Gjermania s’lejon valëvitjen e Flamurit të Krenarisë, Merz: Bundestagu nuk është cirk për të valëvitur flamuj sipas dëshirës

Kancelari gjerman Friedrich Merz shkaktoi zemërim tek disa në publik  me deklaratën e tij se Bundestagu “nuk është një cirk për të valëvitur flamuj sipas dëshirës në të”.

“Është një deklaratë shumë e paqëlluar dhe kancelari duhet ta mendojë përsëri”, tha Armand Zorn, nënkryetar i grupit parlamentar të Partisë Socialdemokrate të Gjermanisë (SPD).

Zorn beson se në kohën kur anëtarët e komunitetit LGBTQ përjetojnë armiqësi të hapur, deklarata e Kancelarit “nuk është e duhur”.

Edhe nga radhët e Unionit të tij Kristian Demokrat CDU/CSU, Merz po përballet me kritika. “Mendoj se deklarata është e gabuar dhe do ta diskutoj personalisht me kancelarin”, tha Soenke Siegman, presidente e Federatës së Lezbikeve dhe Homoseksualëve brenda Unionit.

Në të njëjtën kohë, kryetari i grupit parlamentar të Demokristianëve dhe një nga politikanët më të shquar gjermanë që nuk e ka fshehur kurrë se jeton në një marrëdhënie homoseksuale, Jens Spahn, e mori kancelarin në mbrojtje.

“Kancelari ka plotësisht të drejtë. Nuk mendoj se ky debat i zgjatur mbi këtë temë po kontribuon që komuniteti LGBTQ në Gjermani të gëzojë më shumë liri”, tha Spahn.

Kancelari gjerman Merz (Unioni Kristian Demokrat CDU) mbrojti Presidenten e Bundestagut, Julia Kloeckner mbrëmë në një intervistë për shërbimin publik ARD, e cila refuzoi të varte flamuj ylberi në ndërtesën e Bundestagut gjatë paradës në Berlin në fund të korrikut.

“Bundestagu nuk është një tendë cirku mbi të cilën mund të varen flamuj sipas dëshirës”, tha Merz.

Merz, i cili ka qenë në krye të qeverisë Demokristiane-Socialdemokrate që nga fillimi i majit, njihet brenda partisë së tij CDU, të cilën ai e drejton, si anëtar i krahut konservator.

“Me Vuciqin thojshin ‘we are not problematic guys”, Kurti i sulmon Hashim Thaçin e Kadri Veselin

Kryeministri në detyrë i Kosovës, Albin Kurti, ka thënë në Tëvë 1 se nuk bëjnë koalicion me PDK-në.

Kurti tha se PDK-ja nuk është informuar sepse sipas tij ka katër apo pesë kryetarë.

Madje, ai involvoi edhe dy ish-krerët e UÇK-së Hashim Thaçi e Kadri Veseli që po gjykohen në Hagë që 5 vjet.

Por, Kurti thotë se PDK-ja konsultohet akoma me ta. Rrjedhimisht thotë se nuk mund të ketë koalicion.

“PDK nuk e di a i ka 4 apo 5 kryetarë, por jam i sigurt që nuk i ka 3, 2 e as 1. PDK e di prej përvojës është një shoqëri aksionare me papërgjegjësi pakufizuara dhe aty nuk merresh vesh pse ke fol me një person. Prandaj Enver Hoxhaj thotë diçka tjetër, prandaj e patë çfarë tha kryetari Drenasit Ramiz Lladrovci për Sami Lushtakun, prindin e një deputetit të PDK-së. Janë dy ish-kryetarët në Hagë të cilët duhet t’i vizitojnë shpesh edhe për instruksione politike”, ka thënë Kurti.

“Janë të njëjtin njerëz që me Vuciqin i thojshin ‘we are not problematic guys”, e sot thojnë Albulena Haxhiu s’vjen shprehje, e thonë problem është Albin Kurti”,

Qe 5 vjet janë në burg, Kurti i sulmon Hashim Thaçin e Kadri Veselin: PDK i ka dy kryetarë në Hagë, atje u shkojnë për konsultime

Kryeministri në detyrë i Kosovës, Albin Kurti, ka thënë në Tëvë 1 se nuk bëjnë koalicion me PDK-në.

Kurti tha se PDK-ja nuk është reformuar sepse sipas tij ka katër apo pesë kryetarë.

Madje, ai involvoi edhe dy ish-krerët e UÇK-së Hashim Thaçi e Kadri Veseli që po gjykohen në Hagë që 5 vjet.

Por, Kurti thotë se PDK-ja konsultohet akoma me ta. Rrjedhimisht thotë se nuk mund të ketë koalicion.

“PDK nuk e di a i ka 4 apo 5 kryetarë, por jam i sigurt që nuk i ka 3, 2 e as 1. PDK e di prej përvojës është një shoqëri aksionare me papërgjegjësi pakufizuara dhe aty nuk merresh vesh pse ke fol me një person. Prandaj Enver Hoxhaj thotë diçka tjetër, prandaj e patë çfarë tha kryetari Drenasit Ramiz Lladrovci për Sami Lushtakun, prindin e një deputetit të PDK-së. Janë dy ish-kryetarët në Hagë të cilët duhet t’i vizitojnë shpesh edhe për instruksione politike”, ka thënë Kurti.

Publikohet udhëzuesi për përfitimin e shtesave për fëmijë dhe lehona

Ministria e Financave, Punës dhe Transfereve ka miratuar udhëzuesin rreth zbatimit të Shtesave për Fëmijë dhe Lehona.

Në udhëzuesin e përditësuar përmenden informatat si në vijim:

Shtesat për fëmijë

Të gjithë fëmijët nga mosha 0 deri në 16 vjeç që janë rezident në Kosovë kanë të drejtë në përfitim nga shtesat për fëmijë;

Familjet me 1 ose 2 fëmijë – përfitojnë 20€ në muaj për secilin fëmijë;

Familjet me 3 ose më shumë fëmijë – përfitojnë 30€ në muaj për secilin fëmijë;

Aplikimi bëhet nga nëna e fëmijës përmes platformës eKosova, dhe mjetet kalojnë në llogarinë e saj bankare.

Në rastet kur nëna ka ndërruar jetë apo nuk është shtetase e Kosovës, babai ose kujdestari ligjor mund të aplikojë me dokumentacionin përkatës.

Në situata specifike si:

Prindër të divorcuar;

Nëna ka braktisur fëmijën;

Kujdestaria i është dhënë babait me vendim gjykate apo nga QPS – aplikimi bëhet nga babai në rolin e kujdestarit ligjor.

Në rastet kur fëmija është në strehim rezidencial, atëherë aplikimi bëhet nga entiteti strehues përkatësisht punonjësi i autorizuar nga entiteti i cili hap një llogari bankare për fëmijën ku depozitohen mjetet e shtesave për fëmijë.

Shtesat për lehona

Të drejtë për përfitim kanë të gjitha lehonat rezidente në Kosovë:

Lehonat e papuna – përfitojnë 325.9€ në muaj për 6 muaj me radhë, nëse kanë qenë të papuna për së paku 9 muaj nga 12 muajt e fundit para lindjes (sipas të dhënave të ATK).

Lehonat e punësuara – përfitojnë 325.9€ për 3 muaj me radhë.

Aplikimi bëhet brenda 90 ditëve nga data e lindjes së fëmijës.

Verifikimi i plotësimit të kritereve për përfitim

Nëse fëmija është i lindur në Kosovë dhe aplikimi për shtesa bëhet brenda 3 muajve nga lindja, përfitimi miratohet automatikisht pa pasur nevojë për verifikim shtesë.

Ndërsa në rastet kur fëmija është i lindur jashtë Kosovës, apo kur aplikimi bëhet pas 3 muajve, atëherë lënda kalon në procedurë të verifikimit, ku kërkohen dokumente plotësuese për të vlerësuar të drejtën në përfitim.

Departamenti i Skemave Sociale (DSS) ka të drejtë të kërkojë dokumentacion për verifikim të kritereve:

Certifikatë të vendbanimit;

Dëshmi nga shkolla për vijim të rregullt;

Dëshmi vaksinimi nga institucionet shëndetësore;

Faturë të rrymës;

Regjistrim të bashkësisë familjare në ASK, etj.

Në rast të mospërmbushjes së dokumentacionit, mund të ndodhë pezullimi i përkohshëm i përfitimit deri në përmbushjen e kërkesave apo ndërprerja e përfitimit në rast se rezidenca e përfituesit nuk verifikohet.

Nëse ndodh pezullimi apo ndërprerja e përfitimit pa një vendim të arsyetuar, përfituesi ka të drejtë të dërgojë ankesë në Komisionin e Ankesave brenda 30 ditëve nga pranimi i vendimit.

Për më shumë informata për mënyrën e aplikimit, procedurën e verifikimit apo kriteret që duhet të plotësoni për të përfituar nga shtesat për fëmijë dhe lehona, ju lutem vizitoni vegëzën në vijim:

https://mfpt.rks-gov.net/desk/content/media/6a0302bd-eec7-4525-8e17-14b9dbca8cd7.pdf

SBASHK-u paralajmëron grevë nga shtatori

Sindikata e Bashkuar e Arsimit ka paralajmëruar se viti i ri shkollor mund të nisë me greva të përgjithshme.

Përmes një komunikate për media bëhet e ditur se SBASHK-u ka analizuar situatën aktuale politike, nga ku ka kritikuar qasjen e partisë fituese të zgjedhjeve.

Kjo sindikatë ka theksuar se për shkak të mosformimit të institucioneve po lihen anash interesat e punëtorëve të sektorit publik e privat.

“Në vend të trajtimit serioz të kërkesave të grupeve të punësuar, përfshirë edhe ato të punëtorëve të arsimit, kjo parti po i jep më shumë rëndësi çështjeve të emërimeve sesa zgjidhjes së problemeve që prekin drejtpërdrejt jetën e qytetarëve. Si pasojë, është krijuar një boshllëk institucional, ku nuk ka se kujt t’i adresohen kërkesat e punëtorëve arsimor”, thuhet në njoftim

Bëhet e ditur se SBASHK-u ka intensifikuar komunikimin me udhëheqësit sindikalë  nëpër komunat e vendit, nga çerdhet, shkollat fillore e të mesme, deri te universitetet, dhe unanimisht është vendosur që të nisin përgatitjet për mbajtjen e një Kongresi të jashtëzakonshëm.

“Ky Kongres do të ketë karakter vendimmarrës për veprime të mëtejshme sindikale. Në të do të shqyrtohet dhe vendoset qartë nëse muaji shtator do të shënojë fillimin e vitit të ri shkollor, apo do të jetë fillimi i veprimeve sindikale, duke mos përjashtuar grevën e përgjithshme në tërë sistemin arsimor të Kosovës. SBASHK-u mbetet i përkushtuar për të mbrojtur të drejtat dhe dinjitetin e çdo punëtori të Arsimit dhe i bën thirrje institucioneve përgjegjëse që të veprojnë me përgjegjësi, të hapin rrugë dialogut dhe të japin zgjidhje konkrete për kërkesat e punëtorëve arsimorë”, thuhet në njoftim.

Shtesat për fëmijë dhe lehona, Ministria merr një vendim

Ministria e Financave, Punës dhe Transfereve ka miratuar udhëzuesin rreth zbatimit të shtesave për fëmijë dhe lehona.

Në udhëzuesin e përditësuar përfshihen informacionet e nevojshme për shtesat për fëmijë, aplikimin, llojet e familjeve përfituese dhe situatat specifike.

Ministria gjithashtu theksoi edhe dokumentet që duhet poseduar për procedurat e aplikimit për shtesa.

“Në rast të mospërmbushjes së dokumentacionit, mund të ndodhë pezullimi i përkohshëm i përfitimit deri në përmbushjen e kërkesave apo ndërprerja e përfitimit në rast se rezidenca e përfituesit nuk verifikohet” thuhet në njoftimin e MFPT-së.

Ky është njoftimi i plotë:

Shtesat për fëmijë

Të gjithë fëmijët nga mosha 0 deri në 16 vjeç që janë rezident në Kosovë kanë të drejtë në përfitim nga shtesat për fëmijë

Familjet me 1 ose 2 fëmijë – përfitojnë 20€ në muaj për secilin fëmijë

Familjet me 3 ose më shumë fëmijë – përfitojnë 30€ në muaj për secilin fëmijë

Aplikimi bëhet nga nëna e fëmijës përmes platformës eKosova, dhe mjetet kalojnë në llogarinë e saj bankare.

Në rastet kur nëna ka ndërruar jetë apo nuk është shtetase e Kosovës, babai ose kujdestari ligjor mund të aplikojë me dokumentacionin përkatës.

Në situata specifike si:

Prindër të divorcuar

Nëna ka braktisur fëmijën

Kujdestaria i është dhënë babait me vendim gjykate apo nga QPS – aplikimi bëhet nga babai në rolin e kujdestarit ligjor.

Në rastet kur fëmija është në strehim rezidencial, atëherë aplikimi bëhet nga entiteti strehues përkatësisht punonjësi i autorizuar nga entiteti i cili hap një llogari bankare për fëmijën ku depozitohen mjetet e shtesave për fëmijë.

Shtesat për lehona

Të drejtë për përfitim kanë të gjitha lehonat rezidente në Kosovë:

Lehonat e papuna – përfitojnë 325.9€ në muaj për 6 muaj me radhë, nëse kanë qenë të papuna për së paku 9 muaj nga 12 muajt e fundit para lindjes (sipas të dhënave të ATK).

Lehonat e punësuara – përfitojnë 325.9€ për 3 muaj me radhë.

Aplikimi bëhet brenda 90 ditëve nga data e lindjes së fëmijës.

Verifikimi i plotësimit të kritereve për përfitim

Nëse fëmija është i lindur në Kosovë dhe aplikimi për shtesa bëhet brenda 3 muajve nga lindja, përfitimi miratohet automatikisht pa pasur nevojë për verifikim shtesë.

Ndërsa në rastet kur fëmija është i lindur jashtë Kosovës, apo kur aplikimi bëhet pas 3 muajve, atëherë lënda kalon në procedurë të verifikimit, ku kërkohen dokumente plotësuese për të vlerësuar të drejtën në përfitim.

Departamenti i Skemave Sociale (DSS) ka të drejtë të kërkojë dokumentacion për verifikim të kritereve:

Certifikatë të vendbanimit

Dëshmi nga shkolla për vijim të rregullt

Dëshmi vaksinimi nga institucionet shëndetësore

Faturë të rrymës

Regjistrim të bashkësisë familjare në ASK, etj.

Në rast të mospërmbushjes së dokumentacionit, mund të ndodhë pezullimi i përkohshëm i përfitimit deri në përmbushjen e kërkesave apo ndërprerja e përfitimit në rast se rezidenca e përfituesit nuk verifikohet.

Nëse ndodh pezullimi apo ndërprerja e përfitimit pa një vendim të arsyetuar, përfituesi ka të drejtë të dërgojë ankesë në Komisionin e Ankesave brenda 30 ditëve nga pranimi i vendimit.

Për më shumë informata për mënyrën e aplikimit, procedurën e verifikimit apo kriteret që duhet të plotësoni  për të përfituar nga shtesat për fëmijë dhe lehona, ju lutem vizitoni vegëzën në vijim: https://mfpt.rks-gov.net/…/6a0302bd-eec7-4525-8e17…

Tronditëse – babai pranon se përdhunoi vajzën e tij 12 vjeç: Ndodhi veç një herë në makinë

Ka përfunduar me masën e sigurisë “arrest me burg” seanca për 36-vjeçarin Zamir Meta, i cili akuzohet se ka kryer marrëdhënie seksuale me vajzën e tij 12-vjeçare.

Vendimi u mor vetëm pak çaste më parë nga Gjykata e Fierit, raportojnë mediat në Shqipëri.

Sipas ekspertizës mjeko-ligjore, abuzimi ndaj të miturës është kryer disa herë, çka përforcon akuzat ndaj të dyshuarit.

Në fazën e hetimeve paraprake, Meta ka pranuar ngjarjen gjatë marrjes në pyetje si person nën hetim. Në seancën e sotme, ai nuk ka folur, por ka tundur kokën në shenjë pohimi kur u pyet për akuzat.

Ndërkaq, siç raporton Top Channel në dëshminë e tij në polici, 36-vjeçari pohoi se e ka kryer marrëdhënia seksuale vetëm një herë në makinë, derisa tha se po ktheheshin nga Tirana, duke a pranuar se ka abuzuar me vajzën e mitur. Para trupit gjykues 36-vjeçari ka qëndruar gjithë kohën me kokën ulur dhe ka pohuar abuzimin. Ekspertiza mjeko-ligjore ka vërtetuar se ai ka kryer disa herë marrëdhënie me vajzën.

Ndaj 36-vjeçarit rëndon akuza për marrëdhënie seksuale me të mitur, vepër që dënohet rëndë nga Kodi Penal. Hetimet për zbardhjen e plotë të ngjarjes vijojnë.

 

Vdes gazetari kosovar, ishte edhe aktivist i LDK-së

Ka vdekur ish-gazetari kosovar, Mehmet Spahiu.

Ai ishte Asamblist i Kuvendit Komunal të Dragashit nga radhët e LDK-së.

Lajmi është bërë i ditur nga një faqe lokale e kësaj komune.

Kurti tregon kur do të konstituohet legjislatura e re

Kryetari i Lëvizjes Vetëvendosje ka theksuar javën e fundit të korrikut si kohën kur duhet bërë konstituimi i Kuvendit, ashtu siç ka vendosur Gjykata Kushtetuese.

“Afatet po rrjedhin. Në javën e fundit të korrikut duhet që ta kemi konstituimin e legjislaturës së re”, tha Albin Kurti pas një takimi që e pati sot me presidenten Vjosa Osmani.

Kurti tha se do të bëjmë “çmos” që “në frymën e bashkëpunimit” të arrihet kjo.

Ai tha se në takim u përmendën “të gjitha elementet përbërëse”. Pas takimeve që Osmani do t’i ketë edhe me liderët e partive tjera politike, ai tha se do të kuptohet “sa kemi bërë përparim”.

“I përmendëm të gjitha elementet përbërëse dhe tash zonja presidente do të ketë takime edhe me përfaqësuesit e partive të tjera politike, e mbase në fund do të mund të shohim se a kemi bërë përparim, sa kemi bërë përparim dhe sa është i mjaftueshëm një përparim i tillë. Unë besoj që duhet t’ua japim shansin edhe takimeve të tjera dhe në fund të shohim se cili është progresi për të cilin jemi të interesuar që të gjithë”.

Situatën me ngërçin politik në Kuvend nuk e ka ndryshuar një aktgjykim i Gjykatës Kushtetuese i shpallur të enjten pasdite, i cili i detyron deputetët ta konstituojnë Kuvendin. Ajo vendosi se deputetët duhet ta përfundojnë seancën konstituive brenda 30 ditëve, më së largu deri më 26 korrik.

Presidentja Vjosa Osmani po zhvillon takime me udhëheqësit e partive politike për të diskutuar për konstituimin e Kuvendit. Ajo “pret që partitë e përfaqësuara në Kuvend ta zbatojnë aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar Gjykata”, ka thënë këshilltari i saj për media, Bekim Kupina.

Nëse e shihni këtë grua lajmërone policinë

Njësiti i Hetimeve të stacionit policor në Graçanicë, me autorizim nga prokuroria kompetente, ka lëshuar një kërkesë për bashkëpunim nga qytetarët, në lidhje me identifikimin e një gruaje të dyshuar për përfshirje në një vepër vjedhjeje, raporton Gazeta Sinjali.

Policia ka publikuar një fotografi të të dyshuarës dhe kërkon informacion nga qytetarët që mund të ndihmojnë në identifikimin e saj.

“Të nderuar, për çdo informatë që mund të çojë në identifikimin e saj, ju lusim të kontaktoni policinë në numrin e telefonit: 192 ose përmes emailit: info@kosovopolice.com.”, thuhet në njoftim.