E rëndë: Shënohet edhe një viktimë nga zjarri

Një tjetër viktimë dyshohet se është regjistruar në qarkun e Elbasanit si pasojë e zjarreve që kanë pushtuar vendin.

Pas 80-vjeçarit, i cili humbi jetën një ditë më parë pasi ndez zjarr në oborrin e shtëpisë së tij, duke shkaktuar përhapjen e flakëve në terren dhe rrezikun e madh për banorët dhe pronat e zonës, A2 CNN mëson se një tjetër person dyshohet se ka vdekur si pasojë e asfiksisë nga zjarri.

Ndërsa raportohet edhe për shumë të tjerë janë asfiksuar, A2 CNN mëson se dhjetëra banesa janë të shkrumbuara plotësisht, ndërsa fshatrat të cilat u rrethuan nga flakët një ditë më parë; Kullollas, Bletëz, Skënderbegas, Menkollare, Zenelas, Harunas, janë djegur plotësisht, ndërsa një fshat i 7-të sapo është përfshirë nga flakët dhe një tjetër shumë afër.

Situata nga zjarret në Gramsh vazhdon të jetë shumë e vështirë. Era ka përhapur flakët dhe vatra të reja kanë dalë në zona të ndryshme. Në Skënderbegas për pak po digjet dhe fshati i fundit.

Në njësinë Kodovjat, zjarri është shumë afër fshatit Posnovisht dhe pastaj fshatrat e tjerë janë zinxhir afër me njëri-tjetrin.

Deri në mbrëmjen e djeshme në territorin e vendit janë raportuar 34 vatra zjarri, nga të cilat 27 janë aktive dhe 7 po mbahen nën monitorim. Situata më problematike vijon të jetë në jug të vendit, me rrezik të lartë për zonat e mbrojtura, banesat dhe infrastrukturën

Nis nënshkrimi i një peticioni për mbikëqyrjen e Gjykatës Speciale, këtu mund ta nënshkruani

Organizata “Lëvizja Ndryshe” ka nisur inicimin e një peticioni të quajtur “Për Drejtësi dhe Dinjitet”.

Ky peticion ka disa kërkesa lidhur me Gjykatën Speciale në Hagë.

Deri më tash peticioni është nënshkruar nga mbi 2 mijë persona.

KËTU mund ta nënshkruani.

Haziri: Koalicion më popullor dhe më të dashur se ai LDK-LVV, Kosova nuk ka pasur

Deputeti i Lidhjes Demokratike të Kosovës, Lutfi Haziri ka vlerësuar se koalicioni mes LDK-së dhe Lëvizjes Vetëvendosje (LVV) ka qenë më popullori dhe më i dashuri për qytetarët e Kosovës.

Haziri në Tëvë1 ka thënë se në vitin 2019 të dy partitë ishin shumë pranë krijimit të një liste të përbashkët parazgjedhore.

“Koalicion më popullor dhe më të dashur se koalicioni LDK-LVV Kosova nuk ka pasur. Por tani kjo është situatë e re politike. Pse po them nuk ka pasur? Sepse I pari dhe i dyti kanë ndërtuar platformë të përbashkët. Ne kemi qenë shumë afër për ta bërë një listë të përbashkët parazgjedhore në 2019″, ka thënë ai.

Mirëpo, sipas tij, kjo marrëveshje nuk është realizuar për shkak të refuzimit të Albin Kurtit për t’i dhënë pozitën e parë në listë Vjosa Osmanit.

“Kemi qenë të gatshëm më hy por a e dini kush nuk e ka lejuar të bëhet një listë e vetme? Albin Kurti sepse nuk ia ka dhënë Vjosës numrin një, pra nuk ka pranuar që Vjosa Osmani të dal me numrin 1 në listë se e ka dashur vetë. Kjo ka qenë e gjitha, vetëm problem i numrit asgjë tjetër nuk ka pasur”, ka deklaruar Haziri.

U ndalua për 48 orë, por u lirua – avokatja tregon alibinë e djalit të Mefail Shkodrës

Pas vrasjes së trefishtë në Gjilan, ku i dyshuari kryesor është 52-vjeçari Mefail Shkodra dhe dy djemtë e tij, 25-vjeçari Edonis Shkodra dhe 22-vjeçari Engjull Shkodra, avokatja Lirije Kovani ka sqaruar rrethanat e ndalimit të një tjetër djali të Mefail Shkodrës.

Në Debat Plus Kovani ka thënë se klienti i saj nuk ka qenë i pranishëm gjatë momentit të krimit. Sipas saj, ai është njoftuar nga e ëma për ngjarjen dhe ka shkuar në vendin e ngjarjes vetëm për të pyetur se çfarë kishte ndodhur.

Ajo bëri të ditur se prokurori e kishte ndaluar për 48 orë, por gjatë seancës klienti i saj dha deklarim dhe paraqiti alibi, që dëshmonte se nuk kishte qenë fare prezent në vendin e ngjarjes.

“Pse është arrestuar djali i Mefail Shkodrës, i njëjti nuk ka qenë në vendin e ngjarjes kur ka ndodhur rasti. Mirëpo është njoftuar nga nënë e tij se ka ndodhur diçka. Dhe i njëjti shkon në vendin e ngjarjes dhe pyet se çka ka ndodhur. Dhe i njëjti afrohet pranë zyrtarëve policor, të njëjtit e pyesin se kush je. Dhe tregon që është djali i Mefail Shkdorës dhe e fusin në veturë zyrtare, fillimisht për shkaqe të sigurisë dhe më pastaj dërgojnë në stacion policor në Gjilan., e intervistojnë si të dyshuar për pjesëmarrje në rrahje. Dhe më pas të njëjtin më vendim t prokurorit të shtetit e ndalojnë për 48 orë. Dje është mbajtur seanca, i njëjti ka deklaruar dhe ka pasur albini se kur ka ndodhur ngjarja ka qenë video-incizimi në një aheng familjar dhe nuk ka qenë fare prezent. Dhe nuk ka pas njohur. Kështu prokurori i shteti e la të lirë. Dhe është liruar me procedurë të rregullt…

Janë të gatshëm të bashkëpunojnë me drejtësinë, por as familjarët nuk e dinë vendodhjen e të dyshuarve….”, ka thënë Kovani./RTVD

Kraki për rastin tragjik në Gjilan: Prokurorët e gjqytarët i kemi pjesë të bandave kriminaIe

Deputeti i Kuvendit të Kosovës, Nezir Kraki, ka reaguar lidhur me vrasjen e trefishtë që ka ndodhur sot në Gjilan.

Sipas Krakit, Policia e Kosovës ka vite që e kryen punën me profeisonalizëm, derisa “prokurorët e gjyqtarët i kemi pjesë të bandave kriminale’

“Policia ka vite qe e kryen punen me profesionalozem. Prokuroret dhe gjyqtaret i kemi pjese te bandave kriminale. Ky eshte problemi kryesor i ketij vendi”, ka shkruar ai.

“Shkoj menjëherë, në sekondë”, analisti i sigurisë lëshon studion në mënyrë të çuditshme

Eksperti i sigurisë, Fatmir Qollaku, ka bërë një veprim të çuditshëm sonte gjatë emisionit “Debat Plus”.

Qysh në minutat e parë të emisioni ai është larguar nga studio e emisioni.

Një verim të tillë, ai e ka bërë vetëm pse autori i emisioni i ka ndërhyrë me pyetje.

VIDEO:

Dejona Mihali i kundër-përgjigjet Tahirit, hedh vrer ndaj Thaçit, Lushtakut e plot të tjerëve

Pas një konference për shtyp të Abelard Tahirit sot, për shkak të vrasjeve të shumta që janë shënuar ditëve të fundit në Kosovë, një reagim mjaft i ashpër dhe me plot helm e vrer ka ardhur nga koordinatorja e komiteteve të VV-së, Dejona Mihali, shkruan Gazeta Metro.

Në këtë konferencë, deputeti i PDK-së tha se Kosova ndodhet në krizë sigurie dhe se bandat kriminale të lidhura me pushtetin e kanë kapur shtetin.

Nuk duroi pa reaguar menjëherë ‘komesarja’ e VV-së, e cila siç e ka zakon, filloi të përmendë plot figura të PDK-së duke i lidhur me krimin e organizuar.

Teksa shkruante për botën e krimit, Dejona tha se Abelard Tahiri ka bashkëvepruar me ta dhe i ka kryer porositë e shefave të tij, si sekretar i ish-presidentit Hashim Thaçi.

“U ka çuar porosi e ende ju çon, kur i lipset shefit. Nga Raketa (tani i ndjerë) te Sami Lushtaku, nga djemtë e Grabovcit tek Nazmi Thaçi e mandej Gani Thaçi e Njazi Thaçi. Nga Elmi Reçica e Latif Gashi tek Kamishi, Shpend Maxhuni e Rashit Qalaj. Secili me “libër” në dorë duke luftuar krimin e organizuar gjithë këto vite”, shkroi Dejona e VV-së.

Pastaj, me një kthesë interesante, duke pasur paraysh edhe zgjedhjet lokale, Dejona kapërceu te një dredhi tjetër që ta sulmojë edhe Uran Ismailin.

“Flet Abelardi që e ka Nënkryetar partie Uranin me shkollë, por pronar lokali, çerdhe e krimit dhe kriminelëve ngapak të parfumosur, ku para 2 vitesh një njeri mbeti i vrarë dhe katër të tjerë të plagosur nga të shtënat e armëve dhe 17 të tjerë të plagosur nga dhuna e shkaktuar dhe rrethanat e krijuara”, shkroi ‘komesarja’ që deri vonë mbante në fotografinë e profilit një beretë të kuqe.

Fatkeqësia është se në Kosovën e vrasjeve të shumta brenda ditës, aksidenteve me fatalitet dhe vetëvrasjeve mjaft të shpeshta, partia VV e ka zvarritur vendin në një krizë 6-mujorë pa institucione legjitime./gazetametro.net

E lë PDK-në – Vëllai i Armend Mujës rikthehet në skenën politike, kësaj here me Vetëvendosjen

Vëllai i deputetit Armend Muja, Gazmend Muja, do të jetë pjesë e listës së Vetëvendosjes në garën për asamblist në zgjedhjet e 12 tetorit.

Kështu mëson Gazeta Online Veriu.info nga burimet e saj, pasi ai mori votat e nevojshme në Këshill për të kandiduar.

Për dallim nga Muja, Veriu.info mëson se Doni Beshiri nuk ka kaluar, pasi pas kandidimit nuk i ka marrë votat e nevojshme në Këshillin e kësaj e qendrës në Mitrovicë.

Beshiri ka aplikuar dje në Këshill, por nuk ka kaluar.

Kujtojmë që vëllai i deputetit Muja, Gamzmend Muja, më herët ka qenë asamblist i AKR-së dhe PDK-së./Veriu.info/

“Albini pat ra në mat te dërrasa e zezë”, Maliqi dyshon se Qeveria Kurti do të kalonte testin PISA

Analisti politik Shkëlzen Maliqi e ka vlerësuar Qeverinë Kurti si shumë të dobët.

Ai dyshon se kjo qeveri do ta kalonte testin e PISA-së.

Në profilin e tij në “Facebook”, Maliqi ka treguar për veprimet e kësaj qeveri të cilat tregojnë se do të ngelnin në këtë test.

“Dyshoj se do ta kalonte testin e PISA qeveria në detyrë. Albini pat ra në mat te derraa e zezë. Hekurani m financa si ‘Bulena, mos vetni më!”, ka shkruar Maliqi.

Profesori nga Podujeva hyn në garë për Asamblenë Komunale – premton ndershmëri dhe zhvillim

Një nga figurat e njohura të arsimit në Podujevë, profesori Arbrimi, ka marrë një vendim të rëndësishëm: të kandidojë për Asamblenë Komunale, duke garuar nën siglën e Lëvizjes Vetëvendosje.

Në një deklaratë publike plot emocion, ai shprehu mirënjohje të thellë ndaj Zotit për shëndetin dhe forcën që i ka dhënë, si dhe falënderim të veçantë për delegatët e Lëvizjes Vetëvendosje, të cilët e votuan në mbledhjen e këshillit.

“Ky hap është një thirrje zemre për t’i shërbyer qytetit tim me ndershmëri, përkushtim dhe transparencë,” tha Arbrimi, i bindur se me vullnetin e përbashkët të qytetarëve dhe bekimin hyjnor, Podujeva mund të ecë drejt zhvillimit të mëtejshëm.

Ai u bëri thirrje të gjithë banorëve që t’i besojnë zërin e tyre në Asamble, duke premtuar se do të jetë gjithmonë në anën e të mirës së përbashkët.