Situatë shqetësuese në vend, 5 vrasje në 48-orët e fundit – Rama ndërrmer këtë veprim

Kryetari i Prishtinës, Përparim Rama së bashku me drejtorin për Siguri në Komunën e Prishtinës kanë zhvilluar një takim koordinues me Policinë e Kosovës.

Rama ka thënë se mbështet pa rezerva veprimet e policisë dhe të gjitha institucioneve të rendit për identifikimin, sekuestrimin dhe shkatërrimin e armëve ilegale.

“Në këtë drejtim, Strategjia për armët e lehta dhe të vogla 2024–2028 është një instrument thelbësor. E ndërtuar mbi praktikat më të mira ndërkombëtare dhe standardet e Kombeve të Bashkuara dhe të Bashkimit Evropian”, ka shkruar Rama.

Vrasjet e fundit, Tahiri: Bandat kriminale të lidhura me pushtetin e kanë kapur shtetin

Deputeti i Partisë Demokratike të Kosovës, Abelard Tahiri ka thënë se rastet tronditëse të pesë vrasjeve të rënda në 48 orët e fundit, pas një serie tjetër të vrasjeve që ndodhën nëpër komuna të ndryshme të Kosovës, janë pasqyra më e qartë e dështimit të plotë të shtetit për të mbrojtur jetën e qytetarëve.

Tahiri, në një konferencë për media, theksoi se Kosova po kalon nëpër një gjendje alarmante të sigurisë, ku po mbretërojnë bandat kriminale të inkurajuara dhe mbrojtura nga pushteti.

“Bandat kriminale, narkotrafikantët, fajdexhitë, janë bërë të guximshëm dhe kanë lidhje të drejtpërdrejta me pushtetin, duke u bërë pjesë e një zinxhiri të rrezikshëm që tashmë ka lidhur krimin me politikën dhe institucione të tjera ligjzbatuese. Partia Demokratike e Kosovës ju shpreh ngushëllime më të thella familjeve që kanë humbur më të dashurit e tyre nga këto vrasje. Në të njëjtën kohë, shprehim shqetësimin e madh, për dështimin e organeve ligjzbatuese për të vendosur rend, rregull dhe të garantojnë sigurinë e qytetarëve tanë”, tha ai.

Tahiri, duke theksuar tri nga rastet që faktojnë lidhjen e bandave kriminale me eksponentë të pushtetit, tha se kjo situatë është një thirrje alarmi për të gjithë.

“15 gusht 2023 – Besnik Mujeci, asamblist i Vetëvendosjes në Prishtinë, arrestohet në Shqipëri për trafikim dhe shitje të narkotikëve. U kap me 11,300 tableta ekstazi MDMA, peshë mbi 5 kilogramë, vlerë rreth 400 mijë euro. 3 qershor 2025 – Një operacion i gjerë antidrogë çon në arrestimin e 22 personave. Mes tyre, Shemsi Bahtiri, anëtar aktiv i Vetëvendosjes në Qendrën e Prishtinës, një nga figurat kyçe të një rrjeti të trafikut të drogës ku u sekuestruan qindra mijëra euro para të gatshme e të falsifikuara, armë, llogari bankare, automjete luksoze dhe lëndë narkotike. 10 gusht 2025 – Gjilani tronditet nga një vrasje e trefishtë. Autori, Mefail Shkodra, i njohur për veprat e shumta penale, shihet i pranishëm në ahengjet e partisë në pushtet”, shtoi deputeti i PDK-së.

Sipas Tahirit, vetëm një qeveri e re, e vendosur, mund ta çkapë shtetin nga krimi, t’i çojë para drejtësisë të gjithë ata që kanë gjak në duar e pasuri nga droga dhe korrupsioni, dhe do ta rikthejë rendin, sigurinë dhe ligjin mbi të gjithë.

“Duhet të jetë misioni i secilit prej nesh, çkapja e shtetit nga bandat kriminale që sot po terrorizojnë shoqërinë tonë. Rritja e numrit të armëve pa leje në duart e qytetarëve tanë, është e frikshme. Sot, aktualisht kemi rreth 250 mijë armë janë pa leje në vendin tonë. Si PDK, në legjislaturën e re, pas konsolidimit të institucioneve dhe qeverisë së re, do të iniciojë ndryshimin e Kodit Penal dhe legjislacionit përkatës për të ashpërsuar dënimet për armëmbajtjen pa leje. Kushdo që posedon apo përdorë armë ilegalisht, duhet të përballet me burg, pa përjashtim. Kosova nuk mund të jetë një vend ku jeta njerëzore humb vlerën. Dhe, jo, kjo nuk është vetëm një betejë politike. Është një betejë për jetën, për paqen, për fëmijët tanë dhe për të ardhmen e vendit”, përfundoi Tahiri.

Situata alarmante me zjarret në këtë qytet të Shqipërisë, Ministria e Mbrojtjes thirrje urgjente banorëve të disa fshatrave të largohen

Shqipëria po përballet me situatë alarmante si pasojë e zjarreve në Gramsh.

Ministria e Mbrojtjes e Shqipërisë ka bërë thirrje urgjente banorëve të fshatrave Kullollas, Bletëz dhe Menkollarë që largohen.

“Thirrje urgjente… Për shkak të zjarreve, u bëjmë thirrje banorëve të fshatrave Kullollas, Bletëz dhe Menkollarë të largohen menjëherë nga banesat e tyre dhe të bashkëpunojnë me autoritetet për evakuimin e sigurt”, thuhet hë njoftim.

E rëndë: Kjo është gruaja që vdiq në aksidentin e rëndë në Komoran

Një aksident i rëndë ku u përfshinë gjashtë vetura ka ndodhur ditën e djeshme në Komoran, si pasojë e të cilit një grua ka humbur jetë.

Viktima e këtij aksidenti është 62-vjeçarja, Myvedete Suka. Lajmin për vdekjen e saj e kanë konfirmuar edhe familjarët.

I dyshuari për shkaktimin e kasidentin është arrestuar dhe dërguar në mbajtje, bën të ditur Policia e Kosovës në raportin 24 orësh.

“Komoran, Gllogoc / 11.08.2025 – 18:15. Si pasojë e mospërshtatjes së shpejtësisë së lëvizjes kushteve të rrugës gjashtë (6) automjete janë përfshirë në aksident trafiku në mes veti. Si pasojë e lëndimeve të marra në aksident një femër kosovare ka ndërruar jetë, si dhe si dhe lëndime trupore kanë pësuar 8 persona. Të lënduarit janë dërguar në tretman mjekësor në QKUK. Me vendim të prokurorit trupi i pajetë i viktimës është dërguar në IML për autopsi ndërsa i dyshuari m/k që dyshohet se ka shkaktuar aksidentit pas trajtimit mjekësor është arrestuar dhe dërguar në mbajtje”, thuhet në raport.

Nëse e shihni këtë person, lajmërone policinë

Policia e Kosovës, përmes Drejtorisë për Hetimin e Krimeve Kibernetike, ka shpallur në kërkim Driton Sokolin, i dyshuar për disa vepra penale të lidhura me mashtrimin dhe veprimtari të paligjshme në fushën e teknologjisë.

Bazuar në autorizimin e Prokurorisë Themelore në Gjilan, ndaj Driton Sokolit, i lindur më 25 mars 1979 në Vushtrri, është ngritur procedurë për këto vepra penale: Mashtrim – Neni 323 i Kodit Penal të Republikës së Kosovës, Hyrje e paautorizuar kompjuterike – Neni 277/D, Vjedhje e identitetit dhe kredencialeve – Neni 277/H

I arrestuari për vrasjen e Enver Bajraktarit në Lipjan, pranon fajësinë

Prokuroria Themelore në Prishtinë, në bashkëpunim të ngushtë me Policinë e Kosovës, ka ndërmarrë veprime intensive hetimore në lidhje me rastin e vrasjes së rëndë të Enver Bajraktarit nga Lipjani.

Sot, më 12 gusht 2025, në kuadër të këtyre hetimeve, është realizuar një urdhër kontrolli në fshatin Baicë të Komunës së Lipjanit. Si rezultat i këtij veprimi policor, është arrestuar një person i dyshuar, mashkull me inicialet T.K.

I dyshuari, pas ndalimit nga policia dhe dhënies së deklaratës së tij, ka pranuar kryerjen e veprës penale. Me vendim të prokurorit të shtetit, ai është ndaluar dhe ndaj tij janë duke u zhvilluar procedurat e mëtejshme ligjore.

Prokuroria dhe Policia e Kosovës theksojnë përkushtimin e tyre të plotë për zbardhjen e rrethanave të këtij rasti dhe ndërmarrjen e të gjitha veprimeve të nevojshme për sjelljen e autorëve para drejtësisë.

Burime të Indeksonlinet bëjnë të ditur se i arrestuari është Top Kolshi nga Baica e Lipjanit, vendi ku edhe u krye krimi.

Ekskluzive: Ky është personi i arrestuar për vrasjen e Enver Bajraktarit në Lipjan

Një person është arrestuar nga Policia e Kosovës nën dyshimin për vrasjen dhe groposjen e Enver Bajraktarit në fshatin Baicë të Lipjanit.

Gazeta Sinjali merr vesh ekskluzivisht se i arrestuar është Top Kolshi, nga fshati Baicë, vend ky nga i cili vinte edhe Enver Bajraktari.

Lajmin për arrestimin e ka konfirmuar edhe zëdhënësja e Policisë për rajonin e Prishtinës, Flora Ahmeti.

“Si rrjedhojë e angazhimeve intensive hetimore, sot nga Njësiti i Hetimeve të Përgjithshme – Prishtinë, është arrestuar një person i dyshuar: – T. K, mashkull, shtetas i Republikës së Kosovës, për rastin vrasje që ka ndodhur në fshatin Baicë të Lipjanit”.

“Aktualisht hetuesit po kryejnë procedurat e nevojshme policore, në koordinim me prokurorinë”, deklaroi Ahmeti.

Trupi i 45-vjeçarit u gjet i groposur disa metra nën sipërfaqe dhe i mbuluar me disa dërrasa.

Grupi që po e kërkonte Bajraktarin ndoqi gjurmët, të cilat treguan se trupi ishte tërhequr me forcë drejt një gropë të improvizuar në një arë të mbjellë me misër disa metra nën sipërfaqe, ku ishin vendosur edhe disa dërrasa për ta kamufluar vendin e varrimit.

“Kanë hi me vëzhgu, ata vëzhguesit e kamerave e kanë gjet tani që lëvizja e fundit u kanë të kjo shtëpia këtu. Në bazë të aty janë ardh kanë lyp qetu. Ata djemtë që kanë ardh, tu lyp nëpër arë përmes shtagës, tani aty e kanë pa që ka zvarritje”, deklaroi një familjar i viktimës.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Kjo është lista e LDK-së për Prishtinën, figuron emri edhe i asambleistit të njohur të VV-së

Lidhja Demokratike e Kosovës e ka gati listën për asamble në zgjedhjet e 12 tetorit.

Indeksonline ka siguruar listën me 56 emra pjesë e të cilës është edhe asambleisti i Vetëvendosjes në Prishtinë, Edmond Azemi dhe Gëzim Mehmeti i AKR-së.

Përparim Rama është bartës i listës ndërsa në top 5-she janë edhe Sokol Havolli, Donjeta Dragusha, Pëllumb Bajqinovci dhe Gëzim Kastrati.

Ekskluzive: Si ndodhi vrasja në Hajvali – plumb në kokë pas një mosmarrëveshjeje për parkim

Një mosmarrëveshje e çastit për parkim ka përfunduar tragjikisht mbrëmjen e 11 gushtit në Hajvali të Prishtinës, ku një burrë u vra me armë zjarri.

Burime të Sinjalit bëjnë të ditur se rreth orës 21:40, Policia u njoftua për të shtëna në rrugën “Minatori”.

Në vendngjarje, afër një veture Mercedes me targa britanike CEI5VYM, u gjetën njolla gjaku dhe një gëzhojë e kalibrit 9 mm.

Hetimet e para tregojnë se pas një konflikti për parkim, i dyshuari Xhemajl Nuhiu mori një armë zjarri dhe e qëlloi në kokë Muhamet Matoshin. Viktima u dërgua me urgjencë në QKUK, por mjekët konstatuan se ai kishte ndërruar jetë.

Pas krimit, i dyshuari u largua me veturën Mercedes në drejtim të panjohur. Policia ka urdhëruar alarmim të të gjitha njësive dhe pikave kufitare për identifikimin dhe ndalimin e tij.

Në vendngjarje punuan njësitë e hetimeve rajonale, prokurorja e Krimeve të Rënda dhe mjekësia ligjore. Trupi i pajetë i viktimës është dërguar në Institutin e Mjekësisë Ligjore për obduksion.

Për rastin janë marrë në pyetje disa dëshmitarë, ndërsa hetimet për kapjen e autorit vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Arrestohet një person për vrasjen dhe groposjen e Enver Bajraktarit në Lipjan

Një person është arrestuar nga Policia e Kosovës nën dyshimin për vrasjen dhe groposjen e Enver Bajraktarit në fshatin Baicë të Lipjanit.

Lajmin për arrestimin e ka konfirmuar edhe zëdhënësja e Policisë për rajonin e Prishtinës, Flora Ahmeti.

“Si rrjedhojë e angazhimeve intensive hetimore, sot nga Njësiti i Hetimeve të Përgjithshme – Prishtinë, është arrestuar një person i dyshuar: – T. K, mashkull, shtetas i Republikës së Kosovës, për rastin vrasje që ka ndodhur në fshatin Baicë të Lipjanit”.

“Aktualisht hetuesit po kryejnë procedurat e nevojshme policore, në koordinim me prokurorinë”, deklaroi Ahmeti.

Trupi i 45-vjeçarit u gjet i groposur disa metra nën sipërfaqe dhe i mbuluar me disa dërrasa.

Grupi që po e kërkonte Bajraktarin ndoqi gjurmët, të cilat treguan se trupi ishte tërhequr me forcë drejt një gropë të improvizuar në një arë të mbjellë me misër disa metra nën sipërfaqe, ku ishin vendosur edhe disa dërrasa për ta kamufluar vendin e varrimit.

“Kanë hi me vëzhgu, ata vëzhguesit e kamerave e kanë gjet tani që lëvizja e fundit u kanë të kjo shtëpia këtu. Në bazë të aty janë ardh kanë lyp qetu. Ata djemtë që kanë ardh, tu lyp nëpër arë përmes shtagës, tani aty e kanë pa që ka zvarritje”, deklaroi një familjar i viktimës.