Gjendet një i vdekur në Prishtinë, këto janë dyshimet e para

Një ngjarje e rëndë është raportuar në orët e para të mëngjesit të sotëm në lagjen Ulpiana të Prishtinës, ku një person është gjetur i shtrirë në tokë dhe i gjakosur, pranë vendit të njohur si “Fontana”, mëson Sinjali.

Sipas informacioneve fillestare, rreth orës 06:15 të datës 29 maj 2025, është raportuar për një trup të dyshimtë në tokë. Në vendin e ngjarjes është dërguar njësia policore, e cila ka konfirmuar se personi ishte pa shenja jete dhe me gjurmë gjaku, duke ngritur dyshime të forta për vetëvrasje.

Menjëherë në vendin e ngjarjes ka arritur edhe ekipi mjekësor nga Urgjenca, i cili ka konstatuar vdekjen e personit. Gjithashtu janë njoftuar hetuesi kujdestar, krimtekniku dhe njësitë tjera të nevojshme, të cilët kanë marrë në dorë rastin për hetim të mëtejshëm.

Identiteti i viktimës dhe rrethanat e sakta të vdekjes ende nuk janë konfirmuar zyrtarisht, ndërsa hetimet janë në fazën fillestare.

Mos harroni çadrën: Ja çfarë moti na pret sot

Sot parashikohet depërtimi i masave të ftohta dhe të lagështa, me ç’rast pritet të mbajë mot kryesisht i vranët dhe kohë pas kohe me reshje shiu, të cilat lokalisht pritet të jenë në formë të rrebesheve, të shoqëruara me disa shkarkesa rrufesh.

Era do të fryjë nga veriu, e cila herë pas here pritet të jetë e fuqishme, me shpejtësi prej 10-45 km/h, raporton MeteoKosova, transmeton Gazeta Sinjali.

Temperaturat do të pësojnë ulje, me minimale që do të lëvizin prej 8 deri në 11°C, ndërsa ato maksimale prej 15 deri në 18°C. Orëve të pasditës temperaturat pritet të ulen nën 15°C.

Këto janë rrugët që do të bllokohen pas pak në Prishtinë – shkak protesta e bizneseve

Bizneset e Kosovës do të protestojë sot kundër vendimit të ZRrE-së si shkak i mos-shtyerjes së vendimit për liberalizimin e tregut të energjisë, vendim ky që hyn në fuqi pas tri ditësh.

Për shkak të kësaj proteste do të bllokohen hyrjet kryesore në kryeqytet.

Protesta do të fillojë nga ora 10:00 dhe do të vazhdojë deri në ora 12:00.

OEK shton se do të përdoren mjete për bllokim, do të jenë automjetet e kompanive të prekura nga vendimi i ZRRE-së, që sipas OEK-ut me qëllim të sigurohet një prani e dukshme dhe të theksohet ndikimi që ka ky vendim në sektorin privat.

Lokacionet e bllokimit i keni më poshtë:

Hyrja nga Veterniku – Hyrja nga Gjilani – bllokohet hyrja nga Albi Mall e poshtë Veternikut – Kështu bllokohen të gjitha hyrjet (Ferizaj, Gjilan, Aeroport)

Hyrja nga Fushë Kosova – Hyrja nga Mitrovica – do të bllokohet hyrja prej rrethit të Madh te Lakrishtja (Dukagjini toëer) – Kështu bllokohen të gjitha hyrjet nga Mitrovica dhe Fushë-Kosova

Hyrja nga Podujeva – Hyrja në lagjen e Vranjevcit – te ish-Humanisti – Udhëkryqi te banka Raiffeisen – bllokohen hyrje-daljet nga Podujeva, por edhe lëvizjet nga Dragodani në drejtim të Shkabaj/Orlloviq.

Tahiri: Më e keqe se bllokada do të ishte formimi i qeverisë nga Kurti

Deputeti i PDK-së, Abelard Tahiri, ka thënë se më e keqe se bllokada e Kuvendit të Kosovës është nëse kreu i VV-së, Albin Kurti, do ta formonte qeverinë.

Sipas Tahirit, prodhuesit e Kosovës, me Kurtin kryeministër do ta shihnin tmerrin e vërtetë dhe sipas tij, atëherë Kosova do të hynte në fazë të rrezikshme.

“Mendoj që këta prodhues atëherë kanë me pa tmerrin e vërtetë, atëherë Kosova ka me hy në një fazë shumë të rrezikshme, shumë të dëmshme që mendoj se ka me u zvogëlu edhe më shumë në numrin e popullsisë, ka me u zvogëlu edhe në biznese, dhe ju e shihni ata që e mbajnë ekonominë e vendit”, tha Tahiri në RTV21.

Nesër do të jetë seanca e 23-të që Lëvizja Vetëvendosje do të provojë që për kryetare të kuvendit të votohet Albulena Haxhiu.

Zbulohet harta sekrete: Serbia me 48 baza ushtarake e policore drejt Kosovës!

Gara e nxehtë për Prizrenin – Këta janë emrat për kryetar komune

Në emisionin “Politiko” janë shpalosur detaje ekskluzive rreth kandidatëve potencialë për zgjedhjet lokale në komunë e Prizrenit. 

Autori i emisionit, Kushtrim Sadiku, ka treguar kandidatët potencial në garë për të parin e kësaj partie.

“Pritet se kandidaturat janë këto, Shaqir Totaj kandidon për të rimarr Prizrenin nga Partia Demokratike e Kosovës, për LDK-në e kemi Driton Selmanaj, ndërsa tek Vetëvendosje është një dilemë se a do të jetë Artan Abrashi apo Hajrullah Çeku, ndërsa për Aleancën nuk ka ende një emër”, ka thënë Sadiku. /Gazeta10 

Hyrjet kryesore të Prishtinës nesër do të mbyllen, Komuna del me njoftim

Komuna e Prishtinës ka njoftuar se nesër disa nga hyrjet kryesore të Prishtinës do të jenë të mbyllura përkohësisht, si pasojë e një proteste të paralajmëruar nga Oda Ekonomike e Kosovës.

Protesta do të zhvillohet nga ora 10:00 deri në ora 12:00, si shenjë kundërshtimi ndaj procesit të liberalizimit të tregut të energjisë elektrike, i cili pritet të hyjë në fuqi më 1 qershor 2025.

Në njoftimin e Komunës thuhet se zonat që do të preken nga bllokimi janë: Hyrja nga Veterniku dhe Gjilani, përfshirë rrugën pranë Albi Mall dhe pjesën poshtë Veternikut (akseset nga Ferizaj, Gjilan dhe Aeroporti), hyrja nga Fushë-Kosova dhe Mitrovica, konkretisht në rrethin e Madh te Lakrishtja (Dukagjini Tower) dhe hyrja nga Podujeva, në lagjen Vranjevc – përfshirë zonën te ish-Humanisti dhe udhëkryqin pranë bankës Raiffeisen (bllokohet qasja në drejtim të Podujevës dhe nga Dragodani drejt Shkabaj/Orlloviqit).

Automjetet e bizneseve pjesëmarrëse do të pozicionohen në rrugë, duke pamundësuar përkohësisht qarkullimin në këto segmente.

“Lusim qytetarët për mirëkuptim dhe sugjerojmë planifikim alternativ të lëvizjeve gjatë kohës së protestës. Institucionet e Kryeqytetit janë në komunikim të vazhdueshëm me autoritetet përkatëse për të garantuar sigurinë publike dhe menaxhimin sa më efikas të situatës”, thuhet në njoftim.

Fshihen nga sistemi gjobat e 10 viteve të fundit, zbardhet procedura që do të ndiqet

Policia e Shtetit, Policia Bashkiake, IKMT, Autoriteti Kombëtar i Ushqimit dhe Inspektorati Shtetëror Shëndetësor do të çojnë në drejtorinë e taksave listën e gjobave të gjitha penalitetet që nuk janë paguar, me qëllim heqjen e tyre nga sistemi.

Individët apo subjektet që konstatojnë se masa administrative ndaj tyre nuk është fshirë, kanë të drejtë të paraqesin një kërkesë pranë strukturës përkatëse vendore.

Verifikimi i kërkesës kryhet brenda 5 ditëve dhe në rast se refuzohet, subjekti ka të drejtën të ankimojë vendimin në gjykatë.

Sipas vendimit, procesi i heqjes/fshirjes së masave përfundon brenda 60 ditëve nga hyrja në fuqi e vendimit.

Për masat administrative të paekzekutuara që nuk kanë të qartësuar tipologjinë e ndërtimit pa leje, afati zgjatet në 80 ditë, dhe kërkohet një akt ekspertimi i nënshkruar nga tre ekspertë të licencuar.

Ky është 54-vjeçari që u gjet i vdekur në Veri, dyshohet për vetëvarje

Një rast i rëndë është shënuar në fshatin Varag të Zubin Potokut, ku një burrë është gjetur pa shenja jete në rrethana të dyshimta.

Sipas informatave zyrtare, sot, rreth orës 13:25, QKMF-Zubin Potok ka njoftuar Policinë për një rast të dyshuar të vetëvarjes. Njësitet patrulluese dhe ato hetimore, bashkë me ekipin mjekësor, kanë dalë menjëherë në vendin e ngjarjes, shkruan Insajderi.

Viktima është identifikuar si Blazo Radovanoviq, rreth 54-vjeçar, raporton Sinjali.

Sipas ekipit mjekësor, ai është gjetur i varur me litar në ballkonin e një shtëpie të pabanuar, në pronësi të tij. Mjekët kanë konstatuar vdekjen në vendin e ngjarjes.

Hetuesit kanë marrë deklaratën e një dëshmitari, i cili ka thënë se e kishte parë për herë të fundit viktimën më 27 maj rreth orës 17:00, ndërsa mëngjesin e sotëm, rreth orës 13:15, e kishte gjetur të varur në ballkon.

Me urdhër të Prokurorit të Shtetit, rasti është inicuar si “Vdekje e dyshimtë” dhe trupi i pajetë është dërguar për obduksion në Prishtinë, për të sqaruar plotësisht rrethanat dhe shkakun e vdekjes.

15 vjeçari, kosovari më i ri që niset për në Haxh

Leon Begolli, 15-vjeçar, është besimtari më i ri nga Kosova që mëngjesin e së shtunës mori rrugë drejt vendeve të shenjta për ta kryer obligimin e Haxhit.

Për këtë udhëtim shpirtëror që po e realizon, me dy prindërit dhe motrën, djali nga Fushë Kosova është i lumtur e falënderues.

Të njëjtën ndjenjë e patën edhe besimtarët e tjerë që destinacion kanë Qabenë.

Nga Kosova drejt vendeve të shenjta, në grupe të ndara do të udhëtojnë 1576 haxhilerë, ndërsa kthimi i tyre pritet të bëhet në datat 16, 17, 18 qershor 2025.