Bien temperaturat – Parashikimi i motit për pesë ditët e ardhshme

Vala e të nxehtit afrikan vazhdon të mbetet prezent në Kosovë edhe për gjatë dy ditëve të para të javës së ardhshme, sipas të dhënave të Institutit Hidrometeorologjik të Kosovës.

Sipas IHMK-së, nga dita e mërkurë, kalimi i një fronti të freskët pritet të sjellë një rënie të dukshme të temperaturave maksimale. Ky fenomen do të ndikojë në kushte më të freskëta dhe një ulje të ndjeshme të temperaturave gjatë ditës.

Nga dita e mërkurë, parashikohen reshje shiu, të cilat mund të shoqërohen me stuhi dhe shkarkime rrufesh. Erërat do të jenë të lehta deri të moderuara, me drejtime kryesisht nga verilindja dhe veriperëndimi, ndërsa lokale mund të shfaqen erëra të forta në formë stuhish.

Kjo periudhë do të shoqërohet me një ndjeshmëri të ndryshuar të motit, që do të ndikohet nga faktorë atmosferikë të ndryshëm si kalimi i fronteve dhe aktiviteti elektrik në atmosferë.

Sakaq, indeksi UV mbetet i lartë në ditën e hënë dhe të martë, pastaj vlerat e saj do të bien.

Parashikimi i plotë i motit për pesë ditët e ardhshme:

E hënë – Mot me diell dhe vranësira të pakta. Temperaturat minimale do të lëvizin ndërmjet 12-18 gradë Celsius, ndërsa maksimalet e ditës parashihen të lëvizin ndërmjet 32-37 gradë Celsius. Do të fryjë erë nga drejtimi i verilindjes me shpejtësi 1-5m/s.

E martë – Mot me diell dhe vranësira të shpërndara. Vranësirat vende-vende mund te sjellin riga shiu , kryesisht në disa zona të kufizuara .Temperaturat minimale do të lëvizin ndërmjet 12-18gradë Celsius, ndërsa maksimalet e ditës parashihen të lëvizin ndërmjet 32- 37 gradë Celsius. Do të fryjë erë nga verilindja me shpejtësi 1-9m/s.

E mërkurë –  Mot me diell dhe vranësira të shpërndara. Vranësirat gjatë ditës do të intensifikohen duke bërë që në fusha barike të kemi ndryshime të mëdha. Kjo situatë meteorologjike do të krijoj kushte që mbi vendin tonë të bie shi i percjellur me breshër dhe shkarkime rrufesh. Temperaturat minimale do të lëvizin ndërmjet 11 deri 16 gradë Celsius, ndërsa maksimalet e ditës parashihen të lëvizin ndërmjet 21-24gradë Celsius. Do të fryjë erë e lehtë dhe lokalisht e fortë në formë stuhie nga drejtimi i verilindjes dhe i veriperëndimit.

E enjte- Mot me diell dhe pjesërisht i vranët. Temperaturat minimale do të lëvizin ndërmjet 9 deri 13 gradë Celsius, ndërsa maksimalet e ditës parashihen të lëvizin ndërmjet 20-23 gradë Celsius. Do të fryjë erë nga drejtimi i verilindjes e lehtë deri mesatare.

E premte. Të premten parashihet të mbajë mot kryesisht me diell. Vranësirat mund të paraqiten për rreth relievit malor. Temperaturat minimale do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 22-26 gradë Celsius. Do të fryjë erë nga drejtimi i veriperëndimit me shpejtësi 1-5m/s.

Aksident tragjik në Gjermani: Ndërron jetë kosovari nga Peja

Në Gjermani, Nexhat Lushi nga Qyshku i Pejës ka humbur jetën tragjikisht në një aksident komunikacioni, shkruan Gazeta Sinjali.

Lajmin për këtë e ka bërë të ditur një i afërm i tij.

‘Pas nje aksidenti trafiku nê Gjermani ka nderruar jetë NEXHAT LUSHI nga Qyshku i Pejës’.

E rëndë: Sot i jepet lamtumira e fundit 21-vjeçarit që humbi jetën si pasojë e lëndimeve të marra në vendin e punës

Gazeta Sinjali ka raportuar sot për një ngjarje të rëndë që ka ndodhur ku si pasojë e lëndimeve të marra në vendin e punës, një 21-vjeçar ka humbur jetën dje në QKUK.

Sinjali ka mësuar se bëhet fjalë për Bujar Zeka, që ishte duke punuar në fabrikën e tullave “IMN Dukagjini” në rrugën “Gjergj Sokoli”, kur u lëndua rëndë dhe u transportua fillimisht në emergjencën e Gjakovës, e më pas në QKUK.

Derisa, Sinjali ka mësuar së i ndjeri do të varroset sot në ora 16:00, në varrezat e Qyteti të Gjakovës.

Ishte duke pirë kafe me vëllain e tij, vdes 60 vjeçari

Një personi ka vdekur në një kafiteri në Prizreni. Derisa ishte duke pirë kafe me vëllain e tij, të ndjerit ju ka përkeqësuar gjendje, ndërsa as ndërhyrja e emergjencës nuk ka arritur ta kthej në jetë.

Lajmin e ka konfirmuar për IndeksOnline, Togeri Tahir Kabashi.

“Sot rreth orës 09:20 në rr. Ilaz Kodra në Prizren, qytetari T.Q. i moshës rreth 60 vjeçare, deri sa ishte në një lokal për kafe (kafiteri “Crali”) së bashku me vëllaun e tij, për një moment ju ka përkeqësu gjendja shëndetsore. Të pranishmit menjëherë kanë kërkuar ndihmën mjeksore, ku emergjenca ka dal në vendin e ngjarjes, mirëpo edhe përkundër ofrimit të ndihmës mjekësore, mjeku ka konfirmuar vdekjen e të ndjerit. Sipas vëllaut të viktimës, i ndjeri kishte probleme shëndetësore të mëhershme. Njësit relevante policore menjëherë iu kanë përgjigjur rastit në fjalë”, ka thënë Kabashi.

Sipas tij, lidhur me rastin është njoftuar Prokurori Publik i shtetit i cili ka autorizuar Policinë e Kosovës për ndërmarrjen e të gjitha veprimeve policore.

“Me urdhër të Prokurorit Publik, trupi i pajetë dërgohet në Institutin e Mjekësisë Ligjore për autopsi.

Rasti është duke u hetuar”, ka thënë Kabashi.

Bllokada në Kuvend, Balje: Faji shkon me fuqi, më i fuqishmi është përgjegjësi

Deputetja Duda Balje tha se bllokada në Kuvendin e Kosovës po ua vështirëson punën që e bëjnë, duke shtuar se shpreson që ky ngërç të zgjidhet sa më shpejt.

Ajo shton se fajtor ka gjithmonë, e që sipas saj është ai/ata që kanë fuqi më shumë, duke iu referuar kështu partisë së parë në zgjedhjet e 9 shkurtit, Lëvizjes Vetëvendosje.

“Me këto zhvillime, jemi si në një bllok, jemi duke jetuar në një bllok, domethënë jeta parlamentare tash. Unë jam më shumë se dhjetë vjet, dhe është hera e parë që po e përjetojmë, është sfidë e veçantë me të vërtet, jemi si duarlidhur, sepse ne nuk mundemi me punu qysh duhet, dhe qysh jemi mësuar të punojmë. Por shpresoj që shumë shpejt do ta kalojmë këtë ngërçin dhe do të vazhdojmë të punojmë sepse me të vërtetë kemi shumë nevojë”, tha Balje në emisionin “Weekend” të Klan Kosova.

“ Gjithmonë ka fajtor, dhe mendoj që fajësia shkon me fuqi, ku është më e fuqishme është edhe përgjegjësia, por po du me besu që ka ndonjë plan dhe sytë tani janë te gjykata”, u shpreh tutje ajo.

Nga sot rritje e çmimeve të pagesës së rrugës në Serbi – ja si janë çmimet

Pagesa e rrugës në Serbi është shtrenjtuar nga sot, me një mesatare prej rreth 4,3% për kilometër të përshkuar, si rezultat i indeksit vjetor të çmimeve të konsumit dhe rritjes së çmimeve me pakicë. Ky lajm do të jetë me rëndësi për diasporën, e cila shfrytëzon Korridorin 10 për të mbërritur në vendlindje për pushimet verore, përcjell INA.

Sipas të dhënave të publikuara nga “Blic Biznis”, ja çmimet e reja të disa prej destinacioneve më të zakonshme:

Destinacionet:

Beograd – Preshevë
1.970 RSD
≈ 16.80 €

Beograd – Nish
1.170 RSD
≈ 10.00 €

Beograd – Novi Sad
325 RSD
≈ 2.80 €

Beograd – Suboticë
835 RSD
≈ 7.10 €

Beograd – Shid
520 RSD
≈ 4.45 €

Beograd – Zlatibor
585 RSD
≈ 5.00 €

Gjithashtu, është bërë e ditur se për pjesën e re të autostradës Beograd – Požega, në seksionin që përfshin stacionet e pagesës Lučani dhe Prilipac, tarifat e reja do të fillojnë të zbatohen nga 10 korriku 2025.(INA)

Ky është i riu që humbi jetën në vendin e punës

Një i ri humbi jetën tragjikisht në vendin e punës, në një aksident të rëndë të ndodhur mbrëmë në Gjakovë.

Bëhet fjalë për Bujar Zekën, 21-vjeçarin që ishte duke punuar në fabrikën e tullave “IMN Dukagjini” në rrugën “Gjergj Sokoli”, kur u lëndua rëndë dhe u transportua fillimisht në emergjencën e Gjakovës, e më pas në QKUK – ku fatkeqësisht ndërroi jetë pas mesnate.

Institucionet përkatëse kanë nisur hetimet për të zbuluar nëse janë shkelur protokollet e sigurisë në vendin e punës, me dyshimin se nuk ishin respektuar pajisjet mbrojtëse të domosdoshme për punëtorët.

Vdekja e 2 vjeçares në pishinën e familjes, policia jep detajet e fundit

Një fëmijë 2 vjeçar është mbytur mbrëmë në një pishinë familjare në fshatin Zallq të Istogut.

Rastin për IndeksOnline e ka konfirmuar edhe zëdhënësi i policisë për rajonin e Pejës, Fadil Gashi.

“Rreth orës 19:40, policia është njoftuar për një rast në fshatin Zallq të Komunës së Istogit. Një fëmijë e gjinisë femërore është mbytur në një pishinë familjare. Është dërguar urgjentisht në Qendrën e Mjekësisë Familjare. Sipas mjekëve, viktima ka arritur pa shenja jete”, ka thënë Gashi.

Gashi tha se për rastin është njoftuar prokurori dhe se kanë nisur hetimet.

Kurse në raportin 24 orësh të policisë thuhet se rasti është iniciuar si “Hetim i vdekjes”.

“HETIM I VDEKJES- Istog / 05.07.2025 – 18:30. Viktima femër/kosovare-fëmijë ka mbetur pa shenja jete pasi që dyshohet se ka rënë në pishinë, mjekët kanë konstatuar se viktima ka ndërruar jetë. Me vendim të prokurorit trupi i pa jetë i viktimës është dërguar në IML për obduksion. Rasti është duke u hetuar”, njofton policia.

Vdes në QKUK një i ri

Një ngjarje e rëndë ka ndodhur mbrëmë në Gjakovë. Një i ri rreth 19-vjeçar, ka humbur jetën tragjikisht pasi është rreziuar në vendin e tij të punës.

Policia e ka konfrimuar rastin, raporton IndeksOnline.

Viktima është dërguar në Klinikën Emergjente me lëndime të rënda, por përkundër veprimeve të ndërmarra nga ekipi mjekësor, i riu s’ka arritur të mbijetojë.

Vdekja e tij është konstatuar nga mjeku dhe më pas trupi është dërguar për obduksion në Institutin e Mjekësisë Ligjore.

”Gjakovë / 05.07.2025 – 21:55. Viktima m/k në vendin e tij të punës në një fabrikë të tullave në rrethana të panjohura ka pësuar lëndime të rënda. Viktima fillimisht është dërguar për tretman mjekësor në QE-Gjakovë dhe pastaj në QKUK, mirëpo dyshohet për shkak të lëndimeve të rënda, rreth orës 00:20’ të datës  06.07.2025 ka ndërruar jetë. Me vendim të prokurorit trupi i pajetë i viktimës është dërguar në IML për obduksion, ndërsa njësitet policore janë duke hetuar rastin.” thuhet në raportin e plotë të policisë.

E dhimbshme në Istog: Mbytet një fëmijë në një pishinë

Një fëmijë është mbytur gjatë mbrëmjes së sotme në një pishinë familjare në fshatin Zallç të Istogut, shkruan Gazeta Sinjali.

Rastin për Sinjalin e ka konfirmuar zëdhënësi i Policisë në rajonin e Pejës, Fadil Gashi.

“Një fëmijë e gjinisë femërore është mbytur në një pishinë familjare në fshatin Zallq. Është dërguar urgjentisht në Qendrën e Mjekësisë Familjare. Sipas mjekëve, viktima ka arritur pa shenja jete”, u deklarua Gashi.