I groposur e i fshehur nën dërrasa, ky është vendi ku u gjet i vrarë 60-vjeçari në Baicë të Lipjanit

Në një arë me misër është gjetur i varrosur trupi i pajetë i 60-vjeçarit, i cili dyshohet se është vrarë me armë zjarri.

Lidhur me rastin, Policia e Kosovës ka bërë të ditur se janë intervistuar katër persona.

“Në një arë është gjetur i varrosur një trup i pajetë, mashkull rreth moshës 50-60 vjeçare, trupi i cili sipas IML-së është i freskët. Në vendin e ngjarjes kanë dalë edhe prokurori kujdestar bashku me njësinë e zhvarrimit e kanë nxjerr trupit e pajetë, momentalisht nuk dihet identiteti i tij. Në lidhje me rastin janë intervistuar katër dëshmitarët meshkuj kosovarë. Rasti është duke u hetuar”, thuhet në raportin 24 orësh të Policisë së Kosovës.

Ndërkohë, Prokuroria Themelore në Prishtinë, ka thënë se po ndërmerren veprime hetimore intensive për zbardhjen e plotë të rastit të vrasjes.

“Lidhur me rastin  e raportuar të personit të zhdukur në Komunën e Lipjanit se me datë 04.05.2025, është gjetur një trup i pajetë, aktualisht janë duke ndërmarrë veprime hetimore intensive nga ana e prokurorisë themelore në Prishtinë në bashkëpunim me policinë e Kosovës, me qëllim të zbardhjes së plot të rrethanave të rastit. Për më shumë informacione ju njoftojmë me kohë”, thuhet nga Prokuroria./teve1.info/

Ministrit serb i përkeqësohet gjendja gjatë një paraqitjeje drejtpërdrejt në televizion

Ministrit për Investime Publike të Serbisë, Darko Gllishiq, i është përkeqësuar gjendja sot në mëngjes gjatë një paraqitjeje në programin e mëngjesit në televizionin serb “Pink”.

Emisioni është ndërprerë papritur, dhe sipas informacioneve jozyrtare, dyshohet se bëhet fjalë për një goditje të rëndë në tru.

Gllishiqi ishte i ftuar në programin e mëngjesit në televizionin “Pink”, por papritmas filloi të belbëzojë dhe nuk ishte në gjendje të shqiptonte asnjë fjalë të plotë. Prezantuesit e pyetën disa herë nëse ndihej mirë, por ai nuk mundi të përgjigjej, ndaj programi u ndërpre.

Gllishiqi u transportua urgjentisht në spital, ku së shpejti mbërriti edhe presidenti i Serbisë, Aleksandar Vuçiq. Gllishiqi konsiderohet si një nga bashkëpunëtorët e tij më të afërt.

Darko Gllishiq është ministër në Qeverinë e Serbisë që nga maji i vitit 2024. Ai është anëtar i Partisë Përparimtare Serbe që nga themelimi i saj dhe prej vitit 2016 ushtron detyrën e kryetarit të Komitetit Ekzekutiv të PPS-së.

Shala: Shqiptarët e Maqedonisë më shumë reagojnë kur u preket feja, sesa ndjesia kombëtare

Opinionisti Azdren Shala sonte në emisionin “Rubikon” në Klan Kosova është shprehur se shqiptarët e Maqedonisë së Veriut më shumë reagojnë kur u preket feja, sesa siç u shpreh ai, ndjesia kombëtare.

Kjo sipas Shalës ndodh për shkak, siç u shpreh ai, të një investimi të jashtëm.

“Janë ndoshta pjesa e shqiptarisë që më dhimbsen më së shumti, për shkak se atje prej kohësh, për shkak të një investimi të jashtëm, sentimentin nacionalist ia ka zbehur ai fetar”.

“Sot shqiptarët e Maqedonisë i ke shumë më reaksionar kur ua prek fenë, sesa kur ua prek ndjekësinë kombëtare, kjo për shkak të investimeve të gjata nëpër disa xhami, si atje, si këtu, por atje ka bërë efekt më shumë”, u shpreh tutje Shala.

Arrestimi i kolonelit Nexhmi Krasniqi, Sveçla: Nuk ka vend për kriminelë në radhët e Policisë

Ministri në detyrë i Punëve të Brendshme, Xhelal Sveçla ka përgëzuar Inspektoratin Policor të Kosovës për aksionin e realizuar ditën e hënë, e ku në mesin e të arrestuarve ishte edhe ish-drejtori rajonal i Policisë në Prizren, Nexhmi Krasniqi.

Sveçla në reagimin e tij ka shkruar se krimi nuk ka vend në shoqërinë tonë, e posaçërisht nuk ka vend për kriminelë në radhët e Policisë.

“Përgëzoj Inspektoratin Policor të Kosovës për aksionin e djeshëm, ku u arrestuan katër qytetarë, ndër ta edhe një zyrtar i lartë i Policisë së Kosovës. Krimi nuk ka vend në shoqërinë tonë, e posaçërisht nuk ka vend për kriminelë në radhët e Policisë”.

“Mbështes dhe njëkohësisht insistoj në veprime edhe më të vendosura të Inspektoratit, që radhët e Policisë të pastrohen nga elementë të tillë që njollosin emrin e institucionit më kredibil dhe me besueshmërinë më të madhe në vend”, ka deklaruar ai.

Sveçla shtoi tutje se, Policia e Kosovës duhet të jetë adresë e luftimit të krimit dhe asnjëherë dhe ne asnjë rrethanë çerdhe banimi e mburojë e veprimtarive kriminale.

Ndryshe, Prokuroria Themelore në Prizren, në bashkëpunim të ngushtë me Inspektoratin Policor të Kosovës (IPK), ka zhvilluar një aksion të koordinuar që ka rezultuar me bastisjen e katër lokacioneve në qytetin e Prizrenit dhe arrestimin e katër personave të dyshuar.

Sipas njoftimit zyrtar, ky aksion është rezultat i një hetimi disa mujor, i cili është realizuar me përkushtim nga hetuesit e IPK-së, në bashkëpunim të plotë me Prokurorinë Themelore në Prizren.

Në mesin e të arrestuarve është edhe ish-drejtori rajonal i Policisë në Prizren, Nexhmi Krasniqi.

Ai dyshohet për përfshirje në veprat penale të detyrimit, të sanksionuara sipas Kodit Penal të Republikës së Kosovës.

Hetimet në terren po vazhdojnë, ndërsa IPK ka rekomanduar suspendimin e kolonelit të dyshuar si pjesë e procedurës administrative.

Prokuroria dhe IPK kanë theksuar se janë të përkushtuara në luftimin e çdo forme të kriminalitetit, përfshirë edhe rastet kur të dyshuarit janë zyrtarë publikë.

Rrëmbehet një vajzë, ka hipur në një veturë me targa të panjohura

Një rast i rrëmbimit është raportuar ditën e djeshme në Drenas.

Një burrë ka raportuar në polici se vajza e tij kishte dalë nga shtëpia dhe nuk është kthyer më.

Policia bën të ditur se sipas ankuesit gjatë kontrollit të video incizimeve  është parë viktima kishte hipur në një veturë me targa të panjohura.

“Drenas 04.08.2025-16:00 Ankuesi mashkull kosovar, ka njoftuar se vajza e tij e mitur femër kosovare kishte dalë nga shtëpia dhe nuk ishte kthyer më. Sipas ankuesit gjatë kontrollit se video incizimeve vërehet se viktima kishte hip në një veturë me targa të panjohura. Rasti duke u hetuar”, bën të ditur Policia e Kosovës në raportin 24 orësh.

Kurti ‘e qan’ serbishten, i fton të interesuarit të aplikojnë për 121 vende pune në komunat veriore

Kryeministri në detyrë i Kosovës, Albin Kurti, në gjuhën serbe i është drejtuar serbëve të Kosovës për të aplikuar në konkursin e shpallur për Ujësjellësin Rajonal “Mitrovica”.

Kurti ka thënë se konkursi mbyllet këtë premte, 9 gusht – dhe për 53 vende tjera pune mbyllet me 19 gusht. Në total janë 121 vende pune.

“|Ujësjellësi Rajonal “Mitrovica” ka formuar njësitë punuese dhe ka shpallur konkurse për 121 vende pune në komunat: Leposaviq, Mitrovicë e veriut, Zubin Potok dhe Zveçan. Konkursi për 68 vende pune mbyllet këtë të premte, me 8 gusht, ndërsa për 53 vendet e tjera mbyllet me 19 gusht”, ka shkruar Kurti.

Lajm i hidhur: Ndërron jetë në moshë mjaft të re haxhi Ylberi

I riu haxhi Ylberi ka ndërruar jetë në moshë të re, pas një beteje me sëmundjen, ndërsa ishte duke u trajtuar në Francë.

Lajmin e ka bërë të ditur aktivisti mitrovicas Liridon Kurti, i cili shkroi:

“Përkundër vullnetit për ta luftuar sëmundjen dhe dashurisë për jetën, mbrëmë ndërroi jetë vëllau jonë Ylberi. E lusim Zotin ta shpërblejë në ahiret, ashtu siç ishte shembull për devotshmëri në këtë botë.”

Ishte raportuar i zhdukur, gjendet i groposur – krejt çka dihet deri tani për vrasjen e dyshuar në Baincë të Lipjanit

Një ngjarje e rëndë ka ndodhur dje në fshatin Baincë të komunës së Lipjanit, ku është gjetur i vdekur dhe i groposur një burrë, i cili më parë ishte raportuar si person i zhdukur.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila njoftoi se rasti po trajtohet si vrasje e rëndë.

“Dje rreth orës 12:00, në fshatin Baicë të Lipjanit, është gjetur i groposur një trup i pajetë (ende i paidentifikuar). Hetuesit policorë, në koordinim me prokurorinë, kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim,” deklaroi Ahmeti.

Sipas informacioneve fillestare, trupi i pajetë është zbuluar nga familjarët e viktimës, i cili ishte shpallur i zhdukur pak ditë më parë.

Dyshohet se viktima është Enver Bajraktari, për zhdukjen e të cilit familja kishte ngritur alarmin dhe kishte kërkuar ndihmë për ta gjetur.

Dyshimet për vrasjen tragjike të Enver Bajraktarit, flasin familjarët

Detyrim e shmangie nga tatimi, Nexhmi Krasniqi u kap duke marrë 30 mijë euro

Koloneli Nexhmi Krasniqi, i cili aktualisht ushtron detyrën e Drejtorit të Policisë Kufitare për Rajonin e Prizrenit është arrestuar për detyrim e shmangie nga tatimi.

Lajmin e ka konfirmuar për Insajderin kryeprokurori i Prokurorisë Themelore në Prizren, Petrit Kryeziu.
Insajderi merr vesh qe Nexhmi Krasniqi me tre persona të tjerë në formë detyrimi, nga viktima kanë marr 30 mijë euro.

Arrestimi i tij ka rrjedhur pas një aksioni që ka zhvilur Inspektorati Policor i Kosovës bashkë me Prokurorinë e Prizrenit.

Aaksioni ka përfunduar me bastisjen e katër lokacioneve dhe arrestimin e katër personave të dyshuar.

Detajet nga komunikata:

Ky operacion është rezultat i një hetimi disa mujor, i cili është zhvilluar me profesionalizëm dhe përkushtim nga hetuesit e IPK-së në koordinim me Prokurorinë Themelore në Prizren.

Ndër të arrestuarit është edhe një zyrtar i lartë i Policisë së Kosovës me gradën kolonel. Sipas IPK-së, ndaj të dyshuarve ekziston dyshimi i arsyeshëm për përfshirje në veprat penale të detyrimit dhe shmangies nga tatimi, të cilat janë të sanksionuara me Kodin Penal të Republikës së Kosovës.

Aktualisht, hetuesit janë duke vazhduar veprimet hetimore në terren për të siguruar prova shtesë dhe për të zbardhur tërësisht rastin.

Si pjesë e procedurës administrative, IPK ka rekomanduar suspendimin e kolonelit policor.

Inspektorati Policor i Kosovës rithekson përkushtimin e institucioneve të zbatimit të ligjit për bashkëpunim ndërinstitucional dhe luftën kundër çdo forme të krimit, përfshirë atë të kryer nga zyrtarë publik.

Dyshimet për vrasjen tragjike të Enver Bajraktarit, flasin familjarët

Vdekja e Enver Bajraktarit nga fshati Baicë i Lipjanit ka tronditur familjen e tij dhe opinionin publik. Ai ishte raportuar i zhdukur nga familja një ditë më parë, ndërsa më pas u gjet pa shenja jete dhe i varrosur dy metra në thellësi.

Kushëriri i viktimës, Avni Bajraktari në “Edicionin Special” në Klan Kosova tha se Enveri i kishte çuar lopën për kullotë në ara, para se të zhdukej.

Derisa bëhet e ditur se të shtunën ai kishte shkuar me autobus në Tiranë për t’i pritur djemtë e tij që kishin ardhur nga Franca dhe Italia.

“Unë si fillim jam kanë në një lokal ku shkojmë çdo mëngjes për kafe, kam taku një kojshi dhe më tha e e gjetët Velin, tha jo Veli s’o. E kam thirr kushëririn tjetër, Besartin, i cili tha se u zhduk prej djeshit. Kanë thirrë dronin policia. Kemi dal krejt teposhtë, rend komplet. Unë isha me një vëlla temin dhe një kojshi tjetër, kur shkum pak si poshtë, në dalje prej kollomoqit, tha diçka paska shku qisajd. Dhe për qatë gjurmë jena shku dhe e gjetëm venin. Nonstop me ne kanë qenë njësite policore”, tha Avni Bajraktari.

Familjarët e tij kanë deklaruar se Enveri nuk kishte probleme apo konflikte me ndonjë person të caktuar.

Policia dhe Prokuroria e Shtetit kanë nisur hetimet për të zbuluar rrethanat e kësaj vdekjeje të dyshimtë. Sipas informacioneve të siguruara nga Klan Kosova, viktima është gjetur nga familjarët, i groposur disa metra nën tokë në një arë të mbjellë me misër.  Grupi që po kërkonte Enverin arriti ta gjente vendin ku ishte varrosur, duke ndjekur shenjat që tregonin se ai ishte tërhequr zvarrë deri aty.

Policia e Kosovës e ka konfirmuar rastin, duke e cilësuar si dyshim për vrasje të rëndë. Zëdhënësja e Policisë për Rajonin e Prishtinës, Florie Ahmeti, ka bërë të ditur se rreth orës 12:00 është gjetur një trup i pajetë i groposur.

“Sot rreth orës 12:00, në fshatin Baicë të Lipjanit, është gjetur i groposur një trup i pajetë (ende i paidentifikuar). Hetuesit policor në koordinim me prokurorinë kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim. Bazuar në rrethanat fillestare, dyshohet për vrasje të rëndë. Aktualisht hetuesit janë duke punuar për zbardhjen e plotë të ngjarjes dhe identifikimin e viktimës”, tha Ahmeti