E pati puna! Vserlo ‘dashurohet’ në këtë mashkull

Vserlo, ish-banori karizmatik i Big Brother VIP Albania, ka lënë pas zhurmën e Tiranës për të shijuar disa ditë relaksi në kryeqytetin spanjoll – Madrid.

Por pushimet për të nuk janë thjesht turistike: duket se zemra e tij ka bërë zoom mbi një kalimtar misterioz.

Në një postim që ka ndezur rrjetin, Vserlo ka ndarë një foto të një djaloshi të palestruar, i veshur sportiv dhe me muskujt që “flasin vetë”, ndërsa në sfond ka vendosur hitin e Britney Spears “Mama, I’m in love with a criminal”.

Teksti i përzgjedhur nuk është aspak i rastësishëm, duke lënë të nënkuptohet se kemi të bëjmë me një dashuri me rrezik… apo thjesht me një moment dobësie ndaj trupave të punuar?

Dhe nëse menduat se Vserlo po pushon i qetë, gaboheni. Ai e di saktë si ta mbajë vëmendjen ndezur. Pyetja tani është: a është ky vetëm një flirt veror i paparë, apo fillimi i një romance?

Mbetet për t’u parë në ditët në vijim, por një gjë është e sigurt: Vserlo nuk zhgënjen kurrë kur vjen puna te ndjeshmëria… dhe muskujt

S’ka festë të Vidovdanit me flamuj e simbole serbe në Kosovë

Monumenti i Gazimestanit, rreth 10 kilometra larg Prishtinës, çdo 28 qershor bëhet vendi më i frekuentuar nga serbët e Kosovës, të cilët shënojnë festën e Vidovdanit, si përkujtim të vuajtjeve të serbëve në betejën kundër ushtrisë turke në Kosovë në vitin 1389.

Më 10 qershor të vitit të kaluar, Komuna e Graçanicës kishte marrë vendim që kjo festë të shënohet dhe festohet me simbole dhe flamuj të shtetit serb, të cilin e kishte dorëzuar në Ministri të Administrimit të Pushtetit Lokal për vlerësim të ligjshmërisë.

Dy ditë më vonë, më 12 qershor, MAPL e kishte përcjellë këtë kërkesë në Ministri të Punëve të Brendshme për vlerësim të ligjshmërisë.

MPB pas vlerësimit të aktit me datë 24.06.2024 ka kthyer përgjigjen në Komunë dhe në MAPL, duke thënë se “28 Qershori (Vidovdani) nuk është e përcaktuar si festë zyrtare apo memoriale në Republikën e Kosovës”, duke vënë në dyshim ligjshmërinë e këtij vendimi komunal:

“Kuvendi i Komunës së Graçanicës, nuk e kishte rishqyrtuar vendimin dhe nuk kishte vepruar sipas kërkesës së MPB-së”.

Kështu, më 31 korrik të 2024-tës, MAPL ka paditur Komunën e Graçanicës duke kërkuar nga Gjykata Themelore në Prishtinë, Departamenti Administrativ, që të anulojë vendimin e komunës në fjalë.

Kësaj gjykate iu deshën 11 muaj që të marrë vendim për këtë rast.

Në aktvendimin e nxjerrë më 9 qershor të këtij viti, të cilin e ka siguruar Klan Kosova, gjyqtari i cili trajtoi këtë rast, Kreshnik Kaçiu, ka marrë vendim që të aprovojë në tërësi padinë e MAPL-së dhe të anulojë vendimin e Komunës së Graçanicës, duke shtuar se “ky Aktgjykim e zëvendëson aktin e anuluar dhe ka karakter detyrues”.

Në arsyetim, Gjykata ka thënë se sipas Ligjit për Festat Zyrtare në Republikën e Kosovës, “vetëm Qeveria në bashkëpunim me Presidentin e Republikës së Kosovës mund të përcaktojë ditët memoriale nga të cilat dy ditë në konsultim me komunitetin serb. Komunat nuk kanë kompetencë të shpallin ditë feste të veçanta me ndikim publik, që përfshijnë përdorimin e simboleve shtetërore apo kombëtare në hapësirat publike”.

Vendimin e komunës së Graçanicës për dhënie të pëlqimit për shfaqjen e flamurit të një shteti tjetër me rastin e një feste që nuk njihet si festë zyrtare nga institucionet e Republikës së Kosovës, Gjykata e cilëson “tejkalim të kompetencave të përcaktuara me ligj”.

Ky vendim, sipas interpretimit të Gjykatës Themelore në Prishtinë, ka cenuar rëndë karakterin unitar dhe kushtetues të Republikës së Kosovës.

“Sipas nenit 1 të Kushtetutës së Republikës së Kosovës, Kosova është një shtet unik dhe i pandashëm, dhe autoritetet komunale nuk mund të ndërmarrin veprime që e relativizojnë këtë parim. Lejimi i flamurit të një shteti tjetër (Serbisë), jashtë rasteve të parapara me ligj, mund të perceptohet si akt simbolik i sovranitetit të dyfishtë apo vetëorganizimit politik në kundërshtim me rendin kushtetues”, thuhet më tej në arsyetimin e aktvendimit të kësaj gjykate të cilin e ka siguruar Klan Kosova.

“Kjo është veçanërisht e rëndësishme në kontekstin e ndjeshmërisë etnike dhe politike në Kosovë. Çdo lejim i tillë pa bazë ligjore mund të krijojë precedent të rrezikshëm për minimin e rendit juridik dhe unitetit shtetëror”.

Gjykata vlerësoi se vendimi i Komunës së Graçanicës rrezikon seriozisht rendin publik dhe bashkëjetesën ndërkomunitare.

“Vendimi në fjalë mund të provokojë tensione ndëretnike, veçanërisht nëse perceptohet se autoritetet komunale po favorizojnë një komunitet në kundërshtim me rendin ligjor dhe ndjenjat e komuniteteve të tjera. Ky rrezik për rendin publik është edhe më i lartë në kontekstin kur simboli i një shteti tjetër shfaqet në mënyrë të organizuar nga një autoritet publik komunal, pa pëlqimin ose autorizimin e institucioneve qendrore”, thuhet në arsyetimin e Aktvendimit të Gjykatës Themelore në Prishtinë.

Më tej, gjykata ka hedhur poshtë pretendimet e Komunës së Graçanicës se “ky vendim sipas tyre nuk ka një efekt juridik formal të zgjatur ose të përhershëm por është qartësisht i kufizuar me datën 28.06.2024”.

Në këtë drejtim, gjykata konstatoi se karakteri përkohshëm nuk e amniston kundërligjshmërinë.

“Kundërligjshmëria e një akti administrativ vlerësohet në përputhje me përputhshmërinë me ligjin në momentin kur ai prodhon efekt, jo në bazë të kohëzgjatjes së efektit”, ka vlerësuar gjykatësi Kaçiu në aktvendimin e nxjerrë për këtë rast.

Me këtë Aktgjykim, gjykata synon jo vetëm konstatimin e paligjshmërisë në rastin konkret, por gjithashtu edhe sigurimin e koherencës së rendit juridik dhe parandalimin e shkeljeve të ngjashme në të ardhmen.

Prandaj thotë se ky Aktgjykim reflekton nevojën që i njëjti të shërbejë si model për veprimet jo vetëm për të paditurën por edhe për të gjitha komunat tjera në të ardhmen, duke riafirmuar se Komunat nuk kanë të drejtë të ndërmarrin veprime që cenojnë kompetencat e pushtetit qendror, nuk mund të legalizojnë shfaqjen publike të simboleve të shteteve të huaja përmes vendimeve të tyre të pavarura, në kundërshtim me Ministrinë e Punëve të Brendshme dhe ligjet përkatëse dhe duhet të respektojnë hierarkinë e akteve dhe vendimeve të organeve qendrore të Republikës së Kosovës. /Klankosova.tv

Objekte të palegalizuara në Leposaviq – Komuna kërkon largimin vullnetar para ndërhyrjes

Një situatë aspak e qetë është krijuar në komunën e Leposaviqit, ku 17 familje serbe që jetojnë në vendbanimin Lešak kanë marrë njoftimin zyrtar për të lëshuar dhe shembur vetë shtëpitë e tyre. Sipas burimeve nga mediat serbe, urdhri është lëshuar nga kryetari shqiptar i komunës, Lulzim Hetemi.

Lajmi është bërë i ditur nga portali serb B92.net dhe televizoni TV Prva, të cilët raportojnë se njoftimi është lëshuar nga kryetari shqiptar i komunës së Leposaviqit, Lulzim Hetemi, dhe është dorëzuar më 29 maj nga zëvendësja e tij, Marina Bogojević, transmeton Gazeta Imazhi.

Sipas dokumentit zyrtar të komunës, banorëve u kërkohet të lirojnë ambientet ku banojnë, pasi sipas autoriteteve, objektet nuk janë të legalizuara. Nëse banorët nuk e zbatojnë vendimin deri më 28 qershor 2025 (dita e Vidovdanit), komunës do t’i jepet e drejta të ndërhyjë me makineri ndërtimi që do të vijnë nga Prishtina, për të realizuar shembjen me forcë.

Për më tepër, në njoftim theksohet se të gjitha shpenzimet e shembjes do t’u faturohen familjeve, nëse ata nuk e kryejnë veprimin vetë.

Situata ka shkaktuar panik dhe zemërim mes banorëve lokalë, të cilët ndihen të braktisur dhe të kërcënuar.

“Kemi marrë njoftim nga zëvendëskryetarja e komunës së Leposaviqit që të largohemi nga shtëpitë tona dhe t’i shembim vetë. Nëse nuk e bëjmë, do të ndërhyjnë ata dhe do të na detyrojnë të paguajmë ne shpenzimet e shembjes,” – deklaron Andrijana Simijonović, njëra prej banoreve të prekura nga vendimi.

Banorët shprehen se nuk u është ofruar asnjë alternativë banimi, as ndihmë për strehim apo procedura për legalizim. Ata ndihen të ekspozuar përballë një presioni që e cilësojnë si politik dhe etnik, dhe që i lë pa mbrojtje institucionale.

Sipas raportimit të B92 dhe TV Prva, është konfirmuar gjithashtu se policia e Kosovës është në gatishmëri për të asistuar në aksionin e shembjes, nëse kjo kërkohet nga kryetari i komunës, Lulzim Hetemi.

Ky zhvillim ka nxitur reagime të ashpra në komunitetin serb të Kosovës, që e shohin këtë si përshkallëzim të presionit institucional ndaj tyre, veçanërisht në komunat veriore, ku tensionet politike e ndëretnike mbeten ende të larta.

Çështja e legalizimit të ndërtimeve në komunat veriore të Kosovës ka qenë vazhdimisht një burim përplasjesh ndërmjet institucioneve të Kosovës dhe komuniteteve lokale serbe. Mungesa e proceseve të rregullta për legalizim dhe mungesa e marrëveshjeve të qëndrueshme kanë prodhuar një situatë të pasigurt, ku shumë objekte rrezikojnë të shemben ose të mbeten pa status të qartë juridik.

Gazeta Imazhi do të vijojë ndjekjen e situatës

Gazeta Imazhi do të vijojë të ndjekë zhvillimet në komunën e Leposaviqit dhe do të raportojë mbi reagimet zyrtare, veprimet e autoriteteve lokale dhe qëndrimet e organizatave ndërkombëtare që veprojnë në Kosovë.

Lajmi nga mediumet serbe

Nasim Haradinaj-Nexhmedin Spahiut: A po shko mbroje ish-policin tash në Serbi, ta shohim turrin

Ish-ushtari i UÇK-së dhe ish-anëtari i OVL-UÇK-së, Nasim Haradinaj, ka reaguar lidhur me rastin e arrestimit të ish-policit të Kosovës në kufi me Serbinë.

Haradinaj ka përmendur edhe Nexhmedin Spahiun, i cili kohë me parë kishte qëndruar në Beograd dhe kishte takuar Marko Gjuriqin, duke i thënë se “a po shko mbroje ti tash ta shohim turrin”,.

“Po Nexhmedin Spahiun a e dërguat more te vllau I tij Djuriči. Ai do ta kryente këtë punë !Nexhoooo a po shko mbroje ti tash ta shohim turrin si “Pametan i pošten albanac ” që je !!!”, ka shkruar Haradinaj.

Vrau gruan në sy të dy fëmijëve, i jep fund jetës në burg 31-vjeçari

I ka dhënë fund në burgun e Italisë, Lulzim Toçi, i cili vrau gruan e tij 24-vjeçare vitin e kaluar në Caserta.

Mediat italiane shkruajnë se Lulzim Toçi, 31 vjeç, i dënuar për vrasjen e gruas së tij Eleonora Toçi, i dha fund jetës sot në burgun e Santa Maria Capua Vetere, ku po vuante dënimin për krimin e kryer më 9 tetor të vitit të kaluar.

Vetëvrasja ndodhi në zonën psikiatrike të institucionit të vuajtjes së dënimit.

Ai e mbyti gruan në shtëpinë e tyre, para dy fëmijëve të tyre të vegjël, atëherë 6 dhe 4 vjeç, një akt që tronditi komunitetin shqiptar, por edhe atë italian.

Autoritetet po hetojnë për të sqaruar se si ndodhi vetëvrasja. Çifti kishte marrë një shtëpi më të madhe në “Via Caravaggio”, për të jetuar me fëmijët e tyre, respektivisht 6 dhe 4 vjeç.

Krimi i rëndë ndodhi në dhomën e gjumit të çiftit.

Hetuesit thanë se vrasja me siguri është kryer teksa viktima ka qenë duke fjetur.

Rasti i parë me linë e majmunit në Shqipëri – Si përhapet dhe cilat janë simptomat

Është identifikuar rasti i parë me linë e majmunit në Shqipëri. Burime bëjnë me dije se nga kjo sëmundje infektive është diagnostikuar një 32 vjeçar, i cili tashmë është shëruar plotësisht.

Në fillim, 32-vjeçari mori mjekimin e nevojshëm dhe u izolua. Tashmë, gjendja e tij paraqitet shumë e mirë.

Lidhur me pikëpyetjet nëse mund të ketë të tjerë të prekur nga kjo sëmundje, mësohet se deri më tani nuk ka asnjë të infektuar apo rast tjetër në vend.

Simptomat e kësaj sëmundje janë temperaturë, dhimbje trupi, ënjtje të nyjave limfatike, skuqje dhe puçrra që shndërrohen në flluska me kore, raporton euronews.al.

Ato dalin zakonisht në duar fytyrë dhe organe gjenitale. Sëmundja përhapet nga kontakti i drejtpërdrejtë me personat e infektuar si prekje e lëkurës apo marrëdhënie intime. Por një person mund të infektohet edhe nga kontakti i objekteve të kontaminuara si çarçafët, peshqirët apo rrobat.

Ky është vendi ku do varroset kosovarja që vdiq në sulmin në Austri

Austria është tronditur nga një masakër e paprecedentë. Në sulmin e armatosur që ndodhi të martën në shkollën e mesme në Graz, humbën jetën 10 persona, përfshirë edhe një vajzë nga Kosova.

Në një rrëfim prekës për “Kosova Live” T7, një i afërm i familjes së viktimës ka treguar për vendimin e familjes për të mos e kthyer trupin e vajzës së tyre të ndjerë në Kosovë, pasi sipas tyre kanë vendosur që ta varrosin atje, siq thuhet ta kenë më afër.

Martin Marku nga Shoqata “Nëna Terezë” në Austri, i cili është i afërm i familjes tutje foli për gjendjen e familjes në këto momente të vështira për ta.

Video e plotë:

Pas një aksidenti me traktor vdes veterani i UÇK-së

Një aksident i pazakontë ka ndodhur sot në rrugën magjistrale që çon në drejtim të Kaçanikut, përkatësisht afër varrezave të qytetit, ku një traktor ka dalë nga terreni malor dhe ka përfunduar në rrugë, duke shkaktuar një situatë të rëndë.

Si pasojë e këtij aksidenti të rëndë, ka humbur jetën një person. Bëhet fjalë për Sabri Manin, një veteran i Ushtrisë Çlirimtare të Kosovës nga Kaçaniku.

Menjëherë pas ngjarjes, ekipet emergjente kanë dalë në vendin e ngjarjes dhe kanë bërë përpjekje për t’i ofruar ndihmën e parë viktimës, por për fat të keq ai nuk ka arritur t’u mbijetojë plagëve.

Zbulohet identiteti dhe fotoja e vrasësit të masakrës në Austri – mesin e viktimave edhe një 15-vjeçare nga Kosova

Deri më tani nuk dihet shumë për vrasësin e masakrës së Grazit në Austri, një 21-vjeçari vrau nxënës dhe më pas veten në një shkollë të mesme.

Ajo që dihet, siç shkruajnë mediat austriake, është se Artur A. jetonte ende me nënën e tij në zonën e Grazit, ishte i vetmuar dhe kishte braktisur shkollën.

Në një foto, i riu shihet në një fotografi me një mace.

21-vjeçari jetonte vetëm me nënën e tij në Karlsdorf, pranë Grazit. Babai i tij thuhet se ishte armen dhe prindërit e tij ishin të divorcuar. Fqinjët e përshkruajnë Artur A. si një djalë të qetë, “introvert” që nuk përshëndeti kurrë askënd.

Artur A., pasi vrau dhjetë veta me armë zjarri të martën në një shkollë në Graz të Austrisë, vrau edhe veten.

Në mesin e viktimave ishte Lea Bajrami, një vajzë 15-vjeçe nga Kosova. Ajo jetonte në Graz dhe vijonte mësimet në shkollën që ishte vendi i ngjarjes së masakrës.

Arrestimi i ish-policit të Kosovës në Serbi, reagojnë nga Presidenca

Presidentja e Republikës së Kosovës, Vjosa Osmani, është angazhuar menjëherë pas njoftimit për ndalimin Arbnor Spahiut, ish-zyrtarit të Policisë së Kosovës nga autoritetet serbe.

Sipas këshilltarit për media, Bekim Kupina, Presidentja ka kontaktuar menjëherë me Zyrën Ndërlidhëse të Republikës së Kosovës në Serbi dhe ka qenë gjithashtu në komunikim të vazhdueshëm me shtetet e Quint-it dhe Zyrën e Bashkimit Evropian.

“Presidentja Osmani po e ndjek me prioritet të lartë këtë rast dhe angazhimi i saj institucional do të vazhdojë deri në sqarimin dhe zgjidhjen e situatës”, tha Bekim Kupina, për Gazetën Sinjali.

Ndryshe, bashkëshortja e Spahiut, Arjeta Spahiu publikisht i ka kërkuar presidentes së Kosovës Vjosa Osmani dhe institucioneve të vendit që të reagojnë për arrestimin e tij i cili po akuzohet nga Serbia për “vrasje të rëndë” në Banjskë.

Ajo ka thënë se Arbnori më shumë se kurrë tani ka nevojë për përkrahje, e që deri më tani të gjitha institucionet kanë heshtur.

“Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai. Arbnori ka kontribuar për sigurinë e Kosovës për vite me radhë. Dhe sot, kur ai ka më shumë se kurrë nevojë për përkrahje, është lënë në heshtje. Asnjë institucion nuk ka reaguar”.

“As Presidentja e vendit, as Kuvendi, as askush tjetër. Dhe kjo heshtje është një dhimbje tjetër për familjen time. Nuk po flas këtu vetëm si bashkëshorte. Po flas si qytetare. Sepse nesër kjo mund t’i ndodhë dikujt tjetër. Kërkoj nga Presidentja Vjosa Osmani, nga Qeveria dhe nga të gjitha institucionet që të reagojnë menjëherë. Arbnori duhet të kthehet në shtëpi. Ai nuk është fajtor – ai është një hero i heshtur i këtij vendi”, ka thënë ajo mes tjerash.