Shala i ashpër: Vetëvendosje më terroriste se Lista Serbe, e gjuajti Kuvendin me zollë

Historiani Asdren Shala ka akuzuar Lëvizjen Vetëvendosje duke e cilësuar atë si më të rrezikshme sesa Lista Serbe.

Shala në tone të ashpra në Kosova Today, u shpreh ndër tjera se Vetëvendosje ka bërë krim duke hedhur zollë në Kuvendin e Kosovës, dhe se kjo organizatë ka shkelur rëndë Kushtetutën e Kosovës.

”Vetëvendosje është më terroriste se Lista Serbe”.

”A e dini këtë? Po-po. Është më terroriste. E ka gjuajt me zollë kuvendin midis Prishtinës. A e shpallim tash krejt VV-në terroriste? Janë do individë që e kanë bo”.

”Kur e kanë arrestu Albin Kurtin, aty është gjetë armatim potencial enorm për krime. E kjo organizatë është në pushtet sot”.

”Antikushtetues m’thonë. Kush e ka shkelë në këtë vend më shumë se VV-ja kushtetutën? Asnjë parti, as Lista Serbe”.

”Vetëvendosja e ka gjujt me zollë kuvendin. Ma e rrezikshme është Vetëvendosja”.

Shala: Me Listën Serbe bashkëpunon Vetëvendosja

Lëvizja Vetëvendosje është ajo që bashkëpunon me Listën Serbe.

Kështu ka deklaruar në emisionin “Kosova Today” në Klan Kosova, analisti Azdren Shala.

“Me Listën Serbe bashkëpunon Vetëvendosja. A ju kujtohet kur ndodhën barrikadat në veri? Atëherë, për ta menaxhuar situatën, shkuan në Bruksel për të arritur marrëveshje për deeskalim”.

“Besnik Bislimi me Petkoviqin bien dakord, këta protestues janë paqësor, dhe mjetet që janë përdor kanë qenë paqësore”,  tha Shala, transmenton Klankosova.tv.

Ky është biznesmeni që dyshohet se i dha fund jetës në Korishë të Prizrenit

Fatmir Rexhaj është biznesmeni që i dha fund jetës në Malet e Kabashit, afër Korishës në Prizren.

Rexhaj ishte biznesmen i njohur ndër vite me kompaninë e tij për Auto Pjesë në Prizren.

Viktima i ka dhënë fund jetës në malet e Korishës duke u vetvarur në një vilë të tij në zonë malore.

Ai u gjet pa shenja jete nga familjarët e tij pasi fillimisht iu kishte thënë se po shkonte në firmën e tij./

E dhimbshme: Ky është 31-vjeçari që u godit nga lisi në një fshatë të Prishtinës, humbi jetën rrugës për në spital

Një ngjarje e rëndë ka ndodhur sot pasdite në fshatin Hajkobillë të Prishtinës, ku një i ri ka humbur jetën pasi është goditur nga një pemë (lis).

Burimet e Sinjalit bëjnë të ditur se rreth orës 16:46 është pranuar informacion nga Policia për një person që kishte mbetur i lënduar rëndë pasi një lis ishte rrëzuar mbi të në vendin e njohur si “Kodra e Hajkobillës”.

Menjëherë është njoftuar emergjenca dhe njësitë policore, ndërkohë që disa qytetarë po e shoqëronin të lënduarin drejt spitalit. Fatkeqësisht, gjatë rrugës në fshatin Dabishevc, ai nuk arriti t’i mbijetojë plagëve.

Viktima është identifikuar si Lirim Gashi, rreth 31-vjeçar.

Për rastin janë njoftuar njësitë e hetimeve të Policisë si dhe Instituti i Mjekësisë Ligjore, të cilët do të kryejnë veprimet e mëtejme.

E dhimbshme: Këto janë dy motrat që humbën jetën nga aksidenti i rëndë në Shqipëri

Dy jetë të reja u shuan në një aksident fatal mbrëmjen e djeshme, ndërsa një tjetër vajzë mbeti e plagosur.

Ky është bilanci i rëndë i një aksidenti që iu mori jetën dy motrave nga fshati Kopaçëz i Delvinës mbrëmjen e të dielës.

Siç raporton Topchannel, Ela Dhimaku 22 vjeçe ishte drejtuesja e mjetit tip Lancia që u përplas me një automjet tip ‘Audi’ të drejtuar nga 23-vjeçari Kevi Norra, ndërsa motra e saj Rezi Dhimaku 20 vjeçe ishte pasagjere.

Në mjet bashkë me dy motrat që morën plagë fatale nga përplasja udhëtonte edhe një vajzë tjetër, Antonela Zhupa 24 vjeçe rezulton e plagosur dhe është transportuar me urgjencë drejt Tiranës.

Aksidenti i rëndë u regjistrua rreth orës 20:15 të mbrëmjes në vendin e quajtur “Pularia”.

Në vendin e aksidentit shkuan forca të shumta policie, ambulanca dhe zjarrfikëse, të cilat kanë ndërhyrë për nxjerrjen e trupave dhe për ndihmën e të plagosurit.

Rrethanat e aksidentit mbeten ende të paqarta.

Ndërron jetë zyrtarja policore, në moshën 59 vjeçare

Ka ndërruar jetë pjesëtarja e policisë së Kosovës, Hasime Muqolli.

59- vjeçarja ka ndërruar jetë pas një sëmundje të shkurtër.

Varrimi it ë ndjerës bëhet sot, në varrezat e fshatit Katund i ri- Pejë.

Ymeri thotë se Shqipe Selimi kishte të drejtë që votoi kundër Donika Gërvallës

Analisti politik, Visar Ymeri ka komentuar votën e deputetes Shqipe Selimi, kundër zgjedhjes së Donika Gërvallës kryeparlamentare.

Ymeri në “VV Show” u shpreh se, reagimi i Selimit ka qenë i duhur, edhe pse sipas tij erdhi vonë dhe jo aq sa do të duhej.

“Unë mendoj që reagimi i Shqipës ka qenë i duhuri edhe pse për mendimin tim jo sa u dasht dhe pak vonë, unë mendoj që Shqipja ka pas plotësisht të drejtë dhe legjitimitet të plotë me votu kundër Donika Gërvallës”, tha Ymeri.

Ai shtoi se Selimi nuk është dashur ta pranojë me qetësi Gërvallën as si ministre të Punëve të Jashtme.

“Nuk mendoj që Shqipja është dasht madje as me kaq qetësi me pranu Donika Gërvallën si ministre të Punëve të Jashtme, Donika Gërvalla ka të drejtë me ndryshu mendimin e vet, por nuk kam pa distancim nga këto deklarata të Donika Gërvallës”, u shpreh ai.

Duke folur për qëndrimet e Gërvallës, Ymeri tha se ajo ka ndryshuar perceptimin ndaj Rexhep Selimit.

“Donika Gërvalla mendon që ish-kryetari i grupit parlamentar të Lëvizjes Vetëvendosje, Rexhep Selimi ka qenë deputet i Lëvizjes Vetëvendosje deri sa ka shku në Hagë, tash Donika Gërvalla mendon për këtë deputet që vjen nga bota e krimit”, deklaroi Ymeri.

Tahiri: Jemi deputetë të PDK-së, jo të Kurtit – nuk votojmë sa herë i teket atij

Deputeti i Partisë Demokratike të Kosovës, Abelard Tahiri, ka folur për ngjarjen që ndodhi në seancën e sotme të Kuvendit të Kosovës, e cila u ndërpre pas kërkesës së këtij subjekti për një pauzë 10-minutëshe.

Në emisionin “Info Magazine” në Klan Kosova, ai ka pohuar se ishin të bindur se pauza do t’u jepej, por ajo nuk iu mundësua, njofton Klankosova.tv.

“Për çudi, një gjë e tillë nuk na u mundësua dhe u abstenua. Kemi qenë të bindur se do të na jepej një pauzë prej dhjetë minutash. Fatkeqësisht, siç e patë, një gjë e tillë u pamundësua dhe, në mënyrë arbitrare, u përfundua seanca. Unë mendoj se sot kryetari i Kuvendit ka mundur të ishte çështje e përfunduar, pra të ishte i zgjedhur.”

“Dhjetëminutëshin e kam kërkuar aty për aty, pra para se të vinte në votim kandidati i fundit që u propozua nga Lëvizja Vetëvendosje. Me kërkesë të grupit tonë parlamentar, kërkuam një pauzë dhjetëminutëshe për një konsultë – t’i ftonim të gjitha grupet parlamentare për një propozim që e kishim. Normalisht, ajo do të mund të ishte një çështje e përfunduar edhe për nënkryetarët”, ka thënë Tahiri.

Tahiri ka theksuar se Partia Demokratike e Kosovës vazhdimisht ka ofruar bashkëpunim për të zgjidhur çështjen e ngërçit në Kuvendin e Kosovës, por sipas tij, ata nuk janë deputetë të kryetarit të LVV-së që të drejtohen nga ai sa herë që ai dëshiron për të votuar.

“Ne nuk jemi deputetë të udhëhequr nga Albin Kurti, ne jemi deputetët të Grupit Parlamentare të Partisë Demokratike të Kosovës dhe si tillë dhe normalisht nuk jemi të gatshëm aty të votojmë sa herë do Zotëri Kurti, apo sa herë të tjerëve iu teket të për diçka të tillë. Ne normalisht që e kemi ofruar edhe konsensusin edhe bashkëpunimin tonë pa u kërkuar fare vetëm që të dalim nga ky ngërç, por kur janë kaq të papërgjegjshëm dhe kur nuk e kanë vullnetin”.

“Ju e dini se si PDK-ja i është përgjigjur të gjitha kërkesave të tyre – qoftë kur takimi është ftuar nga z. Kurti, qoftë nga kryesuesi i seancës. Pra, kemi qenë jashtëzakonisht të përgjegjshëm. Sot, po ashtu, kemi qenë të bindur se do të merrnim një pauzë prej 10 minutash dhe do të diskutonim për çfarë kishim ne. Pastaj do të ktheheshim për të votuar dhe besoj se ajo do të ishte çështje e përfunduar”, ka thënë Tahiri.

Ukraina etiketon kosovarët si “terroristë” dhe i kthen nga kufiri

Kryetari i AKR-së, Behgjet Pacolli ka bërë të ditur sot se disa qytetarë të Kosovës janë ndaluar në kufirin mes Moldavisë dhe Ukrainës, ku sipas tij, janë trajtuar në mënyrë fyese dhe poshtëruese nga autoritetet ukrainase.

Pacolli tha se shtetasit kosovarë jo vetëm që u refuzuan të hyjnë në Ukrainë, por edhe u ofenduan e u maltretuan, duke i quajtur “terroristë”.

Ai kujtoi se ky nuk është rasti i parë, duke përmendur edhe skandalin e disa viteve më parë kur kombëtarja e Kosovës në futboll u detyrua të zhvillonte ndeshjen në Gjeorgji, pasi Ukraina nuk lejonte hyrjen e ekipit në territorin e saj.

“Ka dhjetëra shtete që ende nuk e kanë njohur Kosovën, por pothuajse të gjitha u lejojnë qytetarëve tanë hyrjen me pasaportë kosovare. Sot, Ukraina i ktheu qytetarët e Kosovës në kufi, duke i fyer e poshtëruar. Ne vazhdojmë të tregojmë solidaritet për ta, ndërkohë që ata nuk respektojnë as dinjitetin tonë minimal”, theksoi ai.

“Ka dhjetëra shtete që ende nuk e kanë njohur Kosovën, por pothuajse të gjitha u lejojnë qytetarëve tanë hyrjen me pasaportë kosovare. Sot, Ukraina ka kthyer shtetasit e Kosovës në pikën kufitare me Moldavinë – jo vetëm që i ka refuzuar, por i ka ofenduar dhe maltretuar, madje duke i quajtur “terroristë”. Ky nuk është rasti i parë: para disa vitesh, e njëjta Ukrainë veproi në mënyrë skandaloze me ekipin tonë kombëtar të futbollit, të cilët u detyruan të udhëtonin në Gjeorgji për të zhvilluar ndeshjen”.

Sipas Pacollit, ky trajtim nxit nevojën që Kosova të rishqyrtojë qëndrimet e saj ndaj vendeve që nuk e respektojnë, raporton Paparaci.

“Ne këtu në Kosovë vazhdojmë të tregojmë solidaritet dhe dhimbje për ta – ndërkohë që ata na poshtërojnë. A nuk është koha të rishqyrtojmë qëndrimet tona ndaj atyre që nuk na respektojnë as dinjitetin më minimal?”, thotë ai.

Mujeci i Vetëvendosjes i kapur në Shqipëri me 11 mijë doza ekstazi, lirohet me kusht nga burgu

Ish-asamblisti i Lëvizjes Vetëvendosje në Prishtinë, Besnik Mujeci, i cili u arrestua para dy vitesh në Shqipëri pasi u kap me 11 mijë doza ekstazi me vlerë rreth 400 mijë euro, është liruar me kusht nga Gjykata shqiptare.

Sipas raportimit të “Koha.net”, Gjykata ka vendosur që Mujeci të lirohet në një periudhë prove prej katër vjetësh.

“Lënien në fuqi të vendimit Nr.3114, datë 26.12.2024 të Gjykatës së Shkallës së Parë të Juridiksionit të Përgjithshëm Tiranë, me këtë ndryshim: Bazuar në nenin 59 të Kodit Penal, pezullimin e ekzekutimit të dënimit me burgim dhe vënien në provë të të pandehurit Mithat Ramadani, për një periudhë prej 4 (katër) vjet. – Bazuar në nenin 59 të Kodit Penal, pezullimin e ekzekutimit të dënimit me burgim dhe vënien në provë të të pandehurit Besnik Mujeci, për një periudhë prej 4 (katër) vjet. – Urdhërohen të pandehurit të mbajnë kontakte me shërbimin e provës. – Urdhërohet lirimi i menjëhershëm i të pandehurve Mithat Ramadani dhe Besnik Mujeci, nëse nuk mbahen për shkaqe të tjera të ligjshme”, thuhet në vendim.