Serbia në prag të luftës civile, protestuesit thyejnë zyrat e partisë së Vuçiqit [VIDEO]

Serbët janë tubuar gjithandej Serbisë të enjten për të protestuar për incidentet e shumta që ndodhën dy ditët e fundit atje. Qytetarët protestues janë sulmuar nga mbështetësit e Partisë Përparimtare Serbe, policët janë përplasur me qytetarët e Policia nuk ka reaguar ndaj sulmeve të mbështetësve ndaj qytetarëve.

Deutsche Welle të enjten ka shkruar në një analizë për situatën në Serbi se regjimi i Aleksandër Vuçiqit po përpiqet t’i shtyjë qytetarët e Serbisë drejt një lufte civile me provokime dhe përdorimin e njësive paraushtarake.

Protestuesit në Novi Sad kanë thyer zyrat e Partisë Përparimtare Serbe, si dhe i kanë ngjyrosur muret e jashtme.

VIDEO:

Prokuroria kërkon që Thaçit t’i ndalohen vizitat nga 14 persona, përfshirë 3 vëllezërit

Për mbi 1 vit e gjysmë, Hashim Thaçi është nën regjim vizitash në paraburgim.

Kufizimi i takimeve me familjen e ngushtë, apo lejimi i vetëm 5 takime në muaj me miq e të afërm tjerë, nuk po i mjafton Prokurorisë. Madje as përgjimi 24/7 me përkthyes shqiptar.

Zyra e Prokurorit të Specializuar ka kërkuar që ish presidentit t’i ndalohen krejtësisht vizitat me tre vëllezërit, Gani, Nazmi dhe Blerim Thaçi.

Këta janë përfshirë në një listë me 14 emra që po synohen t’i zhduken përkohësisht nga jeta e Thaçit, deri në përfundim të gjykimeve, edhe për krime lufte edhe për pengim të drejtësisë.

“Edhe pse janë vendosur masa të caktuara për ta minimizuar rrezikun e pengimit, ZPS ka mësuar përmes burimeve publike se disa vizitorë që përbëjnë shqetësim, vazhdojnë ta vizitojnë Thaçin në Qendrën e Paraburgimit. Për të qenë të sigurt, rreziku që Thaçi të përcjellë mesazhe të palejuara dhe udhëzime gjatë vizitave jo të privilegjuara nuk mund të eliminohet kurrë krejtësisht, as në Qendrën e Paraburgimit. Kjo është vërtetuar përmes shfaqjes së Hashim Thaçit në një thirrje me video te një i akuzuar tjetër, në shkurt 2025” – thuhet në kërkesën e ZPS që e ka parë Klan Kosova.

Fakti që prokurorisë i ka rënë në mend tek tash për videolidhjen ku Thaçi shihet me Haxhi Shalën, dhe nuk ka kërkuar më herët masa, sipas mbrojtjes, është krejt e paarsyeshme.

Avokatja Sophie Menegon, nuk ka gjetur në kërkesën e prokurorisë asnjë fakt të ri apo shkelje të klientit të saj ndryshe nga masat e vendosura në nëntor 2023. E veçon faktin se vetëm 5 nga 14 emrat e listës, përfshirë vëllezërit, e kanë vizituar Thaçin pas vendosjes së këtyre masave.
Njëri nga dy tjerët, në Sheveningen diskuton gjëra të përgjithshme.

“[E redaktuar] është mik i familjes. Ai e ka vizituar Z. Thaçi pas nëntorit 2023. Meqë Z. Thaçi lejohet t’i ketë vetëm 5 vizita jo të privilegjuara në muaj, takimet me miq të ngushtë si [E redaktuar] ia mundësojnë atij mbështetjen dhe përditësimin me situatën politike dhe ekonomike në Kosovë.”

Emri i pestë ndërkaq që ka zhvilluar vizita në Qendrën e Paraburgimit që kur është në fuqi regjimi, është anëtar i ekipit mbrojtës.

“[E redaktuar] është konsulent në ekipin mbrojtës të Z. Thaçi në rastin për krime lufte. Në këtë cilësi, ai është i autorizuar që të shkëmbejë informacione konfidenciale me Z. Thaçi. Që nga nëntori 2023, ai e ka vizituar Z. Thaçi si pjesë e vizitave të privilegjuara të Mbrojtjes dhe nuk ka zhvilluar asnjë vizitë jo të priviliegjuar. Pra nuk ka asnjë bazë që të vendosen kufizime tjera në vizitat e tij.”, transmeton Klankosova.tv

Gjyqtarja e procedurës paraprake, po e konfirmon këtë individ, për të cilin ka kërkuar të dhëna shtesë nga Mbrojtja, para se të merr vendim për kërkesën e ZPS me 14 emra.

Në listë janë edhe Artan Behrami e Vllaznim Kryeziu që përmenden në aktakuzën e dytë të Hashim Thaçit për tentim-pengimi të drejtësisë.

Vdes togerja e Policisë në Ferizaj, Suzana Krasniqi

Ka vdekur Suzana Krasniqi, zyrtarja policore në rajonin e Ferizajt, e cila vuante nga një sëmundje e rëndë, kancer në mushkëri.

Njoftimin për vdekjen e saj e bëri të ditur qytetari Agon Zhinipotoku me anë të një postimi në Facebook.

“Zoti të mëshiroftë me Xhennet Suzi. Faleminderit të gjithëve që kontribuuat që nga dje për togeren tonë Suzana Krasniqi”.

“Ajo sot ia dorëzoi shpirtin Zotit duke na lënë gjithmonë të pikëlluar, e gjithmonë krenar që ishte aq njerëzore, familjare e përkushtuar dhe e dashur nga të gjithë”, ka shkruar Zhinipotoku në Facebook.

E rëndë në Maliq, vritet me thikë një 14-vjeçar

Pasditen e sotme në fshatin Pirg, në ambientet e një lokali, ka ndodhur një konflikt dyshohet me mjet prerës (thikë) mes dy 14-vjeçarëve.

Si pasojë e plagëve të marra shtetasi E. Xh., 14-vjeç, ka ndërruar jetë në spital.

14-vjeçari tjetër autori i dyshuar i ngjarjes është shoqëruar në spital, për të marrë mjekim, dhe është nën mbikëqyrjen e policisë në Maliq.

Grupi hetimor sipas a2cnn, nën drejtimin e prokurorisë po punon për zbardhjen e rrethanave të ngjarjes.

Tifoz i Steauas futet me simbol serb në ‘Fadil Vokrri’”

Një incident i pazakontë është shënuar sonte në stadiumin “Fadil Vokrri” në Prishtinë, pak para nisjes së ndeshjes evropiane mes FC Dritës dhe Steaua Bukureshtit.

Indeksonline ka kapur momentin kur një tifoz rumun, i ekipit mysafir, është parë me fanelën që kishte simbolin serb brenda stadiumit, gjë që ka ngjallur reagime nga tifozët vendas.

Autoritetet e sigurisë janë vënë menjëherë në lëvizje për të shmangur çdo tension të mundshëm.

Nipat e mbesat e Shqiptar Shaljanit kthehen në katolicizëm

Aktivisti Shqiptar Shaljani ka bërë të ditur se në Kishën e “Shën Kryqit” në Mitrovicë, zyrtarisht janë kthyer në katolicizëm të afërm të tij.

Shaljani ka deklaruar se nipa e mbesa të tij, të cilët po ashtu e kanë marrë mbiemrin ‘Shaljani’, janë kthyer në katolicizëm.

“Afërdita & Fitimi, Aurela dhe Edmond Shaljani — tashmë me mbiemrin e marrë në nderim të dajës së tyre, Shqiptar Shaljanit— e kurorëzuan publikisht vendimin e guximshëm për t’u kthyer në gjurmët e rrënjëve të vërteta shqiptare.”, ka shkruar ai.

Tutje Shaljani ka thënë se ky akt nuk është vetëm një pagëzim, por një mesazh për gjithë shqiptarët kudo ndodhen: rrënjët nuk thahen kurrë, nëse ne kujdesemi për to.

“Ky është vetëm fillimi i një fryme të re ringjalljeje kombëtare. Shqiptarë, le ta mbrojmë dhe ta jetojmë identitetin tonë, ashtu siç na e lanë amanet të parët — me besë, me nder e me krenari!”, ka shkruar ai.

Në Gjermani, e vendosën këtë tabelë vetëm në 13 vende: A e dini kuptimin e saj?

Shenja më e rrallë rrugore në Gjermani është vendosur në vetëm 13 vende në afërsisht 140 kilometra autostradë në veri të Mynihut.

Nuk është çudi që pak njerëz dinë për domethënien e shenjës.

Nëse e gjeni veten në autostradën A9 midis Pfaffenhofen dhe kryqëzimit Holledau në Bavari, me siguri do të pyesni veten se si të silleni siç duhet.

Ndihuni të lirë ta injoroni, shkruan Fenix Magazine,sepse këto tabela të reja, të ashtuquajtura “shenja referimi”, të vendosura çdo 2.5 kilometra përgjatë autostradës A9, nuk tregojnë ndonjë kufizim apo rregull.

Kjo shenjë bardh e zi është pjesë e “Fushës së Testimit të Autostradës Dixhitale” (DTA), e cila u krijua në vitin 2016. Kjo shenjë u shërben automjeteve autonome, të cilin mund të lëvizin pa shofer, që të testohen te shenja për orientim – kamerat e automjetit mund t’i përdorin këto shenja për të përcaktuar pozicionin e tyre me saktësi centimetri.

Ministria Federale Gjermane për Dixhitalizim dhe Transport, si dhe Agjencia Federale e Transportit Rrugor (BASt) ofrojnë informacion mbi fushat e testimit në faqet e tyre të internetit.

Harta, e përditësuar në gusht 2021, tregon 26 fusha testimi dhe 142 projekte në të gjithë vendin.

Dy serbë dhe një maqedonas gjenden të vdekur brenda thasëve të zinj

Një ngjarje makabre e ndodhur në Santa Cruz të Bolivisë ka tronditur opinionin publik. Tre shtetas të huaj, respektivisht dy serbë dhe një maqedonas, u gjetën të masakruar në një vilë me qira, ndërsa dëshmitarët tregojnë për skena të tmerrshme me muzikë të lartë dhe britma që paralajmëruan krimin e rëndë.

Hetimet paraprake tregojnë për një prapavijë të lidhur me rrjetin ndërkombëtar të trafikut të drogës.

Vrasja e të treve ka ndodhur në një vilë të marrë me qira në Bolivi, aty ku policia lokale edhe zbuloi trupat e Miljan Đekić (38 vjeç) nga Nishi, Dejan Lazarevski (47 vjeç) nga Strumica, si dhe të një burri të tretë ende të paidentifikuar zyrtarisht, i njohur si “Mali Kosta”.

Të tre viktimat ishin mbështjellë me qese të zeza plastike dhe të mbyllura me ngjitës, ndërsa trupat ishin fshehur në kuzhinë, të përgatitur për transport të mundshëm.

Sipas raportimeve të mediave boliviane, fqinjët alarmuan policinë për zhurma të pazakonta që vinin nga vila. “Rreth orës 23:00, dëgjuam muzikë me volum të lartë dhe pastaj britma të frikshme. Më pas, gjithçka u qetësua. Thirrëm policinë, dhe menjëherë u vendos një kordon sigurie”, deklaruan dëshmitarët.

Raporti mjeko-ligjor zbuloi skena të tmerrshme torturash. Një nga viktimat u qëllua në tëmth pas torturës, një tjetër kishte dy plumba në pjesën e pasme të kokës, ndërsa i treti kishte kafkën e thyer dhe besohet se ka vdekur nga goditjet para të shtënave.

Këto dëshmi e bëjnë të qartë se bëhet fjalë për një akt të planifikuar dhe brutal ndaj tre viktimave që dyshohet se mund të jenë anëtarë të Kartelit Ballkanik të drogës që operon në Amerikën Latine. (A2 Televizion)

Dramë familjare, 26-vjeçari dyshon se është babai i vëllait të tij

Një 26-vjeçar nga Las Vegasi, Logan Gifford, pretendon se është abuzuar seksualisht nga nëna e tij, Doreen Gifford, që në moshën 10-vjeçare. Ai është vetëm 11 vjet më i madh se vëllai i tij 15-vjeçar, të cilin e ka marrë nën kujdes që nga viti 2015, kur nëna e tyre u dënua me të paktën tetë vjet burg për tentativë sulmi seksual, incest dhe veprime të pahijshme me një fëmijë nën 14 vjeç.

Doreen, pavarësisht dënimit, ka deklaruar pafajësinë e saj dhe ka pranuar një marrëveshje Alford plea, duke mos pranuar fajin, por duke pranuar se prokurorët kishin prova të mjaftueshme për ta dënuar. Që prej asaj kohe, Logan dhe vëllai i tij kanë ndërprerë kontaktet me të dy prindërit, përfshirë babanë e tyre, Theodore Gifford.

Logan ka kryer një test atësie në një laborator, por rezultatet dolën të paqarta, pasi përputhshmëria e ADN-së ishte 99.9% si me Loganin, ashtu edhe me babain e tij, gjë që e bën të vështirë përcaktimin e qartë të atësisë. Ai thotë se do të vazhdojë betejën për të zbuluar të vërtetën.

Në një intervistë për UNILAD, ai u pyet nëse marrëdhënia me vëllain do të ndryshonte nëse zbulohet se është babai i tij. Logan u përgjigj:
“Nuk do të ndryshonte mënyra si sillem me të. Ia kam thënë shumë herë se ai është dhe gjithmonë do të mbetet vëllai im, pavarësisht rezultatit të testit. Nuk dua që titulli im të ndryshojë dhe nuk dua të më thërrasë ‘baba’. Unë tashmë jam figura atësore për të në shumë drejtime.”

Sa i përket reagimit të vëllait nëse zbulohet e vërteta, Logan pranoi se nuk e di se si do ta marrë lajmin.
“Mund të lutem për më të mirën, por unë dhe familja jemi të përgatitur t’i japim ndihmë shtesë nëse i duhet. Disa anëtarë të tjerë të familjes madje shpresojnë që rezultati të dalë pozitiv, vetëm që kjo çështje të mbyllet,” shtoi ai.

Megjithatë, ai pranon se kjo është e vështirë për t’u dëgjuar:
“Kjo do të thotë që unë do të doja që vëllai im të ishte produkt i abuzimit tim nga nëna ime. Është një barrë e rëndë dhe një pilulë e hidhur për t’u gëlltitur.”

Në fund, ai tha se pavarësisht se çfarë do të zbulohet, do ta pranojë të vërtetën, sepse për herë të parë vëllai i tij ka ndjerë se dikush është në krah të tij dhe kujdeset për të. Sipas tij, gjëja më e rëndësishme është që vëllai të marrë përgjigje pse ka lindur në këto rrethana dhe pse ka vonesa njohëse.

Vrasja e trefishtë në Gjilan, ja ku dyshohet se po qëndrojnë të dyshuarit Mefail Shkodra dhe dy djemtë e tij

Kanë kaluar katër ditë që kur Mefail Shkodra, Engjull Shkodra dhe Edonis Shkodra ndodhen në arrati, pas dyshimeve se vranë babë e bir, Selman e Edmond Hasani, si dhe familjarin e tyre, Abedin Hoxha.

Gazetari Faton Mehmeti, në emisionin “Kosova Today” në Klan Kosova, tha se fillimisht të dyshuarit dyshohet se janë plagosur nga njëri prej viktimave dhe janë trajtuar në një klinikë private në Gjilan.

“Pas marrjes së ndihmës së parë, ata janë larguar dhe tashmë po marrin trajtimin, hospitalizimin në Serbi”, tha Mehmeti./Klankosova.tv.

Ndiqni deklaratën e plotë, në videon vijuese: