe është një pretendim i rremë, përndryshe ajo do të më kishte denoncuar për çdo incident të dhunës në familje.

Kërkoj kryerjen e menjëhershme të një ekzaminimi psikiatrik, me qëllim përcaktimin nëse vuaj nga ndonjë sëmundje mendore, duke qenë se isha shtruar në spital në një strukturë psikiatrike nga e cila u lirova së fundmi pas një shtrimi tre-ditor të pavullnetshëm pas një tentative vetëvrasjeje dhe më ishin dhënë ilaçe që ende i marr, më diagnostikuan me një çrregullim ankthi dhe konfuzion që u shfaq së fundmi dhe u përkeqësua, me qëllim përcaktimin nëse jam i justifikuar të marr një imputim të reduktuar”.