Bahtiri e fajëson opozitën për bllokadën në Kuvend: Po dalim keq para ndërkombëtarëve

Deputeti i Lëvizjes Vetëvendosje, Agim Bahtiri, ka thënë se opozita duhet të reflektojë pozitivisht, pasi situata aktuale është e tmerrshme dhe e turpshme, “edhe para familjeve të tyre, e lëre më para popullit”.

“Ne jemi gjithmonë të përkushtuar për të dhënë maksimumin. Çdo gjë që vjen nga Gjykata Kushtetuese, ne do ta zbatojmë. Përndryshe, jemi duke e pritur opozitën që të reflektojë pozitivisht dhe i ftoj të reflektojnë, sepse kjo është e tmerrshme dhe e papranueshme, edhe para familjeve të tyre, e lëre më para popullit”.

“Edhe njëherë po ju bëjë thirrje që të reflektojnë pozitivisht se jemi duke dalur keq para ndërkombëtarëve, por edhe para popullit”, tha Bahtiri.

I pyetur nëse e sheh opozitën si patriarkale, Bahtiri tha: “Nuk mund të them asgjë në atë drejtim.”

Sot i jepet lamtumira e fundit Armir Osmanit, i cili humbi jetën në një aksident

Një  person ka humbur jetën si pasojë e një vetaksidenti, që ka ndodhur të shtunën pas mesnate, në fshatin Pavlan të Pejës, ku një veturë është përfshirë nga zjarri.

Personi i cili ka humbur jetën në këtë aksident është 25 vjeçari Armir Osmani.

E familja e Armirit ka njoftuar se varrimi i tij do të bëhet sot në orën 19:00 në varrezat e fshatit Zhabar të Mitrovicës.

I vdiq babai në Qabe, flet djali: Shkoi për herë të dytë, po e kryente Haxhin për prindërit (VIDEO)

Avdi Jusufi, një haxhi nga Kosova, ka ndërruar jetë dje në Mekë gjatë kryerjes së Haxhit.

Djali i tij, Alaudin Jusufi, ka folur sot në emisionin “Ora 7” në Klan Kosova, duke treguar se babai i tij kishte qenë edhe më herët në Haxh, por këtë vit kishte vendosur të shkojë sërish si bedel – për të kryer Haxhin për prindërit e tij.

“Babai para dy vitesh e ka kryer Haxhin për vete dhe ishte kthyer i shëndoshë e mirë. Këtë vit kishte vendosur të shkojë si bedel për njërin prind dhe kishte organizuar një person tjetër për të kryer Haxhin në emër të prindit tjetër”, u shpreh Jusufi, transmeton Klankosova.tv.

Ndiqni intervistën e plotë, në videon vijuese:

Ky është prifti që humbi jetën pasi ra nga çatia e kishës

Pas gati dy javësh në spital ka ndërruar jetë prifti Kristaq Viso, i cili u rrëzua nga çatia e Kishës së Shën Triadhës në Korçë, më 19 maj, teksa po kryente disa riparime. Ai u dërgua me helikopter në spitalin e Traumës në Tiranë, pasi kishte pësuar  dëmtime të rënda trupore në kokë dhe trup.

Lajmin për ndarjen e tij nga jeta e ka bërë të ditur Mitropolia e Shenjtë Korçë përmes një postimi në Facebook.

“Sot fjeti më Zotin Ikonom Stavrofor Atë Kristaq Viso!  Mitropolia e Shenjtë e Korçës i shpreh ngushëllime të përzemërta bashkëshortes, vajzave dhe të gjithë familjarëve dhe të afërmve! I lutemi Perëndisë, të cilit i shërbeu, që ta ndjejë dhe ta prehë shpirin e tij me shenjtorët në gjirin e Avrahamit në Mbretërinë e Qiejve!

Qoftë e lumur udha në të cilën shkon ti sot, se të është përgatitur vendi i prehjes lart në qiell, parajsë të mbarë o vëllai ynë i lumur dhe i gjithmonë kujtuar!”, shkruan Mitropolia e Korçës, përcjell A2 CNN.

Prifti Kristaq Viso shërbente si klerik në kishën e Shën Thomait në fshatin Çiflig, por kishte shkuar të ndihmonte në riparimin e çatisë priftin tjetër të Kishës së Shën Triadhës në varret publike të qytetit të Korçës, kur papritur ra nga lartësia e kishës në tokë, duke pësuar dëmtime të rënda trupore.

Lirim Mehmetaj i publikon Saranda Bogujevcit një fotografi me Ivica Daçiqit

Saranda Bogujevci ka shkaktuar një valë të madhe reagimesh pas një postimi kundër gazetarit Ilir Mirena – për çka gazetari Lirim Mehmetaj i postoi njo fotografi asaj të pares me Ministrin e Brendshëm të Serbisë, Ivica Daçiqin.

“Ne foto: Saranda Bugujevci e Ivica Dacic ne Beograd, duke i mundesuar kriminelit Dacic te marre pjese ne kete ekspozite qe te dergoje para botes imazhin se kinse Serbia po rehabilitohet dhe keshtu ta pastroje figuren e Serbise ne sy te perendimit”, shkroi Mehmetaj.

“Ne kete event Dacic kerkonte qe keshtu te ekspozohen edhe civilet “e vrare nga UÇK-ja” duke barazuar krimet serbe me luften e popullit shqiptar per liri”, shkroi Mehmetaj.

Postimi i plotë:

Kjo servilja e Albin Kurtit qe e keqperdor fatkeqesine familjare per perfitime politike…

Qe behet bashkepjesmarrese ne shkaterrimin e shtetit duke perdhosur sakrificen e gjithe popullit…

E cila krahapur e ka pranuar autonomine e arritur nga Albin Kurti ne Bruksel…

E cila krahapur e ka pranuar shtrirjen e Elektroseverit ne Kosove…

Qe s’ka thene nje fjale kunder Martin Berishajt qe paguhet nga Serbia e Mimoza Kusarit qe koordinohet me Milan Radojicic-in kunder veteraneve te luftes…

Prape paska perdorur fatkeqesine familjare e personale per t’iu vene ne ndihme Albin Strujes duke sulmuar gazetare.

Ne foto: Saranda Bugujevci e Ivica Dacic ne Beograd, duke i mundesuar kriminelit Dacic te marre pjese ne kete ekspozite qe te dergoje para botes imazhin se kinse Serbia po rehabilitohet dhe keshtu ta pastroje figuren e Serbise ne sy te perendimit.

Ne kete event Dacic kerkonte qe keshtu te ekspozohen edhe civilet “e vrare nga UÇK-ja” duke barazuar krimet serbe me luften e popullit shqiptar per liri.

P.S
Dil tash ankohu qe po sulmohesh qe je gru edhe luje viktimen pasi paraprakisht ja deshirove nje gazetari vdekjen vec se e ka perqeshe Albin Strujen.

“Artane Rizvanolli, po rren”, drejtoresha e RTV 21 i reagon ashpër ministres së Ekonomisë

Afërdita Saraçini- Kelmendi, drejtoreshë e Radio Televizionit 21 (RTV 21), i ka reaguar ashpër ministres së Ekonomisë në detyrë, Artane Rizvanollit, e cila pretendoi se kërkesa për shtyrje në kalim të tregut të lirë të rrymës po vjen vetëm nga kompanitë e mëdha.

Saraçini- Kelmendi me anë të një shkrimi në ‘Facebook’ ka thënë se kjo kërkesë po bëhen nga të gjitha kompanitë me mbi 50 punonjës, shkruan Insajderi.

“ARTANE RIZVANOLLI, PO RREN! Nuk janë vetëm kompanitë e mëdha që po kërkojnë shtyerje të kalimit në tregun e lirë të energjisë! Janë të gjitha kompanitë me mbi 50 punëtorë”, ka deklaruar ndër të tjera ajo, ku ka thënë se përfshihen bizneset e grave, mediat e, siç u shpreh ajo “të gjitha ata që ende luftojnë për të mbajtur vende pune gjallë”.

“Ky është kapitull i zi për demokracinë dhe ekonominë! Ky është mashtrim. Kjo është tradhti ndaj votës së qytetarit. Tradhti ndaj konsumatorit. Tradhti ndaj Kosovës. Tradhtarë janë të gjithë ata që e shkatërrojnë këtë vend për interesin e tyre personal apo politik”, përfundon shkrimi i saj.

Vjen paralajmërimi: Rusia mund të sulmojë NATO-n

Anëtarët e aleancës perëndimore NATO duhet të përgatiten për një sulm të mundshëm nga Rusia brenda katër viteve të ardhshme, sipas shefit të mbrojtjes së Gjermanisë.

Gjenerali Carsten Breuer i tha BBC se Rusia po prodhonte qindra tanke në vit, shumë prej të cilave mund të përdoren për një sulm ndaj shteteve anëtare të NATO-s dhe Baltikut deri në vitin 2029 ose edhe më herët, përcjell Telegrafi.

Ai gjithashtu këmbënguli që NATO, Organizata e Traktatit të Atlantikut të Veriut, të mbetet e bashkuar mbi luftën në Ukrainë, pavarësisht dallimeve në opinione të shprehura së fundmi nga Hungaria dhe Sllovakia.

Gjenerali Breuer foli në margjinat e Dialogut Shangri-la, një samit mbrojtjeje në Singapor i organizuar nga grupi i ekspertëve, Instituti Ndërkombëtar i Studimeve Strategjike.

Komentet e tij vijnë disa javë përpara një samiti të kombeve të NATO-s në Hagë, ku pritet të diskutojnë buxhetet e mbrojtjes, ndër tema të tjera.

Gjenerali Breuer tha se NATO po përballet me “një kërcënim shumë serioz” nga Rusia, një kërcënim që ai nuk e ka parë kurrë më parë në 40 vitet e tij në shërbim.

Për momentin, theksoi ai, Rusia po ndërton forcat e saj në një “masë të jashtëzakonshme”, duke prodhuar afërsisht 1,500 tanke beteje çdo vit.

“Jo çdo tank do të shkojë në [luftën në] Ukrainë, por po shkon gjithashtu në stoqe dhe në struktura të reja ushtarake që gjithmonë përballen me Perëndimin”, tha ai.

Rusia prodhoi gjithashtu katër milionë fishekë municionesh artilerie 152 mm në vitin 2024, dhe jo të gjitha do të shkonin në Ukrainë, shtoi gjenerali Breuer.

“Ekziston një qëllim dhe ka një grumbullim të stoqeve” për një sulm të mundshëm në të ardhmen ndaj shteteve anëtare të NATO-s në Baltik, citohet të ketë thënë ai.

“Kjo është ajo që po vlerësojnë analistët – në vitin 2029. Pra, duhet të jemi gati deri në vitin 2029… Nëse më pyetni tani, a është kjo një garanci që nuk është më herët se viti 2029? Do të thoja jo, nuk është. Pra, duhet të jemi në gjendje të luftojmë sonte”, shtoi ai.

Gjenerali Breuer veçoi të ashtuquajturin Boshllëk Suwalki, një zonë që kufizohet me Lituaninë, Poloninë, Rusinë dhe Bjellorusinë, si një nga më të prekshmet.

“Shtetet Baltike janë vërtet të ekspozuara ndaj rusëve, apo jo? Dhe sapo të jesh atje, e ndjen vërtet këtë… në bisedimet që po zhvillojmë atje”, theksoi ai.

Ai përmendi sulmet e fundit ndaj kabllove nënujore në Detin Baltik, sulmet kibernetike ndaj transportit publik evropian dhe dronë të paidentifikuar të vërejtur mbi termocentralet gjermane dhe infrastrukturën tjetër.

Anëtarët e NATO-s duhet të ndërtojnë përsëri ushtritë e tyre, argumentoi gjenerali Breuer.

Ndërsa i pyetur nga BBC në lidhje me kohezionin e NATO-s, duke pasur parasysh marrëdhëniet më të ngushta të Hungarisë dhe Sllovakisë me Moskën, gjenerali Breuer këmbënguli se aleanca ishte ende e shëndetshme.

Ai vuri në dukje vendimet e Finlandës dhe Suedisë për t’u bashkuar me NATO-n menjëherë pas fillimit të luftës në Ukrainë.

“Nuk kam parë kurrë një unitet kaq të madh sa është tani” midis kombeve dhe udhëheqësve ushtarakë, tha ai.

Konfirmohet: I riu që mbijetoi në aksidentin në Polluzhë është jashtë rrezikut për jetë

Gjendja e të riut që u aksidentua në Polluzhë të Drenasit është stabile.

Këtë e ka bërë të ditur Drejtori i Emergjencës së QKUK, Naser Syla i cili njoftoi se i riu është transferuar në Klinikën e Ortopedisë.

“Ai është transferuar në Ortopedi , gjendja e tij është stabile”, është shprehur Syla për Klan Kosovën.

Bashkë me të ishte edhe një 24-vjeçare e cila humbi jetën si pasojë e këtij aksidenti.

Blerta dhe Leutrimi – Çifti që sot u aksidentuan sot, humbi jetën 24-vjeçarja nga Prekazi

Kompanitë që kanë dalë në treg të hapur e që ende s’kanë gjetur rrymë, mund të blejnë në KEK, Rizvanolli ua tregon çmimin

Ministrja në detyrë e Ekonomisë, Artane Rizvanolli tha se Korporata Energjetike e Kosovës (KEK) nga sot furnizon të gjitha ndërmarrjet që kanë dalur në treg të lirë të energjisë elektrike dhe të cilat nuk kanë arritur ende të nënshkruajnë kontrata furnizimi.

“KEK njofton se energjia për këto ndërmarrje për ditën e sotme, pra 1 qershor, është siguruar me çmim mesatar prej 64.55 €/MWh përmes Bursës Shqiptare të Energjisë Elektrike (ALPEX)”, shkroi ajo në një postim në Facebook.

Rizvanolli u bëri thirrje ndërmarrjeve që “në afat sa më të shkurtër dhe brenda atatit ligjor të nënshkruajnë marrëveshjen e furnizimit me KEK si FMF, ose të gjejnë furnizues alternativ”.

“KEK është në dispozicion për informata rreth furnizimit përmes mundësisë FMF. Nga ZRrE presim të monitorojë tregun me përpikmëri dhe të ndihmojë të gjitha palët për një tranzicion sa më të lehtë, nërsa Qeveria e Republikës së Kosovës mbetet e përkushtuar të ndihmojë ndërmarrjet që tashmë kanë dalur në treg për të bërë zgjidhjet më të favorshme për biznesin e tyre”, shkroi ajo.

“Sa më shpejt që ndërmarrjet informohen saktë, aq më i lehtë e më i shpejtë do të jetë tranzicioni për to”, thotë ministrja në detyrë.

KEK-u, njoftoi se “është përcaktuar zyrtarisht si Furnizues i Mundësisë së Fundit (FMF) me vlefshmëri deri më 30 Korrik 2025 për konsumatorët që nuk kanë përzgjedhur furnizues në tregun e lirë”. Tha gjithashtu se “ka siguruar me sukses kapacitetet e nevojshme për blerje të energjisë në tregun e hapur, me një çmim mesatar prej 64.55 €/MWh, i vlefshëm për datën 01 Qershor 2025”.

“Për informacione të përditësuara mbi çmimet e tregut, konsumatorët mund të referohen në bursën zyrtare të energjisë ALPEX: https://alpex.al/sq/rezultatet-e-tregut/. Për çdo informacion shtesë lidhur me furnizimin nga FMF ose hapat për kalim në treg të lirë, konsumatorët mund të kontaktojnë KEK në adresën zyrtare: 𝐟𝐮𝐫𝐧𝐢𝐳𝐢𝐦𝐢@𝐤𝐞𝐤-𝐞𝐧𝐞𝐫𝐠𝐲.𝐜𝐨𝐦”, thuhet në njoftimin e KEK-ut.

Blerta dhe Leutrimi – Çifti që sot u aksidentuan sot, humbi jetën 24-vjeçarja nga Prekazi

Një tragjedi rrugore ka goditur fshatin Polluzhë të Komunës së Skenderajt të dielën pasdite, kur një vetaksident në rrugën Drenas–Skenderaj ka përfunduar me një të vdekur dhe një të lënduar rëndë.

Si pasojë e aksidentit, ka humbur jetën pasagjerja Blerta Rexha, 24-vjeçare, ndërsa shoferi i automjetit, Leutrim Azemi, 27-vjeçar nga Skenderaj, ka mbetur i lënduar.

Merret vesh se Leotrimi dhe Blerta ishin të dashur dhe se ishin të fejuar.