Policia aksion në tri rajone, kundër drogës dhe krimeve kibernetike

Policia e Kosovës ka nisur një operacion në tri rajone kundër trafikimit me substanca narkotike dhe krimeve kibernetike.

Lajmin e ka konfirmuar për Periskopin, Baki Kelani, zëdhënës i Policisë së Kosovës.

“Pas një pune operative dhe hetimore, nga zyrtarët e Departamentit të Hetimeve të Policisë së Kosovës (PK), nën autorizimin e Prokurorisë Speciale të Republikës së Kosovës (PSRK), sot në orët e hershme të mëngjesit është realizuar një operacion i suksesshëm policor. Gjatë këtij operacioni policor janë kryer kontrolle në tri rajone të Kosovës që përfshijnë një numër të konsiderueshëm të lokacioneve të ndryshme, kundër trafikimit me narkotik dhe krimeve kibernetike”, ka pohuar ai.

Mes tjerash, Kelani ka shtuar se të gjitha veprimet e mëtejme do të ndërmerren në bashkëpunim dhe koordinim me organet e drejtësisë, ndërsa detajet tjera do të bëhen pas kompletimit të operacionit./Periskopi

Nëse e njihni këtë person lajmërone policinë

Njësiti i hetimeve të stacionit policor të Graçanicës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi.

Sipas njoftimit të policisë, i dyshuar kërkohet për veprën vjedhje.

“Të nderuar, për çdo informatë që mund të çojë në identifikimin e të dyshuarit apo vendodhjes së tij, kontaktoni policinë në numrin e telefonit: 192”, thuhet në njoftimin e policisë, në të cilin janë bashkëngjitur edhe fotografitë e personit në kërkim.

Tërmeti tmerron – humb jetën një 14-vjeçare pas atakut të panikut, 69 persona hidhen nga lartësia

Tërmeti me magnitudë 5.8 Rihter është ndjerë fuqishëm edhe në Turqi, teksa banorët i ka zënë në gjumë, rreth orës 2 të mesnatës.

Ndërsa Greqia nuk raportoi lëndime në njerëz, në Turqi bilanci është tragjik.

Një 14 vjeçare raporton ‘Sabah’ ka humbur jetën si pasoje e një sulmi paniku gjatë tërmetit, ndërsa 69 persona kanë mbetur të plagosur, pasi janë hedhur nga lartësia për shkak të frikës.

Lëkundjet kanë qenë tepër të forta, me magnitudë 5.8 të shkallës Rihter dhe janë ndjerë kryesisht në Mugla, Izmir, Antalia, Aydın, Denizli dhe Manisa.

“Gjatë tërmetit në Fethiye, vajza jonë 14-vjeçare Afranur Günlü u dërgua në spital për shkak të një ataku paniku, por për fat të keq humbi jetën pavarësisht të gjitha ndërhyrjeve. Në Muğla dhe rrethet e saj, 14 nga 69 qytetarët tanë që u hodhën nga lartësitë për shkak të panikut u trajtuan në spital. U uroj shëndet qytetarëve tanë të prekur nga tërmeti. Zoti e ruajt vendin dhe kombin tonë nga fatkeqësitë”, ka deklaruar Ministri i Brendshëm Ali Yerlikaya.

Vendet që do të mbesin pa rrymë sot, thuajse tërë ditën

Kompania për Distribuimin e Energjisë Elektrike në Kosovë (KEDS) bën të ditur se të martën, më 03.06.2025, do të kryhen punime të domosdoshme për siguri të sistemit energjetik.

---

 

 

Si rezultat i kësaj, në disa lokalitete do të ketë ndërprerje të rrymës

 

Ky është orari sipas rajoneve:

Prishtinë

 

 

Punime të domosdoshme për siguri të sistemit

1.

Nga TS 35/20kV Prishtina I do të ndërprehet:

Dalja 20 kV J01 Fushë Kosova nr 8 (kodi: 10012181) nga ora 11:00 deri 15:00

Vendet: Magjistralja Prishtinë -Fushë-Kosovë, Interexi, Universiteti AAB, Euro Medi, Al Trade Center, Shtypshkronja Dinor dhe NNT Model Sllovenia 1.

Arsyeja: Mirëmbajtja preventive, ndërrimi i kthinës J01.

2.

Nga TS 35/10kV Fushë Kosova I do të ndërprehet:

LP 20[kV] Dalja F.K. nr.10 (kodi: 10012182) nga ora 11:00 deri 15:00

Vendet: Bercom, Europrint, Semitronix, rr. Hamdi Grajqevci, objekte në rr. Dardania banesat e Tregtisë, disa objekte në rr. Enver Maloku.

Arsyeja: Mirëmbajtja preventive, ndërrimi i kthinës J01.

3.

Nga TS 35/20 kV Prishtina I do të ndërprehet:

LP 10kV J04 Dalja F.K nr 12 (kodi: 10012183) nga ora 11:00 deri 15:00

Vendet: rr Prishtinë- Fushë- Kosovë- zona industriale.

Arsyeja: Mirëmbajtja preventive, ndërrimi i kthinës J01.

4.

Nga TS 220/35/10(20)[kV] Podujeva do të ndërprehet:

LP 10kV J07 Podujeva 2 (kodi: 14000002) nga ora 10:30 deri 15:00

Vendet: Spitali, Kombinati, Bankosi dhe Sh.f. “Shaban Shala”.

Arsyeja: Mirëmbajtje preventive, ndërrimi i kthinave 10 [kV] në NS 10/0.4 [kV] Shtëpia e mallrave.

5.

Nga NS 35/10[kV] Mazgiti do të ndërprehet:

Dalja 10[kV] Lumi I Madh-Prugovc (kodi: 15019008) nga ora 09:00 deri 14:00

Vendet: Nici petroll, Te Bazeni-Halim Thaqi, Amazona, Stanovci i Ulët, Lumi i Madh -Banesat, Stanofc i Epërm, Bujaria B.M, Bakshi, Prugovc, Milloshevë te Shkolla, Hamdi Aliu Qender Rekreative Sportive Afariste,”Barileva” Sh.P.K.

Arsyeja: Mirëmbajtje preventive.

Punime nga pala e tretë

1.

Nga TS 220/1[kV] Drenas do të ndërprehet:

Dalja 10[kV] Drenas Qendra (kodi: 16100001) nga ora 10:00 deri 14:00

Vendet: rr.14 Qershori, rr.Feronikeli, rr.Fehmi Xheve Lladrovci, rr.Rasim Kiqina, rr.Bedri Shala, një pjesë e Drenasit – kah qendra.

Arsyeja: Krijimi i sistemit hyrje dalje sipas pëlqimit elektro-energjetik.

Pejë

Punime të domosdoshme për siguri të sistemit

1.

TS 35/10kV Isniqi do të ndërprehet:

LP 10kV J03 Bletaria (kodi: 53057004) nga ora 09:00 deri 15:00

Vendet: Bletaria, Pushimorja e fëmijëve dhe fshati Hulaj.

Arsyeja: Mirëmbajtje preventive, ndërrimi i shtyllave, izolatorëve, pastrimi i trasesë dhe shtrëngimi i përçuesve.

2.

Nga 110/10[kV] Peja 2 do të ndërprehet:

Dalja 10kV J20 Kastrati (kodi: 51000007) nga ora 09:00 deri 14:00

Vendet: Lagjja Dardania, Llozhani, Zllopeku, Poqesta, Belinca, Dobërdoli, Babiqi, Piston dhe Sedefi.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Prizren

Punime të domosdoshme për siguri të sistemit

1.

Nga NS 110/35/10[kV] Prizreni 1 do të ndërprehet:

LP 10[kV] Bodrumi (kodi: 30000014) nga ora 10:00 deri 15:00

Vendet: Atmaxha, Nasheci I, Nasheci II, Mazrek, Kojushe, Nashec, Gurshite, Gjonaj I, Gjonaj II, Gjonaj III dhe Zym.

Arsyeja: Mirëmbajtje preventive, ndërrimi i shtyllave dhe izolatorëve të dëmtuar, shtrëngimi i përçuesve dhe pastrimi i trasesë.

Ferizaj

Punime të domosdoshme për siguri të sistemit

1.

TS 35/10[kV] Kaçaniku do të ndërprehet:

Nga LP 10kV J02 Drejtimi Pylltaria (kodi: 40043004) nga ora 10:30 deri 15:00

Pa tension mbesin:

1.TS10/04kV Drenush kodi: 40043004081

2.TS10/04kV Kërbliq – Rek kodi: 40043004083

3.TS10/04kV Kërbliq – Samakov kodi: 40043004084

4.TS10/04kV Kërbliq – Leskovicë kodi: 40043004085

Vendet: Kërbliq dhe Leskovicë, Drenusha, Rakoci, Sanatoria, Llanishta, Gjurgjedelli, Runjeva, Hekurudha, Kisi dhe Lagjja e re.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Mitrovicë

Punime të domosdoshme për siguri të sistemit

1.

Nga NS 110/10[kV] Vushtrria 2 do të ndërprehet:

Dalja 10kV J09 Ekstra (kodi: 73000006) nga ora 11:00 deri 14:00

Vendet: rrugët: Bahri Kuqi, Shote Galica, Azem Bejta, Lutfi Musiqi, Shales, Drenicës, Adnan Shyti, Hoxhë Kadri Prishtina, 2 Maji, Osman dhe Shaban Bunjaku dhe fshati Begaj.

Arsyeja: Mirëmbajtje preventive, ndërrimi i kthinave 10 [kV] në NS 10/0.4 [kV] Shtëpia e mallrave

2.

Nga NS 110/10[kV ] Vushtrria 2 do të ndërprehet:

Dalja 10kV J06 Novolani (kodi: 73000005) nga ora 09:00 deri 14:00

Vendet: Një pjesë e Bukoshit, Novolani, Kolla, Vërnica, Rezniku, Shallci, Druvari dhe Mihaliqi.

Arsyeja: Mirëmbajtje preventive, pastrimi i trasesë, tërheqja e përçuesve, ndërrimi i izolatorëve dhe kontrollimi i trafostacionit.

Gjakovë

Punime të domosdoshme për siguri të sistemit

1.

Nga NS 110/35/10[kV] Rahoveci do të ndërprehet:

Dalja 10[kV] Qyteti II (kodi: 82000004) nga ora 10:30 deri në orën 15:00

Vendet: rr.409 Sylejman Vokshi, rr.486 Xhelal Hajda-Toni, rr.487 UÇK-së, rr.488 Mizair Isma, rr.489 Avdullah Bugari, rr.490 Gëzim Hamza-Piktori, rr.491 Vëllezrit Frashëri, rr.492 Agom Çelaj, rr.493 Hasan Prishtina, rr.494 Bekim Sylka, rr.496 Mexhit Mustafa, rr.497 Shkelzen Krasniqi, rr.500 28 Nëntori, rr.502 Sylejman Vokshi, rr.510 Bujar Thaqi, rr.512 Ali Sokoli, rr.513 Sheh Hilmi Maliqi, rr.514 Bajram Veliu, Rr.516 Vëllezrit Frashëri, Rr.525 Kuvendi i Manastirit, Rr.526 Rifat Dina, Rr.527 Sabit Shabandula, Rr.528 Fitim e Enver Duraku, Rr.529 Ramiz e Xhevdet Krasniqi, Rr.530 Agim Kelmendi, Rr.531 Selim Berisha, Rr.532 Bekim Isma, Rr.533 Sakip Bellaga, rr.534 Viktimat e Korrikut, Rr.535 Prof.Hamdi Berisha,Rr.540 Jeton e Besim Kabashi, Rr.541 Dëshmorët e Zatriqit, Rr.542 Musë Rahoveci, Rr.544 Shkelzen e Luan Krasniqi, Rr.545 Ismail e Besim Gashi, Rr.546 Fahredin Hoxha, Rr.547 Tafil Zyberi, Rr.548 Mark Sopjani, Rr.554 Viljam Voker, Rr.555 Shkelzen Zllanoga, Rr.557 Bedri Berisha, Rr.558 Jahë Hoti, Rr.608 Hamdi Berisha, Rr.Luftëtari.

Arsyeja: Ndërprerje per siguri, Instalimi i kabllit të tensionit të mesëm të tipit XHE 48/0-A 3x1x70/16mm2, 20kV.

Kurti: Paga mesatare në sektorin privat u rrit për 50%

Kryeministri në detyrë i Kosovës, Albin Kurti, është lavdëruar me rritjen historike të pagave në sektorin privat gjatë vitit 2024, duke thënë se kjo është dëshmi e mbështetjes që qeveria e tij i ka dhënë ekonomisë, shkruan Gazeta Sinjali.

Në një postim në rrjete sociale, Kurti tha se paga mesatare neto është rritur për 50%, ndërsa ajo bruto për 57%, krahasuar me vitin 2020. Ai theksoi se kjo është rritja më e madhe ndonjëherë brenda një viti dhe më e lartë sesa shtatë vjet të qeverisjeve të mëparshme të marra së bashku.

“Kjo rritje ka ndihmuar bizneset, punëtorët, shtetin dhe qytetarët,” tha Kurti, duke cituar të dhënat e Agjencisë së Statistikave të Kosovës.

Përleshje fizike në komunën e Prizrenit? Akuzat tronditëse nga asambleistja e VV-së

Asambleistja e Vetëvendosjes në Kuvendi Komunal Prizren, Dafina Alishani po pretendon për një përleshje fizike mes shefit të kabinetit të kryetarit të Shaqir Totajt, Nehat Elshanit dhe drejtorit të Shërbimeve Publike, Çelë Lamajt.

Dyshimet janë që Elshani e ka goditur me grushte Lamajn.

Në një postim në faqen e saj zyrtare në Facebook, Alishani ka alarmuar për sulmet që po ndodhin ndaj personelit zyrtarë të komunës nga shefi i kabinetit të kryetarit të Prizrenit.

Sipas saj, kryetari Totaj po frikësohet të marrë masa ndaj shefit të kabinetit të tij, raporton IndeksOnline.

“Shaqir Totaj ka heshtur kur është kërcënuar zyrtarja në urbanizëm nga shefi i kabinetit.

Përsëri po hesht pas konfliktit të shefit të kabinetit të tij (Nehat Elshani) dhe drejtorit të Shërbimeve Publike (Çelë Lamaj). Bile ky rast i dytë nuk qenka vetëm konflikt verbal, por edhe fizik! Shaqir TUTAJ, mos u TUT”, ka shkruar ajo.

Tutje ajo ka akuzuar Totaj që është shndërruar në një kryetar ‘kukull’, pasi sipas saj, nuk po arrin me e mbrojtë ekzekutivin e tij nga sulmet që po vijnë shefi i kabinetit.

“Nëse nuk je në gjendje me e mbrojtë ekzekutivin tënd nga belaja e shefit tënd atëherë je vetëm një kryetar kukull asgjë më shumë.  Institucionet duhet të merren me këtë qeverisje që kur nuk realizohen interesat personale të tyre, kërcënojnë, sulmojnë, frikësojnë shërbyes civil dhe staf politik”, ka shkruar Alishani.

Këto pretendime i ka hedhur poshtë, drejtori i shërbimeve Publike, Çelë Lamaj. Ai në një prononcim për IndeksOnline ka thënë se ndodhet jashtë vendit dhe nuk ka pasur asnjë përleshje fizike me Nehat Elashanin.

“Nuk është e vërtetë që ka pasur as përleshje verbale e as fizike. Unë ndodhëm jashtë shtetit dhe pretendimet e tilla janë të pavërteta”, ka thënë Lamaj.

Ai ka thënë se në PDK nuk do të ndodhin kurrë këto përledhje, edhe pse sipas tij, të tjerët i dëshirojnë ato.

Momentet e fundit: Publikohen pamjet kur turisti 34-vjeçar humb jetën në detin e Durrësit

Janë publikuar pamjet e ngjarjes së ndodhur paraditen e së dielës kur dy turistë anglezë u aksidentuan me Jet Ski.

Siç duket në këtë video të siguruar nga Tv Klan, dy turistët anglezë presin të nisen me Jet Ski. Pasi ndihmohen nga punonjësi i pikës së dhënies me qira të mjeteve, ata nisën në orën 09:41.

Gjatë kësaj kohe miqtë e tyre, i filmojnë me telefon, për të dokumentuar xhiron e tyre në det.

Teksa dy turistët anglezë lundrojnë në det, dy efektivë të policisë kufitare paraqiten pranë biznesit për të kontrolluar dokumentacionin.

Tetë minuta pasi nisën nga bregu i detit, viktima Sylvester Obeng, i cili ishte drejtuesi i mjetit kreu një manovër me shpejtësi e për pasojë humbi kontrollin e mjetit duke përfunduar poshtë tij, ndërsa partnerja e tij në det të hapur.

Kjo skenë siç duket në pamje pikaset nga miku i tyre në breg të detit i cili lajmëron pronarin e biznesit dhe efektivët e policisë. Këta të fundit lajmërojnë në radio patrullën që ndodhej në det duke kryer kontrolle.

Mjeti lundrues i policisë kufitare niset me shpejtësi, por arrin 1 minutë më vonë pranë dy turistëve anglezë.

Ata përpiqen tu japin ndihmën e shpejtë, por 34-vjeçari nuk ia doli të mbijetojë. E gjithë dinamika e aksidentit, u deklarua në polici nga partnerja e viktimës e cila i tha bluve se morën me qira mjetin dhe nuk iu kërkua as patentë dhe as iu dha skafandër.

Por mungesa e patentës dhe kokores për policinë janë shkelje të rregullave të mbrojtjes në punë nga pronari i biznesit, 56-vjeçari Luiz Xhumari, i cili këtë të hënë u vu në pranga.

Sipas bluve të Durrësit, ai u ka dhënë me qira Jet Ski-në dy turistëve pa i pajisur ata me skafandër mbrojtëse, por vetëm me jelek shpëtimi.

Gjithashtu nga ana policisë është pezulluar dhe aktiviteti i subjektit.

Për sqarimin e plotë të ngjarjes policia po kryen verifikime edhe ndaj dy shtetasve anglezë, për të parë nëse kanë qenë nën efektin e alkoolit ndonëse deri më tani nuk ka të dhëna të tilla.

Identifikohet trupi i pajetë që u gjet para banesës në Prishtinë

Një grua është gjetur pa shenja jete para hyrjes së shtëpisë së saj mëngjesin e sotëm në Prishtinë, shkruan Insajderi.

Burime të Sinjalit bëjnë të ditur se ngjarja ka ndodhur rreth orës 07:15, në rrugën “Abdurrahman Shala” në kryeqytet.

Viktima është identifikuar si Luljeta Gjinovci, 64 vjeç.

Në vendin e ngjarjes kanë dalë njësitë relevante të Policisë dhe ekipi emergjent, të cilët kanë konstatuar vdekjen. Sipas informacioneve të para, në trupin e viktimës nuk janë vërejtur shenja dhune apo ndonjë element tjetër që do të ngriste dyshime për ndonjë veprim penal të menjëhershëm.

Personi që u gjet i vdekur sot është profesori i njohur Pejan

Gazeta Sinjali ka raportuar gjatë ditës se një person është gjetur pa shenja jete në parkun Karagaç të Pejës.

Derisa, Sinjali mëson se bëhet fjalë për Fahri Shalën, rreth 77 vjeçar, i cili me profesion kishte qenë profesor.

Lajmin për këtë rast e ka konfirmuar edhe Shkodran Nikçi, zëdhënësi i Prokurorisë Themelore në Pejë

“Në parkun Karagaç të Pejës një person është gjetur pa shenja jete. Në vendin e ngjarjes janë njësitet relevante policore dhe prokurorja e krimeve të rënda”.

Venezuela u bën thirrje qytetarëve të largohen mënjeherë nga SHBA

Qeveria e Venezuelës ka lëshuar një paralajmërim zyrtar për qytetarët e saj, duke i këshilluar të shmangin udhëtimet drejt Shteteve të Bashkuara dhe duke u kërkuar atyre që tashmë jetojnë atje të largohen menjëherë, shkruan Gazeta Sinjali.

Në një deklaratë të publikuar nga Ministria e Jashtme, thuhet se SHBA është një “vend i rrezikshëm ku të drejtat e njeriut nuk ekzistojnë për emigrantët”. Ministria u bëri thirrje venezuelianëve që të “mbrojnë jetën e tyre dhe atë të familjeve të tyre dhe të kthehen në atdhe”.

Ministri i Jashtëm i Venezuelës, Yvan Gil, deklaroi se është veçanërisht e rrezikshme të jesh një migrant me prejardhje latino-amerikane, afrikane apo venezueliane në SHBA, duke përmendur si shembull deportimin e qindra migrantëve në një burg me siguri maksimale në El Salvador, ku sipas tij ata jetojnë në “kushte çnjerëzore” dhe i nënshtrohen “torturës psikologjike”.

Ky paralajmërim i Venezuelës pason një alarm të ngjashëm nga Departamenti Amerikan i Shtetit, i cili javën e kaluar këshilloi qytetarët amerikanë të mos udhëtojnë në Venezuelë dhe të largohen sa më shpejt nga vendi, për shkak të “rreziqeve serioze” të ndalimeve arbitrare, krimeve të dhunshme dhe trazirave civile.

Aktualisht, SHBA nuk ka as ambasadë e as konsullatë funksionale në Venezuelë, çka e bën të pamundur ofrimin e ndihmës për qytetarët e saj në territorin venezuelian.