Zbulohet identiteti dhe fotoja e vrasësit të masakrës në Austri – mesin e viktimave edhe një 15-vjeçare nga Kosova

Deri më tani nuk dihet shumë për vrasësin e masakrës së Grazit në Austri, një 21-vjeçari vrau nxënës dhe më pas veten në një shkollë të mesme.

Ajo që dihet, siç shkruajnë mediat austriake, është se Artur A. jetonte ende me nënën e tij në zonën e Grazit, ishte i vetmuar dhe kishte braktisur shkollën.

Në një foto, i riu shihet në një fotografi me një mace.

21-vjeçari jetonte vetëm me nënën e tij në Karlsdorf, pranë Grazit. Babai i tij thuhet se ishte armen dhe prindërit e tij ishin të divorcuar. Fqinjët e përshkruajnë Artur A. si një djalë të qetë, “introvert” që nuk përshëndeti kurrë askënd.

Artur A., pasi vrau dhjetë veta me armë zjarri të martën në një shkollë në Graz të Austrisë, vrau edhe veten.

Në mesin e viktimave ishte Lea Bajrami, një vajzë 15-vjeçe nga Kosova. Ajo jetonte në Graz dhe vijonte mësimet në shkollën që ishte vendi i ngjarjes së masakrës.

Arrestimi i ish-policit të Kosovës në Serbi, reagojnë nga Presidenca

Presidentja e Republikës së Kosovës, Vjosa Osmani, është angazhuar menjëherë pas njoftimit për ndalimin Arbnor Spahiut, ish-zyrtarit të Policisë së Kosovës nga autoritetet serbe.

Sipas këshilltarit për media, Bekim Kupina, Presidentja ka kontaktuar menjëherë me Zyrën Ndërlidhëse të Republikës së Kosovës në Serbi dhe ka qenë gjithashtu në komunikim të vazhdueshëm me shtetet e Quint-it dhe Zyrën e Bashkimit Evropian.

“Presidentja Osmani po e ndjek me prioritet të lartë këtë rast dhe angazhimi i saj institucional do të vazhdojë deri në sqarimin dhe zgjidhjen e situatës”, tha Bekim Kupina, për Gazetën Sinjali.

Ndryshe, bashkëshortja e Spahiut, Arjeta Spahiu publikisht i ka kërkuar presidentes së Kosovës Vjosa Osmani dhe institucioneve të vendit që të reagojnë për arrestimin e tij i cili po akuzohet nga Serbia për “vrasje të rëndë” në Banjskë.

Ajo ka thënë se Arbnori më shumë se kurrë tani ka nevojë për përkrahje, e që deri më tani të gjitha institucionet kanë heshtur.

“Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai. Arbnori ka kontribuar për sigurinë e Kosovës për vite me radhë. Dhe sot, kur ai ka më shumë se kurrë nevojë për përkrahje, është lënë në heshtje. Asnjë institucion nuk ka reaguar”.

“As Presidentja e vendit, as Kuvendi, as askush tjetër. Dhe kjo heshtje është një dhimbje tjetër për familjen time. Nuk po flas këtu vetëm si bashkëshorte. Po flas si qytetare. Sepse nesër kjo mund t’i ndodhë dikujt tjetër. Kërkoj nga Presidentja Vjosa Osmani, nga Qeveria dhe nga të gjitha institucionet që të reagojnë menjëherë. Arbnori duhet të kthehet në shtëpi. Ai nuk është fajtor – ai është një hero i heshtur i këtij vendi”, ka thënë ajo mes tjerash.

Ngërçi politik në vend, LDK-ja pritet të marrin këtë veprim

Deputetja e LDK-së Jehona Lushaku-Sadriu, tha se të enjten LDK-ja do të shpalosë një plan prej 15 pikash lidhur me qeverinë e tranzicionit.

“Kjo është një kosto tepër e lartë për qytetarët e Kosovës për funksionimin tonë si demokraci dhe që e cenon demokracinë tonë. Partia e parë nuk sheh ndonjë urgjencë, sepse ka qëllim final që të mos e lëshojë as ekzekutivin. Ata po arrijnë që të marrin vendime antikushtetuse dhe antiligjore. Sa i përket qeverisë gjithëpërfshirëse nesër LDK-ja do të shpalos një plan prej 15 pikash, ku do të elaborohen pika të këtij plani qeverisës”, tha Lushaku-Sadriu.

Ajo ka thënë se LDK-ja ka ardhur me këtë propozim pasi e di që institucionet e shtetit duhet të ruhen.

Ka përmendur edhe ndalimin e ish-zyrtarit policor në Serbi.

Ajo u ka bërë thirrje institucioneve që t’i marrin veprimet e menjëhershme që ai të lirohet.

Sveçla: Ish polici Spahiu nuk ishte aktiv në 2023, MPJ po punon për lirimin e tij

Deputeti i LVV-së, njëherësh ministër në detyrë i Brendshëm, Xhelal Sveçla, ka deklaruar se Ministria e Jashtme është duke punuar që ish-polici Arbnor Spahiu të lirohet sa më parë nga Serbia.

“MPJ është duke u angazhuar që ky qytetar i Republikës së Kosovës të lirohet sa më shpejt dhe këso rastesh të mos ndodhin më”, tha Sveçla para mediave duke hyrë në Kuvend.

I pyetur nga gazetarët nëse polici i ndaluar në Serbi, Arbnor Spahiu, ka qenë i angazhuar në Policinë e Kosovës në vitin 2023, Sveçla tha shkurt: “Jo”!

Ish-polici Salihu u arrestua ditë më parë në Serbi, ndërsa i është caktuar masa e paraburgimit prej 1 muaji. Ai po dyshohet për “Vrasje të rëndë” nga Serbia për rastin Banjska të vitit 20223.

Bashkëshortja e ish-policit, Presidencës dhe Qeverisë: Mos heshtni, Arbnori ka nevojë për përkrahje

Bashkëshortja e ish-policit Arbnor Spahiut, Arjeta Spahiu publikisht i ka kërkuar presidentes së Kosovës Vjosa Osmani dhe institucioneve të vendit që të reagojnë për arrestimin e tij i cili po akuzohet nga Serbia për “vrasje të rëndë” në Bansjka.

Ajo ka thënë se Arbnori më shumë se kurrë tani ka nevojë për përkrahje, e që deri më tani të gjitha institucionet kanë heshtur.

“Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai. Arbnori ka kontribuar për sigurinë e Kosovës për vite me radhë. Dhe sot, kur ai ka më shumë se kurrë nevojë për përkrahje, është lënë në heshtje. Asnjë institucion nuk ka reaguar. As Presidentja e vendit, as Kuvendi, as askush tjetër. Dhe kjo heshtje është një dhimbje tjetër për familjen time. Nuk po flas këtu vetëm si bashkëshorte. Po flas si qytetare. Sepse nesër kjo mund t’i ndodhë dikujt tjetër. Kërkoj nga Presidentja Vjosa Osmani, nga Qeveria dhe nga të gjitha institucionet që të reagojnë menjëherë. Arbnori duhet të kthehet në shtëpi. Ai nuk është fajtor – ai është një hero i heshtur i këtij vendi”, ka thënë ajo mes tjerash.

Thirrja e plotë e bashkëshortes së ish-policit të Njësisë Speciale, Arjeta Spahiu, e publikuar nga RTV Dukagjini:

E nderuara Presidente e Republikës së Kosovës, znj. Vjosa Osmani, Me dhimbje të thellë dhe me ndjenjën e një padrejtësie të madhe po ju drejtohem publikisht, si bashkëshortja e një ish-pjesëtari të njësisë speciale të Kosovës – një njeriu që i ka shërbyer shtetit me nder, përkushtim dhe sakrificë të madhe. Është e pafalshme dhe e pakuptueshme për mua – dhe për shumë qytetarë që besojnë në drejtësinë e këtij shteti – që asnjëherë nuk keni dalë të flisni publikisht për të, për kontributin e tij, për vuajtjet dhe padrejtësitë që ai po i përjeton sot. Ai ka dhënë gjithçka për këtë vend, dhe në vend të mirënjohjes, ai po përballet me heshtje institucionale. Zonja Presidente, është përgjegjësi morale dhe shtetërore që institucionet e vendit të reagojnë, të mbrojnë dhe të përkujdesen për ata që e kanë mbrojtur këtë shtet kur ishte më së vështiri.

Sot, kur bashkëshorti im ka më shumë nevojë për përkrahje morale dhe institucionale, ai është lënë në harresë. Kjo heshtje po e lëndon familjen time, fëmijët tanë dhe të gjithë ata që besuan se sakrifica për këtë vend do të vlerësohej. Ju lutem, mos lejoni që heshtja të jetë përgjigjja e vetme për ata që dhanë gjithçka për këtë shtet. Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai. E nderuara Presidente e Republikës së Kosovës, znj. Vjosa Osmani, Me dhimbje të thellë dhe me ndjenjën e një padrejtësie të madhe po ju drejtohem publikisht, si bashkëshortja e një ish-pjesëtari të njësisë speciale të Kosovës – një njeriu që i ka shërbyer shtetit me nder, përkushtim dhe sakrificë të madhe. Është e pafalshme dhe e pakuptueshme për mua – dhe për shumë qytetarë që besojnë në drejtësinë e këtij shteti – që asnjëherë nuk keni dalë të flisni publikisht për të, për kontributin e tij, për vuajtjet dhe padrejtësitë që ai po i përjeton sot.

Ai ka dhënë gjithçka për këtë vend, dhe në vend të mirënjohjes, ai po përballet me heshtje institucionale. Zonja Presidente, është përgjegjësi morale dhe shtetërore që institucionet e vendit të reagojnë, të mbrojnë dhe të përkujdesen për ata që e kanë mbrojtur këtë shtet kur ishte më së vështiri. Sot, kur bashkëshorti im ka më shumë nevojë për përkrahje morale dhe institucionale, ai është lënë në harresë. Kjo heshtje po e lëndon familjen time, fëmijët tanë dhe të gjithë ata që besuan se sakrifica për këtë vend do të vlerësohej. Ju lutem, mos lejoni që heshtja të jetë përgjigjja e vetme për ata që dhanë gjithçka për këtë shtet.

Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai. Arbnori ka kontribuar për sigurinë e Kosovës për vite me radhë. Dhe sot, kur ai ka më shumë se kurrë nevojë për përkrahje, është lënë në heshtje. Asnjë institucion nuk ka reaguar. As Presidentja e vendit, as Kuvendi, as askush tjetër. Dhe kjo heshtje është një dhimbje tjetër për familjen time. Nuk po flas këtu vetëm si bashkëshorte.

Po flas si qytetare. Sepse nesër kjo mund t’i ndodhë dikujt tjetër. Kërkoj nga Presidentja Vjosa Osmani, nga Qeveria dhe nga të gjitha institucionet që të reagojnë menjëherë. Arbnori duhet të kthehet në shtëpi. Ai nuk është fajtor – ai është një hero i heshtur i këtij vendi. Apeloj edhe te mediat, te shoqëria civile, dhe te të gjithë njerëzit me ndërgjegje: mos heshtni. Sepse heshtja është bashkëfajësi”.

Dyshohet se ka rënë nga ballkoni, gjendet e vdekur një grua në oborrin e shtëpisë

Policia e Kosovës ka njoftuar se një grua është gjetur e vdekur në oborrin e shtëpisë së saj dje në Istog, shkruan Insajderi.

E njëjta dyshohet se ka rënë nga ballkoni i shtëpisë.

Lidhur me rastin tashmë kanë filluar hetimet.

“Istog 10.06.2025 – NN. Është raportuar se viktima femër kosovare në oborrin e shtëpisë së saj ishte gjetur pa shenja jete, dyshohet se ajo ka rënë nga ballkoni i shtëpisë. Në vendin e ngjarjes kanë dalë njësitë relevante të policisë dhe ekipi mjekësor, nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion. Rasti është duke u hetuar”, njoftoj policia në raportin 24 orësh.

“Pusho e qenë engjulli i familjes”, reagon familjari i mërgimtarës që u vra dje në sulmin në Austri

Një sulm i tmerrshëm dje shokoi botën, ku një person i armatosur, shkoi në një shkollë të mesme në Graz të Austrisë, ku dyshohet se ishte edhe vetë nxënës, dhe qëlloi me armë zjarri rreth 10 viktima, raporton GazetaDemos.

Në mesin e viktimave të kësaj tragjedie, u shënua edhe një vajzë nga komuna e Vitisë së Kosovës.

Lajmi u konfirmua edhe nga famljarët të cilët bën me dije se viktima është Lea Bajrami.

“Pusho e qetë Engjulli jonë i familjes LEA Lea jonë humbi jeten shkaku i sulmit terrorist sot ne Graz të Austrisë!”, ka shkruar njëri ndër të afërmit e saj, teksa në fotografinë e publikuar e ndjera shihet me ndresën e “Dardanëve”.

Për të ka folur edhe gjyshi, Muhabi Bajrami, duke treguar se si e kuptuan, e çka iu tha djali i tyre.

“Jemi të shqetësuar, ne na ka ardhur një lajm trishtues. Kjo është 15 vjeçare, në shkollë private ka qenë nxënëse e shkëlqyeshme. Unë e kam mbesë. Ka ndodhur në mëngjes. Ne kemi dëgjuar që ka ndodhur, edhe të gjithë na kanë thirrur dhe na kanë pyetur ku është Lea? se emrin e ka Lea edhe e kuptuam që është ajo, shpresuam shumë që nuk është e vërtetë por në ora 2 djali, djali im, pra babai i vajzës më tha ‘baba Lea na la’ ”, ka thënë ai.

Motivet e këtij sulmi ende janë të pakonfirmuara, por sipas raportimeve nga mediat atje, dyshohet se sulmuesi, i cili në fund poashtu tashmë ka humbur jetë, vuante nga bullizimi.

Flet babai i policit të arrestuar në Serbi: Ai po keqtrajtohet

Arbnor Spahiu ish polici i Kosovës, i arrestuar të dielën në Serbi, është dorëhequr nga Policia e Kosovës më 1 nëntor 2022.

Kështu ka thënë për Dukagjinin babai i tij, Fatmir Spahiu i cili po ashtu mban uniformën e Policisë së Kosovës.

I njejti ngreh dyshime se i biri po keqtrajtohet nga autoritetet serbe.

Spahiut thotë ndër të tjera se djali i tij, është dorëhequr nga Policia para sulmit në Bansjkë dhe tashmë po punonte në Gjermani bashkë me gruan.

 

 

“E ka lanë Policinë për me shku me punu jasht për një jetë ma të mirë, me vete e ka pasë edhe gruan. Të dy i kanë ndalu, por nusen e kanë liru pas një kontrolle, ndërkaq djalin jo” është shprehur Spahiu.

I njejti thotë se janë në komunikim me Ministrinë e Punëve të Jashtme, nga të cilët kanë marrë përgjigjen se tashmë po ndiqen procedurat e nevojshme.

“Asnjë thirrje s’kemi pasë nga Ministria e Brendshme as nga Policia, institucion ku Arbnori ka shërbyer për shumë vite” deklaron Spahiu. Ish-pjesëtari Special i Policisë së Kosovës, Arbnor Spahiu, po akuzohet nga Serbia për kryerjen e veprës penale “vrasje e rëndë në Banjskë”.

Ditë zie sot në Viti, tre të rinj humbin jetën tragjikisht

Komuna e Vitisë ka shpallur një ditë zie për sot, në nderim të tre të rinjve që humbën jetën tragjikisht.

Gjatë kësaj dite, flamujt do të ulen në gjysmështizë dhe do të pezullohen të gjitha aktivitetet kulturore, sportive e festive.

Kryetari i Komunës, Sokol Haliti, ka shprehur ngushëllimet më të sinqerta familjeve të viktimave.

”Të nderuar qytetarë të Komunës së Vitisë,

Me pikëllim të thellë dhe zemër të rënduar ju njoftoj se këto ditë, komuna jonë është tronditur nga tri humbje të mëdha. Brenda vetëm tre ditësh, kemi humbur tre të rinj vitias – bij e bija të kësaj toke, që u ndanë nga jeta në mënyrë të parakohshme dhe tragjike.

Kjo dhimbje është e papërshkrueshme dhe ka prekur thellë secilin prej nesh. Në nderim të jetës së tyre dhe për të shprehur solidaritetin e institucioneve dhe të gjithë qytetarëve me familjet që po përballen me këtë dhembje të madhe, shpall të mërkurën, 11.06.2025 DITË ZIE në Komunën e Vitisë.

Gjatë kësaj dite:

• Flamujt në të gjitha institucionet komunale do të ulen në gjysmështizë;
• Aktivitetet kulturore, sportive dhe festive do të pezullohen;
• Institucionet dhe qytetarët do të nderojnë kujtimin e të rinjve tanë me heshtje dhe respekt të thellë.

I ftoj të gjithë qytetarët e Vitisë të bashkohen në këtë ditë zie, për të nderuar kujtimin e të ndjerëve dhe për të qëndruar pranë familjeve të tyre, duke ndarë dhembjen me solidaritet dhe dashuri njerëzore.

Ngushëllimet më të sinqerta familjeve të prekura. Zoti ua lehtësoftë dhimbjen dhe i pastë të ndjerët në mëshirën e Tij.

Me respekt dhe dhembje të thellë”, shkroi tutje Haliti.

Djali më tha ‘babi, Lea na la’, flet gjyshi i mërgimtarës që u vra dje në sulmin në shkollë në Austri