Ngjarje e rëndë në Gjermani, një grua sulmon me thikë kalimtarët – vritet nga policia

Disa persona u plagosën pasi një grua i sulmoi me thikë të shtunën në mbrëmje në Mynih.

Sulmuesja ishte një grua 30-vjeçare me origjinë bullgare, e cila u qëllua nga policia dhe përfundoi në spital pak kohë më vonë.

Gruaja sulmoi kalimtarët me thikë në Theresienwiese, vendi ku mbahet Oktoberfest në vjeshtë, siç rapoton BILD.

Oficerët e policisë patrulluese e qëlluan atë dhe gruaja u dërgua në spital, ku iu nënshtrua një ndërhyrjeje kirurgjikale urgjente, por ndërroi jetë nga plagët e marra.

Motivi i sulmit mbetet i paqartë.”. Policia ka thënë se “nuk ka më rrezik për qytetarët”.

Numri i të plagosurve mbetet i panjohur.

5-vjeçari kafshohet nga qeni

Specialistët për Hetimin e Krimeve në Komisariatin Nr. 4 kanë nisur procedimin penal në gjendje të lirë ndaj shtetasit A. A., 61 vjeç, pas incidentit ku një fëmijë 5-vjeçar u kafshua nga qeni i tij. Ngjarja ndodhi në rrugën “Ali Bushi”, kur fëmija hyri në oborrin e banesës së 61-vjeçarit, shkruan Gazeta Sinjali.

I mituri ndodhet aktualisht në spital nën kujdesin e mjekëve, ndërsa policia vazhdon veprimet për sqarimin e rrethanave të ngjarjes. Materialet janë referuar në Prokurori për procedim të mëtejshëm.

Ngërçi politik në vend, nga PDK-ja dalin me një propozim

Deputetja e Partisë Demokratike të Kosovës (PDK), Ganimete Musliu, përmes një postimi në rrjetet sociale ka reaguar ashpër ndaj situatës aktuale politike në vend, duke theksuar se Kosova është duke u qeverisur nga rrjete informale të pushtetit, dhe jo nga rendi kushtetues.

Musliu ka kritikuar qasjen e kryeministrit Albin Kurti, duke thënë se “inatet e tij dhe mungesa e vizionit politik” po e mbajnë peng të ardhmen e vendit. Ajo e ka cilësuar qeverisjen aktuale si të zhytur në populizëm, improvizim dhe mungesë të thellë konsensusi kombëtar.

Ajo ka propozuar krijimin e një Këshilli Ndërpartiak të Politikave Kombëtare, një forum joformal, por i strukturuar, që do të përfshinte përfaqësues nga të gjitha partitë parlamentare për të trajtuar çështje madhore si dialogu me Serbinë, reforma në drejtësi, integrimi evropian dhe arsimi.

“Në këtë kaos, shumë veta dhe shumë gjëra lulëzojnë, por vetëm qytetarët jo,” shkruan Musliu, duke shtuar se nuk është më kushtetuta ajo që udhëheq shtetin, por rrjetet informale, servilizmi dhe favorizimi.

Ajo theksoi se qëllimi i këtij Këshilli do të ishte ruajtja e kohezionit kombëtar dhe sigurimi i një rruge politike të përbashkët në temat strategjike, pa implikime financiare dhe pa cënim të qeverisjes ekzistuese.

Musliu përmbylli reagimin e saj me një thirrje për përgjegjësi qytetare dhe politike:

“Kosova nuk do të reformohet kurrë vetëm duke luajtur me slogane. Sot kemi nevojë për më pak shfaqje dhe më shumë parime.”, ja shkruar Musliu.

Humbje e madhe për mjekësinë lokale: Ndërron jetë Xhevat Bajraktari

Ka ndërruar jetë Xhevat Bajraktari, teknik i radiologjisë në Spitalin e Përgjithshëm, një profesionist i përkushtuar që për vite me radhë ka shërbyer me devotshmëri në kujdesin ndaj pacientëve.

Lajmi për vdekjen e tij ka prekur thellë kolegët, miqtë dhe familjarët, të cilët e kujtojnë si një njeri të dashur, të sjellshëm dhe të përkushtuar ndaj profesionit të tij fisnik.

Ceremonia e varrimit të të ndjerit do të mbahet sot në ora 17:00 në varrezat e fshatit Kashic, ku do t’i jepet lamtumira e fundit.

Bajqinovci: Jam i gatshëm të jem kandidat për kryetar të Prishtinës, i kam mbi 10 mijë vota në kryeqytet

Deputeti nga LVV, Mefail Bajqinovci, tha se është ndër deputetët më të votuar të subjektit të tij në kryeqytet dhe se ka treguar angazhim të vazhdueshëm për çështjet që prekin Prishtinën.

Prandaj, ai ka lënë të hapur mundësinë që të kandidojë për kryetar të Komunës së Prishtinës në zgjedhjet lokale.

Tutje ai potencoi se kandidatura e tij do të varet nga vlerësimi i kryesisë së partisë dhe liderit të VV-së, por shtoi se është i gatshëm dhe i interesuar që të marrë përgjegjësinë për të udhëhequr kryeqytetin.

“Unë është e vërtetë që i kam mbi 10 mijë vota në kryeqytet, dhe jam një prej 14 deputetëve më të votuar në LVV. Kam punu shumë në Prishtinë që të jem kritik ndaj keqqeverisjës së Përparim Ramës, ku e ka mbuluar me mbeturina dhe me gjëra të ndryshme. Nëse lideri dhe kryesia e partisë vendos që mund ti plotësoj kriteret që të jem kandidat për Prishtinë, po me kënaqësi do ta pranojna. Jam i gatshëm të jem kandidat për kryetar të Prishtinës dhe kam interes. Ka shumë emra në Prishtinë dhe të shohim tash kryesia e cila mendon më së miri se kush mund të ketë impakt që ta fitoj Prishtinën do të vendoset së bashku me liderin tonë”, tha ai për Gazeta Blic.

Pas tri javësh në spital, ndërron jetë i aksidentuari nga Pouska

Pas gati tre javësh në gjendje kritike në Spitalin Publik të Prishtinës, 25-vjeçari Erdal Tumba nuk arriti t’i mbijetojë plagëve të marra në aksidentin trafiku që ndodhi më 18 maj në fshatin Pouskë të Prizrenit.

Në të njëjtin aksident kishte humbur jetën në vendngjarje edhe Dilge Nanovçe, një nga tre personat në veturën e aksidentuar.

Lajmin për vdekjen e tij e bëri të ditur vëllai i tij, Edber Tumba, përmes një postimi prekës në rrjetet sociale.

“E di që je në parajsë, vëllai im i bukur… Thuhet se Allahu i merr herët robërit e tij të preferuar”.

Kthehet në Kosovë Fahri Ademi, i përmirësohet gjendja pas sulmit në vendin e punës

Familjarët e Fahri Ademit, i cili u sulmua në vendin e punës, para rreth tre muajve në qendrën tregtare “Albi Mall”, nga persona të maskuar që po tentonin të kryenin vjedhje, kanë njoftuar se Ademi, pas trajtimit të plagëve në Turqi, është rikthyer në Kosovë, raporton GazetaDemos.

Pas 75 ditëve trajtim, bëhet e ditur se gjendja e Ademit është shumë më e mirë, me çrast edhe i është mundësuar kthimi në shtëpi.

“Pas nje Sulmi nga Kriminel Serrb ne Albi Mall u Plagos rend Babi JON ne vendin e punes , qendroj 12 dit ne Spitalin e Prishtines dhe nuk pati sukses jeta e tij, por u dasht me vazhdu trajtimin ne nje spital privat ne Turqi, BABA jon Fahri Ademi pas 75 dite trajtim ne Turqi u KTHY ne Shtepi, ukthy shummm me mir se qe ka qen, i faleminderojm gjith ata qe na ndihmun ne kto dit te veshtira: Istanbul Ozel Guvenlik, Ministrin e Shendetsis, BKT, Komunen e Vushtrris, Dhe gjith ata njerz qe kan dhan per fondin e Fahriut qe nuk kan qen te pakt ZOTI i Shperbleft me tmirat e tij, Me respekt Familja e Fahri Ademi!”, thuhet në reagimin e tyre.

Izraeli godet Bejrutin

Izraeli ka lansuar disa sulme në kryeqendër të Libanit, Bejrut. Forcat Izraelite kanë goditur disa caqe në jug të Bejrutit, ndërsa paraprakisht kishin lëshuar paralajmërime, raporton agjencia “AP”.

Sulmet ndodhën në natën e Kurban Bajramit.

Ushtria izraelite ka thënë se ka goditur caqe që besohet se janë vende ku grupi militant Hezbollah po prodhonte dronë.

Këto sulme shënojnë herën e parë në më tepër se një muaj që Izraeli ka goditur periferinë e Bejrutit dhe hera e katërt që kur arrit një marrëveshje armëpushimi në nëntor të vitit të kaluar.

Izraeli kishte postuar paralajmërime në platformën “X”, duke thënë se do t’i godasë tetë ndërtesa në katër lokacione.

Ushtria izraelite në një deklaratë ka thënë se Hezbollahu po “punonte për të prodhuar mijëra dronë nën udhëzimet dhe financimin e grupeve terroriste iraniane”, shkruan koha.net.

Tha se Hezbollahu “ka përdorur dronët në sulmet kundër Izraelit dhe po punon për ta zgjeruar industrinë e dronëve dhe prodhimin në përgatitje për luftën e ardhshme”.

Mbrojtja e Thaçit përballet me probleme financiare: Dy gjykime në të njëjtën kohë, e komplikojnë situatën

Hashim Thaçi ditë më parë i ishte drejtuar me kërkesë Gjykatës Speciale.

Kërkonte që procedura e tij për rastin e pengimit të drejtësisë të veçohet, pasi është e pamundur t’i përcjellë të dyja gjykimet, me avokatët e njëjtë.

Sipas parashtresës së Thaçit, me dy gjykime në të njëjtën kohë, cenohen të drejtat e njeriut. Madje, në parashtresën e ish-presidentit të Kosovës, thuhet se trajtimi i dy rasteve të të njëjtën kohë, ka barrë të madhe financiare, të cilën ai nuk po arrin ta përballojë.

“Formimi i një ekipi të dytë, tërësisht të ndarë, do të kërkonte resurse të konsiderueshme shtesë, që z. Thaçi nuk i ka. Menaxhimi i mbulimit të kostove për ndihmën ligjore nuk nënkupton edhe aftësinë për t’i paguar dy ekipe njëkohësisht. Rregullat e DHSK-së për ndihmë ligjore nuk ofrojnë zgjidhje të problemit, meqë z. Thaçi nuk është i varfër siç parashihet me legjislacion. Sidoqoftë, z. Thaçi ka ndarë tashmë mjetet që i ka në dispozicion nga rasti 06. Këto shpenzime nuk mund të reduktohen, veçanërisht gjatë kësaj pike kritike në rastin 06”, thuhet në parashtrimin e mbrojtjes së Thaçit.

Kujtojmë se për arsye financiare Hashim Thaçit i ishte larguar avokati Gregory Kehoe.

Gjithashtu, edhe Kadri Veseli kishte mbetur pa avokatin Ben Emmerson.

Megjithatë, është përgjigjur Kryeprokurorja e Hagës, Kimberli West.

Ajo i ka thënë Thaçit që nëse avokatët nuk arrijnë t’i menaxhojnë të dyja rastet, atëherë le të tërhiqen nga njëri rast.

“Procedimi me Rastin 12 në përputhje me Ligjin dhe Rregullat nuk do të shkelë të drejtat e THAÇI-t, as nuk do të ndikojë në aftësinë e tij për të përgatitur një rast mbrojtjeje (aktualisht hipotetik) në Rastin 06. Shqetësimi kryesor i ngritur nga THAÇI, dhe nga i cili rrjedhin të gjitha shqetësimet e tjera, është se për shkak se Avokatët e tij po punojnë në dy raste, kjo rezulton në përfaqësim të pamjaftueshëm. Nëse Avokatët e Specializuar besojnë se nuk mund ta përfaqësojnë në mënyrë adekuate THAÇI-n në të dyja rastet, zgjidhja është e qartë: Avokatët duhet t’i përmbahen detyrimeve të tyre profesionale dhe të tërhiqen nga një çështje. Një i akuzuar nuk gëzon të drejtën për të pasur të njëjtin avokat në dy raste të dallueshme, dhe përfaqësimi paralel i kërkuar nuk është i justifikuar”, thuhet në parashtresën e kryeprokurores së Hagës, raporton Nacionale.

Si rezultat, kryeprokurorja ka kërkuar nga Gjykata Speciale që ta rrëzojnë kërkesën e Thaçit.

“Mocioni i Thaçit që kërkon ndarjen e Aktakuzës dhe shtyrjen e procedurave aktuale deri në mbylljen e çështjes Thaçi etj. është tërësisht i pajustifikuar dhe duhet të refuzohet. Në mënyrë të ngjashme, Mocioni i Mbrojtjes së Përbashkët që kërkon ndarjen e Aktakuzës duhet të refuzohet. Faktet themelore dhe të Akuzuarit mbivendosen, dhe veprimet dhe sjelljet e akuzuara në Aktakuzë janë të lidhura dhe të ndërthurura ngushtë, duke formuar një seri krimesh të lidhura, të tilla që të Akuzuarit duhet të gjykohen së bashku”, thuhet më tutje.

Sërish, West tha se dy procedurat janë të ndara, por megjithatë, lidhen me rastin kryesor.

“THAÇI ka të drejtë për një gjykim të drejtë brenda një kohe të arsyeshme, dhe për të pasur kohë të mjaftueshme për të përgatitur një mbrojtje me Avokat të Specializuar sipas zgjedhjes së tij. Megjithatë, THAÇI nuk ka të drejtë për të njëjtin Avokat të Specializuar në rrethana kur ai përballet me dy procedura të ndara dhe shumë të ndryshme. Nuk ka një të drejtë të tillë në tekstet ligjore të DHSK-së, Kushtetutën e Republikës së Kosovës ose Konventën Evropiane të të Drejtave të Njeriut, dhe THAÇI nuk ofron asnjë autoritet ligjor për qëndrimin e tij. E vetmja jurisprudencë e argumentuar si mbështetëse është rasti Mladić. Megjithatë, dhe siç u përmend më lart, konteksti specifik i rastit në Mladić ishte plotësisht i dallueshëm nga skenari aktual”, thuhet në parashtrim.

Thaçi bashkë me Bashkim Smakaj, Isni Kilaj, Fadil Fazliun e Hajredin Kuçin, po akuzohen për pengim të drejtësisë.

“Përparim Rama e ka të vështirë fitoren’’, Ahmeti për garën në kryeqytet: S’mundesh gjithë me thanë “s’më kanë lanë”

Ish-kryetari i Prishtinës, Shpend Ahmeti, ka folur për zgjedhjet lokale që do të mbahen këtë vit, duke thënë se Përparim Rama sipas tij e ka ‘‘shumë të vështirë’’ me fitu prapë.

Ahmeti ka thënë se nuk mund të thuash vazhdimisht se ‘‘nuk më kanë lanë’’.

‘‘Mendoj që Përparimi e ka shumë vështirë me fitu, mendimi jem. Mendoj që ka një pakënaqësi jashtëzakonisht të madhe me trafik. Programet politike nuk t’i fitojnë zgjedhjet, zgjedhjet t’i fitojnë më thënë kështu, në qoftë se mundesh me instalu tek qytetarë atë që ke dashtë me bë. Në zgjedhjet e para kur kam shku unë kam thanë tri sene, autobusat, çerdhet edhe uji. Qato tri sene ju patën kalitë njerëzve në kry. Trafiku është problem i jashtëzakonshëm. Dhe kjo lufta me qeverinë, mundesh me bë një vit dy, me thonë nuk më kanë lanë, por nuk mundesh, se në fund të fundit nuk iu intereson. Çështja është a ke kry punë’’, ka thënë ai.